                  |
| 1/4/2002 (一) |
| 今日有相機，所以當然又捉住兔兔影番幾張靚相啦，突然間發覺好似好耐冇影過佢地請請，所以今次決定要影番幾張，結果就一手拎住佢地鍾意食既食物引佢地請請，一半就拎住部相機喇，不過唔係慢左呢，就係快左，一係冇左個頭，一係手震矇茶茶，真係激死，影左好多先有兩、三張OK，不過 CC 就嬲左我喇，可能嫌我要佢企高，但又唔係次次有得食啦，後尾出到餅餅都唔啋係，唔洗佢請都唔食呀，幾好骨氣呀！ |
| 2/4/2002 (二) |
|
今日買左個震震 cushion，沙律當左佢係敵人呀，開頭我放係佢側面，一震時佢成隻彈起，之後再抱佢上 cushion 到，一震佢又係彈起，一震又彈係，好鬼搞笑，後尾就坐係到望左個
cushion 一陣，跟住就唔怕佢啦，仲有似話佢嚇過佢要報仇添，係到係咁追住黎咬，真係比佢笑死∼ |
| 3/4/2002 (三) |
| 今晚矇豬唔知做乜好鬼 High 呀，係咁係屋頭衝去屋尾，屋尾由衝番去屋頭，ｄ砰砰聲同沙律個ｄ有得煇呀，好似個身唔係自己咁，我見到都驚佢撞親ｄ骨呀，又控唔到佢喎，好彩衝得６、７個圈都攰，扒左係到者，唔係望住佢都唔知點好喇∼ |
| 4/4/2002 (四) |
| 晚晚困矇豬時，佢都會好出力咁咬個籠，想走番出黎，每次睇到，都好驚佢會咬甩牙，夜媽媽又冇醫生睇，都唔知點算好，又唔知有咩方法等佢可以冷靜ｄ喎，唉．．． |
| 5/4/2002 (五) |
| 唔知矇豬係咪想學沙律放個兜係右上角個位呢，今日一起身就見到個草兜翻左出黎，放左係右上角個厠所上面，搞到成個籠都草呀∼∼ 仲有，沙律又嘔喇，不過就係好輕微個隻，嘔番粒提子出黎，仲有塊皮，都係我唔好啦，懶冇 '搣' 都皮比佢食喎，好彩冇係地毯嘔渣，唔係就慘囉∼ |
| 6/4/2002 (六) |
| 今日沙律超級 High 呀，自己係屋企到衝黎衝去，係我房衝去廳跳上 Sofa，之後又衝番入房，都冇人捉佢都係咁衝，之後又定左唔郁望住隻拖鞋，跟住又好似有人搶佢咁撲埋去咬住周圍衝，最後入左我房扮到好身手敏捷咁鼠黎鼠去，我一郁佢就鼠一個圈，鼠左十多個圈之後就定低伸晒脷咁 'HEIHEIHEI' 囉∼∼ |
| 7/4/2002 (日) |
| 零晨時份，樓上打落黎話想拎糖水，所以我就開左對門，點知個兩隻奀皮兔都頂得開，走左出去，到我發覺時都己經成地屎，ｄ樓梯就隔兩級有一粒，隔兩級又有一粒，佢地呀，走到上二樓呀，不過我一上去時 CC 可能驚比我鬧，一支箭咁標番落去地下，估唔到佢跑樓梯可以咁快，３秒到就由二樓跑番落地下，而矇豬呢，反而慢吞吞咁一級一級落番去，可能 Pat 大呀，仲要唔肯入屋喎，想襯我唔覺意再上過去，真係曳呀∼∼ |
| 8/4/2002 (一) |
| 今日天氣較熱，所以房開左冷氣再加塊膠板，不過仍然有冷氣透到出去，所以兩隻肥兔就爭住霸個門口住涼冷氣氣囉，而沙律呢，就本身係一間冇開冷氣既房陪我玩電腦，不過當我一開門準備訓時，佢居然仲比我快，一野就跳左上去，仲要訓左我個枕頭，雖然冷浸浸好舒服，但都冇理由咁惡訓我個住架麻，所以，當然比我搬左佢去訓角尾囉．． |
| 9/4/2002 (二) |
| 今日沙律又發金毛阿 Mark 姣喇，人地企左係門口好乖咁等主人番黎，佢就張個頭伸出個窗到係咁吠，係咁 '鶯鶯' 叫，真係失禮死人，人地都唔
Show 佢，淨係坐係到望住主人番黎個個方向，乖到死，我隻沙律就．．冇黎儀態，唉．．所以咪諗住抱佢出廳囉，點之去到門口時佢竟然用隻腳 'young'
