                  |
| 1/8/2001 (三) |
| 今日沙律唔知做咩對矇C好鬼熱情, 成日走埋去, 結果CC就比佢嚇到即刻走, 但係矇豬就唔多理佢囉, 不過沙律都好似幾鍾意佢地, 成日走埋佢想兔兔同佢玩, 夜晚睇電視個緊, 聽到廚房'奇歷咭拿', 入去一睇, 個廁所前後左右都有幾粒屎屎, 但就冇呵到落去, 不過呢, 裡面就有 2 督尿尿呀, 真係開心死, 終於比面係個廁所到呵啦, 應該都係一兔一督囉, 希望佢地以後都咁叻叻啦, 唔洗我下次又諗住食蛋糕時踩屎咁掃興麻!! |
| 2/8 (四) |
| ytd 先讚完矇豬乖去廁所度尿尿, 點知佢今日就係廁所附近黎一個矇豬散花, 成地都係佢D 屎屎, 仲要衰到跳上SOFA將我放高左既日文書扯落黎咬, 包住書書既牛奶妹花紙已經盡碎, 本書就好似比老鼠咬過咁, 唉…夜晚仲發又癲係個籠度挖挖挖, 只後用兩隻手去將D木糠推去角落頭, 又係度自轉, 好似想拆左個籠咁, 嚇到沙津都係自己個籠向後退, 後尾連CC都係咁, 係個籠度跑圈自轉, 沙律就死咬住舖係籠既衫行圈圈, 都唔知佢地三隻野做乜鬼~ |
| 3/8 (五) |
| 今日去左買咬咬樹幹比佢地, 佢地都好比面咬, 買個陣又見到安哥啦放左出黎LU, D毛真係好鬆好軟綿綿呀, 好似隻綿羊仔咁, 仲有見到D 侏儒兔好平, $100 一隻, D 毛色都幾靚丫, 不過就已經大隻左, 可能因為咁先咁平, 不過都細過大PAT 矇好多LU~~ 想養兔兔的朋友可考慮呀, 大概都大定囉佢地~~ |
| 4/8 (六) |
| 好開心呀, 沙律己經識得sit啦, 真係好鬼叻, 下一部我就要佢識 handhand , 唔知幾時得呢? 因為部電腦死左冇得玩, 番埋今日學考試就正式放我既暑假, 所以都好得閒, 又發覺原來CC 既指甲已經好長同尖, 於是乎我就單人匹馬咁同佢剪左喇, 嚇到佢死, 順便都同佢地兩隻臭兔洗左個白白, 都搞左我好鬼耐呀, 仲有唔知係咪因為阿媽今日用滴露拖過地黎, 拖走晒矇豬既氣咪, 所以佢今日博晒命咁去留下氣味呀, 呢度一粒個度一粒, 麻鬼煩呀~~ |
| 5/8 (日) |
| 今晚電視有狗狗睇, 好得意呀佢地, 真係好鬼死叻, 唔知第時沙律會唔會咁叻呢? 話說今日樓上阿花花好唔開心, 飯又唔係點食, 原來係比我表姐剪左毛呀, 好似個陣矇豬咁, 好鬼過引, 我上到佢見到花花個陣都忍唔住大聲笑左出黎, 結果搞到佢即刻唔show我走左去檯底, 後尾我表弟捉左佢落黎, 出奇地佢冇好快咁逃走, 可能冇mood啦, 矇豬走去佢後面聞左一陣佢都豪無反應...見到佢都覺得陰功, 後尾佢仲自己走左佢我房坐左係到, 見佢咁反常我咪引兩隻兔仔入黎囉, 佢既反應都唔太大, only 係都咕~~, 直到矇豬唔知做乜突然間跳左上張床到, 係阿花隔黎, 就嚇到阿花成個彈起加擘大個口, 兼且心跳加速添, 而矇豬, 咪唔當係一回事咁走左囉, 真係大膽呀~~!! 如果有咩兔兔比賽, 實帶佢去參加者!! |
| 6/8 (一) |
| 呢幾日矇豬都好曳呀, 成日周圍尿尿, 有一排都冇跳上sofa 架啦, 今日又黎番, 最慘就係比阿媽見到丫麻, 以前阿媽鬧完佢都會同佢玩下餵下佢食野既, 不過而家多左個沙律係度, 有時阿媽出街番黎我特登放佢, 佢就會即刻走去阿媽隻腳度冤佢, 搞到佢鬼咁歡喜, 朝朝早幫我餵沙律食飯, 又買零食比佢, 我都未買呀, 矇豬再係咁曳, 就比阿媽打入冷宮架啦~ |
