今日矇豬同CC又衝左入我間房，沙律大住個肚都冇之前咁好力氣趕佢地走，不過CC一入黎就向產仔房進發，好似想拆左佢咁，咬下咬，所以大肚婆都忍唔住要走埋去鬧佢趕佢走，搞到佢幾冇引呀，明明有個紙皮盒，但又冇得咬喎！
距離沙律個預產期越來越近，佢ｄBB都好曳丫，成日踢佢，就咁望住佢個肚都見到彈下彈下，先一兩日都要摸落去先Feel到既，不過真係怕佢會好難生，因為佢個肚都幾大下，又成日落雨少左出街，係屋企又成日訓喎，希望到時搞得掂啦！仲有呀，今日買左條魚比佢食，等佢到時唔好冇力氣生ｂｂ，係佢生之前既日子，要比多ｄ好野佢食先得∼

沙律生左啦， 其實今朝都覺得佢今日會生架啦， 因為佢成日行黎行去， 又係到挖挖挖咁，之後到晏晝就更加強犀利，都冇３分鐘係停下黎唔郁既，所以就即刻call佢個岩岩嘆完茶既老豆，我再去打點一切，到差唔多４點到，佢己經喘晒氣，個水位漲卜卜，好明濕己經有隻ｂ走左去個度，天呀！屋企仲係淨係得我一個呀，所以我就鬼殺咁嘈，諗住拖佢一陣間，好彩，係４點到佢老豆一踏入我屋企入左個'胎叻'，就聽到沙律尖叫啦，佢尖叫既同時我亦大嗌，就係咁，第一隻ｂｂ就由老豆負責接生出世啦，係隻囡囡黎呀！都有成１９０ｇ重，不過到第二隻就有ｄ意外喇．．．

起初見到個頭，之後唔知沙律係咪唔夠力，又縮番入去，跟住又再出過黎，但係就出唔到個身，啜實左，我地又唔敢太大力 '蚊' 佢出，結果搞左成１０分鐘先出到，出到黎時就昏迷左，之前都見到佢伸左條�c出黎，郁下郁下架，我地都盡左力救佢，倒轉拍、用毛巾搓、人工呼吸，成個鐘都救唔番，係隻仔黎架，仲好大隻添，有成２４０ｇ重，毛色都較特別，中間黑側邊啡，係救緊二佬既時候，第三隻ｂｂ女都好快出左世，好順利，不過跟住就慘啦，等左成２個幾鐘都冇咩動靜，但係又 feel 到沙律個肚仲有ｂｂ，咁唯有再等啦，好啦，等左３個鐘啦，都開始唔多對路，因為唔應該隔咁耐，又見到沙律好辛苦，喘晒氣咁，但又手軟腳軟咁喎，其實都開始有ｄ急啦，都唔知點算好，所以都係 call 一 call 獸醫，不過佢叫我地帶沙律左旺角做手術，我地又冇車佢個情況咁又冇乜可能同佢出去，真係急死人，最驚就係見到沙律想訓覺，個一刻真係好驚好驚沙律會挨唔住，生唔到又搵唔到獸醫救佢．．．

不過好彩到９點９到，第４隻囡囡終於肯出世，不過就比較輕，得１４０ｇ，係咁多隻之中最奀既，跟住隔左冇幾耐，第５隻都出埋黎，不過係腳出先，仔黎既，噢！賣葛！唔係下麻，唔係好似二佬咁下麻，好彩係沙老豆同我為狗狂既阿細叔叔合力之下，成功拉左隻ｂ出黎，不過出黎時就比較弱，所以都要 Keep 住用毛巾同佢擦下個身刺激下佢，好彩後尾都冇事呀！正正心諗 "一天都光晒，終於生完啦" 既同時，就聽到阿細叔叔話 "又生啦！" ，嘩！唔係下麻，仲有得生？就係咁，孻女就出左世啦，仲係最生猛個一個添，一出世就大嗌幾聲（得佢一個出世會叫渣），ｄ手手腳腳仲係咁'young'喎，大個女一定好曳者∼∼

