矇C日記

1/8/2003 (五)　

好煩呀．．．

今日，Mousse又比細姨媽鬧佢喇，因為我一打開CC個籠頂打算同佢執籠，Mousse就第一時間衝埋去，伸個頭入去聞，又伸隻手仔入去想摸細姨媽，搞到CC係到"呼"佢呢，後尾放左CC出黎後，Mousse又好興奮咁跟到實，又捐個頭入茶几底望，結果受到CC既反擊，以十分一秒衝前半米"呼"佢，見CC發晒皮氣咁，唯有困番Mousse入籠訓覺豬啦，希望Mousse大個ｄ可以冷靜ｄ，見到兔兔時唔好咁興奮啦～

唔知CC係咪因為比Mousse煩親，為左表示不滿，走去踩一督痾左係地上既尿尿，然後向後踼起小尿花，再周圍印～印～印．．．玩野咩．．．

2/8/2003 (六)　

１２３紅綠燈　

好客～

夜晚係洗手間搞呢搞路時，聽到兩隻兔追黎追去發出既聲音，開門望出去，咩聲都冇，兩隻兔郁都唔郁企定定，閂番門又聽到聲，開門又靜晒（？），之後我就試下閂門再開，見到兩隻企定定既兔向洗手間移近左ｄｄ，再閂再開，又近ｄｄ，再黎多次，去到門口喇，真係奇怪呢，當我一開門時，佢地會停晒所有動作唔郁，，閂門時就行動，唔通佢地自己兩隻野係到玩１２３紅綠燈？

今晚又阿仔陪我係房看門口，沙律跟媽媽上左床訓，阿仔認真好客呢，兩隻兔係門口八八掛掛時，佢都冇咩大反應，只係扒係到望住兩兔係到磨下磨，可能兩兔見佢冇咩行動，唔似得沙律咁會用個鼻頂佢地走，就放肆放喇，一齊衝入房（其實係慢慢行），阿仔都有咩反應，只係企係到跟住佢地，望下佢地搞乜鬼，見冇咩動靚，都懶得理，番番去門口訓覺豬呢～

3/8/2003 (日)　

夜晚同CC執籠時，摸少佢一陣叫少佢個名幾聲，佢就攻擊我啦，失驚無神跳高然後狂抓我隻前手臂，嗚～好痛唷！正一野蠻妹黎架，次次執親籠都一定要摸住、掃住佢背背，唔係就發癲衝埋黎．．．之後到矇豬喇，跳入CC籠尿尿時，尾尾黎一個180度勁＜扭+擺+Fing＞，嘩～ｄ尿尿噴到米幾兩米遠呀，當堂中晒招．．．下次佢入去時都係行遠ｄ囉．．．

4/8/2003 (一)　三隻傻莎莎

今晚唔知做乜鬼，困左o妹o妹訓覺之後，個阿媽同個仔玩到癲晒，係咁狂跑狂跑狂跑，好似痴左線咁，尤其是阿仔，係度係咁跑係咁跑，沙律就係後面追，搞到爛訓既o妹o妹都醒左係到吠，不過後尾沙律都醒啦，阿仔跑完入房再衝出廳時，沙律都冇追出去，企係門口等阿仔跑番黎，之後先係咁易入房追阿仔，之後又係門口等阿仔跑番轉頭，慳番兩啖氣，不過最奇怪就係阿仔喇，沙律企係門口都冇追住佢，佢都照衝出廳，跑去梳化然後跑番轉頭，傻～傻～地～架！今晚捉左３隻莎做 Model 影相相，發覺Mousse最專業呢，一著左衫之後就企定定比我影，唔似得阿仔同沙律咁郁黎郁去咁麻煩呢～

7/8/2003 (四)　