| 7/8 (二) |
|
因為驚放左沙律出黎之後佢會走去矇C個到 (好鬼窄, 我好難先捐到入去), 所以我會同佢穿狗帶, 易D控制佢丫麻, 不過佢就好唔鍾意, 會衝埋去廁所到又典又咬, 想整走佢, 整唔走呢, 就會好唔開心搵地方'哩'埋, 哩係D 角落位, 罅位, 後尾我抱左佢上sofa, 佢就捐左去個cushion 下面唔啋我, 後尾佢嗲媽咪同佢解左條狗帶, 之後猛咁 lam佢, 阿媽想抱走佢佢都唔肯, 後黎我見佢想屎尿抱番佢入籠, 等佢完事諗住放佢啦, 佢衰到我開住門都唔走出黎, 之前都未試過既, 但係阿媽一行埋佢佢就又走出黎嗲佢, 哼! 好叻咩, 所以我都即刻走左摸矇豬同佢玩, 不過佢好鬼麻煩, 因為我隻手有狗味, 餵佢食野佢唔食, 要放係地下先肯食, 激死我, 我洗左手架啦麻... 仲有佢今日非常曳, 因未放矇C之前放左沙律出黎周圍走, 包括矇豬最鍾意既餐檯底, sofa 罅, 紙皮箱等, 總之全屋都有沙律既氣味, 結果矇豬一出黎就呢度放2粒, 隔2尺到又放兩粒, 紙皮箱到又放幾粒, 滿佈屋企每一個角落, 結果我就執餐慒呀!!! 成日係到霸地盤, 激死!! |
| 8/8 (三) |
| 我發覺矇豬越黎越為食啦, 唔理個一個係邊個, 只要佢見到人腳, 就會跟住佢行睇下有冇得食, 好似今晚教琴咁, 我個兩個學生 ( 大人黎, 唔係小妹妹)黎到, 佢就跟住人行, 跟呢個冇野食呢, 就跟另外一個, 好喇, 人地比糧佢食啦, 佢見唔係三十幾蚊300g個一隻, 而係七十幾蚊3000g既 Cheap野, 佢就即刻唔彩人, 咀刁到死, CC就唔同呢, 雖然細膽D, 次次都係等矇豬去試探下有冇得食, 有喇先至蒲頭, 不過佢就乜都食, 就算矇豬食過唔要既佢都食, 因為矇豬太咀刁, 又謹慎, 比野佢食時佢會lam下lam下試過味先, 所以今日我比最後既半塊香蕉乾矇豬食時, 佢咬住左又唔食係到試味, 結果就比CC係佢個口到搶走左, 哈哈, 佢地kiss 呀~~~ 不過我見矇豬個樣十下十下咁, 都唔知做咩事無啦啦冇左塊香蕉乾, 我都幫佢係CC度搶番未放晒入口既少少比番佢食, 哈~~抵佢架, 咁咀刁丫拿!! |
| 9/8 (四) |
| 今日又係放矇C出黎之前先放沙律出黎發一發癲, 結果佢去蝦CC呀, 係個籠出面搶CC d草食啦, 又係到咬掛係CC個籠出面既烘燶麵包, 不過CC都唔理佢, 用個patpat 得住佢繼續食佢既草草, 之後仲衰添呀, 我見佢係籠度呵左屎屎, 又痴住左個底, 咁我咪放左佢係 sofa, 諗住幫佢抹番乾淨啦, 點知佢就係 sofa 度尿尿, 仲要好冇野咁扒係 sofa 柄度望住我, 最衰既係佢用d 手手腳腳濕左d 尿尿再周圍抹, 結果成張 sofa 都係尿, 抹到我一隻野咁, 之後又要用滴露抹, 搞到我遲晒到去睇戲, 不過好彩約我個一個仲遲渣, 所以沙律既下場就係比我鬧鬧鬧, 仲要望住我同矇C玩, 餵佢地食野都聲都唔敢聲呀~~ |
| 10/8 (五) |
