矇C日記

1/10/2001 (一) 中秋節快樂呀!

今日中秋節, 都叫做係矇C既節日呀, 不過佢地就冇得去搵嫦娥吳剛囉, 因為我去完街番黎發覺阿媽冇放佢地, 亦冇放沙律, 完來佢唔記得開矇C對門呀, 所以我番到去第一時間就放佢地出黎玩, 不過CC好奀皮呀, 係到挖sofa d 綿花, d綿花有成個枕頭咁大呀添呀, 而佢個蠢豬就識咬唔識吐, 我見到佢時佢個口咬住兩條尾咁大舊既綿花, 我想同佢拎走佢, 佢又驚死我打佢咁咬住一大舊綿花周圍走, 真係笑死呀我, 最衰冇相機係手渣, 唔係一定影底佢個白痴樣呀, 後尾我同拎走舊綿花時仲見到d 綿花裡面有2小執兔毛添呀, 都唔知佢之前做乜鬼黎...

2/10/ (二)

今日又比我捉到CC跳上sofa 挖綿花喇, 唉...張sofa 入左U之後先買架, 真係慘呀... 佢呀, 比我捉到時得番個pat 渣, 成隻兔都捐左入張sofa 到, 好彩我扯番佢出黎渣, 唔係佢再挖下挖下, 跌左入去出唔番黎就死啦~~ 仲有呀, 今日矇豬居然食水晶梨呀, 我成個放埋佢個到, 佢就用兩隻牙仔咬下咬下咁, 之前比過9蚊一個既佢, 佢都唔食, 反而十蚊三個既就食, 一反常態呀, 同埋佢食草磚呀, 之前又係唔食既, 但係我今日拎埋去, 佢就係咁咬係咁咬, 總之佢今日就轉死性啦~~

3/10 (三)

矇豬己經愛上左食水晶梨啦, 今日再比9蚊一個既佢都食, 仲要係食得好快個隻, 我諗住比CC既佢都搶埋黎食, 之前就都唔吼既, 都唔知佢做乜既, 怪怪地, 呢排變得冇咁咀刁喎~　而沙律呢, , 今日唔見左呀, 原來佢走左上天台對門到呀, 可能我 ytd帶過佢上去天台bbq啦, 不過冇開門所以佢出唔到去, 同時, 佢都落唔到黎, 因為佢仲未識落樓梯呀, 結果就傻下傻下咁坐係到望住我, 等我黎救佢啦, 哈哈~~

4/10 (四)

我屋企個兩隻餵食豬D口味都怪怪地既, 繼CC對話梅深感興趣之後, 原來沙律都好鍾意食話梅架, 不過其實到而家我都未搵到一樣野係沙唔鍾意食架, 真係為食到不得了呀~~

5/10 (五)

今晚屋企人上左天台賞月, 其實係一個藉口大食一番, 所以我就帶左沙律上去玩, 佢呀, 不知幾開心呀, 周圍走, 出到街又唔見佢係咁喎, 真激死~ 今晚同左CC剪指甲, 又係照例捉佢上餐檯, 捉左我幾鬼耐呀, 大肶又多幾條痕...之後佢又係嚇到傻左, 成個鼻同個咀都濕晒呀, 真係冇鬼用, 以後D人形容人細膽應該係"膽小如兔"呀!! 丫~仲有呀, 第二樣矇豬食既生果居然係唔甜既哈蜜瓜呀~~

6/10 (六)

今日去左睇戲, 番黎之後就同個朋友仔帶沙律去行街, 嘩! 點知佢今日發左癲, 居然係到跑呀, 追左我一條大直路, 我唔停佢都唔停呀, 跑到我丫, 之後又再跑番屋企, 搞到小運動既我真係索晒氣呀, 唔知係咪佢第一次咁跑發, 所以係短短時間裡面佢就疴左兩次尿尿同一次屎屎啦, 真係開心呀, 沙律終於唔驚啦, 仲有呀, 佢識落樓梯啦 ^_^

7/10 (日)

矇豬佢失左蹤呀~~ 佢...佢....成隻兔捐左入個sofa 到呀, 係成隻呀, 之前CC都叫突左個pat 出黎丫, 要我伸隻手入去佢先肯出番黎, 可想而知個sofa 個窿有幾大~~~ 仲有呀, 佢而家連布冧都鍾意食啦, 都唔知點解會突然之間愛上左生果既~~

9/10 (二)

