| 1/3/2004 (一) |
到我反擊！
|
。。。。  |
| 沙律終於都起完水喇，都唔知點解咁鬼耐既，ｍｏｕｓｓｅ遲起水過佢，都起完喇，唔知關唔關佢成日比ｍｏｕｓｓｅ ｕｎ事呢？不過今日沙律開始反擊喇，成日搵ｍｏｕｓｓｅ ｕｎ，如果ｍｏｕ唔理佢，或者坐／扒／訓左佢ｕｎ唔到呢，佢就會係到“ｗｕ”，又用隻手抓佢，麻麻煩煩咁∼ 今日打左電話約老虎同矇豬絕育喇，好緊張添，驚自己事後照顧得佢唔好，傷口埋得唔好，又驚佢番黎唔食野，餵唔到葯，ＣＣ會蝦佢……希望一切順利啦，緊張緊張… |
||
| 2/3/2004 (二) |
尋找蘿蔔乾，邊個好眼力？
|
。。。。 |
| 夜晚，比兩隻係咁跟住我，想食野，正一為食兔黎，餵佢食蘿蔔乾時，試下考佢地耳力，掉塊蘿蔔出去，睇下佢地會唔會聽到聲走去食，點知係唔∼得∼既∼，佢地只會係咁聞我手上面個樽蘿蔔乾，結果呢，我就佈左個蘿蔔乾陣，呢到放一粒，個到放一粒，放到成個廳到係，發覺原來ＣＣ係好眼力Ｄ既，識得走去食，而矇豬呢，就係見到ＣＣ走去食，就跟埋去睇下，但都冇用啦，都比ＣＣ食左咯，到ＣＣ發現第二粒走去食，矇豬又走去睇下，但又係比ＣＣ食左，真冇用，唔通佢有大近／遠視？哈哈∼幾好玩呢，行兩步有得食，慢慢發現寶藏咁∼ | ||
| 3/3/2004 (三) |
學上廁所 新鮮蘿蔔好好味
|
。。。。  |
||
|
||||
| 4/3/2004 (四) |
我係好威既ＣＣ
|
。。。。 |
| ＣＣ： 今晚媽媽捉左我上餐檯，話唔知點解身為一隻兔仔既我，咁唔整潔，成個屁屁都係屎都唔清潔一下喎（我有軟便問題，但己經冇零食，又食得勁多草，仲要係名牌子，又應該唔關菜菜事，試過停菜只食草都係咁，懷疑係太神經質，太過緊張所致，你知啦，屋企個三隻野成日吠，好煩架麻嘈到死 ），所以要同我清潔一下喎 ∼ 一上到檯，嚇到我鼻窿冇肉，都怪佢平時懶啦，等ｄ屎屎好似人地ｄ甜品“乜乜酥”，一層疊一層先黎清潔，抵佢彎低身成粒鐘腰骨赤赤痛架∼ 搞咁耐我己經好唔耐煩架啦 仲要同我剪指甲喎，我咪發晒老脾ｗｕ一聲衝埋去囉 ，丫∼佢又縮得快喎 ，我差少少咬到架啦，之後我威呀，死盯住佢隻手，佢一想伸埋黎我就wu，哼∼結果我嬴左，唔洗剪，佢仲想用蘿蔔乾黎引我，我都好威咁唔食，呵呵呵^0^ 咇∼ |
||
| 7/3/2004 (日) |
新廁所∼
|
。。。。 |
| 星期三就要帶矇豬去絕育，而佢用緊個廁所都好污糟囉，洗乾淨都怕有ｄ鐵“秀”係上面，會感染到傷口，所以，同佢買左個同款既新廁所，今日同佢玩左，見佢都有用，照跳上去屎尿，唔…適應得都好快，希望絕完育都好快復原就好喇∼ | ||
| 8/3/2004 (一) |
肥仔？ 點解我個頭濕濕地？
|
。。。。  |