我係乖乖仔～

沙律兩母女夾埋蝦阿仔呀，沙律唔知點解成日都要Wo阿仔，要搞佢既，唔知係因為要教仔丫（仲知唔知阿朱係佢個仔呢？），定唔鍾意佢大隻過自己呢，今次仲要夾埋Mousse一齊添蝦佢添喎，佢地兩姊弟感情不嬲好好架麻，阿仔又由得佢地喎，由佢地推自己推到訓係地四腳朝天，兩母女一狗一邊扯佢耳仔都唔發皮氣，阿仔真係好乖好乖呀！

8/8/2003 (五)　

呢塊我架！

今朝起身餵兩兔食蘿蔔乾時，為左公平起見，比雙數大家可以平分，望住佢地食，到得最後一塊時，矇豬好似知道自己食得慢，知道淨番個一塊係佢咁，又驚死食得快既CC會搶佢既，即刻用個鼻將塊蘿蔔乾頂去自己個邊，再黎一個小轉身背向CC，等CC 唔會食左佢既，真係好～醒～目～呀～

9/8/2003 (六)　

扮靚靚

今日帶左三隻莎出去扮靚靚，沙律剪毛，阿朱同Mousse就淨係沖涼剪甲咁，因我要番工，所以就拜託媽咪同我帶佢地三隻野去喇，聰明的師奶，用左架買餸用既車仔，推阿朱同Mousse出去，哈～超搞鬼呢，去接佢地時，都係阿朱同Mou坐買餸車仔，沙律就由我抱，不過途中阿朱出走跳左出車仔，真係曳曳哦！（其實係驚得淨 ^^"）
阿朱今次．．．應該係第三次去寵物店啦，不過仍然係驚到不得了，去到抱起佢時，兩隻手箍住我條頸，實到不能再實，完全唔洗掂佢佢都唔會跌，仲要幾用力先可將佢抱番落地地，而Mousse呢，係第一次哦，美容哥哥話佢好緊張呢，剷耳毛時係咁甩頭，真失禮哦～

10/8/2003 (日)　

發皮四　

唔啋你呀！

CC夜晚唔知做咩發皮四呀，先係到不停咁頂個草兜，頂到粒螺絲鬆為止，好啦，同佢扭番實佢啦，之後佢就走去頂個糧兜，一路頂到個兜打翻左，所有糧倒晒出黎先罷休，都唔知佢做乜～
跟住，就到阿仔發佢太婆脾氣喇，因為阿仔想上床床同太婆一齊覺覺豬，企係床邊係咁撲，但太婆都唔理佢，跟住佢就嬲喇，走去門口扒係到，太婆叫 " 阿仔乖啦，番過黎啦"、"朱朱唔好嬲啦，婆婆鍚番啦"、"阿仔阿仔…"佢都唔理，係連一眼都唔望過去個隻，真係小氣仔呢～　

11/8/2003 (一)　

飲尿有益喎～

夜晚坐係房玩電腦時，聽到一ｄ飲水聲，望一望，原來Mousse係我房痾左尿尿呀，仲要係到飲緊，唔知係咪諗住飲晒去冇人知，咁就唔會比人鬧呢？咁都幾聰明喎，不過佢個舉動嚇親佢阿媽呢，沙律企係佢隔黎，望住ｄ尿尿，嚇到兩隻耳向後，睜大隻眼咁望住我，好似知自己教女冇方唔岩咁呢～

13/8/2003 (三)　

討厭吸塵機

哎呀～～～天呀，今日發生左ｄ核突事，Mou佢實在太醒目喇，為左係廳懶完屎屎唔好比我地發覺，繼上次飲尿後，今次就食屎，咦，佢仲成日好鬼熱情咁跳上黎係咁舔我塊面同咀添架，好核突呀，個咀成浸屎味，真嘔心～

今晚同左阿仔剪毛，都幾乖啦，不過後尾剪完毛吸塵時，因為兩個籠到冇開，佢冇地方哩埋就唯有走去門後個角落避，不過衰格既我當然唔會放過佢啦，係佢周圍係咁給，又扮吸佢個咀咀ｄ髮嚇佢，搞到佢發惡呀，好少好少可見到佢會"E"起棚牙咬咬咬，兇神惡殺個樣，所以都放過佢冇玩佢Lu，嘻，唔知今晚會唔會發惡夢呢？