| 今日, 沙律幫我揭發左矇豬既惡行, 話說沙律係好鍾意食兔仔屎既, 一見到就會想即刻撲埋去, 咁我今日抱佢上sofa玩時佢就唔知做乜鬼成日走去最右邊個位到, 係咁聞坐同'埃'住個一個接位條罅度, 我抱走佢, 佢又跑番去個度, 原來, 個條罅裡面收埋左有十幾粒屎呀, 個死矇豬丫, 係sofa疴屎己經衰架啦, 仲要收埋佢喎, 搞度我執都要伸隻手入去條罅到, 好似人地尋寳咁搵番佢d屎出黎!! 豈有此理丫!! 下次比我捉到你你就死~~!! |
| 11/8 (六) |
| 矇豬又比人鬧啦, 除左電線同紙外, 佢都好鍾意咬皮既, 個sofa 腳就比佢咬到見到入面d 木喇, 唉...好地地一張sofa... 今日, 終於比阿媽發現左佢咬埋坐位個度添, 穿左一個大lone 呀, 其實我都發現左好一陣子架啦, 不過唔敢話比阿媽知, 不過終於比佢發現左, 好彩佢都知人鬧佢既, 佢一聽到我地既跑步聲同大聲係度嘈, 佢就會以高速逃走架啦, 好鬼醒目, 相反cc呢, 雖然細膽, 但只要你唔行到埋去佢個一度, 佢就啋你都傻既, 話之你嘈到拆天丫, 佢都唔會理你~ 仲有呀, 夜晚諗住同矇豬執一執 d 屎屎, 因為太多啦, 唔係佢又嫌個籠污漕唔番入去疴架啦, 點知我一執, 佢又尾巴一蹺...我都知佢咩事架啦, 但都未黎得切有反應, 佢就己經一大督熱騰騰既尿疴左落我隻手到啦, 可憐既我, 成手又屎又尿...唉... |
| 12/8 (日) |
| 因為阿媽話屋企附近開左間寵物店, 有兔仔賣喎, 所以今日就去行左一轉, 順便買番包日本草比佢地, 因就黎食晒lu, 同埋中左包草磚, 之前買過 kaytee 既比佢地, 但連 CC 都唔吼, 所以今次買左日本既比佢, 希望佢地食啦, 話晒得個手掌咁大盒要成 2杯芒果粒粒爽架麻, 不過我見個到既價錢同金魚街都一樣, 咁以後就方便好多啦, 唔洗山長水遠抽番黎呀~~ |
| 13/8 (一) |
|
矇C d 主糧就黎食晒, 我又未去入貨, 佢地個兩隻野唔知邊鬼隻仲要係個糧兜疴尿, 浸到 d 糧發晒, 真係激死我, 都唔知自己就黎缺糧,
雖然佢地鍾意食日本個隻多D... |
| 14/8 (二) |
| 今日帶左沙律去打第二針, 順便睇一睇皮膚, 佢呀, 去到醫生度就扮乖, 又比醫生洗耳仔, 又唔咩都咬, 等個醫生都讚佢乖... 不過佢比醫生話佢好八掛, 哈哈~~不過我都覺, 只要用一條濕毛巾, 兩邊'fing' 落地, 佢而經可以玩得好開心, fing 去左, 佢就跑去左撲, fing 去右, 佢就跑佢右撲, 係前面既, 就用手'wear', 十足十一隻貓呀~~ 夜晚, 食左今年第一個水晶梨, 我當然切左一小粒比矇C試啦, 同樣, 矇豬都係唔吼, 到而家, 仲未搵到一樣生果佢係鍾意食既, 而CC又係好踴躍咁好比面同我食左佢, 除左籠眼, 佢咩生果都會放落口既...餵食到不得了, 最抵死係連話梅都想食, 好彩放塊豬肉乾埋佢佢都識走, 唔係就真係要同佢睇睇醫生囉, 雖然矇豬好咀刁, 但佢就真係好鍾情個一隻隻日本貴糧, 唉..., 唔貴唔食, 所以成日做左跟尾兔, 我一出廳比佢見到呢, 就死喇, 佢實死跟爛跟, 行到邊跟到邊, 好鬼有恒心既, 我係度打圈行, 行到自己都有d頭暈, 佢都係咁跟, 直到我比貴糧佢食為止, 三十幾蚊0.3kg, 話咁快就食完呀~~~ |
| 15/8 (三) |
