1/1/2003 (三)　新一年繼續懶∼
新年快樂呀！今年都冇時間為兔兔準備新年大餐，連菜都唔記得買．．．噢．．不過佢地都唔理得你咁多，一見你就係咁跟係咁跟，而家唔單止淨係會跟住我同媽咪，只要係一對腳，佢就會跟，真係越黎越為食啦，唔怪得咁肥啦，又小運動，以前會成日跳上茶機到咬報紙，而家連跳都唔跳，只企係到將ｄ雜誌扯落地咬，簡直好似懶到一隻豬咁呀！
2/1/2003 (四)　綿花屎哦！
而家ｂｂ己經可以好輕易咁跳上梳化，唔知咪成日睇到小姨媽係梳化到搞搞震有樣學樣，而家一唔睇實佢地，就係咁係梳化到抓ｄ綿花出黎食，搞到經常性疴綿花屎，３吋變６吋，硬變軟，仲要經常性因為痾唔出軟軟既綿花而要幫佢地拉出黎，好嘔心呀！
3/1/2003 (五) 　唔準入黎房呀！
雖然沙律會守住我房唔比矇 C 走入黎，不過佢地多數都一於小理，照樣成日走入黎搞搞震，不過矇豬今日就失敗左ｌｕ，當佢就左第一關開到膠板走入黎去到電腦檯時，一個不留神反應慢，就比沙律撞低左，仲係要啪一聲打側訓低左個隻，搞到矇豬走都走唔切，呵∼不過過左唔夠１５分鐘，矇豬好似咩都唔記得，又再走過入黎，不過今次沙律訓左覺暖笠笠，所以都冇起身理佢ｌｕ．．．
4/1/2003 (六) 　好熱鬧呀！
今晚約埋文妮阿婆去放狗狗，嘩∼好熱鬧呀，有成廿幾隻狗，史納莎都有７隻呢，朱古力同Mousse都冇上次落佢咁細膽，會周圍玩，Mousse仲同三師兄成日走佬添，朱古力呢，就著住件恐龍衫周圍八掛一下，仲第一次比狗狗UnUn佢添，真搞笑呢∼
5/1/2003 (日) 　我唔係低ｂ！
衰Mousse到而家都仲未識得番入籠屎尿（唔通真係智商偏低？），打鬧完一番，罰佢困籠，順手將尿紙巾放係屎盤到，等佢知道個到係一個厠所，不過一個不留神，就比佢唔知點樣抓到上黎係咁咬黎食，當我想係佢口到拎走時，發覺佢己經吞左好多落肚啦，邊拉邊感覺到係條紙巾係喉嚨到拉緊出黎，都咪話唔核突，條紙巾足足有成５、６吋長呀∼∼仲有，佢今日曳曳跳上梳，再跳上茶几上面既小茶几到８掛，結果落唔番黎，淨係識得係到鶯鶯叫，冇鬼用呢∼

仲有呀，ｂｂ換牙囉∼
6/1/2003 (一) 　我救左家姐出黎呀！
今朝起身放完沙律出去屎尿後，就叫番佢入房訓覺豬，然後去準備番工，搞搞下，聽到沙律無啦啦係到拍房門要走出黎，初初都冇理佢，諗住佢都係要扭野食，點知過左一陣佢都繼續係咁拍，所以就放佢出黎睇下咩事幹，點知出黎後，佢又走去拍琴房門，好啦，又開比佢睇下咩事，原來我之前入琴房困左矇豬入去呀，佢反應同動作都實在太快喇，我只係入左去１分鐘都冇，估唔到都比佢偷走左入去，好彩有沙律渣，唔係就唔知困到佢幾時啦∼
7/1/2003 (二) 　凍∼∼∼
嘩∼好凍呀，雖然話兔仔唔多怕凍，不過總覺得佢地企／扒係地下訓覺時會好凍冰冰，所以明知會咬爛，都走去買左個毛毛坐墊放係地下比佢地凍時走上去，過左一陣，果然不出我所料，己經咬爛左少少，不過都好，佢地都有扒係上面訓，都叫做冇咁浪費丫∼
8/1/2003 (三) 　姊弟情深