住塊牆，死都唔肯走，真係比佢激死呀∼∼ 仲有呀，矇豬佢地又有新紙皮盒咬啦，佢地咬到鬼咁 High，搞到個紙皮盒自己識得走呀∼∼ |
| 10/4/2002 (三) |
| 呢幾日，我都發現左個問題，就係矇豬冇左下面個兩隻牙仔呀，平時晚晚困佢地時佢都會博命咬籠，呢幾日佢咬時，我都見唔到佢下面個ｄ牙仔，淨係見到ｄ牙肉，唔通咬得博命得淨甩左？定係磨到勁短呢？見佢食野又冇問題，又冇試過發現有甩左既牙仔 or 血咁，究竟點解呢？ |
| 11/4/2002 (四) |
| 最近唔知點解，兩隻衰兔都唔用個厠所呀，真係激死人，之前CC都好好架，淨係係厠所到屎尿，所以清潔都好方便，不過而家呢，就係糧兜個邊到痾，所以我今日決定左張厠所同糧兜調換位置，雖然知佢地唔鍾意我郁佢地ｄ野，不過鬼叫佢咁曳曳咩∼ |
| 12/4/2002 (五) |
| 唔知係咪佢地懶得跳上厠所到呢？同CC換左位，佢係就係企係個一個位去喇，不過就唔企上個厠所到，貼住個厠所邊痾，真係衰呀，企一企上去有幾難丫，咁都懶既？？ |
| 13/4/2002 (六) |
| 我發覺，每次有新紙皮盒時，佢地都會番個籠到屎尿，少左係出面既，真好喇∼ 今次個紙皮盒真係命硬，對上一個第二日己經比矇C開左三個窿，呢一個到而家為止都係得一個渣，不過今次呢個ｄ紙皮都幾厚架，本身係裝冷風機既，我諗，佢可以破以往既紙皮盒生存日數既紀錄呀∼∼ |
| 14/4/2002 (日) |
| 好驚呀，今日沙律訓緊覺時，見到佢個肚皮有隻野呀，好似蚤既物體，想捉佢時佢又唔知走左去邊，死喇∼唔通沙律生蚤？？ |
| 15/4/2002 (一) |
| 為左求個安心，今日都係去左獸醫到買Fountline滴，順便買埋杜蟲葯，都幾貴喎，160 蚊得個３支，仲要每支得２ml．． |
| 16/4/2002 (二) |
| 今日坐係度食食下芒果時，竟然見到係沙律個籠到出現左隻非狗類動物！！就係八掛兔CC喇，平時一出黎都成日係沙律個籠度周圍磨架啦，點知今次竟然咁大膽走埋入去，好彩沙律唔見渣，唔係真係激死佢哦！ 仲有呀，今日沙律竟然走左出街呀，平時有人番黎，佢都只會跳上鞋櫃到，唔會走出街既，點知今日竟然一支箭咁跑左出街，嚇死我，好彩出面冇車同佢都會跑去平時痾尿尿個到，痾完尿尿就冇再周圍跑渣，唔係捉唔到佢就死伙，嚇死嚇死．．． |
| 17/4/2002 (三) |
| 今日開雪櫃睇下有咩好食時，矇豬就即刻跑埋黎八掛一下，跟住就企高扯左包上個月買比CC 做生日禮物，但兩隻兔都唔食既小甘荀喇，跟住竟然係到咬喎∼ 跟住我就洗乾淨左比佢，佢都有食到少少，又會咁奇怪既，之前明明唔食架麻，不過CC仍然唔食喎，聞到佢就好似聞到紫菜咁即刻擰轉面，越大越咀刁呀∼∼ 仲有呀，夜晚困CC時，唔知做咩無啦啦係到踏地，唔知係咪話比矇豬聽呢我要困佢地呢？因為之後矇豬哩埋左係 sofa 後面死都唔肯出黎呀，我用掃把掃佢個 patpat 佢都唔郁，搞左我幾耐呀∼∼ |
| 18/4/2002 (四) |
| 今日矇豬又好high 咁係 cc 個籠到自轉，睇住佢轉左成６、７個圈都冇腳步浮浮，仲可以原地彈跳，ｄ平衡力真犀害，諗住出去睇下佢搞乜鬼，佢都仲可以一支箭咁跑一條直線埋黎睇下有冇得食，頭腦都仲相當清醒，好野好野∼你叫我咁轉發我實訓左係地下度都似呀∼ |
| 19/4/2002 (五) |