| 今日矇豬又係好煩咁成日跟住晒, 要酒 d貴糧落地下先可以擺脫到佢, 不過佢蝦CC呀, 平時一放佢, 佢都已經即刻走去CC個籠屎尿架喇, 都算啦, 佢都叫醒目, 識得保時自己個籠乾乾淨淨麻, 但佢衰到一入去就騎住左CC條頸, 之後尾巴一蹺, 我都即刻推開佢架啦, 但CC 條頸己經有幾粒屎同半督尿啦, 不過佢就豪無反應囉, 佢又係既, 扒左係屎尿個一個位到, 搞到個身臭晒呀~~~!! 仲有呀, CC今日第一次自己困住左自己入籠, 因佢個籠係放左係個膠兜到, 所以大力啋對門, 佢就會反彈之後閂埋左, 平時多數都係矇豬先會做 d 咁既白痴野, 個pat 大丫麻, 點知今日到 CC 囉, 淨係見佢個樣十下十下咁係度望, 好似好慘咁~~ |
| 16/8 (四) |
| 今日有兩個同學仔黎左探我個三個衰女, 沙律當然好開心啦, 有人同佢玩喎, 而矇豬呢, 如果冇野食就唔show 你, 唔係都會走過黎既, 但係細膽既 CC就有野都唔食, 一於哩係餐檯底 or 茶机底, 結果比我捉左佢上檯比姐姐玩, 難得人地走入黎探佢丫麻, 夜晚食布冧時, 又係例牌切左一小粒比佢地, 結果一樣, 得CC 一個比面~~ |
| 17/8 (五) |
| 今日又好失策咁比 CC 走左入去阿媽床下底到玩個痛快, 結果我又要爬係到等佢走番出黎, 之後又好失策咁比矇豬係我不知情既情況下走左入我房, 當我發現佢既時候, 佢已經咬到張床單爛晒, 變左D一條條既碎布, 唉...仲有, 我又好失策咁比沙律走左出黎, 可能我之前冇鎖好對門啦, 當我聽到呯鈴嘭蘭走出去望時, 只係見到沙律企左係 sofa邊望住我, 嚇得我即刻走去睇下矇C有冇時, 好彩都冇穿冇爛, 不過今晚CC 想unun 矇豬呀, 平時多數都係矇豬 un 佢既, 不過佢緊係失敗啦, 矇豬個 pat 咁大, 佢兩隻手一放上去己經跟住矇豬個大 pat 線條 '線' 番落黎, 哈哈, 佢隻手手都唔夠大可以㩒住矇豬個大 pat, 矇豬又郁得快, 好彩佢事敗之後都識得扮晒野咁 'lam' 番佢渣, 唔係實比矇豬 un 番轉頭都有份呀~~ |
| 18/8 (六) |
| 今日屋企鑽牆整電線, 所以一直都冇放佢地兩隻野, 到4,5 點, 淨係見到矇豬企左係 2樓好似企唔安坐唔樂咁, CC個籠都舖滿晒屎, 而佢個籠又一粒屎都冇, 我都知佢咩事架啦, 所以都特登抱佢去CC個籠度, 結果佢即刻疴左一大督尿同一大堆屎呀, 真係比佢激死, 唔知係咪因為咁, 成晚CC都追住矇豬想撩交打呀, 搞到我要睇佢地, 又周圍疴尿喎, 第一次渣, 以前都未試過, 反而矇豬就好似乖左dd~~ 總之就麻鬼煩啦!! |
| 19/8 (日) |
| CC終於 un 到矇豬啦, 佢呀, 都不自量力架, 矇豬開頭都唔鬼理佢, 點知佢越 un 越 過引, 其實佢 un 矇豬時都係腳尖掂地架渣, 企都企唔穩, 冇辦法啦, 矇豬大pat 丫麻, 結果就係激嬲左矇豬啦, 矇豬一起身都將佢彈番落地啦, 好彩我捉得實矇豬渣, 唔係 CC 實比矇豬打死呀, 仲要之後都成日走去撩矇豬喎, 都唔知個死字點寫既!!! 仲有, 因為平時通多數都上樓上食飯, 所以屋企都冇乜菜, 所以我今日特登去買左個唐生菜比佢地食, 點知矇豬都係唔食, 都唔知係咪兔仔黎既, 咩都唔食, 都唔為自己健康著想下既, 而CC就一反常態, 淨係食綠色個一部份囉, 青個 d就唔食, 我仲諗住佢會食晒去添~ |
