                  |
| 1/7/2001(日) |
| 今日本來諗住矇C會有個新朋友仔叫沙律既, 點知...唉...冇左囉...今日我衰衰格咁抱左佢地上去樓梯玩, 矇豬就闊佬懶理, 一於照訓, 而CC, 咪得個驚字囉, 後尾佢望住矇豬落樓梯走左, 佢自己又驚喎, 不過最後都係慢慢咁貼住道牆落左黎, 唔知佢係咪覺得好好玩呢,因為佢夜晚個陣自己走左上去呀, 之後又走番落黎...好似好開心咁~~ |
| 3/7 (二) 兩兔決裂?? |
| 今日唔知做乜鬼, 矇豬係到擒CC然後unun...後尾我係房睇電視時就聽到出面鬼咁慒, 然後就係阿媽大嗌"佢地打交呀"咁, 當我出到去制止佢地時, 已經見到成地都係毛, 一執一執...淺啡色...即係CC架啦, 所以我就即刻困左矇豬, 平時佢地感情都好好既, CC有咩時都搵矇豬, 矇豬又會讓CC, 今日都唔知做乜鬼, 一直都相安無事既...到夜晚, 我放晒兩隻兔出黎, 佢地都冇乜野, 點知後尾又打起上黎, 當然又係矇豬發起先啦, 佢仲要追住CC蝦佢添呀, 我追都追佢唔切...都唔知佢做乜呀, 好姊妹黎架麻... |
| 4/7 (三) 和好如初 ?? |
|
今日要番學, 所以得媽咪係屋企睇住佢地, 佢話矇豬唔知做乜野, 一放左佢出黎之後就扒係CC個籠到冇出去, 唔通要伏佢??... 夜晚去左睇戲,
不過之後因為擔心佢地, 所以就冇去行街番左屋企, 見佢地都相安無事, 矇豬仲周不時lam 阿CC, 可能知自己尋日唔岩啦, 所以鍚番CC掛,
見到佢地咁都放心D... |
| 5/7 (四) |
|
今日起身, 見到矇C訓左係我房出面仲痴到實一實添, 都好D, 我諗佢地都應該好番啦掛, 都唔明佢之前做乜鬼, 成日要我擔心佢地...夜晚, 細膽貓貓花花又落左黎, 訓左係出面鐵閘到, 衰衰既我緊係又諗住抱兔兔出去嚇佢啦, 點知我都未抱, 淨係大叫CC,CC...佢己經一支箭咁標番上二樓lu...原來花花都記得, 佢好驚既兔兔, 其中一隻係叫CC呀!!! |
| 6/7 (五) |
| 今日同左佢地兩隻兔兔洗白白lu, 因為實在太臭啦佢地...同CC沖個陣, 發覺佢原來有個傷口, 應該係先兩日打交個陣留低既, 有成 2 x 3 mm 咁大呀, 不過已經結左焦囉, 真係慘呀, 實好痛定啦... |
| 8/7 (日) |
| 我今日終於的起心肝去執下個衣櫃啦, 點知個兩隻衰野, 唔知邊一隻居然大膽到襯我岩岩行開左既時後, 只係一分鐘到, 就飛快咁跳左入我個衣櫃到尿尿, 真係激死我, 好彩個一個area 咁岩冇衫係度者, 唔係佢地實屁屁開花呀~~ 仲有, 今晚CC唔知做乜鬼傻左, 猛係自己個籠到跑圈圈同跳8字, 知後就到去矇豬個籠到做同樣既野, 唔同佢要練大隻?? 等矇豬再蝦時都叫有得打下?? |
| 9/7 (一) |
| 今日去左睇史力加, 之後就去左買草呀,零食呀, 蘿蔔咬咬棒...番到黎, 就咁將個一大包野放左係地下, 點知過左一陣之後, 就發覺盒蘿蔔咬咬棒走左去sofa個邊, 佢自己識走?? 再睇, 原來係佢地兩隻野又做小偷, 咬爛左個膠袋之後扯盒野出黎, 個盒都穿左個 lone 架啦, 不過就仲未食到支棒棒囉~~ 真係服左佢地呀, 又會咁好鼻既... |
| 10/7 (二) |
|
