                  |
1/6/2003 (日)今日我牛一呀!!   |
||||
| 今日係沙律兩歲生日，佢老豆特登買左個蛋糕黎同佢慶祝，仲要係一個 "
朱古力慕士蛋糕 " 黎添，可惜佢地唔食得，所以只好比ｄ生果同狗零食佢地食，仲有西莎撈狗糧添，都幾豐富架，仲有一隻新既牛牛公仔比佢地玩添∼ 除左食蛋糕，咁岩放狗狗個到ｄ朋友仔今日又搞活動，去相思灣游水，所以就帶埋沙律去玩囉，同行仲有朱古力同蛋糕添（Mousse輕，今次有旅遊巴撘就帶隻重既朱古力，下次先帶佢啦 ^^"），撘左差唔多成個鐘車，終於到目的地喇，安頓好後就帶三隻野去游水囉，沙老豆帶蛋糕出去游，好似都游得唔錯，同佢自己都肯跟住沙老豆跑出海游，唔洗 "0的" 佢出去，而我同表弟呢，就帶朱古力同沙律，呢兩隻就難搞ｄ，只會向岸游，細膽到死，不過我又唔識游水，大家驚鬥驚，呵∼所以就托沙老豆帶阿朱去深ｄ水既地方，等佢教朱阿朱游，不過其實佢地都天生識游水，只係迫佢游同等佢習慣一下，哈∼教完之後真係叻左喎，雖然都會游埋黎攬到你隻腳實，不過都叫肯游冇衝上岸丫，不過沙律始終就．．．冇用呀！不過下次都係要帶個浮板去玩（比我自己用），咁我就可以同佢地去深少少水既地方玩，皆因ｄ水浸到我大脾，我己經．．驚驚哦．．．好彩冇比浪衝走者 =P
|
||||
| 2/6/2003 (一) 我唔怕你架！ |
||||
|
今日矇豬一出黎，就走入 CC 個籠同佢打左兩圈，唔知係咪因為"Cho"親條氣，所以之後就係咁打屎"Egg"，嚇死我，好彩同佢掃下掃下個背背之後，就冇事ｌｕ，之後想跳番出籠時，阿仔同沙律又扒左係籠門口到，搞到矇豬唔敢跳出黎，隻手仔踏左係門到又縮番入去，不過後尾佢都好少理，仲係沙律隻腳面跳過，搞到佢成面成手都係木糠，傻奸奸咁都唔知發生咩事，真慘呢∼ |
||||
| 3/6/2003 (二) 我又食∼ |
||||
|
||||
4/6/2003 (三)  好野！有得入房訓！ |
||||
| 呢兩晚開始比阿朱入房訓，等佢可以涼冷氣，唔洗咁多口水，等個咀咀ｄ毛可以乾爽ｄ，不過就冇得上床訓，要訓沙律張床仔，冇左家姐陪佢訓好似唔多掛咁，成日訓下又企係身抓我張床，見冇人理佢又再訓，訓一陣又抓過，我地一起身佢又跟住，麻麻煩煩咁呢∼ | ||||
5/6/2003 (四)  點解係我比人捉到？ |
||||
| 呢排 bb 反應好快呢，一見到姨媽仔咬籠，就第一時間撲埋去，當然我見到都第一時間撲埋去鬧啦，Mousse 就精喇，第一時間閃入籠哩埋，淨低阿朱係到比我鬧，不過其實佢只係跟阿家姐走去撲，不過帶頭個個太醒目，呵，真係白狗偷食黑狗當哉呢，次次都係 Mousse 帶頭，不過就阿仔比人捉到 =P | ||||
| 6/6/2003 (五) 張床仔我架！ |
||||
| 前兩晚都係放左沙律入房訓，之後先比阿朱入房訓，不過今日呢，就阿朱入去訓先，跟住先到沙律，點知沙律一見阿朱訓左佢張床仔就大為緊張，第一時間跳落床同佢爭床仔訓，抱番佢上床訓又跳過落去，唔比佢跳呢就扒係床邊望，成晚都係咁唔係點肯訓，要睇實阿仔，真係麻煩呢，搞到我成日晚都訓唔好，佢就爽啦，訓到１２點幾１點先起身，難委我渣．．．成晚睇住佢，第二朝又要番工．．． | ||||
