                  |
| 1/7/2002 (一) sir滑梯 |
||
| 今日去完街番黎見冇落雨粉，就帶左沙律出街街，去左跑步，不過佢淨係跟我跑，其他人就唔跟，搞到我迫住要跑，熱死人∼ 所以跑左兩三轉就停左 Lu．． 之後途經一個迷你公園仔，又見到一個迷你滑梯，哈∼就同左沙律去sir喇，sir完一次再同佢sir第二次時佢都唔係幾肯，其實好短之麻，咁都驚，冇鬼用，所以sir左兩次就走左Lu∼∼ | ||
| 2/7/2002 (二) 鋼牙矇 |
||
| 夜晚係房準備放矇豬時，聽到出面嘈到死，原來矇豬將個厠所上面塊隔網咬左出黎，搞到裡面ｄ尿木糠整到個籠周圍都係，都唔知佢ｄ咩牙黎，我己經用文件夾夾實左架啦，都比佢咬到出黎，個夾當時仲係個隔網到，真係激死，仲要係咁想搬走佢喎，聽番阿媽講，話原來一個禮拜前佢仲犀利，直情將個厠所移左去個籠中間？？我用鐵線將個厠所同籠箍實左架麻，咁都可以移走既，有冇搞錯∼∼ | ||
| 3/7/2002 (三)
|
||
| 夜晚未放兔兔之前，又聽到有ｄ好嘈既聲係佢地個籠個邊發出黎，原來係矇豬，又將個厠所移位，估唔到尋日聽阿媽講完，今日就睇到喇，真係利害呀，所以今次我箍實佢個籠時，都將條鐵線
'q' 多兩個圈，我諗．．冇理由咁好力仲扯得甩下麻．．．仲有呀，死晚係房睇電視時發覺地毯好似有少少蹟，再聞一聞，好似係嘔味黎，唔通沙律嘔？？嘔完食番去所以我地發覺唔到？因為呢幾日佢都唔多肯食糧呀，成日想食我地ｄ野，同埋食佢ｄ零食，真係咀刁呀，撈左ｄ餅碎就叫好ｄ啦，都肯食，不過就冇食晒．． 丫∼仲有，係到好多謝矇C老豆幫我買左３０lb BunnyBasic，係大圍拎入黎比我呀！！ |
||
| 4/7/2002 (四) 絕食？ |
||
| 今日沙律仍然係冇乜點食野，都唔知佢搞乜鬼，話晒都係買橇屎，唔係ｄ平野丫，真係冇佢乎，但係呢，零食就鬼咁有興趣，呢期就鍾意食車厘子，之前就荔枝，真係識食呀∼∼仲有呀，呢幾日佢惡左，一見矇豬想咬膠板走入房就撲埋去，唔知係咪因為之前話過佢失職小器呢？不過矇豬就好有恒心既，過一陣又走過黎，一陣又番黎望下，睇下沙律會唔會訓到唔起身趕佢地，咁就可以入黎玩過痛快Lu∼∼ | ||
| 5/7/2002 (五) |
||
|
之前好難得咁搵到一樣沙律唔食既野，就係香蕉乾喇，不過唔知係咪因為唔可以蝕底既關係，我係到餵矇C食時，佢即刻走埋黎，我比一塊佢，佢聞下聞下唔食，但係望住我餵兔兔時，都係唔執輸咁咬左一小塊，之後走番入房，不過後尾我入去時，就發覺塊香蕉乾濕'立立'咁係地下到，始終冇食到，真係浪費食物呀∼ 仲有，沙律今日繼續絕食，撈左ｄ狗餅碎比佢叫做食左半兜糧，同埋繼續偷家姐ｄ菜食 @_@ |
||
| 6/7/2002 (六)
麵包包狗糧 |
||
