                  |
| 1/3/2003 (六) 以尿洗菜 |
||
| 而家每晚都會比一大兜菜菜兩兔食，仲用埋個ｄ可以Fing走水水既野等ｄ菜可以乾身少少，點知唔知兩隻野係咪厭我洗得唔夠乾淨呢？衰到走去向住兜菜係咁噴尿，仲要係幾平均下，噴完就走鬼左去，真係激死，要我重新洗多次先肯食，麻煩呀！ | ||
2/3/2003 (日) 我隻手放左入去架！ |
||
| 今日，比我見到阿仔痾屎呀，原來佢痾屎時，只係將個頭伸入籠，兩隻手撘住個籠入面，就痾架啦，結果ｄ屎屎就痾晒係籠出面既地下，真係激死呀，又唔鬧得佢喎，因為佢又真係叫入左籠丫麻，唉．．．有冇解究呢？ | ||
| 3/3/2003 (一) 分甘同味 | ||
| 朱古力不愧為一個好細佬呀，雖然佢成日走去偷糧食，好似今日咁，又走去偷媽媽ｄ糧黎食，不過一口擔左幾粒之後，竟然唔即刻食，而係走去搵家姐，然後放係地下大家一齊分，嘩∼∼好乖仔呀！！！ | ||
| 5/3/2003 (三) 紅尿尿 |
||
| 今日見到矇豬周圍跳時，隻腳好似有ｄ紅紅地．．好似有ｄ血跡喎，唔通又整親唔知邊？走埋去近鏡睇下，好似真係血喎，再摸一下，好彩．．．原來係好深色到近似紅既屎跡黎，真係虛驚一場．．． | ||
| 6/3/2003 (四) 痛痛．．丫∼∼∼∼∼ |
||
|
因為沙沙太為食既原固，每次見到我地有野食，都會跳上黎要坐大脾食野一份，點知今日就發生左個小意外，跳上黎時失足跌番落地下，但唔知中間發生乜事，跌落地下個一刻 "啦" 一聲，然後佢就一邊尖叫一邊跑去媽咪到，再尖叫左幾聲，夾埋都叫左成１０秒，跟住咪起隻眼好似睜唔大咁，真係嚇我一個半死，連忙摸摸佢ｄ手手腳腳，應該冇咩問題丫，之後比餅餅佢食，丫∼∼又行得跑得喎，好彩o者，唔係ｄ骨裂左點點點就大件事囉∼∼∼嚇死嚇死．．．． |
||
| 7/3/2003 (五) 周圍尿尿尿．．． |
||
| 今朝匆匆忙忙咁準備去番工，進進出出每一間房，乜都搞掂準備出門口之際入房睇睇有冇野漏，一睇之下，嚇到個口得番個窿．．點解？？點解矇豬同CC會係我間房到架？？仲要係沙律張床痾左一大督尿，再係我張床上面既小被舖痾左一小督，噢∼賣葛，又要搞一大輪，夜晚番到黎又要洗一大輪．．．嗚．．．． | ||
| 9/3/2003 (日) 紙皮盒我愛你呀！ |
||
|
||
| 10/3/2003 (一) 卜傻瓜 |
||
|
||
| 13/3/2003 (四) 當史納莎遇上田雞 |
||
| 今日天氣有ｄ濕漉漉，因住村屋關係，附近好多田雞之類既東東，係咁GregGreg叫，拖阿沙同ｂｂ出街時，竟然係路中心出現左隻小田雞，八掛既史納莎當然即刻走去聞一聞睇下乜東東啦，難得隻田雞仔又唔驚懶得理咁照坐係到，反而係莎莎們自己原地彈一彈（？），唔知搞乜鬼，好彩冇食左落肚渣∼ | ||
14/3/2003 (五)  大個女 |
||
| 蛋糕大個女呀，今日黎左佢既第一次，不過佢就好乾淨啦，自己係咁舔係咁舔，一滴都唔比佢滴落地下，真係乖乖女呢∼∼ | ||
15/3/2003 (六)  轉就有得食∼ |
||
| 媽媽成日都問我 "究竟狗有冇弱智架？阿Mou係咪弱智架？咁耐都仲唔識入籠屎尿"，係喎，究竟會唔會真係低ｂ架呢？不過Mousse都識 Sit、Turn、Up、Stay丫，今日仲叻到見到餐檯上面有食物，就自己Up完自後Turn，再望一望ｄ食物，食唔到再自轉多一個圈，我都坐係梳化望住佢，究竟我應該話佢聰明，定係白痴呢？ | ||
| 16/3/2003 (日) | ||
