               |
| 1/6/2001 (五) |
| 終於有貴糧食啦今日, 佢地緊係開心啦, 不過矇豬就好苦惱啦, 因為佢多次突破我房門障入到黎之後, 媽咪今日又去左買一塊大膠版, 封住個門口啦, 而佢, 咪好奇怪咁係到聞呀, 爬呀, 望呀, 明明見到入面, 但係又入唔到去, 點解呢?? 點先可以入到去呢? 又跳唔過喎, 見到佢我都想笑呀, 哈哈~~ |
| 2/6 (六) |
| 今日有人黎左同佢地玩呀, 仲玩到好夜, 結果佢地兩隻野係夜晚先會做既低能野就比人見到晒lu… |
| 4/6 (一) |
| 一切如常丫, 不過夜晚矇豬唔知做乜野係度咬住支飲管唔放, 但係又唔係咬喎, only好似人地舉重咁咬住唔郁~~ |
| 5/6 (二) |
| 落好大雨呀今日, 唔知係咪咁影響左矇C心情呢, 佢地居然一反常態食營養高既bunny basic而唔係日本糧呀…奇怪奇怪… |
| 7/6 (四) |
| 兩兔新玩意>> 咬跑步機塊膠d粒粒呀, 佢地咬走左三大粒呀!! |
| 8/6(五) |
| 原來矇豬識上唔識落架, 佢今日跳左上琴頂呀, 到成4尺高呀, 見到佢個陣佢就企左係到唔上唔落, 又行唔到喎, 結果咪比我救番佢落黎囉, 真係服左佢呀~ |
| 9/6(六) |
| 今日又接到投訴, 佢地兩隻野居然大膽到走去咬地主公公條電線呀, 仲要係差少少斷個隻添喎, 所以就即刻比我捉左佢地去拜拜囉, 真係麻煩呀佢地, 夜晚仲比我發現電視個搖控冇左三粒制呀…d膠真係咁好食咩? |
| 10/6 (日) |
| 今日大雷大兩, 一早就比雷聲嘈醒左, 出去睇下佢地兩隻野啦, 一出到去就見到矇豬好緊張咁企/坐左係三樓, 之後周圍望下, 都唔知佢做乜, 不過d雷聲真係好勁好恐怖呀!! 仲有呀, 電視搖控又再光榮犧牲多好多粒啦… |
| 11/6 (一) |
| 激死!! 矇豬又跳上sofa 大量屎尿啦, 仲尿濕左兩個cushion添, 矇豬, 你好野… |
| 12/6 (二) |
| 矇豬做左賊仔呀, 佢跳左上放糧個紙袋到鬼鬼鼠鼠呀… |
| 13/6 (三) |
| 矇豬正式正為左賊仔兔啦, 佢跳左上個紙袋到咬爛左個日本草個膠袋偷草食呀, 我唔係話唔比你食呀, 不過你都要問下我架麻~~ |
| 15/6 (五) |
| 呢幾日矇豬繼續做佢既賊仔兔, 偷兔糧…唉…仲有呀, 佢又多左個新地方去啦, 就係阿媽間房, 自從一次疏忽比佢走左入去床下底, 發覺有好多紙皮箱可以跳高跳底之後, 佢就成日都想入去玩, 仲帶住CC一齊去阿媽房門度挖洞添, 真係比佢激死呀!! |
| 16/6 (六) |
| 原來矇豬係一隻好有恒心既兔兔黎, 佢今日大大話話都來回去阿媽房門口挖左廿幾三十次洞, 每次都要人趕先肯走, 過多十分鐘又再挖過, 被趕, 再挖, 被趕, 再挖…唉, 真係服左佢, 都唔死心既… |
| 17/6 (日) |
| 今日教完琴番到屋企, 好驚訝咁見到矇豬佢張自己個籠連住二三樓條樓梯拆左落黎, 唔係下麻, 都ok實架喎, 我拆佢都要用少少力, 而佢居然…唔洗發咁大皮氣呀, 平時佢最鍾意訓係二樓之後扒個頭係樓梯到, 打斜訓既, 不過今日都唔得lu,鬼叫你自己拆左佢落黎呀~~曳到死!!! |
| 19/6 (二) |
| 今朝起身番學時見到CC個籠有好多屎, 諗住天氣又熱又焗, 幫佢清咁d冇咁污漕同臭啦, 點知因為我唔比佢出籠玩, 而佢又猛咁頂我隻手都冇用時, 佢就一大啖咁咬落黎, 之後以極速逃走, 結果點? 咪又係比我捉番佢入籠囉, 麻鬼煩架, 仲搞到我差d遲到添呀~~ |
| 20/6 (三) |