好熱呀! 見到矇C著住件兔毛衫仲熱! 今日Lunch 去左食 Buffet, 之後去番學, 屋企又冇人, 所以都冇人放佢地出黎抖下氣...放學番到屋企之後, 緊係第一時間放佢地出黎啦, 之後再去拎個西瓜食解下暑, 咁又我緊係比少少佢地試下睇下佢地鍾唔鍾意食啦, CC依然係一個焚化爐, 諗都唔諗就食左落肚, 而矇豬就聞下聞下, 之後又 lam左兩下試味, 跟住就走左囉, 一 d 興趣都冇, 仲好似打左個冷震定 fing左一下頭添呀~~ 真係咁難食咩? |
| 12/7 (四) |
| 今晚矇豬又發癲啦, 係到unun CC呀, 唔通佢...發姣?? 定係聽到雷聲覺得好煩?? 又或者佢呷醋, 要話比CC聽佢先係阿大呢?? 好彩我見到制止左佢渣, CC上次個傷口都仲未好番呀, 不過呢, CC而家好似冇以前咁怕死囉, 以前一摸佢佢就即刻走架, 而家就會一個波咁, 將個下巴貼住個地下唔郁, 等我摸夠喇, 先再周圍走, 不過而家抱佢呢, 佢就識得出飛腿啦, 以前都唔會既... |
| 13/7 (五) |
| 今日又要番學, 之後又出左街, 夜晚番到黎佢地兩隻野都幾融洽, 佢地就開心啦, 我唔係度個緊阿媽餵左好多貴糧比佢地食, 可能想討好佢地呀, 因為佢地比我抱唔比阿媽抱, 阿媽一埋怨個陣我就會話"緊係啦, 我成日餵佢地食野麻, 認得我呀", 可能因為咁, 所以呢排阿媽就成日餵佢地囉... 仲有呀, 矇豬夜晚又係到un CC啦, 真係激死, 赫到CC亦刻走都走唔切, 同埋我終於剪左矇豬屁屁側面個 2 執毛啦, 因為實在太長, 成日痴住D木糠周圍走, 搞到我成日都要掃呀掃, 掃呀掃...... |
| 14/7 (六) |
| 今日矇豬又係癲癲地, 除左又想un CC之外, 就係係自己個籠到勁挖洞洞, 仲要挖挖下黎一個原地180大轉身, 之後再挖, 又再轉身再挖...重複做呢個動作都有成起碼一個字, 之後又走去CC 個籠度同佢爭水飲, 爭完一輪之後, 終於搵到一個位可以大家都飲到水既, 不過矇豬就辛苦d 囉, 要差唔多掉轉左個頭...仲有呀, 之前我係房睇電視時佢無啦啦以極速衝左去廁所到(屋尾), 之後 U-turn 再極速咁衝去花盆到(屋頭), 來回跑左2,3 次, 死啦, 矇豬佢...我諗佢...真係傻左...同埋...開始發情囉... |
|
15/7 (日) |
|
今日屋企開電鑽鑽牆, 不過兩隻兔都唔當電鑽聲係一回事, 照訓可也...咁都得?? 不過到夜晚, CC 就比我嚇親囉, 話說我係廳到入房諗住整一整野, 我又唔記得放番好塊膠板(用黎隔住佢地唔比入房既), 結果CC就係門口到裝下裝想入黎喇, 平時我都會放佢地入黎玩既, 不過個陣我唔得閒睇住佢, 咁咪諗住趕走佢囉, 咁岩房又冇開燈, 淨係得D 電視光, 我未烏低身, 兩隻手好似想捉佢咁再"WOO"左一聲, 點知就嚇到佢成隻兔彈係即刻掉頭挑走, 連路都唔睇...結果咪"PANG"一聲撞左埋番膠皮到囉, 之後先識兜過佢黎行, 而家諗起佢撞埋佢個樣都想笑呀~~~~哈哈哈~~~呵呵呵~~~ ^()^ |
| 16/7 (一) |
|
尋日唔記得左餵papaya, 結果今日既零晨先餵佢, 一拎包 papaya 出黎, 佢地兩隻野就已經即刻走左埋黎, 矇豬仲同我搶添呀,
咬住個袋向後扯, 搶到之後仲要走去 sofa 罅到添, 好似當左成包都係佢咁, 激死~又笑死~~ 之後我當然繼續同佢玩呢個搶搶遊戲啦,
佢仲搶到企都企唔穩, 爭d向後仆添呀, 好彩後面係牆渣, 唔係又出洋相啦!! |
| 17/7 (二) |