就係咁，我就做左阿婆啦，同我同輩份既就由姐姐哥哥變左叔叔阿姨啦，係度要多多幫過手既人呀，多謝彈彈阿姨同皇太后阿姨分別幫我�隋穖﹜鮈�拍低呢個小生命來臨既場面啦，仲有好驚好驚狗，上一次比我整鬼佢用沙律掂佢搞到佢驚到喊，但今日為左救二佬親手抱住佢同佢吹氣氣既DuenDuen，姣簡凍呀，啜 ^3^，仲有阿細叔叔幫手救二佬同幫阿五弟出黎啦，媽咪夜媽媽特登出街買飯比我食，仲有就係沙老豆係藍田趕入黎，落左車之後仲要跑住咁入黎同沙律接生晒６隻ｂ，搞晒所有野，同埋好叻叻既沙律呀，係唔肯食狗糧既情況之下，都養都ｄｂｂ肥嘟嘟，真係姣簡凍呀，禾埃屎連�敓r！

因為搞沙律ｄ野，所以一直都冇乜點訓，身水身汗，好熱呀，ｂｂ又嘈喎，成日係到叫，不過好彩榮升左做姨媽既矇豬同 CC 都叫好乖啦，今日零晨搞掂晒ｄ野先放佢地出黎玩，佢地都冇咩曳曳要走入黎，唔知係咪聞到狗味強烈，所以暫時放棄霸地盤先呢，同埋矇豬都冇咩蝦 CC 呀，出面廳都好靜，不過我一出去，佢地就第一時間跑埋黎睇下有冇野食，同埋沙律都冇好惡咁撲佢地呀，相處得幾好∼

晏晝帶左沙律去檢查身體，醫生話佢血色好差，睇下又真係比佢生之前食完維他命淡色左好多好多，話因為佢唔肯食狗糧，所以營養唔好，身體虛，如果再餵奶比ｂｂ飲扯走佢ｄ營養就可能有事，所以開左ｄ鈣丸同維他命佢食，番到屋企，佢都第一時間要去睇ｂｂ呀，好鬼緊張，之後我就正式咁叫休息左幾個鐘啦，其間扎醒左發現唔見左沙律，原來佢自己走左去個產仔箱到餵奶奶比ｂｂ飲呀，估唔到佢咁乖咁快會自己去餵奶，不過佢就唔多識擺個姿態喇，好似痾尿尿咁坐係到，所以要我幫一幫佢，再過左一陣，又比ｂｂ既叫聲嘈醒左，又去睇下啦，原來有一隻ｂｂ出走呀，嚇得我丫，不過沙律就坐係ｂｂ側邊看住，好彩我都墊左ｄ衫，唔會凍親佢，到夜晚，沙律都自動餵過兩次奶呀，成日要走入去坐係到睇住，好有母愛呢∼

而家沙律真係緊張ｂｂ到不得了，成日要走入去餵奶，佢ｄ時間都好準呀，大概兩個鐘餵一次，餵完仲唔肯走，如果ｂｂ一嘈，佢就第一時間走入去�翰Y到餵ｂｂ，佢個動作都好搞笑架，可能驚踩到ｂｂ所以冇訓係到啦，但�翰Y到又唔多餵到喎，四隻手手腳腳踏黎踏去咁唔知想點，所以都要幫一幫佢訓好個位，佢一餵奶就係我忙既時候喇，一黎要幫佢抹水位ｄ分泌（醫生話佢個肚好漲，可能會流成個星期），等唔好整污漕ｄｂｂ同產仔房，二黎又要幫四妹搵個好奶支飲奶奶，同幫佢擊退黎搶奶奶飲既ｂｂ，因為佢係最奀個一個，成日飲唔到奶，又因為醫生話沙律好虛，所以我都唔想佢餵得太多奶比ｂｂ扯走營養，所以就開ｄ奶粉幫佢手餵，阿仔最鬼曳，唔多肯飲呀，飲兩淡會拎走個頭，一定要飲媽媽ｄ，阿大就成日飲到係個鼻噴番出黎，之後又要同佢地放尿，再開ｄ奶比沙律飲，同佢執屎抹一抹個籠抹一抹奶支，每兩個鐘就要重覆以上動作一次，累死人，最麻煩係沙律ｄ分泌一 patpat 咁流出黎，整到隻腳ｄ毛痴住晒要成日抹，又整到地下都係，做死人呀！！！　仲有呀，沙律仲係好鍾意挖挖挖，有時會走去產房到挖添，搞到ｄ野亂晒要再舖好，睇少陣都唔得呀∼　而ｂｂ己經先後甩晒臍帶ｌｕ，最早既阿大，跟住係仔仔，最後就係四妹喇！