14/8/2003 (四)　

鬧情緒

夜晚放兔之後，矇豬冇好似平日咁跳入CC個籠到痾屎痾尿，食佢ｄ糧，反而走左去茶几底扒係到，餵佢食木瓜丸唔食，蘿蔔乾唔食，日本糧唔食．．．突然個心真係離一離，唔係有病下麻．．．洗唔洗去睇下醫生呢？不過好彩沖完涼出黎，洗好菜菜放低係地下時，丫，佢又鼻嗡嗡走出黎聞，然就係咁食喎，原來之前鬧情緒，不過唔知咩事激親佢呢？　食完菜菜後，又唔知做咩，係咁頂個１ｘ１米既紙皮盒，頂到個盒係咁轉係咁轉，好似人地玩雜技咁，唔通要發洩一下？

15/8/2003 (五)　挑戰狗水樽

今日放左兔之後，CC唔知係咪見三隻狗狗都唔係到，所以要挑戰一下呢，佢竟然跳上個狗厠所到，然後用佢對小後腳企到高高咁，飲沙律佢地個水樽ｄ水呀，佢地個水樽個咀到粒珠珠都有成１cm直徑，又有ｄ重量，佢都飲都喎，唔知夜晚我地訓晒覺得係咪成日都練習架呢？

17/8/2003 (日)　快高長大

一歲生日呀！！！

今日係沙律同Tiger 結婚一週年及BB一歲生日既大日子，所以特別為佢地係西貢開左個小型生日會，除左阿大栗子又痾又嘔去左搵醫生叔叔開 P之外，一家六口都有出席呢，仲有一隻同樣係８月生日既西施同２隻約瑟狗狗添呢，仲有呀，都唔明身為阿大既栗點解咁鬼渣架，上次去石澳又暈車浪嘔，今次生日又．．．維他陳，點做人老豆架？唔該比個合理解釋我呀下！！

去到西貢坐定定，即刻搵齊主角影一輪大合照，狗狗們都好合作乖乖扒係檯到,賣花讚花香，Mousse同朱古力最乖呢，扒定定成個Model咁款，到影完相，都仲係咁扒係到，抱佢坐都唔肯坐，仍然要Keep住扒係到個姿勢，唔通咁樣有型ｄ？有好一陣子有見過CreamCream喇，真狗比上鏡靚同肥呢，仲有呀，佢同蛋糕最似樣哦，唔知栗子點呢？佢細粒ｄ定Mousse細粒ｄ呢？維他陳！你同我出黎呀～～～

今日終於明白點解朱古力平時咁怕行雷呢，佢見到老豆Tiger（咁大個仔第一次見到老豆呀～）兇佢呀，仔鬧老豆雷公會打屁屁的哦…可能平時少見到咁大隻莎莎啦，所以唔多鍾意呢，不嬲係屋企五隻野中佢都最大隻最威咁架麻（只係表面上），不過阿仔好似仲大隻過老豆少少呢，絕埋育可能仲大隻哦，遲ｄ要控制下佢既食量囉～

生日會後，周圍行左陣，再會合姨媽同佢地隻巴薩享狗狗Bunny，唔知Mousse係咪認得Bunny係屋企吠過佢呢，一見bunny就發晒癲勁吠，仲想撲埋去添，搞到十米內既人眼光都一致望晒過黎，要拖佢去行下散下步先冷靜到落黎，但過一陣又吠過，結果又要去行下冷靜下，不停咁重覆呢個作動呢～

而Mousse呢，同平時一樣啦，唔係幾控制到自己情緒，所以一直都冇放狗帶比佢自己周圍走，驚佢會走甩，只係放沙律同朱古力，不過因為一眼關二莎都有ｄ困難，所以阿仔都冇成日放繩比佢周圍走～

