                  |
| 1/12/2003 (一) 珍惜每個機會 |
||||
|
好多年前一個生日，姨媽送左一個會發聲打鼻鼾既 ernie 公仔比我，而家放左係床頭，夜晚ｂｂ係我張床跳黎跳去時，突然間隻erine公仔叫起上黎，嚇到ｂｂ有幾秒鐘一粒聲都唔出，不過見erine冇咩動靜時，就對住erine狂吠狂吠，超搞笑呢∼ |
||||
2/12/2003 (二) 我有個按摩師  急急 |
||||
| 唔知係咪因為呢排天氣比較凍左，人流汗少，狗狗都係，滴得較少口水，咁水水就冇變汗而變左尿尿，唔知係咪因為咁，Mousse未等到我帶佢出去就痾左尿尿，又煩麻哦∼ 尋晚矇豬要CC同佢舔手舔腳後，今日呢，就到屁屁啦，其實可能係CC要舔佢（有怪癖？），見矇豬係CC個籠屎尿完之後，就轉個身，聞下聞下自己ｄ屎屎，而CC就係到同佢舔屁屁舔尾巴，一個願打一個願挨係咪就係咁解呢？ |
||||
3/12/2003 (三)  我點知唔飲得喎… 噴呀！ |
||||
| 矇豬個籠同CC個籠係平排放，CC係左邊，矇豬係右邊，而兩個籠到係左上角放食物，右上角呢就係廁所黎∼ 夜晚同矇豬執籠時，佢就企係CC個籠既廁所以，"吉"起屁屁起勢尿尿，尿尿來勢洶洶，噴到自己籠既草草同糧係都尿，當然我隻手都走唔甩啦，真係麻煩呀，痾就痾啦麻…又要噴…
%#%$^@! 仲有，阿仔今晚比我鬧呀，佢竟係佢自己既水未飲晒既情況下走去廁所飲地拖水，好彩裡面唔係有滴露既地拖水渣，唔就係唔知點算，嚇死… |
||||
4/12/2003 (四)  我唔減架… |
||||
|
||||
5/12/2003 (五)  我著二十碼 |
||||
今日約左朋友係旺角食飯，經過街邊狗仔衫檔攤，所有衫仔十蚊一件，食完飯拿拿林做個師奶仔走去睇，丫丫丫∼有一件我上個wk先買廿五蚊未著過，嗚∼蝕蝕蝕呀！
|
||||
6/12/2003 (六)  夾攻媽媽 有新草食∼ |
||||
| 今日蛋糕去左拆線喇，之後入左黎玩啦，雖然拆左線即係話傷口好番，不過見佢同媽媽家姐阿哥玩到癲晒，左彈右彈，都有ｄ擔心個傷口會爆線哦…同佢地玩左一陣後，就由得佢地自己玩，我去做自己野，過一陣後出去望下，見有三隻狗夾攻一隻，以為實係蛋糕比人蝦啦，哈∼睇真ｄ，原來係三個仔女夾埋蚊媽咪呀，係咁追住佢，佢哩入檯底，ｂｂ就一隻左一隻右一隻兩邊走黎封住佢去路，都唔知搞乜鬼，突然間同蛋糕咁好感情企埋同一陣線既，狗狗思想真奇怪呢∼ 今日買左新草草，第一次買 oxbow既 oathay，發覺同之前買既日本牧草好似樣黎，都係假假地唔多似草，同 Timthoy，orchard grass個 d 唔同，即刻比兩兔試下，CC好似好鍾意食咁，一放落個草兜佢就訓緊覺得彈起身食，矇豬就冇埋到我，不過佢咁鍾意食日本牧草，咁應該都會鍾意呢隻掛，希望佢鍾意食啦，食多ｄ唔同草草對身體好 ^^ |
||||
| 9/12/2003 (二) 雞絲蘿蔔橇屎餐 |
||||
|
||||
| 11/12/2003 (四) 葛…呼…葛…呼… |
||||
| 呢幾日天氣都好凍，好似聽晚仲凍，夜晚同阿兔執籠時，發覺CCｄ糧清晒，食剩幾粒咁大把，好似好耐好耐冇試過會清晒ｄ糧囉，通常一日半兜仔都唔會食得晒，但草就食得幾多下既，唔知係咪天氣凍要儲多ｄ能量呢？矇豬ｄ糧都好似比平時食得多左ｄ，但都有剩，唔…似乎要控制下佢地ｄ食量喇，唔係實變肥豬兔囉∼ 夜晚攬住阿仔訓覺暖笠笠，一個會發熱既天然大攬枕，好過攬個暖水袋，不過攬攬下，我都係放棄左佢喇，事關呢個攬枕會發聲呀，仲要係漸漸大聲既“葛…呼…葛…呼…”鼻鼾聲，真係離譜呀，連我推佢叫“仔呀，好嘈呀你，阿仔呀喂…喂…”，都冇黎反應，繼續“葛”，抱左佢去床角尾訓都係咁，完全冇醒過…唉…豬呀∼ |