| 沙：為左扭零食食，我今日繼續唔食狗糧，因為我知媽媽驚我有左，唔敢餓我，迫我食正餐，今日佢幾衰呀，放我係房之後自己出廳食叉雞飯，我就由佢食第一啖開始嘈，一直嘈一直鬧到佢食完盒飯為止，等佢食得咁開心丫拿∼仲有呀，之後佢為左迫我食狗糧，懶係醒咁用ｄ麵包夾住ｄ狗糧塞比我食，而我當然醒目啦，邊食邊吐番粒狗糧出黎，但係麵包就吞左落肚囉，呵呵∼∼連媽媽都話我犀利呀，夜晚，老豆買左條ShortChain話要Train我喎，因為話我平時出街行得太衰，左遙右擺，所以要訓練我行得定ｄ咁話，真係麻煩，冇野搵野黎搞！不過我比面佢，所以今晚出街時都控制一下自己情緒行定ｄ∼ 矇：唉．．我有個怪細妹，好鍾意舔我隻眼，都唔知做乜鬼既，我隻眼都唔係好污漕者，成日追住黎舔，連有菜菜食，佢都係咁喎，我個頭都己經郁黎郁佢架啦，點知佢又跟住郁，都唔知搞乜鬼，好心就清潔下自己先啦，個屁屁鬼咁污漕，自己都未搞掂走黎舔我，真係麻煩呀∼∼ |
||
| 7/7/2002 (日)
醒目兔+醒目狗 |
||
| 沙：今日繼續係我沙律係度講野，繼尋日用麵包夾糧比我失敗左之後，今日媽媽再接再厲，用左罐西莎撈糧比我食，仲懶醒咁將ｄ肉肉整碎ｄ，等我唔好淨係食ｄ肉唔食糧，不過我實在太叻喇，仍然可以淨係食ｄ肉碎而唔食糧喎，而每粒糧上面ｄ汁我到舔得乾乾淨淨，呵呵，激鬼死媽媽呀，哈哈∼ 不過夜晚就比媽媽鬧呀，因為佢叫我時我岩岩伸左個頭入去家姐個籠偷屎食，點知唔記得抹咀就走左去媽媽度，比佢見到我成咀木糠呀，唔．．下次我唔會咁失策架喇！ 唉．．要諗下計仔迫沙律食野先得．．．聽日一於浸林ｄ糧撈罐頭，等佢 '簡' 晒ｄ肉出黎食丫拿，又講番佢兩個家姐，佢地比阿媽讚呀，因為呢排我都係夜晚放左佢地之後朝早先困番，仲要係阿媽幫我困，媽咪話呢幾日佢地好醒目呀，一見佢係房行出黎時，就即刻跑去餐檯底，又或者Sofa後面，等媽咪捉唔到佢地，不過媽咪都唔笨呀，扮晒若無其事咁做自己野，放ｄ日本糧係佢地個籠到之後走開，跟住襯佢地入去食時就閂埋對門，呵呵，都係敵不過美食呢，尤其是CC呀，通常佢都會比矇豬先入籠∼ 仲有呀，我買左塊個ｄ竹既坐墊，今日放入矇豬個籠到，佢就鬼咁唔鍾意，係咁咬住然後想拎走去，望住佢一陣，即刻 feel 到ｄ怨氣，所以就同佢拎走左 Lu．．． |
||
| 8/7/2002 (一) |
||
| 今日，我終於成功餵到沙律食狗糧喇，就係將ｄ糧浸到好林，之後撈罐頭，仲要將ｄ肉粒切碎，再加餅碎撈埋一Pat，搞到好似ｄ糊仔咁，然後餵佢食，呵呵∼∼全部成晒，真係麻煩呀呢隻狗，成個ｂｂ咁，平時又痴身喎，跟出跟入痴到實，夜晚訓時又要攬住佢，比個膞佢做枕頭喎，搞到手到痺埋！ 仲有呀，佢今日又偷左好多菜食，食到個咀好大
'浸' 菜味呀！ 放左矇C出黎時，順手閂左其中一個籠，廢事沙律伸個頭入去執屎食，跟住過左好耐先去同佢地執籠，原來ｄ糧己經食清光，所以我就手餵左ｄ日本糧比佢地食，嘩∼呢兩隻兔好似餓左幾日咁鬼死咁狼黎搶，不過竟然係 CC 搶嬴左矇豬喎，可能矇豬讓佢啦，都費事同佢爭，索性成個頭損入去個袋裡面食，真醒目呢∼ |
||
| 9/7/2002 (二) 大白菜唔好食？有左？嘔屎？ |
||