到六點零七點鐘，就痴舅父車番屋企，其間沙律、Mousse同蛋糕都累到扒低訓覺，但阿仔仍然係好緊張係時不時換姿勢咁係我大脾上企、踎、坐等．．．搞到我想訓陣都唔得，番到去，將ｂｂ既禮物黎個大晒冷，點支小爉燭係咁易影幾張相，再一狗一舊小小蛋糕作最後慶祝，唔知ｂｂ佢地今日開唔開心呢？

＋＋＋多謝CreamCream爹地媽咪同Tiger爹地媽咪買比ｂｂ們既禮物呢！＋＋＋

16/8/2003 (一)　作反呀

作反呀作反呀，有狗恃住自己尋日生日作晒反呀，仲要教埋姨媽一齊反添喎，首先打頭陣既係兩隻兔，跳上梳化尿尿，可知道我屋企既梳化腳有硬膠重重包圍保護著，仲要係一張梳化床黎，要抹乾淨首先要張梳化旁的茶几移開，然後將硬膠拿走，再將梳化攤開變成床清潔一大番，簡直叫晒救命，之後，就發現房既大Cushion有尿尿，因周圍有小尿花（水花），所以斷定係朱古力既好事黎，結果又要清潔一番，Cushion 也要拎去掉，好喇，搞掂之後，噢賣葛．．．媽咪張床有勁大督尿尿呀！！今次應該係Mousse既重頭戲喇，結果要洗床單，掉５尺大床褥，好彩本身係打孖兩張床褥訓（因原先的太軟所以再買多張），所以掉左一張都叫仲有得訓，唉．．．簡直抹一額汗呀今日．．．．

17/8/2003 (二)　

咪阻住條路啦．．．

今日，矇豬比朱朱同沙沙封左番籠條路呀，當我坐係佢地籠門前執屎抹籠時，兩狗都好乖乖咁坐係我側邊陪住我，不過就搞到矇豬入唔到籠喇，見住佢由餐檯個邊好有氣勢咁跑過黎，但見朱朱同沙沙坐左籠就亦刻剎制掉頭，過一陣又跑過黎，但都係唔成功番唔到入籠，結果要我帶走兩隻狗狗先得掂，見矇豬一入籠就勁屎屎同尿尿，我諗佢都忍左好耐呢～

18/8/2003 (三)　

玩渠蓋

朝早趕頭趕命、係厠所梳洗準備番工時，唔知幾時唔覺意地比矇豬走左入黎，直到聽到一ｄ"chachakwakwa"聲先發覺，原來佢跳左入去沖涼既地方咬去水個渠蓋，邊咬邊拉屎，連我叫佢都冇咩反應，直至我拍佢屁屁先識走，真係玩得好開心呢～

19/8/2003 (四)　

天台是我厠

雖然人地話史納莎係好聰明，不過我就有一隻懷疑係低低地既史納莎Mousse，由佢出世開始養到佢咁大隻，細細個開始教，到而家都唔識去厠所屎尿，但係呢，佢又記得上天台係可以尿尿架喎，今日一開木門，一個唔覺意，就比佢衝左出去，一直追到佢上天台，未上到去，己經見佢開始落番黎，因為天台鐵閘冇開佢出唔到去，結果佢就尿左係閘門口喇，佢自己心目中既厠所，己經變左係天台喇，一帶佢上去佢就會即刻屎尿，唔係既話就周圍痾，真麻煩呢，要行三層樓梯先去到個厠所到，唉．．．

20/8/2003 (五)　