| 今日因為幫舅母買電腦，所以又有紙皮盒啦，不過個盒落地被發覺唔夠十秒，就遭到矇豬勁噴尿，真陰功呢∼ 聽日起一連五日要離一離開番港去做野，又要麻煩媽媽代為照顧三個女同兩個孫啦，超唔捨得呢，希望佢地生生性性啦∼ |
||
| 17-21/3/2003 (一 ~ 五) 上海行五天 | ||
| 因工作關係，離開左香港五日，離開左沙律、朱古力、Mousse、矇豬、CC五日，真係擔心死人，日日都諗 " 唔知佢地點呢？ 好唔好胃口呢？ 有冇曳曳比人打呢？ 有冇咩病痛呢？" 好彩咩事都冇發生平平安安，沙律仲好掛住我添∼ 據媽媽話，沙律成日係我房門口抓門，又鶯鶯叫，以為我係房入面唔理佢，開門比佢入去呢，佢就四圍搵我，搵唔到就走番出廳，過一陣又再抓門再搵我，每日都搵幾次，真乖女呢，算佢啦，番到屋企時，三隻野見到我都勁擺屁屁（係屁屁唔係尾哦！），勁撲勁舔，算佢地有良心啦，而兩隻兔．．．都記得我架，因為照樣樣死跟出跟入，直到放低食物比佢地為止，真為食！ | ||
|
23/3/2003 (日) 三蚊一大包蘿蔔乾呀喂！ |
||
|
||
| 24/3/2003 (一) 玩水樽 |
||
| 今日係房無啦啦聽到廳發出 d "KingLing框冷" 聲，原來兩隻衰ｂ將沙律個水樽咬左出黎玩，搞到成地濕晒，連佢地自己跑時都冼下冼下，跑跑下扒抵係到，望到佢地都唔知好嬲定好笑，仲要水樽內既小膠珠都唔見埋，激死呀∼ | ||
| 25/3/2003 (二) MouMou大個女啦！ |
||
| 尋日唔見左既水樽小膠珠，今日係Mou屎既屎屎裡面搵番啦 (-_-")\ 仲有，MouMou己經大個女啦，因為佢有MM囉∼∼係姊妹中黎得最遲既一個呢，不過佢地玩得大癲啦，所以我都見到唔有血滴落地下，仲有呀，朱朱成日都想UnUn家姐，真麻煩．．．，我諗，佢都真係就快要做公公囉．．． |
||
| 26/3/2003 (二) 成日食唐生菜好悶呀 |
||
| 唔知係咪呢排成日都淨係買唐生菜比兩兔食食到悶左呢？以前一大兜菜到朝早ｄ葉一定會冇晒，莖就一時時有食淨，但呢幾日就好似唔多吼咁，朝早都仲食淨好多，一見到我就衝埋黎要食日本糧，真係咀刁呀∼ | ||
28/3/2003 (五)  我．．．大個啦麻 |
||
| 朱古力越大越爹，鍾意人抱抱同玩 BuBu，但點知今日同佢玩 BuBu 時唔知係咪因為太開心，Bu到個小何ｂ都走左少少出黎呀，阿朱．．大個仔囉∼ | ||
29/3/2003 (六)  剪毛扮靚靚 |
||
|
今日託媽咪帶朱古力同沙律去剪毛毛，跟據媽咪口述，朱古力驚到不得了呀，開頭得佢自己一隻時己經唔肯出門口，拉到佢出去行左一陣屎屎尿尿左後，就唔肯行，要抱佢出去寵物店到，去到時就更加驚，兩隻手篩住媽咪條頸唔肯落地，最後要店員幫手先可以抱走佢，跟住呢，就係咁震震震喇，大隻雷雷冇鬼屎用呀！佢剪完呢，就到沙沙喇，去左咁多次，雖然冇阿朱咁誇，但都仲係咁驚，震晒咁，冇鬼用呢∼ 到我番黎，就再同Mousse剪埋，三隻都白白淨淨整整齊齊呢∼ |
||
| 30/3/2003 (日) 唔準打交 |
||
| 平時沙沙最鍾意就係同ｂｂ打交，有時就自己一個同ｂｂ打，有時就同阿仔一齊夾攻個仔，總之就一定有佢份呀，不過點知佢今日竟然走去勸交呀，見到阿仔同阿Mou打交打到鬼殺咁嘈，就走埋去撲分開佢地，不過媽媽不愧係媽媽，一撲之後兩隻野真係靜靜地你眼望我眼唔再打交喎∼ | ||
| 31/3/2003 (一) 唔抱呀！ |
||
| 今日見到 CC 用個屁屁對住我既同時，眼尾又要８掛地𥄫過黎，鬼鬼祟祟咁，於是我就走埋去歧途抱抱佢，點知，唉．．．．用一秒高頻地出十個飛毛腿，當堂隻手花晒，嗚∼∼ 都係個包－＞CC細個好乖任我抱架，點解而家咁架？？ |
       |