| 原來矇豬同CC都唔鍾意食大大棵個ｄ白菜架喎，之前買過細棵個ｄ佢地都好鍾意食，但ｄ葉唔係咁多，所以今次就買大棵個ｄ大塊ｄ葉麻，點之佢地就唔多比面喇，矇豬都叫咬左兩咬丫，雖然之後就走開左，但CC就用個下巴磨下就算喎，真衰呀，不過呢，沙律就好鍾意喇，明明見佢係到訓緊，點知轉個頭唔見左佢，仲要聽到好大既 '雜雜' 聲喎，實知佢偷菜食啦∼∼食到個咀好鬼田園青草味！不過今日餵佢失敗左呀，我已經撈芝士加狗餅架啦，佢都唔食喎，真係超浪費食物，當我ｄ錢唔係錢咁．．．激死人，不過夜晚佢小嘔呀！！嘔左ｄ液體同一粒兔仔屎，冇錯！係完整冇缺既兔仔屎一粒！丫∼∼我己經掃得好乾淨架啦，都唔知佢邊到搵黎食，寧願食兔屎，都唔食橇屎，激死！！ | ||
| 10/7/2002 (三) 保護色CC |
||
| 今日掃地想掃個茶机底時，循例望一望有冇尿係裡面（費事整到掃把都係），望過冇就起勁隊把掃把入去掃啦，點知一隊就有隻啡色野走左出黎，嚇得我呀，以為係ｄ咩咁大舊，原來係CC呀，佢有保護色架！（茶机底有ｄ紙皮比佢地撕）同ｄ紙皮一樣色，搞到我都見唔到佢，不過佢仲驚過我呀，一支箭咁標左去，影到唔見，只留下數條兔毛．．． | ||
11/7/2002 (四) 
木屋仔再次得寵 |
||
| 之前買比兔兔既木屋仔，只係係新買既時候，佢地兩隻兔好好奇咁走去磨過下，聞過下，之後就打左佢入冷宮ｌｕ．．不過呢一兩日呢，矇豬就好比面咁成日走入去，因為我將小木屋放左係紙皮箱隔黎，個入口就岩岩對住佢地係紙皮箱咬開個窿度，咁佢走入去時，行過左個窿，就會入到間木屋，唔知係咪好得意呢，佢入左去就係咁挖，好似以為可以挖到一條出路咁，又係個小窗口到望出黎，好過引，嘻∼ 今日買左另一隻西莎比沙律撈糧，仲加左少少雞肉腸，當係食晒有汁同肉碎痴住既狗糧後，又係停晒口，結果就要好似餵ｂｂ咁，將ｄ糧 'Yam' ｄ汁餵佢食，幾經辛苦之下，終放將浸淋左既十幾粒糧食晒，唉．．．乜真係唔餓架咩？佢條腰幼晒啦．．． |
||
| 12/7/2002 (五) 保衛家園 |
||
| 唔知係咪因為沙律成日伸個頭入去兔仔籠偷屎食，令矇豬覺得佢地個地盤比沙律侵佔，所以放左佢出黎之後，佢就走去CC個籠扒係到，死都唔走守住，一副誓要保衛家園咁既樣，搞到沙律都係得個望字，唯有死跟住CC，望佢行行下痾粒屎過佢食，不過CC又不嬲都好乖，好少係籠出面屎尿既，呵呵∼ | ||
| 13/7/2002 (六) 發惡夢？ |
||
| 零晨時份，抱住沙律係到睇電視時，佢突然間係到慘叫左一聲呀，嚇得我丫，連本身係個籠到食緊野既CC都嚇到跑左出黎去餐檯到，仲要邊跑邊跣腳個種，不過CC不嬲都比較神經質，有時我係房行出黎佢都會以為有人想食左佢咁，一邊逃走一邊又好似跑唔郁咁，好搞笑，不過都唔知沙律做咩，我又冇整親佢喎，唔通佢發惡夢？？ | ||
| 14/7/2002 (日) 狗餅不及生菜好？ |
||