經過阿媽既觀察，原來朱古力好鍚家姐架，Mousse賴尿比媽媽鬧，朱古力即刻走去撲阿媽，好似叫佢唔好鬧家姐咁，之後玩得咁上下，阿媽又困Mousse入籠，朱古力見到，自己都冇再玩啦，走去拉舖係籠頂既毛毯落地下，舖係個籠前面，然後訓係到陪家姐，之前佢都試下一次見家姐比人困左，自己跳番入籠訓唔出黎玩，估唔到呢隻仔咁鍚家姐呢∼∼
9/1/2003 (四)　
尋日聽完阿媽講，今日見到mousse賴尿鬧佢時，朱古力真係起勢咁撲埋黎，想撞開我隻手，等我唔好打家姐喎，嘩∼真係一個好細佬呀，不過都冇用丫，鬼叫佢家姐唔爭氣咩，後尾困左mousse入沙律個籠之後，朱古力仲自己走番入自己個籠到唔出黎添喎，真係神奇呀∼
11/1/2003 (六)　唔好嘈呀！
因為今日好累，所以餵完ｂｂ就困番佢地入籠訓覺冇比佢地周圍走（鬼叫佢地仲成日周圍痾），點知兩隻衰野勁不滿咁勁吠，係真係不停咁吠加尖叫左成個幾字，結果搞到細姨媽發皮四大大力踏地鬧，點知又真係有用喎，兩隻ｂ收左聲成分鐘，不過之後又慢慢開始吠番，搞到CC又再次踏地，最終踏第三次地時，ｂｂ就收晒聲ｌｕ，哈∼原來佢地都幾聽CC話架喎！

到夜晚，沙ｂ公黎左搶我十磅狗糧，係倒糧既過程中，ｂｂ做賊仔偷食呀，尤其是朱古力，一大啖咬落ｄ狗糧到，然後走埋一邊吐番出黎慢慢食，嘩！有成十幾粒呀，真係一隻大口兼貪心的小狗黎呀∼
12/1/2003 (日)　我識拷門喎
矇豬己經越黎越叻啦，唔知係咪見沙律成日一抓門我就會放佢入房，所以有樣學樣呢，今日無啦啦聽到抓門聲，開門一睇，竟然係矇豬唔係沙律黎，仲要開左房門２秒都未夠就即刻衝入黎磨磨磨，唔知下一次佢會學識ｄ咩呢？
13/1/2003 (一)　椰子糖好味道呀！
今日由阿媽報告，ｂｂ偷椰子糖食呀，話說佢地太婆去完街街番黎順手將個小手袋放左係茶几上既茶几度，而個小手袋最外面個一小格呢，又放左兩粒美味既椰子糖喎，結果，就吸引左兩隻為食賊仔ｂ跳上梳化，再跳上小茶几，唔知點抓左兩粒糖出黎食囉，當太婆發現mousse口𡁻𡁻既時候，雖然即刻係佢個口度救番椰子糖出黎，但係另一粒就己經．．．嗚．．．影到唔見ｌｕ．．．
17/1/2003 (五)　我矇豬唔好蝦架！
呢排ｂｂ真係想死定，成日走去挑戰大姨媽，２隻夾埋走去矇豬個籠前面吠，又係到撲，不過矇豬都唔驚佢地架，退後 '吉' 起個屁屁，一副戰鬥格然後向番個籠到撲，結果就大家輪住係到撲黎撲去，真係冇佢地符呀∼
18/1/2003 (六)　唔好蝦Mousse呀！
今日沙律老豆黎左，例牌又同沙ｂ玩，佢一手抱起Mousse就吹佢個咀咀，養過狗狗既人都應該知狗狗唔多鍾意人地吹佢塊面咁，所以Mousse 都好鬼大反應，擘大個口郁黎郁去，點知比朱古力見到，佢咁鍚家姐當然唔會放過蝦佢既人啦，所以就吠沙老豆鬧鬼佢，呵∼　果真係個好細佬哦∼
19/1/2003 (日)　芒果Pancake呀！！！
今日一開雪櫃見到有半個芒果 pancake，即時開心都黎唔切拎出黎食，三隻為食莎一見到即時撲埋黎，而我，當然就一副巴巴閉我有得食好威好得戚地向三隻衰豬炫耀我既芒果 pancake，點知，恐佈既事情就發生左喇，我．．．一個不小心將心愛既pancake 跌左落地呀！！！嗚∼∼∼我都未黎得切執起，己經比沙律一口擔走左，剩番既就比兩隻ｂｂ舔得一乾二淨．．．嗚 !_!