今日我同佢地短暫地換左間屋企住, 冇呀, 我見我諗住放沙律出黎時佢地岩岩交換左黎食野麻, 所以就順便囉, 矇豬疴左好多屎呀, 平時困成晚都冇疴咁多呀~~仲有呀, 夜晚矇豬不停咁係到拔胸毛呀, 如果CC唔係女仔真係以為佢有左就生得呀, 以前都未試過咁既, 拔到成個地下都係毛, 自己個口又咬住 d 喎, 所以我就同佢蚊走左個口d 毛, 有時佢又會口郁郁咁, 吐小小毛出黎, 再口郁郁又吐一執仔, 之後就開始咬個大肶d毛, 大大話話, 咬出黎d 毛搓埋一舊都有成個網球咁大呀, 因為驚佢會吞左d 毛落吐, 所以我都觀察左佢成晚呀...

10/10 (三)

今日係我第一次嬰兒抱到矇豬呀, 平時一想反轉佢佢就出飛腿架啦, 今次抱到可能因為佢驚呀, 因為我係房出去時又見到佢挖sofa, 不過突左半個pat 出黎, 我咪大大聲咁鬧佢同蚊番佢出黎囉, 之後仲拍左佢個屁屁一打, 佢望住我呆左, 我抱起佢又冇反應, 之後就反轉左佢黎抱喇, 跟住再鬧左佢兩句先放番佢落地, 唔知係咪驚得淨, 佢之後呼吸好急呀, 哈哈, 仲有呀, 我覺得佢呢幾日好似瘦左d, 個pat 冇以前咁大呀, 同埋經過佢 ytd 狂蚊毛之後, 可能小左好多毛, 又清減左少少, 不過d毛又好似整齊左dd~

11/10 (四)

今日發現左矇豬第三樣會食既生果啦, 就係黑葡萄喇, 開頭佢都好謹慎架, 舔左好耐試味, 之後先開始咬少少黎食, 不過呢, 跟住就大大啖咁食左lu, 都唔知點解矇豬會突然間冇咁咀刁, 不過就反而瘦左少少, 唔通佢為同沙律爭地盤而好大大壓力, 要食多d野減壓?

12/10 (五)

今日同沙律出黎, 真係比佢激死, 佢居然...執左粒話梅核食呀~~~ 真係核突死~~~ 最慘就係我要係佢個口到拎番出黎, 真嘔心~~ 諗番起都覺得好核突呀~~~~~

13/10 (六)

兔兔會食番自己d 屎屎好正常丫, 不過我屋企既矇豬就除左盲腸便外, 連大大粒既正露丸丸便便都會食, 搞到我好似唔比飯佢食, 搞到要食番自己個d屎充飢好慘咁... 不過唔知佢d 屎屎係真係咁好食呢, 因為沙律都好鍾意食呀, 一見到有兔兔屎都好似執到寳咁撲埋去, 搞到我要佢係個口到 'new'番出黎, 真係麻鬼麻呀, 為食到死!

14/10 (日)

呢幾日我比左好多矇豬最愛既貴糧佢食, 佢好似肥番dd lu, 因為個 pat 大番少少, 不過抱上手都係好似冇之前咁重, 唔知係我抱沙律多覺得佢輕左定係真係輕左呢? 今日經過寵物店見到新出左d 兔兔零食, 個樣都幾吸引, 不過都係冇買到, 一黎驚對佢地冇益, 二黎又驚睇豬唔食喎, 結果...就係買左包餅餅比沙律喇, 佢都好鍾意食呀~~

15/10 (一)

唔知點解, 矇豬梗係好鍾意係d 垃圾堆到搵野食, 每次我同佢執個籠既時候, 佢就會係d 木糠堆到搵野食, 掃完地時又會走去個垃圾剷到搵, 平時係自己個籠時, 就係d 木堆到係咁挖, 一發現木糠堆中有草就會好開心咁第一時間食左去, 之後又再係咁挖, 直到再發現草草為止, 有時我拎條草比佢都唔食, 不過一放係d 木糠裡面佢就會即刻走去食, 都唔知佢咩心態, 咁得意都有既, 而CC就鍾意企係個草兜到壓實d 草, 到到都唔企係要企係個度,兩隻都係怪兔黎呀~~

