1/2/2003 (六) 　搞錯呀，大年初一拆我屋！！
今日放左ｄ狗糧係ｂｂ籠頂準備餵佢地時，沙律唔知發左咩神經跳上黎，本來跳上黎就唔係咩問題，不過幣在佢跳左上 CC 個籠到先，因為平時方便執籠，所以個頂只得３個扣扣住，佢一跳，成個頂當堂比佢折左，只得一邊仍然痴住個頂頂邊，即時嚇到訓到好似隻豬咁既CC呆左唔知咩事，好彩佢反應夠快閃開左，唔係就慘囉，變左兔餅，不過幫佢整番好個頂後，佢又好似唔記得咩事，繼續照訓可也呢∼
2/2/2003 (日) 　再來新品種－鈕鈕屎
今日係ｂｂ屎中，發現．．．．竟然發現左有成個五毫咁大粒既鈕呀，真係比佢地激死，咩都放得落個口到咬，咬唔到就吞，真係睇少幾秒得唔得，天呀！！！！
3/2/2003 (一)
一起身，就見到成地都係雪，佢地兩隻衰ｂ，將個Cushion既錦花咬晒出黎，原來尋日發現既屎屎鈕，就係係呢個Cushion到咬出黎既，真係想我同佢補開個年定喇！
5/2/2003 (三) 　應應節
新年個個都有利是"才豆"，矇豬同 CC 都唔執輸架，都有"才豆"番兩封幫補下買菜菜咁，不過利是呢，就冇咁快拆得，所以貼左係籠頂既牆到，點知兩隻衰野冇新年食品食，就走去食利是應應節，搞到個利是封一岩一忽 -_-"，好彩張錢錢完整無缺冇比佢食野落肚者！唔係就慘囉．．．
6/2/2003 (四)
矇豬既反應真係不得不讚一句＜超快＞，每朝入琴房開門拎衫著時，都己經手快快咁開完就閂門，又或者邊拎衫邊望實個門口，唔比矇豬走入黎，今日都唔例外，明明以我既速度，得個幾秒時間，冇可能走到入黎架，點知當我走左之後既幾個鐘，就比阿媽聽到琴房有抓門聲，原來我又困住左矇豬係琴房啦，真係唔明點解佢可以係開門既短短幾秒鐘，老遠咁跑入黎，仲要唔比我見到，又要比我困過幾次都唔知死咁係要走入黎，究意為乜呢？？
7/2/2003 (五) 做乜搞我個籠喎．．．

呢排三隻沙一放出黎都玩到癲晒，朱古力成日玩到就地痾屎，行兩步都唔願，唔知係咪覺得個厠所唔就腳呢？所以玩玩下索性將個厠所（沙律個籠）移左出黎，話晒都幾鬼重下架麻，不過沙律就好似唔多高興喇，因為佢個籠比ｂｂ移左出黎之後，佢就企左係個籠側邊唔郁，係咁望住我好似好慘咁，不過算啦，還掂佢都唔會入去訓，就由得ｂｂ搬啦，呵！
8/2/2003 (六) 紅地毯
唔知ｂｂ係咪睇電視見過人地舖紅地毯有樣學樣呢，今日就夾手夾腳係厠所將卷厠紙一路拉一路拉，拉到去自己個籠門口到，舖得靚靚咁，真巴閉，話晒到由屋頭去到屋尾丫，好彩ｄ厠紙都叫可以用得番黎抹下籠抹下尿咁，都要冇咁浪費啦∼
9/2/2003 (日) >>>>打針．．怕怕！
今日帶左沙律去打心絲蟲針，咁就唔洗個個月記住要食葯，冇見醫生咁耐，佢都仲記得喎，去到門口死都唔肯入去，兩隻手撐住級樓企都實一實，不過當然都係比我捉左入去啦，等下等，到我地時又係唔肯行，要拉佢入去，咁岩醫生個到地下又跣，就算佢撐實都冇用，上到醫生檯，例牌係咁震係咁震，都唔知有乜咁好驚，支針打左佢都唔知啦，又唔痛既（我諗．．），希望今晚唔會發惡夢啦 ^^