| 7/6/2003 (六) 搵仔？ |
||||
| 可能因為尋日比沙律見到阿朱訓左佢張床仔，所以今晚入房訓時，就算抱左佢上床，佢都第一時間跳番落地，睇下自己張床仔有冇比阿朱訓到，又周圍搵佢，床下底，門後面咁，睇下阿仔有冇入房訓，搵過晒冇先跳番上床訓，真係小家呀∼∼ | ||||
| 8/6/2003 (日) 小強搜捕狗 |
||||
| 夜晚係到玩電腦時，見到沙律係咁聞個床到，推到ｄ公仔跌晒落黎係咁索，都唔知搞乜鬼，不過諗諗就心知不妙，即刻叫媽媽入黎睇下，原來．．．原來真係有隻小強呀！！今次真係好彩有沙律及時發現渣，不過夜晚訓著左時扒左上我塊面就死啦，嚇死．．真係要大讚下佢呢！ | ||||
| 9/6/2003 (一) 綠幽靈呀∼∼ |
||||
| 放工番到屋企，順手除左戴住既水晶，洗乾淨手同ｂｂ玩左陣就入左房，之後聽到一ｄ"啲啲" 聲，開頭都冇為意，之後出去睇，原來係唔知邊隻野係廚房扯左我ｄ水晶落黎玩，阿朱仲比我捉個正著，兩隻手捉住左我條綠幽靈，然有用口咬實扯高，再放，就會發出清脆既 "啲" 一聲，超好玩咁，哼！！正衰仔黎呀，好彩冇斷到渣，唔係佢就＜屎＞！！！ | ||||
10/6/2003 (二) 吠雷公？ |
||||
| 夜晚成晚打雷，不過沙律同ｂｂ就好似唔多鍾意呢個雷公伯伯喇，一打雷，佢地就吠，好似係到鬥大聲咁，仲要係打一下雷就反吠三下，對住個窗係咁吠吠吠．．．麻死人呀∼∼ | ||||
| 11/6/2003 (三) 入錯籠添．．． |
||||
| 而家朝朝早矇豬都會自己入籠，因為一入籠就有一早放好既蘿蔔乾同日本糧食，不過今日就擺左個小烏龍，就係入錯籠喇，一支箭咁跑入CC個籠，以為有得食，點知左望望，右望望，先發覺唔對路，跳番出黎過番隔離，傻傻下咁好搞鬼呢∼ | ||||
| 12/6/2003 (四) 我好醒架∼ |
||||
| CC今日比阿婆讚佢醒目呀，話佢識得聽聲認食物，因朝早困佢入籠，放食物入佢個兜到時，放Oxbow糧佢會冇反應，但一放日本糧呢，咁佢就會識得走埋去個糧兜到，伸個頭入去食野，真係叻叻喎∼ | ||||
| 13/6/2003 (五) 未夠鐘喎！！ |
||||
| 尋日CC比阿婆讚，今日到矇豬豬喇，阿婆讚佢識睇時間呀，因平時多數朝早９點零１０點到就會困籠，今日佢地阿婆好早醒左，８點到諗住困佢地，點知矇豬知到未夠鐘，唔肯入籠呀，平時唔係架麻，唔洗叫到自己跑入去，唔通．．．佢真係識睇時間咁叻？ | ||||
| 14/6/2003 (六) 腸胃唔好．．． |
||||
| 夜晚訓訓呀覺，作死∼沙律嘔呀！！好彩佢作嘔時我都醒醒地，唔係就死啦，成日係再係床到周圍碌就幣，雖然都嘔污糟左張床，不過都好好彩啦，因為之後仲肚痾添呀，不過又好彩佢行左出廳唔係床上面，唔係就真係．．．．都唔知點算啦∼ | ||||