| 今日比我發覺左alfalfa有蟻呀, 嚇得我丫, 搞到我即係要黎個大檢查, 結果原來d蟻淨係對alfalfa 感興趣, 咁都好d, 不過我就要同alfalfa 搬屋企啦, 搬落個保鮮袋到, 而後放棄左個底個d… 留番比d蟻食 |
| 21/6 (四) |
| 好開心呀, 因為有人送左糧黎比矇C食, 仲有貴價草同papaya添, $10廿粒, $180五百粒, 好鬼抵呀, 係醫生到買就貴到死, 搵笨架~~~不過呢d papaya 好快咁就成為左賊仔矇既目標啦, 佢幾衰架, 咬爛個紙袋, 之後再扯個papaya 袋出黎咬, 好彩比媽咪發覺左渣, 唔係成包比佢食晒都似呀!! |
| 23/6 (六) |
| 因為有蟻同矇C爭Alfalfa食關係, 今日終放去左買個大箱去裝好d野, 不過番黎個陣就落大雨, 結果個箱就裝晒水...抹乾淨之後, 矇豬都好好奇咁係到聞下聞下, 結果我就抱左佢入個箱到推佢啦, 都玩左幾轉呀, 哈~~不過佢全程都呆下呆下, 淨係識得周圍望, 不過我就覺得好好玩喎~~ 1,2,3, 衝呀~~~ |
| 24/6 (日) |
| 今晚唔知點解好眼訓, 結果就由阿媽幫矇C執屎尿啦, 因為佢唔知餵咩糧比佢地, 結果就比左日本糧佢地食, 緊係開心死佢地啦, 搞到佢地唔show我呀, 因唔洗同我討糧食麻!! |
| 25/6 (一) |
|
今日阿媽話矇豬成日咬跑步機, 所以終於張佢搬走左去第二度, 又將個廳d位移左少少, 平時矇C好鐘意去既茶機底都搬左屋, 而CC就好醒目咁識得去搬左屋企茶機底訓, 而矇豬就好蠢咁係都聞下聞, 好似好奇怪點解唔見左咁...真係冇改錯名, 矇豬->慒豬!! 仲要衰到係CC個籠同CC爭水飲, 用個頭頂走CC個下巴喎, 真係激死~~ |
| 26/6 (二) |
| 今日又係好無聊咁係屋企, 所以兩隻兔就又係好自由咁比我放左出黎, 不過我就一直係房都冇乜理佢地, 直到夜晚聽到阿媽鬼殺咁嘈, 原來矇豬又跳上sofa尿尿喇, 今次就真係斷正囉, 平時都話有我靜靜雞同佢抹左佢丫, 佢就真係以為次次都咁好彩喎, 唉...結果咪比阿媽打屁屁囉~~仲有原來佢地個糧兜已經空空如也, 所以我就順便餵埋野佢地食, 第一次手餵bunny basic矇豬都食呀, 我諗佢真係餓到傻左囉...仲有呀, CC識得跳上sofa玩啦, 佢好似好開心咁, 坐跑~跳呀~行兩轉~落番黎~坐跑~跳呀.... |
| 27/6 (三) |
| 繼尋日唔記得餵佢地食野之後, 慒下慒下既我, 今朝起身番學, 發覺原來我換完水之後唔記得放番個樽去個籠到, 結果矇豬就...冇水入囉, 好彩我ytd成5點先困佢入籠, 今朝又早起身渣, 唔係佢就慘囉... |
| 28/6 (四) |
|
今日矇豬又作反啦, 成日跳上茶几, 將我一set既加菲貓膠公仔逐個逐個掉晒落黎, 又咬雜誌喎, 激死我啦~~~好曳呀~~~!!! |
| 29/6 (五) |
|
今日有新木糠啦, 仲要係大大大包個D添, 買個位仁兄真係辛苦晒呀, 夜晚見到花花(住我樓上驚兔兔超細膽既波斯貓), 所以我就捉左2兔出去啦, 矇豬就當花花冇到, 花花都反應唔太大, 但到CC時...咪大家細膽鬥細膽囉, CC掙扎出飛腿, 花花見到又以為佢好勁, 結果?咪大家同一時間逃走囉~~冇鬼用架~~ |
| 30/6 (六) |
| 唉... 經過矇豬既教導, CC都識跳上茶几啦~~而家佢地兩隻野都已經愛上左跳上茶几玩, 所以就成日比我困入籠囉, 困完放佢佢又跳, 再困, 放左又再跳, 好似都唔知道自己衰乜... 真係蠢呀, 淨係記得膠袋聲係代表有野食, 冇鬼用架, D尿又臭喎, 所以我今日都同佢地黎左個大掃除, 張個變左黃色既屎盤用漂白水又浸又擦, 結果就係變番做白色啦~~ |