| 今日同左肥仔朱剪毛，不過點解剪完都好似咁肥仔既？？望落去真係好好肉地，抱佢去磅呀，嘩！！唔係下麻…成２４磅？？好∼肥∼仔∼呀！仔呀仔，仔再肥肥，婆婆真係抱你唔起架啦∼∼ ＣＣ： 夜晚媽媽放左我同家姐之後，家姐走入我個籠尿尿，唔知點解佢企上廁所時個屁屁對住出面，咁我咪諗住走去聞下囉順便頂番佢入去，點知就聽到媽媽好大聲咁叫“ＣＣ，,哎呀∼”，我驚得淨係即刻張個頭捐入家姐屁屁到囉，佢想拉我出黎呀，我緊係死唔肯啦，之後我仲聽到佢話我“係咪白痴架”咁，,跟住用紙巾抹我個頭，我ｆｅｅｌ到ｄ頭髮濕左呀，都唔知佢搞乜，仲邊抹邊話我“係咪傻架”咁喎……ｄ大人真係好奇怪∼咇∼ |
||
| 9/3/2004 (二) |
聽日要去絕育啦∼
|
。。。。 |
| 聽日就要帶矇豬去絕育，真係好緊張呀！！！話晒都三歲女，雖然我都成日同人講，搵到個有經驗既獸醫就ｏｋ啦，好低風險架渣，但都自己時，真係好鬼緊張，其實都掙扎左好耐，都怪自己讀Ｕ時大洗，個個月都“晚晚”緊，要照顧兩隻兔加三隻狗，仲有自己ｄ生活費，書簿費咁，都幾吃力…到出黎做野又冇時間照顧佢地，所以一等就等到而家，叫做儲到少少錢，可以辭左份工貼身睇住，唔係就慘… 矇豬之後，就到ＣＣ同ｍｏｕｓｓｅ，呢個小小悠長假期，係一個ｄｅｓｅｘ ｖｏｃａｔｉｏｎ呢∼ |
||
| 10/3/2004 (三) |
矇豬絕育小紀錄（一）
|
。。。。 |
||||||||||||||||||||||||
|
因為真係好緊張，都唔係幾訓得著，朝早梳洗好，就將矇豬入左袋，出去撘的士去大圍，兔爸好肯定咁話我知綠的係可以去到大圍，仲話佢係大圍撘過綠的，仲要加兩咀話我方向感白痴唔認得路咁，一個屁股坐左落的士，講完個地址，司機話就“大圍？去唔到架喎…”，真係＃＄＆％︿＠＃＄！！男人喎∼ 入到房，ｄｒ. ｔｉｇｅｒ同佢檢查健康各方面啦，摸摸肚仔，聽下心跳，矇豬佢好緊張呀, 係咁係到“young”， 尤其是反轉佢時扎掙得好利害，ｔｉｇｅｒ都話佢好ｎｅｒｖｏｕｓ， 同呢段期間都冇翻譯？？好彩ｔｉｇｅｒ ｄ 英文好易明，唔係個ｄ卷晒“月利”聽屎人∼ 過左陣就有個女仔黎做翻譯喇，咁ｔｉｇｅｒ話佢都好健康，雖然３歲係ｍｉｄ－ａｇｅ，但佢都唔算肥，好ｆｉｔ 好健康，所以都冇問題可以做手術，不過都要簽番隻字，個刻有ｄ緊張，好似簽生死狀咁 ……啋啋啋∼∼ 因為ＣＣ有軟便問題，咁又略肥，摸唔係幾到肋骨，咁所以順口問下有軟便問題做會唔會較危險咁，不過個翻譯好似…佢唔識ｃｅｃｏｔｒｏｐｅ呢個ｔｅｒｍｓ， 亦唔知咩係葡萄串便，咁ｔｉｇｅｒ就拎左紙劃左串便便出黎，再講解下咁，同只係解釋左係多數係因為纖維不足或者吸收得太多碳水化合物所致，話就咁好難講，要見到兔兔先知∼ 咁之後就將矇豬入番袋，交左比佢地喇，順便叫左醫生同佢剪甲甲，一陣5點去接佢番黎∼ 己經買定左ｃｒｉｔｉｃａｌ ｃａｒｅ、、唐生菜、西生菜、小唐菜、菜芯、蘋果，同佢個籠黎個大清洗，舖定塊軟墊，放定大量草，希望佢番到黎會食野，好快復原啦∼ ４點鬆ｄ，準備撘車去接矇豬番黎喇，其間手提電話一響，真係嚇屎我，好驚係診所打黎就有乜問題，好彩冇事∼去到診所，都等左好耐呀∼差唔多成個鐘，岩岩個到有隻貓貓…個阿媽係到喊，個女同老豆嘈火唔火化，搞到個場好彊…連帶我既心情都沉左落去…個一刻，真係想喊架∼但忍住忍住… 到６點鬆ｄ，姑娘就叫左我入房喇，仲問我隻兔仔係邊，原來佢地以為有人交左兔仔比我（？），咁我話冇，個姑娘就入去拎番矇豬比我，呢個姑娘唔同左朝早個個，好∼粗∼魯呀，佢係到講解手術後既護理，講到拆線，咁佢就係袋到抱矇豬出黎，咁佢個頭好似ｃｌｉｃｋ住左係入面，但佢就咩唔理“稱”左佢出黎，同反轉睇下洗唔洗番去拆線，反左兩三次先成功，因為矇豬勁掙扎（？？？），點解唔係呆下呆下咁既？不過睇到我眼都凸，幾驚佢會整爆個傷口呀>0< 之後ｔｉｇｅｒ入黎，比佢個傷口我睇，矇豬又係勁掙扎勁“ｙｏｕｎｇ”，連ｔｉｇｅｒ都話“Ｉ ｕｎｄｅｒｓｔａｎｄ ｗｈｙ ｙｏｕ ａｓｋ ｍｅ ｔｏ ｃｕｔ ｈｅｒ ｎａｉｌ”，“ ｓｈｅ’ｓ ｒｅａｌｌｙ ｎａｕｇｈｔｙ”咁，同話佢個子宮開始起變化，所以我係好好彩，帶左佢黎做絕育，同埋話唔明點解佢個子宮可以大過正常兔兔６倍！！ 咁我又問下放低左佢之後有冇食草啦，咁姑娘話佢係咁抓，撥走晒d 草喎，同話佢咁奀皮，要睇緊ｄ佢咁，唔好比佢舔爆個傷口∼ 番到屋企，矇豬胃口麻麻地，比佢d 菜冇食，糧都冇食…
|
||||||||||||||||||||||||||
| 11/3/2004 (四) |
矇豬絕育小紀錄（二）
|
。。。。 |
||||||||||||||||||
仲有，係到要多謝關心矇豬絕育後情況既網友仔，你地既留言令我個心定好多，ｒｏｓａｌｉｎｅ， ｂｕｎｎｙｍｕｍ，ｆｉｓｈｙ，ｓｉｕ ｔｏ，枯葉飯團，ｗｉｎｇ ｌｃ，ｍｙ ｂｕｎｎｙ， ｃａｒｏｌ（排名不分先後唔知有冇漏=P），仲有ｃｌｉｃｋ過入黎睇佢地既網友仔，真係多謝晒^^ |
||||||||||||||||||||
夜晚，朋友仔黎學琴，仲帶左佢個小朋友ｍｅｋｏ黎添，ｍｅｋｏ係一隻史納莎黎，佢屋企仲有兩隻兔，越黎越似我啦，又狗又兔∼ ｍｅｋｏ黎到，ｍｏｕｓｓｅ就好緊張，係咁吠又撲，嚇屎阿小朋友呀，而阿仔都係，可能要保護地頭啦，係得沙律表現得好友善，可能做過媽媽係唔同ｄ，而ｍｅｋｏ都好鍾意佢呀，成日跟住沙律尾，沙律行去邊，佢就跟到去邊，好搞笑呢∼
|
||||||||||||||||||||
| 12/3/2004 (五) |
矇豬絕育小紀錄（三）
|
。。。。 |
||||||||||||
|
||||||||||||||
| 13/3/2004 (六) |
做咩係咁舔我？
|
。。。。 |
| 阿仔今日唔知做乜野，係咁追住ｍｏｕｓｓｅ隻耳仔係咁舔呀舔，唔知搞乜鬼，唔通ｍｏｕｓｓｅ隻耳仔好污糟？因為平時用手同佢地撩耳仔，撩完之後佢地一等要聞聞舔舔咁既，望下，丫∼∼又唔係好污糟者，不過就比佢自己“ｒ”損左少少，唔知係咪因為有ｄ血腥味，所以阿仔係咁舔呢？ | ||