||||
| 12/12/2003 (五) |
||||
| 呢一兩日同矇豬執籠，都發覺佢個廁所好乾淨，ｄ木糠冇濕到，但企係到食糧食草個屁屁住呢，就有ｄ尿尿木糖係到喇，唔通天氣凍唔願郁連跳上廁所都懶？力氣都要慳番？放佢出黎就，走去CC個籠食完痾完後，就索性扒係到唔跳出黎，真係懶得緊要呀∼不過當聽到ｄ膠袋聲咁都係忍唔住跳左出黎呢，真為食哦∼ 到同佢地執籠時，因為我都懶既關係，將成大盒草拖左佢過佢地個籠側邊，方便加草唔洗行幾轉，結果就吸引到佢地過黎搞搞震喇，不停係紙皮盒同籠中間既位置走黎走去，好似過隧道咁，邊行邊咬咬紙皮，麻麻煩煩咁呢… |
||||
13/12/2003 (六)  邊個豬豬嘔？ |
||||
| 好凍好凍，新界北特別凍，所以三隻狗都跳晒上床訓，真係熱鬧呢∼想轉個身都轉唔到哦…今朝起身，發覺床尾有嘔漬呀，不過就唔知邊隻嘔，不過Mousse半夜訓訓下起過身，之後今朝起身就見佢落左床仔訓冇跳番上床喇，唔知會唔會係佢呢？不過見佢地三隻都好精神，應該又係唔知執左ｄ咩黎食定啦∼ | ||||
| 14/12/2003 (日) 你吠我踏 |
||||
| 矇豬同CC兩隻兔相比，CC係比較神經質既，有咩唔對路就會大大力踏地，矇豬呢，就比較少，膽子大麻∼不過今晚就唔知做咩無啦啦踏地，仲要好鬼大聲，走埋去望下咩事啦，丫∼風平浪靜喎，但佢都繼續踏，踏多幾下後，就到沙律唔鍾意喇，走埋去吠佢，佢見沙律吠，又踏多下，沙律見佢踏多下，又吠多聲…一隻狗同一隻兔，就係咁對吠對踏左幾次… 到夜晚放兔時，發覺CC自行將屎尿位置轉左呢，唔知係咪天氣開始次所以懶左呢，不嬲都係係右上角屎尿架麻，無啦啦轉左去中間ｄ既住置，即係企係到食草食糧個屁屁位對下，名符其實邊食邊痾呢∼ 丫∼仲有呀，CC今晚差ｄ中頭獎呢，我同狗廁所換報紙，個兜ｄ狗屎未抹乾時，佢無啦啦跳埋黎呀，差少少就踩中ｄ狗尿喇，好彩我一手"bu"開佢渣，唔係就成腳係架啦∼ |
||||
| 15/12/2003 (一) 好彩我夠大Pat頂得住∼ |
||||
| 屋企平時開住房門既時候，就係用ｄ透明膠板欄住，到我地訓覺呢，就用黎欄住梳化，夜晚拎左膠板出黎諗住欄梳化時，順手將佢"埃"住牆放住先，點知隻八掛矇一見到，就好似發現新大陸咁，走埋去八八掛掛，用個鼻仔頂，點知一頂就"啪"，塊膠板就跌左落黎，差ｄ拍扁佢，好彩塊膠板好薄好輕渣，而矇豬個大屁屁又頂得住，唔係實札扁佢都似∼ 係喎，點解我當時唔係第一時間衝埋去救佢，而係笑佢架呢 =P |
||||
| 16/12/2003 (二) 食左一舊仔之麻 |
||||
| 夜晚開餐時，一時唔記得拉開少少餐檯椅，結果，就比沙律跳左上去偷食左一舊栗子雞，唔係佢咬到ｄ骨食到"卜卜"聲，我都唔知添呀，真係曳曳呀∼ | ||||
| 17/12/2003 (三) 我叻叻，痾左都唔知 |
||||
| 夜晚放ｂｂ入房訓覺豬時，三隻野都第一時間走去我床尾係咁索係咁聞，見到佢地咁樣都己經心知不妙，伸個頭埋去同佢地一齊索一索，唉…真係有狗尿味呀∼唔洗問實係Mousse啦，痾完又唔出聲，等ｄ尿尿比ｄ被呀，公仔呀索到乾晒喇，先走去聞話我知，正衰女黎架，天寒地凍拎左張被去洗你叫我點丫？？ | ||||
| 19/12/2003 (五)痾呀"Fei"呀 |
||||
| 今日三隻狗唔知搞乜鬼作反呀，不停係地下發現尿尿，個衰仔係就係企係廁所上面去，但就出晒界…同佢抹乾淨後又到廁所另一邊有尿尿，應該係沙律啦，好喇，又抹完之後就到Mousse，跟住又到仔出界…嗚，整晚都在抹尿尿哦∼ | ||||
| 20/12/2003 (六) 拆屋… |