| 沙律真係一隻怪狗黎，呢排搞到我為左佢既真餐鬼咁煩，今朝個餐嘗試用奶浸糧比佢食，不過佢就一ｄ都唔領情．．．都夜晚開左另一隻味既罐頭，佢亦都唔多領情，舔左兩舔就唔食，到夜ｄ再撈多ｄ肉碎比佢先叫肯食ｄ，但都食唔晒，好啦，見好耐冇比佢狗餅佢食，比一塊佢等佢叫做有ｄ營養落肚，點知佢唔食喎？？搞錯？？佢明明好鍾意食架，點解會變成咁架，反而對矇C既生菜虎視眈眈，視之如寶，為左一塊小小既生菜，用兩隻腳跳下跳下咁行左成４、５米，之後好狼死咁食左落肚，死啦，唔通沙律轉食齋？？ | ||
| 15/7/2002 (一) 盲腸便好好味，家姐唔食我食！ |
||
| 今日放矇豬時唔知佢做乜野，跑左去CC到再走番出黎時，係到踏地，我又冇搞過佢，之不過坐係個籠側邊準備執屎之麻，見佢跳左出黎，我咪走去摸下佢個屁屁囉，點知佢又踏左一下地向前跑左一步，我又再摸，佢又再踏同跑一步，再摸，再踏，都唔知搞乜鬼，踏落塊瓷磚到都幾嚮下添喎∼∼ 仲有呀，今日沙律偷左兔兔一串新鮮熱辣既盲腸便食呀，真係比佢激死，今晚撈左半罐罐頭加廿粒糧都食唔晒，竟然走去食屎屎．．唉．．． |
||
| 16/7/2002 (二) 新裙仔 |
||
|
||
| 17/7/2002 (三) 大肚－作嘔作悶 |
||
| 今日沙律佢嘔呀，我諗佢都幾大機會係有左，因為個肚仔摸落去開始實實地同漲漲地，ｄ奶支又真係大左，同埋睇番ｄ資料而家都可能會有嘔既情況出現，我．．．我可能就黎做呀婆啦！！ | ||
| 19/7/2002 (五) |
||
| 今日一個唔覺意，就比兩隻兔兔入左左琴房喇，牧兔狗沙律當然第一時間走入去望到實啦，矇豬呢，竟然捐左入去沙律兩隻後腳中間，再穿過佢兩隻前腳走左去，沙律一時間都冇反應，向前行又唔係，向後退又唔係，真搞笑！而細膽既CC呢，就哩埋左係塊琴布後面，以為咁就冇人／狗見到佢喎，呵呵∼都傻傻地架佢，結果都係比我趕番出黎∼ 丫∼仲有ｄ題外話，書展有本５蚊既雜誌，係Miffy做封面架，成本都係介紹兔兔Product，好靚架！！不過就出左好耐下既∼ 丫∼仲仲仲有ｄ題外話，就係我又有一個小袋子比兩隻兔咬爛左條帶啦，好唔開心好心痛呀！！個袋人地送架，用左半年到渣，好唔開心呀，個款而家都可能買唔番添啦∼嗚．．． |
||
| 20/7/2002 (六)
大肚婆係惡ｄ |
||
|
今日唔知做乜鬼，矇豬唔用個厠所喎，將ｄ屎屎同尿尿痾晒係個籠到，都唔知佢搞乜鬼既，整到個底盤鬼咁污糟，全部都係屎同尿，麻鬼煩呀∼∼ |
||
|
22/7/2002 (一) |
||
| CC：平時家姐成日蝦我，攬住我係到Un，有時仲咬住我背背ｄ毛，搞到一執執咁甩，又走入黎我個籠食我ｄ野，霸我個地盤，嗚∼∼∼所以今日我襯家姐扒係我個籠，冇咩防範時，就扒左上去（平時家姐企係到時個Pat太大，扒唔上．．．），然後起勢咁Un，呵呵呵∼∼我要做阿大呀！！！雖然Un左２秒家姐就企係到開左我，不過我會繼續努力架啦∼∼ | ||
| 23/7/2002 (二) 交叉兔 |
||
| 大熱天時，見到兩隻兔咁多毛毛都覺得佢地熱，所以屋企好多時候都會開住冷氣，唔知係咪太凍呢，兩隻兔成日都痴埋一舊黎訓，好似要互相取暖咁，今日就見佢地交叉咁訓，先係CC訓左係地下，之後矇豬就扒左上去，個肚腩仔 'long' 左係CC背背上面，成左一個好對稱既交叉，CC又唔覺矇豬重架喎，一於懶理∼ | ||