| 14/3/2004 (日) |
絕育後火氣繼續
|
。。。。 |
| 矇豬絕完育之後，好似仲惡左ｄ咁，可能ＣＣ又神經質左啦，矇豬一出黎，就想追住ＣＣ，而ＣＣ一見矇豬呢，都未掂到佢，只係一個眼神，望下佢，就嚇到佢即係跑跑跑喇，真係要頒個神經質大獎比佢呀，所以而家都仲要分開放，先放矇豬，後放ＣＣ，不過矇豬就唔多滿意喇，困番佢之後，係咁踏地呀∼平時佢好少踏地架，唉…呢兩隻野真係難搞呀！ | ||
| 16/3/2004 (二) |
包頂床仔＝安全
|
。。。。 |
|
呢幾晚，放左矇豬出黎，ＣＣ就會發皮四咬籠呀，掉蘋果木呀，踏下地咁，總知就發出ｄ嘈音出黎啦，好喇，到放ＣＣ呢，就到矇豬喇，成晚都好嘈，仲嚇親阿ｍｏｕｓｓｅ添，搞到佢走左入之前新買比佢，但佢唔肯用既包頂床仔，見佢哩左入去仲挖挖挖咁，哈哈∼真係細膽呀！ |
||
| 18/3/2004 (四) |
“丫∼∼∼∼”
|
。。。。 |
| ＣＣ： 今朝8點, ，我平生以黎，第一次開金口，“丫∼∼∼∼”咁呀∼ 嚇到媽媽標落床，好彩佢訓得唔係好“ｌｕｍ”而我又夠大聲渣，家姐囉，都唔知咩兔黎既，個籠己經夠高架啦，佢“吉”高個鼻仔都係岩岩好掂到個籠頂，咁個二樓又拆左，個頂又用兩個夾仔夾實左，由我出黎個刻開始，佢就係到頂呀頂，經過幾個鐘，終於比佢頂甩左，然後唔知點係個頂跳左出黎，咁都唔夾扁佢個下好野喎…… 之後就追到我氣咳啦，可能ｄ“binglingbomlom”聲夠大，嘈住媽媽，所以我一叫佢就出黎救我，困番家姐喇，好似變魔術咁，家姐個籠個頂係蓋住門又閂左，但佢就走左出黎，呼…鬆一口氣呀，嚇得我丫… 可能媽媽見成地毛，驚我嚇親，所以比左ｄ蘿蔔乾同日本糧我食呀，真好呢，原來“丫∼∼∼∼”咁就有野食架啦∼咇∼ |
||
| 19/3/2004 (五) |
神經質阿妹
|
。。。。 |
|
ＣＣ： 咁當時家姐未入籠，我行出去，聞聞家姐屁屁，唔知典解，佢個屁股都好似有一股殺氣咁，我聞一聞渣，家姐都冇擰轉頭望我，個股氣己經嚇到我標番入籠…… 媽媽見到，仲偷笑我，話我太神經質喎，咁樣搞到家姐會想追我，佢叫我見到狗唔好跑，見到家姐都唔好跑喎，但係我真係忍唔住，好驚呀！！！咇∼ |
||
| 20/3/2004 (六) |
小朋友meko 到訪
|
。。。。 |
||||
|
今日小朋友ｍｅｋｏ黎左剪毛，一黎到，激動派ｍｏｕｓｓｅ例牌係咁嘈，細佬又幫家姐一齊嘈，係沙律最淡定，話知你係乜水會唔會同我爭地盤丫，一於少理，後尾蛋糕又黎埋，一屋５莎好熱鬧哦，雖然有時玩到ｗｅｌｉｗｕｌｕ，不過我諗佢地應該都好開心者，而ｍｅｋｏ，真係好乖呀，自己走去沙律佢地個廁所到屎尿，完全唔洗教呀，剪毛毛時都幾定，係剪個頭同肚仔時有ｄ郁黎郁去者，玩左成日，夜晚佢地都訓到隻豬豬咁，有扭計要抱要出去食菜菜ｌｕ∼
|
||||||
| 21/3/2004 (日) |
食左佢冇人知?