邊個叫醒我？？

平時係屋企冇乜野做時，就會坐係梳化邊睇電視邊望住兩隻兔，雖然佢地扒係個籠唔多郁，但都好鍾意望，今晚望望下時就見到矇豬係到訓覺，訓到個口微微張開見到兩隻牙仔，然後隻手仔同腳仔抽下抽下，好似人地抽筋咁，望望下個心都有ｄ驚驚地，叫佢幾聲豪無反應，嚇到我大大力拍佢個籠，佢先係睡夢中驚醒，一臉怨氣兩頭望，見佢冇事當堂個心輕晒，然後就扮冇野冇拍過佢個籠繼續睇電視喇，呵 =P

23/8/2003 (六)　

公公阿嚤

今日，係阿仔做公公既大日子呀，雖然係一個小小既手術，但都有ｄ擔心，話晒都全身麻醉麻．．．不過好彩手術都好成功，去接佢時，佢都冇話嬲唔啋我，見到我時都擺擺尾，不過姑娘話佢好細膽呢，開左個籠叫佢出黎死都唔出，又腳震震咁喎，噓～冇鬼用呢，不過冇用得黎都幾惡死喎，人地姑娘想同佢戴個伊利沙伯罩，佢惡到死又Fing頭又Woo，不過我同佢戴，丫～佢又冇野喎，不過因為要坐佢架私家車（人地師奶買野拉既車仔再加一塊Cushion），所以就除左個罩，番到屋企，將佢同沙律、Mou 屎

隔開，阿仔番到屋企冇得同媽媽家姐玩就顯得唔係咁開心，扒係門口冇黎心機，而媽媽家姐亦都扒係門口等阿仔，一家人真係溫馨呢，大家都隔住對門扒係地下等對方，感情真好哇！

到夜晚，放左阿仔出黎，沙律同Mousse即刻係咁搜佢身，聞呀聞，係咁"烘"佢屁屁，麻麻煩煩咁，仲想咬佢頸頸同佢玩添，到食飯時間，好耐冇見過阿仔咁狼死食兜糧呢，等我仲驚佢唔開心冇胃口撈西莎比佢添，食到冇晒時都仲係咁舔個兜兜，不過又係既，話晒都餓左成日，番黎時仲餓到條腰瘦晒添～

再夜ｄ兔兔時段放兔時，坐係CC籠門前同佢執籠，一邊執矇豬就一邊痾，痾完仲要好似嫌我肥阻住晒咁，係籠頂跳出黎，搞到我成身都係木糠．．@#$%@

24/8/2003 (日)　矇豬新玩意

矇豬有新玩意呀，就係跳入大膠袋玩喇，挖挖挖咬咬咬，見佢玩得咁開心，等我又玩埋一份啦，一手抽起大膠袋，矇豬被抽起後大為緊張，用盡辦法企高伸個頭仔出黎探個究竟，見佢咁緊張，好啦，放番低佢以為佢驚跳番出黎，丫～又冇喎，安全著陸後又再咬咬扯扯玩個痛快，真貪玩呢～仲有呀，CC今日舔我隻腳呢，好耐冇試過囉～

25/8/2003 (一)　

尿呀！！

今日糕糕黎左玩（佢黎接我放工呢，好乖哦 ^^），不過佢家姐就差ｄ喇，唔聲唔聲跳左上梳化尿尿，仲要當時沙ｂ公坐左係到，結果，呵呵呵，由外濕到內，衫又濕褲又濕，真慘呢～
夜晚執籠時矇豬走左入CC籠，當時正在同CC加糧，裝住Oxbow糧既膠盒就放左係籠中間，矇豬唔知係咪嫌佢阻定呢，一口就咬住個兜兜邊要移走佢，我放番埋佢比佢食都唔要，但係放左落CC個糧兜到就食喎，真奇怪呢，唔通用CC個兜裝住ｄ糧好食ｄ既？

26/8/2003 (二)　