| 24/7/2002 (三) 拆厠所＋新口味 |
||
| 今日矇豬又將個厠所移左出黎，今次威到整斷左固定個厠所支鐵線仔，雖然係好幼者，都叫鐵線一條丫，鋼牙矇呢個名就係走唔甩喇∼ 仲有呀，今日發現左令一隻味既莎莎沙律都好鍾意食呀，不過唔記得左係火雞定係鹿肉，雖然唔係比左好多糧佢，但都叫食晒冇浪費食物丫，聽日加多ｄ份量比佢先得∼ | ||
| 25/7/2002 (四) 爭取時間 收復失地 |
||
|
零晨時份叫左沙律入籠痾尿尿時，矇豬同CC就爭取時間，即刻走入我間房到，而沙律就眼白白咁望住兩兔走入黎，好不滿咁係到Woo，兩兔入左黎知後，ｄ行動比再時快左幾陪，周圍走周圍騰，好匆忙咁周圍係咁磨，好似要磨盡我間房每一個角落，留低氣味咁，見到佢地騰騰雞雞驚死磨唔晒每個角落個樣時，真係好搞笑架∼ |
||
| 26/7/2002 (五) 打雷，嚇死！ |
||
| 今日既天氣好鬼差，又雷又雨，訓醒之後玩左陣電腦就去煮麵食，留左沙律係房到訓覺，點知當我煮完時番入房就唔見左佢，原來佢驚得淨走左入媽咪房哩埋，企左係個角落位到，唔怪得知啦，無埋由我煮野食佢都唔跟住黎架麻，知後我食既時候佢都冇咩反應，只係扒左係我隻腳側邊，一反常態呀！ | ||
| 27/7/2002 (六) 幫你應左個劫呀！ |
||
| 人地話養狗會比狗咬一次，我今日就應左喇，當我拎左條菜菜諗住比沙律食時，佢一個飛撲再加一個大口就一啖咬左落我到，再係我手中搶走左條菜菜，驚死比家姐食左咁，不過好彩都只得一個窿仔同一小滴血者，不過都咪話唔痛呀！ | ||
| 28/7/2002 (日) 雞骨雞骨∼∼ |
||
| 今日本來諗住燒野食既，點知又落雨，所以變左用個唔知咩風機係室內整黎食，所以搞到沙律癲癲地想食我地ｄ野，咁岩阿媽食雞翼時唔覺意跌左舊雞骨落地下，都未黎得切有反應去執，沙律己經擔左黎食，真係快到佢丫，又捉唔到佢，跟住聽到ｄ'格格聲'，支雞骨就唔見左啦，嚇得我丫，幾驚會整親佢個喉嚨個ｄ丫，好彩冇事∼ | ||
| 29/7/2002 (一) 收埋黎食安全ｄ麻∼ |
||
|
唔知係咪矇豬成日見沙律擔住ｄ野食走去ｄ安全地方先食，所以有樣學樣呢，今日將粒提子去左皮之後比佢食，佢就一口咬住左，然後跑左２、３米去茶机底時先食，但係放係地下時又提子又滑黎滑去喎，真搞笑！ |
||
| 31/7/2002 (三) |
||
| 因為ytd沙律有d 嘔（因吃得不多，所以嘔出黎既都係ｄ水）既情況出現，所以今日就同地毯除蚤之後，舖左番大膠，所以嘔都唔會整污漕，方便清潔麻，今日沙律入左媽咪房訓，冇係我房搞搞震，最開心就係佢兩個家姐啦，係門口望下望下，見沙律唔係到，又冇吠，就開始走入黎周圍磨，CC 就索性跳入沙律張床，然後慢慢磨個床邊，於是我就連床帶兔咁抱起左，呵呵，嚇死佢呀，一望出面變到咁高，即刻走去床角尾唔敢郁，見佢咁慘就唔玩佢，放番落地啦，跟住佢就咩都唔磨走左ｌｕ，細膽呀！矇豬就咩都唔理，到我趕佢先肯走∼ |