||||
| 夜晚番到屋企，好開心見到間屋好乾淨，平時如果我同媽咪都出左街，冇人係屋企，三隻野就會發脾四張廚房ｄ毛巾呀，茶几ｄ雜誌，紙皮咬到通地係，今日竟然冇喎，真係乖乖喇，就係讚緊佢地既同時，發覺姨媽CC間屋原來比佢地三隻野拆左呀，個籠頂打斜跌左入籠裡面，搞到CC迫住企左係籠既後半面，水又飲唔到，草又唔係幾食到，扒又扒唔抵，呆呆地咁企左係到…唔怪得ｂｂ佢地咁乖啦，原來己經拆左姨媽個籠，真係離譜呀∼ | ||||
| 22/12/2003 (一) 做冬開餐 |
||||
| 今日做冬，又係沙律同ｂｂ開心既日子，因為只要ｄ姨媽呀表妹呀入晒黎，佢地成日個口就可以唔洗停，只要坐下，企呀，撲下就有餅餅食，佢地食得開心，餵個個人仲開心
^.^ ，表妹餵得開心，阿姨仲話買三包餅仔比佢地一狗一包添，做狗真開心哦∼ 到夜晚開飯時間，拎住罐狗罐頭，到未開，三隻野己經好興奮咁撲埋黎（又會知係佢地食既？？由開罐到個一刻開始，６隻眼未離開過我隻手手，緊緊盯住，到Stay等食時，沙律仲偷步添，驚死蝕抵咁… 下一次大餐，應該係聖誕節吧，少食多滋味，多食壞肚皮，呵∼ |
||||
| 24/12/2003 (三) 霸個靚位訓覺 |
||||
| 阿仔自從絕左育後就越黎越爹，以前入房，都係訓床角尾，而家有時要痴實你訓，要你攬住佢，麻麻煩煩咁，不過冬天還好，暖笠笠∼ 今晚阿仔比我同沙律早訓，所以就霸定個靚位，就係我訓個位隔黎，岩岩好可以比我攬，不過阿仔未入房訓之前，個位不嬲都係沙律訓開既，沙律一跳上床，見到自己個位比阿仔訓左，想走埋去攝個位，點知阿仔勁勁惡呢，E起棚牙又好惡屎咁吠，平時阿仔都好好皮氣既，估唔到為左個靚覺豬豬位發惡呢∼ | ||||
| 25/12/2003 (四) 咬單？ |
||||
| 聖誕佳節，狗狗們都有罐頭加糧，不過兔兔都慘ｄ喇，點開大餐都係得菜菜，有法子啦，健康要緊麻∼不過今日我都成箱草放左係聽，比佢跳上去食跳上去玩，不過矇豬就唔知點解對盒上面既單情有獨鍾，係咁咬，抱佢落番地，佢都係跳番上去個一個位咬張單，搞乜鬼呢？ | ||||
26/12/2003 (五)  姊弟情深 |
||||
仲有，今日Mousse阿婆好醒地同佢洗完白白後拎個剷同佢剷尿尿位置既毛毛，搞到Mousse係咁舔，好彩冇損到，真係…哎唷…… |
||||
| 27/12/2003 (六) ｄ哥哥姐姐都唔識既… |
||||
今日屋企好熱鬧，一班同學仔黎左我屋企燒野食，阿仔見到，開頭就係威係勢，係門口到撲下撲下，又大大聲吠，不過人地入到屋呢，就嚇到佢即刻哩左入餐檯底，叫佢都唔出黎，不過唔叫佢呢，佢又八八掛掛咁一小步一小步走出黎望，但一擰轉面望番住佢叫佢，佢又哩都哩唔切咁喎，男人老狗真細膽呢，結果只得沙律同Mousse招呼客人，阿仔呀阿仔，乜你咁屎架∼
|
||||
28/12/2003 (日) 紙皮好∼  丫∼我隻腳仔呀∼ |
||||
|
今日訂左既草草送左黎，有ADP既Timothy，Oxbow既Oat hay同Orchard，一大箱好鬼香，一拎出廳，矇豬第一時間衝過黎，仲跳埋上個紙盒到，諗住佢緊係會食草啦，丫點知佢就係到咬紙皮，有草唔食走去食紙皮，真激死…
|
||||
| 29/12/2003 (一) 我冇事喎∼ |
||||
| 今日放工帶左Mousse去睇醫生，出門口個陣佢仲係單起一隻腳行路，點知抱佢去到醫生到，放落地，佢竟然…竟然即刻腳踏實地，四隻腳仔掂住地下行，好似咩事都冇咁，唔通以為咁就可以話比醫生聽咩事都冇可以走得？唔洗食葯、唔洗打針、咩都唔洗妹醫生四腳踏地 | ||||
| 30/12/2003 (二) 新鮮？新鮮∼ |
||||
|
    |