                  |
1/5/2003 (四)  唔準食家姐ｄ糧呀！ |
||
| 阿仔今日又冇大冇細鬧沙律，事關呢個咁鍚家姐既細佬，見到家姐慢慢嘆緊個晚餐時，沙律行埋去，仲要聞下兜糧好似想食咁，阿仔見到即刻撲埋去發晒惡，之後就企係家姐側邊守住，唔比沙律再行埋去，真乖仔呢∼ | ||
| 2/5/2003 (五) 鬚鬚好得意喎．．． |
||
| 今日著左條有鬚鬚既裙，例牌每朝一行出廳矇豬同CC就會跟住要野食，不過今次有ｄ例外，佢對條鬚鬚裙好有興趣呀，係咁企得有咁高得咁高黎咬，行到邊佢都跟住黎咬，乜真係咁好玩咩？仲好玩過食日本糧？ | ||
| 3/5/2003 (六) 阿仔個兜最好味？ |
||
| 今日兩母子大打出手呀，話說沙律走入阿朱個籠入面食佢ｄ糧，阿朱見到即刻發晒惡，伸個頭入去個籠到口擘擘，之後就 WeLiWuLu 大打出手，平息左之後，就到妹妹伸個頭入去阿朱個籠到食佢ｄ糧，不過今次阿朱冇發惡，反而伸個頭入去一口咬幾粒糧，然後放係籠出面比妹妹食，真係鍚家姐呢，其實三兜糧都一榚之麻，都唔知點解個個都要食阿朱個兜既∼ | ||
| 4/5/2003 (日) 發現新梳化喎！ |
||
| 矇豬同CC終於發現左張新梳化啦，今朝一大早起身，奇怪地冇兩團毛毛跟出跟入，原來佢地己經跳左上梳化玩，仲要痾左督尿尿添，好彩冇咬爛野渣，矇豬都醒水架啦，見我一大聲喝佢，就跳番落黎，但CC就係梳化兩頭跑，趕佢成分鐘先肯跳番落地，真係作死呀，個膽越黎越大啦∼ | ||
| 6/5/2003 (二) 跑跑樓梯減減肥 |
||
| 今朝起身一開屋企個木門，矇豬就一支箭咁跑樓梯走上二樓，唔知係咪知到自己肥呢，所以要跑跑樓梯做做下運動呢，不過上就容易落就難，見佢落時一級一級屁股左扭右擰慢慢落，超搞笑呢！ | ||
8/5/2003 (四)  唔洗白白呀．． |
||
| 今日同左阿仔洗白白，係我第一次同佢洗呢，平時都係佢太婆同佢洗既，原來阿仔真係好驚洗白白架，由頭到尾個身到痴住道牆，仲要痴得好實個仔，一有機會就走出黎，結果搞佢唔掂索性企埋入佢同佢沖，點知佢就企高撲埋黎想抱抱，搞到我成身濕晒，下次都係留番太婆同佢沖囉．．． 夜晚放兔兔時，發覺地下有ｄ血跡呀，好似係 CC 既，不過就睇唔到佢個傷口係邊，緊係衰矇成日追住佢，搞到佢極速逃跑時整親啦∼ |
||
| 9/5/2003 (五) 換毛囉！ |
||
| 今日同 CC 梳毛，發覺原來佢終於換毛啦，真係做咩都慢半拍，換毛都慢過人，本身佢同矇豬相比，CC 係甩得比較多毛，因矇豬除左換毛季節外，其它時間都唔係甩得太多毛，CC 就平時都可以梳到好多毛既，所以換毛時就更加利害，同佢梳左成半個鍾，嚇到佢流晒口、鼻水都仲梳都好多毛出黎，快ｄ換完啦，好煩哦∼∼ | ||
10/5/2003 (六)  我又要玩unun
呀 |
||
| 雖然 Mousse 到而家都仲唔識去厠所，又唔識 hand，但其實佢既模仿能力人係好強既，呢排可能成日見朱古力想 unun 沙律，佢見到得意又好似幾好玩架咁，就有樣學樣，以佢細小既身型去攬住肥大既朱古力 unun，超搞笑呢，都唔知佢 un 乜？好既野又唔去學喎，激死呀！ | ||
| 11/5/2003 (日) 梳化呀！！ |
||
| 新梳化買左唔夠一個月，己經．．．穿左個小孔啦，其實佢既防護功夫做得好好架啦，有一尺多高既膠板圍住梳化腳，不過應該係跳左上去咬，真係難搞呀，訓既時候己經舖左番膠係上面架啦，咁都比佢地搵到位咬既，衰豬呀！！ | ||
| 12/5/2003 (一) 偷食我最叻！ |
||
| 今晚執好籠擺好個架步，放好晒第二朝用黎引矇豬入籠既日本糧同蘿蔔乾，唔記得扣實個籠門再轉個頭，唔夠３分鐘，己經一粒都冇淨，嗚∼點解會咁快手架，又會咁醒目知到己經放好晒ｄ小食既？？ | ||
| 13/5/2003 (二) 扭扭肶股仔∼ |
||
|
今朝起身準備番工，一開門，矇豬就帶頭向住大門口直衝，然後轉個小靚彎就向樓梯跑囉，追到追唔切，而CC都唔執輸架，隨後趕上，都跑得好快，係落既時後，唔知係咪因為 "８" 字腳再架偏圓身型既關係 ，比矇豬落得更慢，小肶股扭左扭右咁，真係好鬼死卡哇伊呢！ |
||
| 16/5/2003 (四) 剪毛毛 |
||