12/2/2003 (三) 被杯葛！
呢排唔知做咩，阿仔被杯葛呀！先排係兩隻ｂ唔同阿媽玩唔埋佢，點知而家就係兩母女一齊玩唔理個仔，成日兩個跳上梳化訓，你搞下我我搞下你，阿仔就自己一個係地下一邊訓，仲要不時望上梳化好鬼慘咁，真陰功呢∼
13/2/2003 (四) 　　兩歲生日
今日沙律兩母女夾埋蝦阿仔呀，話說兩隻ｂ係到掙毛巾玩，一狗扯一邊，點知後來沙律見到，即刻走埋黎幫Mousse搶埋一份，結就二對一喇，雖然阿仔己經好大隻（大隻過沙律），不過一對二既情況之下都係唔夠黎，搶完一輪結果都係放棄左，好慘咁走埋一邊，噢∼∼　點解會比沙母女杯葛架？唔通因為佢太大隻？

今日係矇豬生日，但因為冇時間，所以唔得閒搞大去，就係到祝２歲生日既矇豬身體健康，快快樂樂啦 ^^
15/2/2003 (六) 　發現寶藏
每日放左ｂ出黎之後間屋都會變得好熱鬧，但今日就有段時間好鬼靜，冇聲冇氣，原來兩隻ｂ發現寶藏，走左入廚房係咁挖係咁抓包４０磅包裝既狗糧，點知又比佢地成功左開到個袋口係咁食喎，尤其是阿仔，鬼咁貪心一口咬十幾粒糧係咁食，唔怪得之咁大隻啦，都唔知係第幾次偷呀．．．
16/2/2003 (日) 　條狀岩口型麻！
好耐之前買過小甘筍比兩兔仔，點知兩隻野一聞到就走都走唔切，今次呢，我就買左個大紅蘿蔔，諗住咁鍾意食蘿蔔乾，冇理由乾既就食新鮮既唔食架麻，點知洗好切好放埋佢個口到，佢地聞下聞下，試左小小味（只試味冇咬落去），跟住就唔食走開（？？），結果我將ｄ蘿蔔切做幼幼既一條條（岩晒咀型），再比佢地聞下，丫∼又食喎，仲要食到 "chopchop" 聲添喎，真係奇怪喇！！
17/2/2003 (一) 　保護家姐
雖然朱古力比沙律兩母女杯葛，但係佢都仲係好鍚家姐架，家姐賴屎屎比太婆打屁屁時，佢竟然一支箭跑去家姐前面擋住，唔比太婆打佢，好似 "要打就打我啦" 咁，真係好英呀！！
18/2/2003 (二)　自製蘿蔔乾
切成條條食到 "ChopChop" 聲既蘿蔔條，兩兔己經開始冇興趣喇．．．所以，我決定自製原價４３蚊一包既蘿蔔乾比佢地食，將蘿蔔切成好薄既片片，然後烘／曬乾佢，嘩∼∼效果相當好呀，兩兔係咁食係咁食，鍾意程度直逼４３蚊蘿蔔乾喎，不過真係奇怪喇，硬係要冇晒水份乾左先鍾意，新鮮既就唔食咁搞鬼既？？
19/2/2003 (三)　細膽豬~
朱古力雖然好英咁保護家姐，但係其實細膽到不得了，咩都驚，一有事就哩埋係餐檯底，抱佢入廁所就驚到係咁抓到你實（驚洗白白呀∼），屋企出面有貓貓抱佢睇，驚到拎走塊面唔敢望，今日又發現有新既野驚，就係會發驚好似拳頭咁大個既小毛公仔啦，見到聽到己經哩埋，捉住佢要佢望就嚇到尾巴貼住個屁屁，真係冇鬼用呢，不過佢真係越大越乖呢，太婆仲用 "純同敦厚" 黎形容阿仔添，幾勁呀！