|
。。。。 |
|
而家夜晚困左三隻野係走廊仔之後，都會舖張報紙比ｍｏｕｓｓｅ屎尿用既，因為佢唔識去狗廁所，咁多數佢都會係報紙上面痾既，但今晚，佢就痾過左少少，屎屎痾唔中報紙，唔知係咪因為驚比人鬧丫，定係肚餓，佢走去食呀∼∼∼咦…… |
||
| 22/3/2004 (一) |
ＣＣ絕育小紀錄（一）
|
。。。。 |
|||||||||||||||||||||||||||||||||||||
| 一早，將個走佬袋放入ＣＣ個籠到，呃佢入左去，就打的去大圍喇，去到，己經幾多人下，等左差唔多一個鐘，就入去見醫生喇…… 其實我都知ＣＣ係比矇豬肥架啦，摸落去骨唔太明顯，其實佢ｋｅｅｐ住呢個身型都好耐下，頑固脂肪黎……，所以ｔｉｇｅｒ都話個ｒｉｓｋ會高ｄ，因為字宮會比ｄ脂肪包住咁… 因為上次ｔｉｇｅｒ 都講話個ｒｉｓｋ好低，所以相對地，今次較為擔心，而致命傷係，佢講左一句
我都話細妹神經質架啦，上次老虎醫生話我ｎａｕｇｈｔｙ，今次細妹既形容詞係“ｒｅａｌｌｙ ｃｒａｚｙ”，仲同媽咪解釋話係有ｄ兔仔天生會較神經質較ｃｒａｚｙ喎，不過好似細妹咁就少見ｄ， 所以手術後要困籠困幾日，要處理得小心ｄ，小心爆傷口咁……同因為佢太ｃｒａｚｙ，所以醫生都解釋番佢手法要強硬ｄ，唔係佢跌落地之類就會整親，拿拿拿∼∼∼都話架啦∼ 而點解佢有ｃｒａｚｙ呢個形容詞呢？因為醫生抱佢時，佢狂掙扎，狂抓，原地ｆｉｎｇ頭彈跳，狂向後退，結果醫生都抱唔到佢，莫講話反轉佢添啦…所以只可以大力用手包／捉實按佢個頭同耳仔，夾埋個身到，同佢摸肚，其間佢都狂掙扎囉… 媽媽叫醫生幫細妹剪指甲，咁醫生都話ｕｎｄｅｒｓｔａｎｄ媽媽好難同佢剪，因為佢確實係ｔｏｏ
幫佢洗籠，大包圍放左１ｓｔ ｃｕｔ，２ｎｄ ｃｕｔ，ｏｒｃｈａｒｄ ｇｌａｓｓ，ｏａｔ ｈａｙ，日本牧草，菜菜就有小棠菜，唐生菜同菜芯 （丫∼點解又唔係白菜仔既？？） 去診所途中不知名新界電話來電，嚇屎，原來係嬌ｐｅｔ打黎話我留既木糠番左貨… 去到６：１５ｐｍ， 先接左ＣＣ係手先，再等見醫生，咁大概等左９個字到啦，其間我見到隻兔叫 咁入去見醫生啦，第一句又係“ｕ ａｒｅ ｌｕｃｋｙ ｔｏｄａｙ”（又係冇翻譯既？）今次佢講得好快，大概聽到佢講ｈｏｒｒｉｂｌｅ，ｔｅｒｒｉｂｌｅ，ｕｔｅｒｉｓ咁上下啦，仲有廣東話“明唔明”之後翻譯到啦，咁佢再詳細解釋番，話因為ｈｏｒｍｏｎｅｓ開始變啦，咁左邊個子宮呢，就比正常大左一陪，跟尾仲有ｄ好快既英文，但翻譯冇譯到，我又聽唔係幾到，大概有ｌａｒｇｅ 