               |
| 13/4/2001 (五) |
| 矇豬今日正式進駐我家啦, 不過佢幾衰呀, 我係街街睇佢個陣呀, 竟然係我到呵尿尿呀, 人地仲要去街街架麻, 好彩唔係好大浸味啫, 不過我最終都係敵不過佢可愛既面孔, 所以都係買左佢番黎呀~~ 不過我發覺, 原來佢真係好曳架~~番到我屋企之後仲係我條褲褲到尿尿呀~~ |
| 15/4 (日) |
| 原來教育兔兔真係好難架, 見矇豬咁得意, 諗住比佢舒舒服服坐係Sofa到影張相啦, 點知佢就係Sofa度呵尿尿, 好彩我手快渣, 唔係浸左入去就死啦~~~ |
| 16/4 (一) |
| 今日矇豬好叻呀, 住駐我屋企第四日就已經可以係個籠頂到自己跳出黎, 我發覺佢真係好唔鐘意留係個籠到, 可能真係太細啦, 所以成日都要出黎玩, 仲走去厠所添, 搞到個肚肚D毛濕晒, 我驚你濕thei thei唔舒服幫你抹乾佢, 你仲一大口咁咬落黎~~~哼!!! |
| 17/4 (二) |
| 矇豬佢好似己經認得要係個籠到尿尿同屎屎囉, 因為佢都冇再係個籠以外既地方方便, 所以我都開始成日比佢周圍走,同埋呀, 佢真係好鬼死鐘意食"叉糧"架(我幫日本貴價糧改既) |
| 18/4 (三) |
| 矇豬己經榮升左做矇豬格格喇, 因為佢大小姐要人服侍, 要人餵草草先肯食, 不過佢好冇儀態架, 成日擘大隻腳扒係到, 隻腳版底又黑mum mum 喎, 真係比佢激死, 不過佢今日第一次自已番入個籠到呀, 平時佢都唔會既, 可能太肚餓啦, 唔番唔得呀, 冇得食麻, 同埋佢而家開始好鐘意走入我間房到玩啦, 一入黎就走去枱底挖呀挖… |
| 19/4 (四) |
| 矇豬今日開始食報紙啦, 真係咁好食咩~~不過佢夜晚呵串串呀, 仲有少少cream…嚇死我…不過好彩佢都好生猛, 拼命地咬籠, 再向後拉想出黎玩呀~~咁我都放心d… |
| 20/4 (五) |
| 今日矇豬第一次食timothy 草草, 好彩, 佢都好有興趣呀~~仲有我發現左d得意野, 就係矇豬每一次入個籠度既時候都好緊張黎一個u-turn, 睇下對門有冇close 到, 食兩啖糧又望一望, 緊張到死, 不過我見到佢呢個樣都覺得好好笑~~ |
| 24/4 (二) |
| 今日終於同矇豬換左間新屋啦, 有三層架, 佢都好似好鐘意咁, 仲成日訓係三樓添, 而且想出黎玩個feel都好似冇之前咁強烈啦, 起碼冇咬籠先啦~ |
| 27/4 (五) |
| Noki 今日正式進駐我家, 同佢女朋友仔矇豬見面啦, 起初我仲諗矇豬會唔show Noki 而 Noki 就好鐘意佢, 點知一見到面, 矇豬就係咁跟住Noki 尾行, Noki去邊佢就去邊, 好得意呀, 不過基於本能既問題, 就算Noki 第一日見矇豬都好啦, 照禽可也…唉, 點算好~~~ 唔通真係咁快要變做Nok公公… |
| 28/4 (六) |
| Noki 好似都已經熟習左我屋企既環境lu, 不過摸佢個陣係都係好快咁逃走呀, 今日雖然唔洗番學, 但搞兩隻兔兔既野就忙左我成日囉, 一起身己經見到矇豬d糧清晒, 不過因為要教琴既關係, 所以都唔得閒餵佢地食野, 等教完之後, 就開始準備佢地既午餐, 又放左佢地出黎玩, 因為唔想佢地有BB, 所以就要睇實佢地, 唔可以比Noki得逞, 不過佢都係好猴禽呀~~~仲有呀, Noki同矇豬一樣, 都好鐘意走去我間房到搞搞震呀, 今晚一放Noki出黎, 佢就走左入黎幾次, 要我趕佢先出番去呀, 可能佢好enjoy air con啦~ |
| 29/4 (日) |
| 今日教完琴之後去左買Yogurt 比Noki 食, 點知佢一d都唔比面呀, 死都唔肯食, 仲一副好得戚, 我係唔食呀, 吹咩咁既樣, 真係激死我, 結果就係由矇豬執佢口水尾啦, 等我仲特登走去買…好巴閉咩~~~夜晚Noki老豆黎探個仔, 睇下佢咩事發皮氣唔食野, 點知佢就即刻乖晒, 又肯比人抱, 又唔禽呀矇豬, 好叻咩, 蝦我既~~~~~~矇豬都係呀, 成個 pat 痴住左d 爛屎屎, 又唔肯比我抹, 搞到我氹氹轉呀, 真係激死!!! |
| 30/4 (一) |
| 見到矇豬d屎屎正常番, 都安心d, ytd 真係赫死我~~ 今日佢地都叫做幾乖啦, 放左出黎都冇乜點曳曳, 夜晚個陣佢地兩隻兔仲爭我手上面既叉糧添~~ |