21/2/2003 (五) 邊洗邊反眼？
而家每日放左兔兔出黎之後，CC都要勁同矇豬洗眼，洗完左邊就會伸長條頸，下巴係矇豬頭頂咁同佢洗令一邊，呢一組動作都維持左好一陣子，而家就仲誇張，除左洗到矇豬好舒服咪晒眼之外，佢自己都咪埋一份，仲要加少少反白眼，個樣真係好搞鬼架∼∼
22/2/2003 (六) 拎身份症囉！
今日帶左兩隻ｂ去打瘋狗症針同狗牌，沙律見到兩隻ｂ有街去大為緊張，第一次爭住要穿狗帶，同ｂｂ出左門口閂左門之後，就聽到佢好慘既叫聲同狂抓門，不過ｂｂ都唔肯行，死到撐住個地下，又想走番入屋搵媽媽喎，幾經辛苦先搞得掂佢地兩隻野同啲佢地上的士，上到的士又要坐係我大脾，朱古力仲要驚到扒埋黎兩隻手箍到我條頸實一實，不過打針時佢地就好乖喇，又冇嘈冇反抗，係一ｄ反應都冇，係綁住左係出面閘等我填表時吠左兩聲咁大把啦∼
22/2/2003 (日) 發皮四！
同沙律玩時，發覺佢行路時 "撻撻" 聲，再望望佢ｄ趾甲，嘩！乜長得咁快既，於是就的起心肝諗住同佢剪，不過佢都係例牌反抗，後尾仲發我皮氣咬我添！！係真係咬落黎個隻，搞到我隻手有幾個窿，哼∼緊係平時小丙定喇，罰佢今晚冇得上床訓呀！
24/2/2003 (一) 失寵啦？？
因為今日帶左沙律出去洗白白，所以今晚出街冇佢份，因為我一個同時間帶唔到三隻出去，所以多數都會分兩轉，沙同阿仔、沙同Mousse，總之就沙律加一隻ｂ啦，但今次就淨係得兩隻ｂｂ，加上前日又係帶左兩隻ｂ出去冇佢份，尋日又比我鬧黎，所以就大大為緊張，以為自己失左寵，叫到好似喊緊咁，呵∼
25/2/2003 (二) 我認得指甲鉗架！
自從番工後，都少左時間照顧兩隻兔，朝朝早都係靠媽咪同我困番佢地，加糧加草咁，毛都梳少左，ｄ指甲都變到我好長，但係呢，兩隻野就仍然好醒目，見到我拎住個指甲鉗踎低時，食食下菜都停晒口，個指甲鉗都未掂到佢，就己經走定先，真係激死，就算出動到美味既提子，都只係指到一隻手咁大把，真難搞呀∼我ｄ時間好寶貴架麻．．．．
26/2/2003 (三) 特別構造之－手
教左Mousse 咁耐，終於識得Down下，不過唔知點解，兩隻野點都學唔識 hand，反而Sit 同 Turn 就教幾次就識，唔通．．．．佢地隻手係拎唔起既？？
26/2/2003 (四) 其母必有其仔
因為夜晚放兔兔既關係，ｂｂ一定要入籠訓，但阿仔又真係太大隻，所以諗住試下比佢入房訓，點知冇左家姐係到，佢死都唔肯訓，唔係抓門要出番去，就係坐係到呆居居唔知做乜，不過原來佢同矇C兩姊妹都相處得到喎，雖然期間都冇撲佢地，嚇到CC 走都走唔切，轉彎時仲要跣腳原地跑５、６步先跑得郁，個樣極之狼狽，不過話佢幾次佢都唔敢再撲喇，不過就係咁執ｄ兔仔屎黎食，真係有其母必有其仔呀！