| 激死我啦, 我只不過係講完電話唔記得放番佢係一個高 d既位之麻, 只不過係十分鐘, 個兩隻衰野唔知邊一隻就同我咬斷左佢~~~!!!! 激死我啦!!!!!!!!! |
| 18/7 (三) |
| 今日放學番到屋企之後放左佢地入黎房到玩, 我用d 被同枕頭整左個L既罅比佢地玩, 佢地就係到捐黎捐去, 我走去嚇 CC, 佢驚到即刻搵窿捐, 結果就捐左入個枕頭袋到囉, 一路行到尾, 佢就發覺死喇~~ 因為係冇出路既!! 而我就坐係到望住個枕頭袋裡面有d 野郁黎郁佢, 十分過引, 佢挖左一陣之後就識得掉頭啦, 點知...佢掉頭既時候又捐左去平時用黎笠住個枕頭個一個套到, 所以佢係搵唔到出路架~~~哈哈哈, 結果佢兩邊走左一陣都出唔到黎, 見佢咁慘咁, 所以我就救左佢出番黎lu... 好過引~~ 嘻嘻~~ |
| 19/7 (四) |
| 今日無無聊聊係屋企, 見到CC扒係茶机底咪諗住同佢玩囉, 所以我又扒埋係度, 點知玩玩下佢走佬, 仲黎左幾個後腿踢...之後...唉...我塊面就濕左囉... 都唔知邊隻衰野係茶机底尿尿, CC個屁屁又比D尿尿整濕左, 結果...咪我塊面受晒囉!! 唉... |
| 20/7 (五) |
| 繼 ytd 比尿灑面之後, 今日打開個雪櫃見到有個好正既大雪糕批, 我緊係好開心咁即刻走去拎把刀切黎食啦, 點知一切又一踩, 嗚嗚嗚...我踩尿呀~~~成個腳板底濕晒...真係激死我啦, 越黎越曳啦, 不過佢地好彩, 唔係有雪糕食佢地實屁屁開花呀 #$%%$^%&#%@#! |
| 21/7 (六) |
| 今日去完寵物城黎, 我諗...聽日屋企就會多個新朋友仔啦, 唔知佢同矇C相唔相處得黎呢? |
| 22/7 (日) 沙律黎啦~!!
|
| 好開心呀, 帶左矇C既新朋友仔番屋企啦, 佢個名叫沙律, 以後矇C日記會多左個主角lu~~ 不過我唔會偏心既, 因為矇豬始終係大家姐丫麻, 不過矇C就有D驚沙律囉, 因為沙律其實係一隻迷你史納莎黎, 而家個半月大, CC都大隻過佢, 佢地連一隻8磅重既貓都唔驚, 居然會怕沙律喎~~不過佢地就冇花花見到兔兔咁嚴重, 起碼唔會拼命逃走, 只係退後幾步, 都會好8掛咁走埋去個籠到聞下聞下既, 矇豬行頭, CC跟尾囉~~ |
| 23/7 (一) |
|
今日放學番黎訓左陣, 咁岩個陣我表姐落左黎同沙律玩, 放左佢出黎行個圈, 點知就同矇豬狹路相逢, 佢仲走去聞矇豬添, 嚇到矇豬走左呀~~
冇鬼用呀, 不過隻貓貓花花仲冇用, 淨係係門口出面聽到沙律吠, 己經一支箭咁上番2樓lu, 夜晚沙律個米飯班主黎探佢, 放左佢出黎一陣,
佢就好開心咁係到彈彈跳, 好鬼得意架, 好似隻跳跳虎咁~~ 仲有呀, 矇C 唔知係咪意識到有狗同佢爭寵, 今日成日走過黎我到, 又用鼻鼻頂我喎, 所以今日都餵左好多貴糧比佢地食, 夜晚矇豬無啦啦係 washroom 個度衝入籠, 原來係尿尿呀, 可能見我同佢清緊個籠, 知道個廁所乾淨啦, 見佢咁乖, 我咪比蘿蔔咬咬棒佢食叫做獎下佢啦, 點知佢驚死比CC見到同佢搶咁, 先咬住棒棒走去CC個籠度周圍望下, 之後就咬住走左去廳中間, 再經sofa 罅跑去餐枱, 然後跑番黎廳中間-->> 餐枱-->>廳中間, 跟住先係到猛咁咬, 都唔知佢做乜鬼, 不過就笑死我囉~~!!! |
| 24/7 (二) |