| 20/8 (一)
|
| 唔知係咪因為尋日CC終於成功 un 到矇豬, 覺得自己好勁既關係, 今日佢都冇再撩矇豬lu, 仲好好感情添, 成日互舔大家, 而且都好乖咁冇係籠出面屎屎尿尿, 不過個籠裡面的屎屎數目就真係嚇死人, 同佢執完轉個頭番黎, 都冇半個鍾, 就又疴左成...我諗都有100粒呀, 真係離晒大譜, 想執死我咩~~~日日係屋企唔係執兔屎, 就係執狗屎, 唉... 仲有, 今日佢地兩個試既生果係青葡萄, 矇豬佢當然又係唔食啦, 而CC就淨係舔囉, 可能有d 酸唔鍾意食掛, 下次買左d 甜既再比佢試先~ |
| 21/8 (二) |
| CC佢好似越黎越叻啦, 因為佢識得走番去矇豬個籠到屎尿, 同食佢d 糧, 平時呢, 矇豬做跟屁兔時佢就會企埋一邊, 等矇豬死跟爛跟, 跟到我比野佢食既時候, 佢先走出黎, 腳骨力都慳番呀, 仲有想入我房玩呢, 都會等矇豬推開塊膠板, 之後跟住矇豬入黎, 唔會浪費自己既氣力, 不過矇豬佢而家已經好叻啦, 係我門口用黎隔住佢地, 唔比佢地入黎塊膠板, 矇豬好輕易就可以推開, 只要頭一側, 咬住個膠邊, 向右大力推, 就開到啦, 真係話咁易, 我都嘆為觀止呀, 話晒塊膠板都有成 3 x 2.5尺架麻...就算我用張櫈頂住塊膠板, 佢都不費吹灰之力就推得開, 今日仲走埋上二樓添, 我表弟話一開門就見到佢企左係門口呀, 唔知佢係咪想去搵花花玩呢? 死啦, 第時唔見左佢都唔知係邊度搵番佢番黎呀~~ |
| 22/8 (三) |
|
今日要講下我個細女沙律, 佢呀, 識得 hand 啦, 尤其是放佢係高 d 既地方, 就最聽話喇, 冇法子啦, 佢怕高呀~ 有時為左食野, sit 完會自動比hand, 都廢事等你講個hand字呀, 為食到不得了, 成日都好似食唔飽咁, 餵比佢既糧己經係 suggest 個一個份量既三倍, 一個月唔洗就食晒一大包糧, 都唔知佢個一個咩肚黎, 食完半個鐘唔洗就有屎屎, 直入直出, 同埋矇C 一齊, 搞到我由朝到黑唔係執兔屎就狗屎, 訓訓下覺唔係要起身餵沙律呢, 就係比矇豬推開左個膠版跳上我個肚到, 嗚嗚~~~ 仲有唔知係咪矇豬教識沙律開門, 佢今日居然自己開左個狗籠走左出黎呀, 我係琴房到見到佢咬住阿媽隻拖鞋企係到望住我時, 簡直嚇左一嚇, 都唔知佢點走出黎既, 仲要個樣好鬼神氣添喎, 真係激死~ |
| 23/8 (四) |
| 矇豬今日唔知做乜, 將個草兜咬左出黎, 以前都未試過既, 因為個草兜都整得幾實, 我有時都要好大力先拎到個兜出黎, 不過佢就好似好輕易咁, 之後就將d草整晒出黎, 混埋d木糠, 跟住就係咁挖, 挖到乾乾淨淨, 將佢推去糧兜個邊, 有時又係個到挖番出黎, 都唔知佢想點, 最衰既係有時佢要挖乾淨個地方, 一粒木糠都冇, 先至係個度尿尿, 都唔知 d木糠就係為左吸佢 d尿尿而舖既...不過呢排 CC 都鍾意挖洞多左, 不過係挖紙皮, 搞到成地都係碎紙, 有時又會伸個頭去個草兜下面頂, 可能想看矇豬整跌個兜啦, 不過就失敗左囉... |
| 24/8 (五) |