同埋話今次手術好ｄｉｆｆｉｃｕｌｔ，因為有好多脂肪，同話有條管道呢，正常黎講唔會出血既，但ＣＣ個條就不停咁留血，所以手術期間要紮住佢先，咁最終都止到血，手術到成功，都就好困難咁話，所以見佢傷口呢，都幾血淋淋下既，肚仔側邊都“ｈｉｇｈ”到小小血，聽佢咁講，仲以為要過２千埋單，丫∼點知都同矇豬一樣千八蚊∼ 咁今次呢，冇ｂａｙｔｒｉｌ，淨係食ｍｅｔａｃａｍ，咁所以唔洗食ａｖｉｐｒｏ∼ 的士番黎途中，我隻手伸左入袋摸住ＣＣ……佢……佢……舔我呀，都唔知幾耐未試過啦，不過接佢時係檯佢又咬我喎…
|
|||||||||||||||||||||||||||||||||||||||
| 23/3/2004 (二) |
ＣＣ絕育小紀錄（二） 我係飛天矇！
|
。。。。 |
|||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||
就係咁，矇豬就由個個位置，跌左落自己個籠底，背部著地四腳朝天，嚇死我∼ 最尾張相係意外地影到，應該係我“丫∼∼∼”叫既時候按左個制，卡嚓∼影左個一刻∼ 都未黎得切由梳化誇過保護梳化既障礙物去接佢，佢就落左地，之後摸摸佢，ｆｅｅｌ到佢有小小震，不過過左１，２分鐘到，就行動自如，仲想跳上籠頂多一次添，真係唔識死∼ 都唔明佢做乜會向個窗跳上去既………好彩冇事∼ |
|||||||||||||||||||||||||||||||||||||||||||||||||||||||||||
| 24/3/2004 (四) |
ＣＣ絕育小紀錄（三）
|
。。。。 |
||||||||||||||||||||||||||
丫∼仲有要多謝關心ＣＣ絕育後情況既咁多位哥哥姐姐姨姨妹妹，真係好多謝呢∼ |
||||||||||||||||||||||||||||
| 26/3/2004 (五) |
再來飛天矇
|
。。。。 |
||
|
||||
| 27/3/2004 (六) |
咀刁刁
|
。。。。 |
|
呢排，同ＢＢ佢地轉左糧，轉ｄ淡味ｄ天然ｄ既，健康ｄ麻，不過沙律就唔多肯食，好鬼衰，餓佢都係咁話，唔食就唔食，撈ｄ紅蘿蔔比佢，望到兜糧緊張到係到震，但又淨係揀晒ｄ紅蘿蔔食，淨番晒ｄ糧係到，今晚又係咁，餓到佢條狗帶就緊變鬆喇，都係咁，冇晒佢符，用餵佢都唔食，結果要一粒粒拋落地同佢捉先肯食，正衰豬黎！ |
||
| 28/3/2004 (日) |
繼續咀刁刁
|
。。。。 |
| 見沙律呢兩日都冇咩胃口，開左罐罐頭比佢撈糧食，隻衰豬淨係舔晒ｄ肉，淨番晒ｄ狗糧，逐粒拋同佢捉先係咁易食左少少…真係頭痛呢∼ | ||
| 29/3/2004 (一) |
留院呀!___!