矇大家姐

沙沙戴罩

今日放左兔時有隻八掛貓八八掛掛咁走左落黎，企係門下望下望下，見到冇狗狗（入房訓晒覺），想走入黎，點知遇見小霸王矇大家姐，雖然身型上矇大家姐略遜一籌，但膽量方面就絕不輸蝕，完全唔放呢隻八掛貓在眼內，係佢面前走黎走去，後尾仲跳埋去，嚇到貓貓叮叮噹噹咁走番上樓添，呵，矇大家姐好野！

因為阿仔開始舔傷口，所以一定要同佢戴番個罩罩（之前除左做完手術番黎個一陣外，都冇幫佢戴），不過一同佢戴，佢就唔開心啦，企定定唔肯郁，好似比人點左穴咁，見沙律聞聞下好似笑佢咁，所以為左比佢知道阿仔既感受，所以就除左阿仔個罩罩同佢戴，當堂謝晒呢，不過之後又真係好似冇再聞阿仔喇喎～

27/8/2003 (三)　

磨碎ｄ糧做糊仔

由放工番到屋企開始，就聽到CC咬糧兜既"框框"聲，走去望望佢，就見到佢個下巴仔放左係個糧兜上面，兩隻手仔呢，就係糧兜下面係咁挖，挖幾挖就擔下個糧兜，都唔知佢搞乜鬼，到放佢出黎時，望望兜糧，ｄ糧全部部碎晒呀！！真係激死，張ｄ糧磨成粉起浪費食物呀！！

28/8/2003 (四)　

翻 "奄" 疑雲

Ytd見阿仔丸丸個位漲番大，又有少少紅，有擔心係咪手術失敗左，丸丸出番黎，託媽咪帶阿仔去睇醫生，原來係袋袋裡面ｄ微絲血管爆左所以漲起，同埋有ｄ發炎，可能因為磨擦同佢舔傷口，為左好好防止阿仔舔傷口，姑娘同佢換左個大一碼既罩罩，呵，換左個大罩變得仲唔方便呢，行到邊撞到邊，不過冇法子啦，忍下啦阿仔～

矇豬見到阿仔換左個大罩，即刻唔輸蝕八八掛掛咁走去聞，聞完仲要磨添喎，連阿仔個罩都要覇？唔知佢仲記唔記得好耐之前，佢因為整親手隻都載過呢？

30/8/2003 (六)　我有得去食海鮮呀！

今日帶左沙律去流浮山食海鮮呀，其實本來唔關佢事既，只係屋企去食，不過見有車車坐，仲要係７人車超濶落個隻，所以就帶埋佢去啦，次次帶親沙律一個街街，聽到最多既說話就係 "哦～你偏心哦"，MM...咁沙律係媽媽丫麻～去到食飯地方坐低後，沙律除左有佢既餅餅食之外，我認為佢可以食既野，都會經我口去汁比佢食，發覺原來佢係唔食草菇架，仲有鮑魚都唔食呢，原來．．．佢都唔係咁為食者，呵～

夜晚番到黎，兩隻ｂｂ係咁聞沙律搜佢身，之後好似好不滿咁夾埋Woo佢咬佢頸，好似鬧佢唔出街唔帶埋佢地咁，Woo完一大輪，阿仔扒左係沙沙前面訓覺，我手痕痕用支筆搞佢條尾，然後快速扮冇野打打字，佢拎轉面一望，以為係沙律搞佢，起身發佢皮氣呀，哈哈哈～成功整蠱到阿仔哦！！！

31/8/2003 (日) 　唔關我事架．．．by沙律

今日，CC又將ｄ糧咬碎晒啦，係咁咬到"KingLingKanLan"，走去望望，咦～原來佢個草兜冇晒草草，唔通，佢咬兜咬糧係叫我加草？印象中先兩日佢咬碎ｄ糧，個草兜ｄ草都食得七七八八哦～

仲有，今日發生左＜大．件．事＞，當我準備去訓個小睡時，咦？點解張床濕既？天呀～唔知邊隻狗係四呎半大床尿尿呀！先兩個WK先掉左張床褥，今日又．．．嗚～今晚要訓狗尿床啦．．．