| CC 終於都可以將個草兜咬左出黎lu, 不過佢就冇矇豬咁衰, 將d 草挖晒出黎之後再撈落d 木糠到, 我諗佢都搬左好耐架囉, 不過一下子就比我放番好 lu, 唔知佢今晚仲會唔會搬佢出黎呢? |
| 25/8 (六) |
| 平時見到d 龍貓通常都唔點郁, 淨係企係度仲要好似好憂鬱咁, 今日CC就做左一陣龍貓喇, 因為佢唔知做乜野成朝企左係到, 兩隻手放係個草兜上面, 企到直一直郁都唔郁, 好似好慘咁, 都唔知佢做乜野...仲有呀, 我之前買個一個以為係生菜既生菜, 原來係一個椰菜黎, 阿媽講我先知呀, 等我下次買番個真係生菜既生菜睇下矇豬食唔食先, 不過我今日都去左寵物城買左 20g 香蕉乾比佢地食, 因為佢地 d 零食都食晒好耐lu~ |
| 26/8 (日) |
| 今日番到屋企, 見到矇豬個籠d 木糠變左綠色, 因為佢又將個草兜咬左出黎, 仲要翻轉左佢添, 可能太熱要發洩下啦, 之後我放佢出黎佢都唔點郁, 淨係choose 左個有利位置扒係到, 直到開左冷氣一陣, 佢先開始周圍走, 推膠板入我房啦, 係阿媽門口挖洞啦, 做跟屁兔啦, 咬紙等, 不過今日又真係幾熱既... 呢排CC成日都係阿媽門口都挖挖挖, 以前通常都係矇豬做既, 不過可能因為成日都比佢挖到入去所以覺得冇挑戰性啦, 所以而家都少左, 而 CC 一次都未成功過, 所以佢仲好努力同有恒心咁挖呀挖~~ |
| 27/8 (一) |
| 3:48 am, 岩岩打緊26/8 日記, 又聽到矇豬係出面挖洞, 因為好大聲, 應該又係將個籠d 木糠挖去糧兜個面啦... 而家就係我房出面挖緊囉... 而家到CC啦, 聽聲應該係挖緊紙皮...又黎左我房度挖lu, 不過當然失敗啦, 因為矇豬都挖唔開個膠板 (我用兩張櫈頂住左) , 佢冇理由成功既, 噢...放棄左lu, 而家兩隻都扒左係我房門口到, 有冷氣麻, CC個樣好似好沮喪咁呀, 又失敗麻~~ 4:02am 果然不出我所料, 今日真係到CC 將個草兜咬左出黎, 翻轉放係地下, 阿媽話佢頂左好多次架啦, 不過佢幫CC㩒番低囉, 點知冇理佢一陣, 就成個翻轉左囉~ |
| 28/8 (二) |
| 今日矇豬做左個好得意既樣比我睇呀, 因為我同佢整個籠D野時唔覺意整到條草係佢個鼻到, 我諗住佢會搖頭or 用手整走佢, 點知佢係豆雞眼望住(雖然平時到係咁), 之後用鼻噴走佢, 我聽到好大聲既 '噴' 呀, 哈哈~好得意, 不過佢夜晚走左去CC個籠到痾尿落個空既糧兜到呀, 仲有幾粒屎, 好鬼核突呀, d 尿尿係個兜到 '郎下郎下'...可能佢發皮氣啦, 個糧兜冇晒野食... |
| 29/8 (三) |
| 今日CC去左探險呀, 話說我係度睇緊電視時聽到阿婆係樓上嗌 " 你隻兔仔好似走左上黎呀", 咁我咪上去睇下囉, 原來係CC黎, 仲己經上左半層去三樓添, 咁我咪諗住走去趕番佢落黎囉, 點知佢就繼續走, 結果我追佢追上到天台, 不過因為天台冇開門, 所以佢又走番落去, 去到二樓時就轉左入去, 搞到係到休息緊既花花都起左身望住佢, 話晒二樓都係佢地盤麻, 無啦啦有兔入侵, 同CC追逐左一輪之後, 可能佢驚啦, 所以我抱起佢時佢郁都唔郁, 番番落黎時就即刻走去茶机底, 唔知佢覺得今次單獨探險刺唔刺激呢? |
| 30/8 (四) |
| 今日入camp, 2/9 先出番黎, 要麻煩媽咪同我照顧三個女lu... |