| 15/6/2003 (日) 食呀食∼∼∼ |
||||
| 今日父親節，大部份家族成員都入左黎食飯，最開心呢，就係三隻莎啦，個個黎到都係咁ｂｂ、ｂｂ、沙沙咁叫，係咁比野佢地食，呢個黎到比幾塊，個個黎到又比幾塊，一包１ｋｇ狗餅，一陣就去左１／３包，搞到佢地今晚都唔肯食飯囉∼∼ | ||||
| 16/6/2003 (一) 爛訓狗呀！ |
||||
| 唔知係咪因為尋日成日都有人同ｂｂ佢地玩，所以玩到好攰呢，今日沙律佢．．佢竟然訓到４點幾先肯起身呀，中午佢阿婆仲特登坐係佢側面，打電話黎話我知佢有幾豬，佢聽到聲都只係望一望，就冇再理繼續訓，話之你大大聲講電話丫，照訓可也呀！ | ||||
17/6/2003 (二)  小強唔玩得架咩.... |
||||
| 據ｂｂ太婆所稱，阿仔今朝係到玩小強呀∼∼∼噢賣葛！！我不知情仲同佢"結匙結匙"攬攬添架．．．咪即係間接同小強有接觸囉．．．咦∼好∼核∼突∼呀！不過都好彩阿仔係到玩佢渣，唔係比佢走左上床就慘啦．．．我要係到多謝阿仔，Yeah！ | ||||
18/6/2003 (三)  都唔係好肥者... |
||||
| 阿仔係ｂｂ中第一個識得自己爬／跳出籠，不過而家佢跳唔到啦，因為實在太大隻仔囉，重得淨，所以變得論論盡盡咁，叫佢Turn，轉得一個圈己經唔穩，連跳上床都跳唔到，跳得一半就跌番落黎，真搞笑呢∼ | ||||
| 19/6/2003 (四) 反擊 |
||||
| 平時放兔兔時會困左Mousse，因為佢實在太熱情喇，咩人都會好熱情咁撲埋去同舔，陌生人都係咁，所以唔可以放佢同兔兔一齊，不過見朱古力而家都好乖，唔會撲兔仔，所以就諗住教下Mousse同兔兔相處，不過佢都係唔係幾控制到自己情緒，一見到CC跳出籠就勁興奮，邊勁擺尾邊撲，CC哩左入茶几底佢都照捐入去，哈∼CC見唔多對路，竟然作出反擊呀，以十份一秒向前衝左半米，仲"kfa" 咁"叫"左一聲添，好彩Mousse 縮得快渣，唔係真變崩鼻o妹者∼ | ||||
| 20/6/2003 (五) 爭寵 |
||||
| 呢排夜晚阿仔唔知搞乜鬼，鬼死咁爹，每當我坐係度同矇豬CC執籠時，佢就會走埋黎坐係我側邊，將成個身"埃"埋黎我大脾到，痴到實一實，有時仲要托個頭上黎我個大脾到，我坐過少少，佢又跟住坐過少少，總之就痴到實啦，唔通佢要同兩位小姨媽爭寵？ | ||||
| 23/6/2003 (日) 其實我好FIT架！ |
||||
| 先幾日先話過阿仔肥，跳唔到出籠，點知今日困佢時冇蓋番個籠頂，佢就跳左出黎，不過都有少少論盡，跳出黎時個小啫啫都撞到個籠邊，同要坐到好低先跳都出黎，不過都好叻架啦，起碼沙律同Mousse都跳唔到先啦∼ | ||||
| 23/6/2003 (一) 小強，我唔會放過你地架！ |
||||
| 今日阿仔又捉小強啦，起初見到佢係自己個籠側邊係咁聞，又用隻手抓下抓下，我地先發覺原來己經有隻小強入侵我地屋企，當阿媽行埋去時，隻小強仲要以極速哩左去CC個籠後面，真係嚇死，好彩最後都捉到渣，唔係就．．．真係唔知點！阿仔真係叻啦，所有小強都逃唔過佢呢∼ | ||||