|
。。。。 |
|
今日訓到好晏，起身時見沙律又係到訓緊，問問媽咪，話佢訓左成日喇，又唔多肯食野，好似冇黎精神咁，真係擔心屎人……拎隻ｂｅａｒｂｅａｒ熊黎同佢捉，都冇咩反應，比餅餅又唔多想食，唔放心之下，就帶左佢去寶湖睇醫生喇…… 等左大半個鐘，入去見醫生，問左ｄ問題，見佢小便既位置有ｄ分祕物，拎左ｄ放係顯微鏡到睇，話睇到有好多細菌，同埋見到ｄ白血球，又係佢肚仔鍊左幾鍊，咁就估佢子宮可能發炎，所以流左ｄ濃出黎咁，但就話兩歲幾子宮有問題其實就好少見既，咁就抽左ｄ血黎驗，係頸到剃左ｄ毛毛，沙律都好乖，其間都冇嘈冇掙扎，咁就驗到佢脫水，詳細報告就要等ｓｅｎｄ左去化驗所ｃｈｅｃｋ，聽日先有，如果驗到白血球好高呢，就可能係內臟發炎喇… |
||
| 30/3/2004 (二) |
留院第二天
|
。。。。 |
| 今朝去醫院睇沙律，真係唔捨得走呀，隔住個籠好似人地探監咁…
驗血報告出左，各方面都正常，賢功能呀，血小板呀，紅血球各方面都ｏｋ，所以應該唔係牛ｂ熱，係鉀就低左少少，同埋唔記得咩係警界線到，但就可能因為佢冇食野，所以偏低左少少∼ 咁吊左一晚鹽水，皮下水份都ｏｋ喇，而家吊緊第二包，小便個到ｄ分泌冇話多到，但有少少，所以都懷疑係子宮有事，咁一陣會同佢照ｘｒａｙ，睇下有冇濃之類，醫生比左兩幅圖我睇，一幅係字宮發炎（唔ｓｕｒｅ個名），一幅係子宮蓄濃，咁就話應該唔會係後者，因為係既話沙律就唔會咁生猛，今日見佢精神都唔錯，咁前者呢，可能係細菌感染啦，或者ｈｏｒｍｏｎｅｓ有變造成∼ 咁如果ｘｒａｙ照到有濃，就要做手術啦，如果冇既就觀察多一日，如果胃口好轉肯食野，精神都ｏｋ咁就可以出院，番屋企食葯，或者做埋desex 咁∼ 到兩點鬆ｄ，收到ｖｅｔ電話，ｘｒａｙ出左，見到字宮咩…有個"ｈｏｎ"影，話正常唔應該有，所以建議做手術，所以要走番去ｖｅｔ到簽紙，同意個手術咁，擔心屎人……咁醫生話會即刻同佢做手術，大概５點到就可以去接佢… 等到差唔多６點，ｖｅｔ打黎喇，話手術做完，完可以去見一見佢同醫生，咁可能麻醉未過啦，所以佢好ｏｕ…對住我都冇咩反應，見佢個傷口都幾大下∼ 醫生話狗狗黎講，其實多數都４，５歲到先會有問題，好似沙律咁２歲幾就有問題係好少見架喎，正常黎講個子宮係好似筷子咁幼（成日以為係一大舊…），而家就漲大左，有ｄ濃係裡面，醫生比我睇過，都有條腸仔咁粗喎∼ 咁醫生話因為發過炎有濃，驚會有ｄ毒素係身體入面，所以想佢留多一晚院，吊埋包鹽水，去多ｄ尿尿，沖一沖走ｄ污糟野咁，同等佢情況穩定ｄ先咁∼ 見到佢成個瘦晒，條腰，肚“ｌｉｐ”晒，條頸剃左毛抽血，手剃左毛吊鹽水，肚又剃晒毛做手術，戴住個罩，ｄ口水整到成個咀都濕晒，冇黎心機，真係好心痛呀∼ 唔知佢聽唔聽到行雷聲呢？佢好驚架，平時係屋企聽到行雷就震晒，要攬住佢架∼ |
||
| 31/3/2004 (三) |
出院啦^^
|
。。。。 |
||||||||||
|
今夜晚６點鬆ｄ，醫院打黎，話可以接沙律喇…鬆番口氣 去到見到佢，精神比ｙｔｄ好，起碼有搖尾，醫生話佢今朝同晏晝都有食到野，情況都幾好∼
咁暫時唔沖得涼啦，要戴住個罩等佢唔好舔傷口，咁野食呢，醫生話咩都得，唔好咁油膩就ｏｋ∼ 番到屋企，去左小小，就同左佢入房，除左個罩睇住佢，等佢唔好咁唔開心，比左ｄ雞條，芝士同水泡餅佢食，咁都肯食，但罐頭就麻麻地，咁其間都有大大，但見佢去得好似辛苦ｄ，我諗傷口痛掛，同可能食得好少野，所以ｓｉｚｅ都較細…
放ｍｏｕｓｅ在相片上會有小註解哦∼ |
||||||||||||
:: ｎｅｘｔ ::