到夜晚放兩位小姨媽，佢地都小左去我房門口，放沙律床仔個一個位到屎尿，其他地方都係呀，真係乖喇，不過矇豬竟然搞膽死係我洗菜時就入去我房呀，好彩我發覺得早，沙律又餵完奶奶係床仔訓緊，所以望住佢入黎都冇咩行動，又好彩今次矇豬都好謹慎呀，係門口探一探先，冇衝入去周圍磨，嚇得我丫，今日中午時沙律先咬過二樓工人渣，因為佢落黎睇ｂｂ之後想摸沙律，點知就比佢咬，好彩得個牙印者∼

雖然我都成日開奶粉幫沙律餵BB，不過沙律都好唔係幾夠奶水咁，所以今日就買左木瓜同魚煲湯過佢飲，雖然唔係話好鍾意好鍾意飲，不過都唔抗拒啦，但就鍾意食木瓜囉，今日咁都幾好丫，條魚煲完湯又可以比佢當正餐咁食，仲有木瓜做甜品添，下午茶就食ｄ芝士同雞條啦，夜晚食埋淨番ｄ魚，到半夜再食多一罐西莎，仲要得閒就比ｄ車厘子佢食補下血，開ｄ奶比佢飲補下營養，嘩∼用黎買佢一日食野既錢，係我以前上中學時一日既零用錢啦，搞到我越黎越師奶仔，要計下邊度買乜乜平ｄ，邊到抵ｄ咁，嗚∼∼我唔要變婆仔呀！

今日ｂｂ繼續傻下傻下咁，三妹當左四妹耳仔係奶支係咁啜，孻女就當左阿仔下半個咀係奶支啜啜啜，好似係度鍚鍚咁，不過阿仔又唔多理佢繼續訓喎，真搞鬼呢！仲有呀，四妹今日斷左尾啦，比我預其中快呢！

23/8/2002 (五) 　我唔要食狗糧呀！

由BB出左世之後，矇C冇係我房門口霸地盤一排，不過，而家又開始霸過啦，好似仲利害左添，之前多數得我房門放床仔位置同茶几底，而家就多左餐檯底、門口同埋廚房門到，真係激死，好似話我成日服侍BB唔理佢地，所以要比ｄ功夫我做咁，唉，不過算啦，呢兩日佢地好似跟我多左，可能我少左出廳同佢地玩啦，所以我一行出去佢地就走埋黎用個鼻頂我，我一叫佢地又即刻走埋黎，平時要叫好多聲先啋我，除非我手上面有野食啦∼仲有呀，佢地又想拆左沙律個�菮珧捸A張ｄ報紙扯晒出黎，好彩冇尿架者，唔係就麻煩啦∼

沙律呢一兩日胃口好似好左呀，開始肯自動食芝士，因之前要拋落地扮同佢搶佢先食，狗餅都可始食番，麥枝就要搶佢佢先食，仲有呀，今日唔洗迫佢佢都食左ｄｄ狗糧，不過就要用手餵，就咁放係個兜就唔食囉，不過都好好啦，起碼唔洗擘大佢個口一粒一粒咁放入去麻∼