| 因為矇豬好鍾意食提子，所以當屋企有提子時我都會比一粒佢食，餵親佢佢都鍾意自己搶走黎食，唔鍾意我拎住比佢，不過次次我都死要拎住既，費事整到地下 '痴立立' 麻，不過今日就就下佢，成粒比佢自己食，點知粒提子太滑，係個地下到走黎走去，佢一咬粒提子就 '滑' 左去，搞到佢係咁追住粒提子，好搞笑！！ |
| 20/4/2002 (六) |
| 今日去買左個新籠比矇豬呀，同CC個隻一樣，不過高ｄ有兩層既，咁放埋個厠所以後佢都可以伸直個兔訓，唔係屈住屈住咁，不過佢成晚係到咬籠，想用個鼻頂開佢，不過呢個ｄ罅比之前個籠大，一頂個鼻就去左條罅到，所以頂黎頂去都失敗，哈哈∼∼ |
| 21/4/2002 (日) |
| 今日一起身就見矇豬反左個草兜喇，諗住同佢整番好佢就想偷走出黎，搞到沙係咁吠，平時矇豬一咬門沙律就吠佢，撲埋去架，我顧得住沙律唔比佢撲埋去時，又顧唔到矇豬，結果比佢走左出黎，一出黎就好聰明咁走去 Sofa 後面，搞到我用掃把掃佢 PatPat 都死唔出黎，不過最後都係敵不過美食當前，為左ｄ香蕉乾同日本糧走番出黎Lu．． |
| 22/4/2002 (一) |
| 之前買新籠比矇豬時，幫佢同 CC 換左個厠所，即係比佢用黃色大ｄ個一個，因粉紅色個一個佢企唔到成隻兔去唔肯用，不過而家換左比佢用啦，真係好喇，乾淨衛生ｄ麻，不過佢出左黎之後都仲係要係沙筆個籠則邊，而沙律到就居然舔晒佢，搞到個咀ｄ毛毛鬼咁臭，同佢抹佢又唔鍾意喎，真係激死！ |
|
23/4/2002 (二) |
| 換左厠所以後，矇豬就好乖咁用個厠所喇，不過 CC 呢，就好堅持邊食邊痾，企係邊到食咩，就係邊到痾，就算夠位企上個小厠所到都唔用，真係冇佢辦法！ |
| 24/4/2002 (三) |
| 我發覺，係困籠前比生菜兔兔食，可以減少咬籠呢個問題喎，因為食菜菜時間耐 d ，佢地食完時我都差唔多掃好地，執好晒野熄燈，熄左燈佢地就唔會點咬籠，好啦，以後都困籠前食菜菜啦∼∼ |
| 25/4/2002 (四) |
| 平時兔兔好鍾意挖洞洞我諗有養兔兔既人都會知，今日，我發覺矇豬鍾意挖肶肶呀，即係挖我隻大肶呀，無啦啦走埋我到，跟住突然係我個大肶到起勁咁挖喎，縮都縮唔切呀真係，我個大肶真陰功呢∼ 都再夜ｄ，矇豬又走入去CC個籠到追住佢，兩隻兔係個籠到轉轉轉，我去阻止時都比佢地抓左幾野，真慘．．． |
| 26/4/2002 (五) 又走甩狗∼ |
| 今日拖沙律出去時，佢又用佢既縮骨功甩左條狗帶啦，之後發左癲咁跑，追到我一隻野咁，之後跑到去垃圾站附近就停左，想捉番佢時佢又以為我玩佢玩，明明行左埋黎架喇，我一伸隻手出去佢就以敏捷既身手避開，真係比佢激死，好彩後尾都捉到佢渣，唔係就慘啦！！ |
| 27/4/2002 (六) |
| 矇豬越黎越聰明喇，而家夜晚一見我拎住個掃把掃呀掃時，就知道我會困佢，跟住就會跑去 Sofa 後面哩埋，諗住我會搵唔到佢，搵到都捉唔到佢，不過佢都太低做我喇，我識用野食引佢架麻，佢自己又受唔住誘惑喎，再唔係就用掃把掃佢個 PatPat，不過有時佢都企硬架，點掃都唔肯出黎呢∼ |
| 28/4/2002 (日) |
| 沙律佢．．佢．．終於識得 Roll，係地下打翻抖喇，好耐之前其實教過佢架啦，不過教極都唔識，後尾就放棄左而教過第樣二樣，呢幾日又再次教佢，點知佢就好叻咁唔知點解學識左喎，真係開心喇 ^^ |
| 29/4/2002 (一) |
| 今日媽咪搾左橙汁，當我好開心係到一路玩電腦一路享受緊橙汁時，沙律就如常咁跳左上我大肶到，之後㩒住 Keyboard 個位企高左，開頭我都冇為意，後尾聽到ｄ'雜雜' 聲，先發覺原來佢偷飲我杯橙汁呀！！真係激死！我架麻！都冇問過我就飲人地既．．． |