| 25/6/2003 (三) Bu阿仔好好玩呢∼ |
||||
| 阿仔平時好鍾意我同佢玩bubu，一吱佢肚皮，兩隻腳仔就起勢咁"young"，唔知沙律見到係咪覺得好得意呢，竟然比我見到佢推低阿仔，等佢訓係到，然後用"口＋手"同佢玩bubu，玩都阿仔係咁"young"係咁"young"，沙律手停口停後，佢都照訓係到唔起身，想繼續玩，呢隻野真係搞鬼哦=P | ||||
| 26/6/2003 (四) 大混戰！ |
||||
| 嘩嘩嘩，今日發生左狗兔大混戰呀，話說夜晚放兔時，諗住捉住Mousse教佢控制下情緒唔好撲兔兔，咁就可以一齊放，唔洗下下一放兔仔就困佢，好似好慘咁．．．點知矇豬一出黎，就跳入CC個籠追住佢，例牌兩隻兔係咁係個籠到轉，沙律同朱古力見到就第一時間衝埋去（平時佢地同兔兔都相處到，唔會走去撲），仲要伸個頭入去，Mousse 比我捉住就係到吠，結果係超混亂，矇豬仲失平衡訓左係到，真係嚇死我，好彩媽咪幫手捉住沙律同朱古力，少左兩個狗頭係個籠入面，兩隻兔都終於停低，雖然只係短短十零秒，不過成個籠都己經係一執執既兔仔毛，嗚．．嚇死我啦．．． | ||||
28/6/2003 (六)  好臭呀！ |
||||
| 今日開始到星期一，屋企只得我一個，加２兔３狗，慘，要獨力照顧呢五隻野．．． 一早起身番工，之後去行左陣街，夜晚８點到番屋企（註：期間十幾個鐘只得三隻沙係到冇人管），一開門．．．天呀．．．全個廳既地下都係紙碎加未撕成紙碎既雜誌，再加尿．．．最慘既係加埋屎，仲要係肚痾既爛屎，全間屋簡直臭到飛起左，用清水拖左三次地，仍然好臭，再用滴露拖，都係有浸味，之後先發覺，原來係３隻莎個身發出黎，搞到即刻要同佢地沖涼，真麻煩呀！ |
||||
| 29/6/2003 (日) |
||||
| 因為屋企得我一個，所以今朝起身要自己困矇豬同CC，果然如阿媽所講，矇豬見到我，真係跑去自己個籠門口，企係到等我開門，唔似得平時我起身番工周埋黎頂我隻腳要食物，真係識睇時間喎！一開籠門，佢就跳入去係咁食我一早放定既日本糧同蘿蔔乾，而CC 呢，都好醒目，唔洗叫都自己跳左入籠，慢慢等我同佢執木糠，再放食物，真係乖呢∼ | ||||
| 30/6/2003 (一) 優之師奶 | ||||
| 今日放工時因要同狗狗兔兔入少少貨，所以特登兜一兜上去商場，行經優之良品時見到門口放左很多很多既紙皮，仲見到有個師奶左揭右揭係到選幾個整整齊齊既然後拎走，有見及此，我都唔執輸，求其拎左兩個乾淨既就急急腳走（驚比人見到我咁師奶呀！），番到屋企，即刻舖番靚茶几底（之前ｄ紙皮比ｂｂ佢地咬到溶溶爛爛），再舖好靚靚雜誌，矇豬同CC見到都好開心呢，跳左上去玩左好耐，仲有個紙皮盒，不過佢地好似冇以咁瘋狂咬紙皮盒ｌｕ，以前個一紙皮盒一晚就可以穿幾個洞，３日就爛晒要掉，唔知係咪因為近排成日都有紙皮盒比佢地玩，所以冇咁矜貴呢，而家每個都可以夠佢地玩２個禮拜到呢∼ |
   |