仲有呀沙律, 都係怪狗一隻, 夜晚餵完佢帶佢出去疴屎屎時, 佢居然... 居然對一隻我最驚既小强感興趣, 咬住左隻死小强既鬚呀, 之前我都已經諗過如果佢出街食小强咁我點算架啦, 點知佢...結果我就拎住佢條狗帶, 企到最遠, 之後咁係咁左右 'fing', 希望可以 'fing' 走佢, 好彩, 都得左, 不過真係好驚呀~~~~

16/10 (二)

今日叫媽咪同我帶左沙律去美容, 開番個裝, 番到黎見到佢差d唔認得呀, 成個樣唔同晒, 隻耳仔冇晒d毛好清楚見到耳窿, 同隻耳仔豎起左, 個頭又冇晒d 毛, 得番個咀附近個d, 十足十一個伯爺公呀, 一d都唔似女仔lu, 企係到時仲成個巴斯光年咁既樣添呀, 好鬼搞笑~~ 不過好彩佢都冇好唔開心者, 仲好似生猛左, 輕盈左添~~

18/10 (四)

今日矇豬格格唔知發咩皮氣, 又將自己間屋拆左, 以前都淨係會拆條樓梯, 但今次就連二樓到跌左落黎, 而三樓就微微傾斜, 都唔明點解佢可以咁大力架~~ 我去到案發現場時, 仲見到當事兔比條樓梯扎住左個大pat, 不過佢就若無其事咁囉~ 今日同佢地拍左d 小短片, 好搞笑呀, 遲d 得閒時我就會放上黎架啦~ ^_^

19-20/10 (五-六)

一切如常, 沙律成日同矇C爭水晶梨食, 基本上係同CC爭, 因為矇豬實在食得太快喇, 一放埋佢個口到一秒鍾就成舊冇左, 而CC就慢慢小小咁食, 所以就成日比沙律搶左去囉, 而家搞到我食野都好慘, 要哩埋食, 唔係就會比沙律搶左去架啦~~

21/10 (日)

今日矇豬同CC都癲左, 猛咁係度互咬大家D毛, 搞到成個地下都係, 最慘就係當我係到掃既時候, 就一腳踩左落灘尿到, 開頭仲以為係呢兩隻衰豬, 鬧左佢地兩句, 後尾先發覺原來係另一隻己經訓緊覺既衰豬沙律, 搞到我冇得鬧佢添~~ 丫~仲有呀, 今日有個新玩意同矇豬玩呀, 就係鬥快推木糠喇, 平時矇豬好鍾意將D 木糠挖挖挖, 之後推埋去個糧兜到, 今日我就係佢一推完企番好既時將D木糠推番去佢隻手到, 佢見咁又再推, 我見咁咪又推囉, 結果大家都推左成十幾次呀, 不過佢見推黎推去D木糠到會番轉頭, 之後就好冇癮咁走左去lu...

22/10 (一)

今日睇番矇豬以前d相, 發覺佢真係肥左好多呀, 不過又係既, 佢越黎越鬼懶啦, 好似今日咁, 佢扒左係自己個籠到, 頭向糧兜個邊, 食野時就懶到淨係伸長少少條項, 再'合'低頭係個兜到拎野食, 個身完全郁都唔郁, 都係懶到冇兔有呀, 唔怪得之咁肥啦, 而cc就一定係企定定咁食, 就算唔食野時都會成日企個到, 之後放兩隻手手係個草兜到, 所以呢, 佢就fit d 喇~

23/10 (二)

平時矇豬好鬼鍾意跳上sofa, 不過我一大聲嗌佢個名佢就會第一時間逃離現場, 今日我坐係餐檯時, 見到矇豬係個sofa頂到行黎行去呀, 好似人地行catwalk咁, 我大叫 "矇豬!打死!" 時佢仲一副好得戚咁望住我, 都唔知道個到高既, 之後 CC 又想跟住矇豬跳上去, 不過就失敗左, 一個咕碌咁跌番落去,哈哈~冇鬼用呀!不過之後我都係走左埋去嗌"打死" , 之後矇豬就逃之夭夭lu..