20/1/2003 (一)　走呀！唔好搞我間屋！
今日未放CC時見到佢訓左係 d 尿木糠到，所以就開左佢個籠頂同佢執乾淨ｄ，點知８掛既朱古力見到就即刻跑埋黎望，仲要伸個頭入個籠到，嚇到CC即刻扎起個馬，進入高度戒備狀態，後未朱古力望望下仲成隻跌左入個籠到，嚇到CC係個籠到係咁衝黎衝去，就算我抱番佢出黎之後，佢都係驚驚青青發晒癲咁，呵，冇鬼用哦∼
21/1/2003 (二)　好溫馨好姊妹哦！
以前一放兩隻兔出黎，CC一定會勁舔矇豬，照顧一下大家姐，不過矇豬通常都唔多理佢，不過時間耐左，矇豬都開始會照顧番呢個咁鍚佢既阿妹，當CC舔完佢之後佢又舔番CC，總之你舔下我我舔下你咁，有時被舔個隻仲會舒服到反反地眼咁訓著添，真係好溫馨好姊妹呢！
22/1/2003 (三)　

ｂｂ細個時，朱古力都算係最惡死，佢賴尿打佢時，佢都唔知個死字點打，掉轉個頭一大啖咬落埋，都話知你，不過而家就唔係囉，一鬧佢都唔洗打，就己經乖乖座係到，尾巴貼住個屁屁聲都唔聲，再鬧多佢兩句時，就會半坐半扒咁邊行邊搵地方哩埋，而Mousse呢，有時間就跑去茶机低最埋個到扒低，冇時間就即係扒係到反肚，郁都唔郁，以為咁就打唔到佢屁屁，蠢到死呀！
23/1/2003 (四)　垃圾狗
今日一個唔為意，放左ｂ之後冇睇實佢地，又冇鎖好門窗，唉．．．咁就出事啦，比兩隻衰野發覺左廚房有舊垃圾報紙包住左ｄ橙皮，結果就比佢地係咁摷係咁抓，搞到成地都係，仲要有一塊橙皮唔見左添！！真係激死人啦！！
25/1/2003 (六)　麥包好好味哦！
因為近日發覺自己增磅了不少，所以就買左個麥包諗住夜晚食減減肥，正諗住洗個靚白白之後慢慢食時，就聽到出面有 "silisala" 既聲，走番出去睇，只見到三隻狗係地下係咁聞係咁索，之後再見到有個吉膠袋，嗚∼∼我個麥包唔見左呀！！！！我既晚餐呀！！！天呀！！！！
26/1/2003 (日)　絲帶屎唷！
繼之前既綿花屎之後，今日又發現新品種既屎屎，就係由朱古力發明既絲帶屎喇，開頭仲以為佢ｄ屎屎有血，仔細一睇，又唔係喎，結果將屎屎解剖後，就發現幼絲帶一大條，不過又唔多覺屋企會有ｄ咁既東東，究竟條絲帶係邊到黎架呢？？？
27/1/2003 (一)　
唔知係咪ｂｂ覺得同姨媽隔住個籠打唔夠過引，所以成日會開左佢地個籠放佢地出黎玩（都唔知佢地點開既 -_-"），不過矇豬都醒目喎，通常走出黎望一望，見到唔多對路，就會自己走番入間屋到，唔會同ｂｂ正面交鋒，不過佢地都越黎越唔驚ｂｂ啦，咬籠時比ｂｂ撲完吠完，轉個頭都冇５秒又再黎過，真係踩你都傻呀！
31/1/2003 (五)　豬豬鎚
今日去左行花市，買左個豬豬鎚，番黎同佢地玩，朱古力同沙律都嚇到一隻哩係檯底，一隻就哩入房，只得Mousse係到獨力對抗豬豬鎚，心口只得個勇子係咁跳係咁撲，真"近"呢，ｂｂ既性格真係得意呢，以前最惡係阿大粟子同阿仔朱古力，粟子而家咁細膽就話得自己一隻狗冇其他狗同佢玩者，朱古力都唔係啦，成日同家姐阿媽打交，點知一個豬豬鎚就搞得掂佢，真係仔大十八變呢∼