| 由於樓上既花花太細膽, 所以我表弟捉左佢落黎話要訓練佢喎, 佢放左花花係沙律個籠前面, 沙律當然係走過去聞下聞下啦, 我見咁既情況咪拎 d 點食引埋矇C過黎囉, 結果就嚇死花花囉, 前有狗狗, 側有兔兔, 後尾我表弟都係放過佢比佢走, 當佢好小心咁走既時候矇豬唔知做乜衝過去, 而CC就係後面望住, 結果嚇到花花係一秒之間就唔見左 lu... 仲有, 矇豬好似冇咁怕沙律啦, 佢地踫到面矇豬都冇話即刻走, 唔知第時佢地會唔會好friend 呢? |
|
25/7 (三) |
| 玉兔黎左香港, 所以唔洗番學好得閒, 我發覺原來沙律係醋酲黎, 我餵矇C食野, 同佢地玩時佢都會係到汪汪叫, 同埋當我摸完沙律後餵矇C食野, 佢地又會唔食架, 要我去洗手先... 麻鬼煩呀~~ 仲有呀, 同矇C清籠既時候要用野遮住沙律個籠, 因為佢會呷醋架, 不停咁吠, 直到我理佢同佢玩為止~~~ |
| 26/7 (四) |
| 今日同沙律沖左涼, 滴左眼同耳葯水, 不過佢就唔多合作囉, 成日郁黎郁去追你隻手指咬, 都唔知佢係咪有過度活躍症, 一放佢落地就會發癲咁四圍跳, 好似隻兔仔咁, 都唔係行 or 跑既... 仲有, 今日買左個新玩具比佢玩, 佢都不知幾鐘意係到咬咬咬添呀~~ 不過我唔會偏心既, 所以我都整左個紙皮盒比矇C佢地玩, 因為之前個一個光榮退休左囉, 成個爛晒... 唔知而家呢個可以挨到幾耐呢? 祝佢好運囉... |
| 27/7 (五) |
|
兔兔會食番佢地d屎屎吸收營養, 雖然核突左d, 但佢地d 屎屎都叫做 "頂able"丫, 但係狗狗個d 我就覺得好核突喇, 話晒都好鬼臭加上條條狀, 不過今日我就見到沙律食啦, 因為佢d屎屎'long' 左係個網上面冇跌到落去, 好"un頂"呀~~~ 講番矇C先, 繼上次唔記得放好電話, 十分鐘唔夠就比佢地咬斷左條線之後, 我今日就用完紙巾唔記得將凸左出黎既紙巾塞番入個盒裡面, 結果轉個頭,
D紙巾就成地係, 因為比佢地續張續張咁扯左出黎, 起碼冇左半盒呀, 真係浪費呀~~~ |
| 29/7 (日) |
| 今晚屋企整生果盤, 因為舅父生日喎, 好靚架, 切晒花紋, 所以我就拎左 d切完花紋唔食既比矇C食, 結果都係一見龍眼就走, 哈密瓜呢, 矇豬聞左一聞就走左, 之後又係由CC去執佢口水尾, 食物焚化爐麻, 到蘋果啦, 矇豬先係聞下, 之後用個下巴去磨左幾野, 跟住就唔食lu...而CC, 有名你叫既, 緊係食啦, 佢連話梅都岩既~ |
| 30/7 (一) |
|
今日係Summer course 最後一日番學, 之後考埋個試就會好得閒 lu~~ 放左學之後, 出左去旺角買野比佢地, 終於買左個廁所啦, 因為矇豬實在太麻煩, 唔肯番自己個籠屎屎, 以前都唔係咁既... 夜晚困佢個陣到第二日再放佢, 成十個鐘佢都可以唔呵屎既, 係都要等到我放佢出黎去CC 個籠到呵, 所以CC個籠係特別臭既... 真係衰格呀!! 希望佢會比下面去個廁所到屎尿啦, 唔好浪費我D 錢錢... |
| 31/7 (二) |
|
自從教識矇豬番籠呵屎呵尿之後, 我都係放佢係屋企四圍走既, 非常自由, 可能佢開心得濟, 所以慢慢就將佢個廁所變左去CC個籠度, 再慢慢擴大到茶几底, 廚房, 屋企每一個角落, 真係激死, 所以我呢幾日都睇得佢好緊, 一呵就困佢入籠, 雖然都有走漏眼, 但都比我捉到好多次, 所以好似都有D 改善 lu, 今日仲好乖咁去左個新廁所...既前面同後面屎屎添, 不過就係都唔踎上去, 不過都好, 起碼都係附近先丫~~ |