24/10 (三)

今日我d 同學仔黎左我度燒野食, 最開心既當然就係矇C沙喇, 有人同佢地玩麻, 沙律佢仲興奮到賴尿添呀, 真係激死, 而矇豬同CC呢, 就比人話佢地得意呀, 不過有人蝦佢地呀, 襯我唔係度而佢地自己走入籠時困住佢地, 幾衰呀, 好彩有我出去救佢地渣, 真係冇陰功呀~~不過雖然有咁多陌生人係度, 不過佢地兩隻野都唔係幾驚, 有人餵佢地食野照樣仆到走去食, 冇野食呢, 就搵個有利位置扒係到訓, 成日都傻下傻下咁~

25/10 (四)

今日諗住同矇豬剪指甲, 我己經拎左D 矇豬鍾意食既野放係地下架啦, 諗住等佢食緊野時分散左注意力時同佢剪, 不過佢個衰妹就將D 腳趾就埋晒, 搞到我剪唔到, 最後就淨係剪得佢一隻手d 指甲, 而野食就冇晒, 真麻煩! 仲有呀, 佢今日唔知做乜野係到'蚊' CC 個patpat d 毛呀, 好似佢先排'蚊'自己個d 咁, 唔知佢係咪覺得CC個pat 大, 要同佢'蚊' 咁d毛, 等佢睇起上黎fit d 呢?

27/10 (六)

今日將屋企d傢俬移左位, 所以矇豬佢地間屋都要搬一搬lu, 其間佢地都好八掛, 因為佢地個籠移左去第二度, 我同阿媽又係度周圍騰, 佢地都成日周圍望, 又企係度又'吉'高, 八掛到死, 不過搬完之後而家矇豬訓最入, CC中間, 沙律最出, CC做左沙律鄰居lu, 希望CC接觸得沙律多d, 可以練大d個膽啦, 以後唔會咁細膽, 咩都驚一大餐~~

28/10 (日)

因為沙律個籠換左位, 佢唔識得番去呵屎尿呀, 以前放籠個度又放左個櫃, 搞到佢成日走去個到聞下聞下, 之後就係個度疴囉~~ 跟住仲衰添呀, 唔聲唔聲係我張床到疴, 好彩我都叫發現得快, 即係拎走d野同換左張床單, 又好彩屋企有枕頭多者, 唔係就慘啦, 唉... 要重新教過佢去厠所啦, 真麻煩呀, 都唔認住個籠既, 淨係認個地方...

仲有呀, 今日矇豬'咕'我呀, 惡到死... 我之不過係困佢入籠訓覺, 之後見佢疴左屎諗住同佢執左佢, 等佢個籠乾淨d , 點之佢就猛咁頂同咬對門, 仲肉緊到成個頭180度掉轉左去咬門, 又好粗魯咁頂高左個二樓, 之後都失敗左時就好暴躁咁一路'咕'一路推門, 見佢好似咁慘咁, 都放左佢出黎多一陣, 之後佢個樣都仲好惡呀, 眼啤啤咁...比佢激死, 不過後尾佢又自己走番入籠喎, 都唔知佢搞乜既~

29/10 (一)

今日有芥蘭食, CC同矇豬之前都冇試過既, 因為CC比矇豬為食, 所以我就比佢食先, 佢好快咁就係我手上搶走左黎食, 之後我去餵矇豬, 開頭佢都好緊慎架, 係到聞左一陣, 不過跟住就好快咁食晒lu, 真係開心喇, 又搵到一樣矇豬會食既菜菜, 仲要係佢鍾意食添喎, 不過原來佢地2 隻兔唔鍾意食哈蜜瓜架, show 都唔show 下, 反而沙律就鍾意到不得了喇, 同我搶黎食添呀, 仲要食得快過我喎, 不過真係好味道呀~~

30/10 (二)

平時矇豬好鍾意用下巴磨佢認為屬於佢既野, 包抱佢自己個籠, CC個籠, 垃圾剷, 掃巴, 同佢唔食既食物, 不過今日佢既資產又多左兩樣野喇, 包括係沙律個籠同樓梯機, 之前都未磨過既, 而沙律就好無耐咁扒係個籠到望住矇豬係咁磨, 磨完呢邊磨個邊, 之後仲要係個籠前面放下幾粒便便, 沙律個籠咁就比矇豬霸佔左LU... 仲有我個樓梯機呀, 佢磨完呢邊腳踏就磨另一邊, 就算個邊高起左都要企係到磨兩野, 好似咩都係佢咁喎, 真係丫~

31/10 (三)

今日同沙律玩時, 發覺佢上顎右面冇左隻大牙呀, 紅紅地見到d 牙肉, 之後同佢玩玩下見佢口𡁻𡁻, 之後跌左d 野出黎, 原來係甩埋左邊個一隻呀, 咦~~ 好肉酸呀~~ 仲要我執喎, 點知後尾諗住訓覺時, 係枕頭到搵到埋之前甩左既右邊呀, 好克人憎架, 係人地間房甩牙, 咦....