| 今日同左沙律剪毛毛，好似好耐冇同佢剪過毛啦，近幾次都拎佢出去剪，因為佢唔肯比我剪指甲，一剪就發惡，腳板底毛都係，真係麻煩呢！不過除左呢種，其它都好合作啦，係死都唔肯企係到要坐，搞到我要托住佢屁屁手都痺埋呀！ | ||
16/5/2003 (五)  勁扭肶股仔 |
||
| MouMou係屋企三隻莎中最熱情最唔怕死既，一叫 "o妹o妹" 就會博命擺尾，呢排仲發明左方法可以拎佢勁扭肶股，就係叫 "o妹o妹" 時自己扭肶股，咁佢就會扭得更加勁喇，由其係佢太婆叫佢，萬試萬靈呢∼ | ||
| 17/5/2003 (六) |
||
| 今日o妹o妹賴屎被捉個正著，結果當然係比太婆捉住鬧啦，不過好彩比阿仔見到，上演一幕英雄救美，阿仔一撲就踏住太婆對手手，唔比佢郁，得o妹o妹可以甩難途走，呢個細佬真唔話得囉∼ | ||
| 18/5/2003 (日) 好味呀！ 屎呀！ |
||
| 今晚發生左件好好好死佈既事情呀，話說洗好菜比兩兔食時，就去左執兔仔屎啦，執執下聽到ｄ好清脆既
"ChopChop" 聲，心諗，食菜菜ｄ聲冇理由咁清脆架，望望兩隻野，見CC企左係沙律個糧兜前面咀郁郁，之後．．．我．．．我見到
CC 佢．．烏低頭＜食．狗．糧＞呀！！！羊加飯味既成犬糧呀，天呀∼我養緊一隻咩兔仔呀？兔仔唔係食素架咩？點解會鍾意食狗糧架？係咪我老眼花啦？ 仲有，沙律夜晚無啦啦用個屁屁擦牆，原來ｄ屎屎痴住左個屁屁，痾唔出黎呀！真核突呀∼∼∼ |
||
| 20/5/2003
(二) 流浪狗．．． |
||
|
最近發覺屋企附近有隻幾得意既長毛流浪狗，仲識得扮可憐添，可能係養開佢既人搬屋冇帶佢走，見佢咁慘，就拎ｄ野比佢食，點知原來都幾串咀，狗糧狗餅狗零食完全冇興趣，人食既餅都只對太平芝麻餅有興趣，真難搞哦！ |
||
| 21/5/2003
(三) 都係狗糧好味喎！ |
||
| 為左試下我究竟養左隻咩兔，所以今日就拎左一兜菜同一兜狗糧放係CC面前， 睇下佢食邊樣，而結果．．佢係選狗糧呀！！！試下拎走兜狗糧放兜菜係佢鼻前啦，佢都係追住兜狗糧喎，究竟羊加飯狗糧有乜咁吸引呢？ | ||
| 22/5/2003
(四) 我．．．得個樣架渣．．． |
||
| 今日有朋友仔黎學琴，其實個個禮拜都會黎，阿朱個個禮拜都會見，但仍然係超∼級∼驚，今日就差唔多驚到全程哩埋左入個籠唔肯出黎，就算我叫佢，佢都淨係企左個前半身出籠，想行又望下朋友仔，結果都係唔敢行，真係超細膽冇鬼用呀，自己地頭黎架麻，有乜好驚者∼ | ||
| 23/5/2003
(五) 做咩困我？ |
||
| 今朝起身番工，咦？？唔見左兩團毛毛痴住我隻腳拎野食既，個廳又好乾淨喎，之後入去廚房拎ｄ野，一開廚房門，嚇到傻左，一個天衣無縫既地雷陣，原來我困左佢地係廚房成．．．４，５個鐘呀，難得佢地又唔抓門冇黎聲氣喎，好彩破壞唔算太大，不過梳化附送既小腳踏櫈櫈就．．．唉．．． | ||
| 24/5/2003
(六) 愛上廚房 |
||
|
||
| 25/5/2003 (日) 同梳化玩遊戲∼ |
||
|
今日一個唔學意，又比矇豬同CC跳左上梳化啦，好彩舖左塊膠，損毀唔太嚴重，只係再穿左個小孔，同多左為數約２０粒既屎屎同一大督尿尿，都好ｄ，梳化呀∼你要努力呀，唔好咁快輸比兩隻兔呀！！！ 今日食晚飯時留左ｄ飯比BearBear (先兩日提過既流浪狗，因似熊人所以就叫Bear啦) ，係美味既粟米石班飯呀，一拎到出去佢就成個醒神晒唔扮可憐，仲以極速食完，好似餓左好多日咁，唔．．原來佢要食飯呢ｄ濕口野，咁咀刁架．． |
||
27/5/2003 (二)  我自己入籠罰∼ |
||
| 今日去睇左套唔多明既 "尾術屎"，夜晚番到屋企，例牌受到三隻莎既熱烈歡迎，好似變左個大明星咁，但玩玩下，見Mousse自己走左番入籠到坐，唔出黎玩，原來佢係門口賴左屎屎，知道會比人鬧，所以索性自己罰定自己入籠，希望鬧少兩句，真聰明，但既然知道會比人鬧，點解唔去厠所到痾呢？真係激死，搞竟要點教，佢先唔會係厠所以外地方賴屎賴尿呀？ | ||
| 28/5/2003 (三) 點算好？ | ||
| 今日拎飯出去餵BearBear 時，見到佢個頭有約三個五蚊銀大既地方冇晒毛生皮膚，仲好似有個小孔咁，一路食一路係咁用手抓，先兩日見先得個五毫子咁大，點解擴散得咁快架？死啦．．我可以點呢？見到佢咁真係好心UP，點算？有冇人可以話我知可以點呀？ | ||
| 30/5/2003 (五) |
