沙律：
今日係三歲牛一呀，媽媽同老豆，仲有婆婆同我，仲有ｍｏｕｓｓｅ同蛋糕去左西貢玩呀，本來阿仔都有得去架，媽媽話同佢著襪仔同推架車仔去，不過婆婆反對，所以佢要留係屋企看家啦，佢咁大個仔，都未試過得佢同兩兔係屋企架，唔知佢點呢？有冇曳呢？

去到西貢，媽媽話要醫醫肚先，所以去左ｓａｉ’ｓ食野，不過我地就得餅仔同雞條食，食完野行左陣，老豆就送婆婆走，跟住又再番番黎，走圍行下跑下，其間見到隻狼狗ｂｂ，雖然係ｂｂ，但都大隻過我好多架，所以我都唔敢同佢玩，只係聞聞下，不過蛋糕就同佢玩到係咪周圍走，哼∼佢咁細粒邊夠打丫，最後當然係搵定哩埋啦，呵呵∼

到天黑，我地就行去買生日蛋糕，係意大利芒果蛋糕黎，好靚架，跟住陪老豆媽媽去食糖水，就起程接埋婆婆番屋企喇∼

番到屋企我地都好累啦，食完西莎撈糧就去攪豬等切蛋糕，切完蛋糕又再去覺覺豬，最冇用個個係ｍｏｕｓｓｅ呢，一切完蛋糕都唔等食，就走上床訓覺喇，真係蝕呀，雖然分得少少，但個蛋糕好好味呀∼ｙｕｍｍｉ∼

夜晚執兔籠時，同ＣＣ個籠倒左Ｄ白醋黎抹，用個剷黎刮ｄ尿蹟，唔知係咪嘈得淨，嘈親阿矇豬大小姐呢，見佢跳左上個廁所到變波波咁�翰Y到，仲有ｄ震下震下咁添，搞掂個籠之後開左矇豬個籠門，佢都唔走出黎，咁我抱左佢出黎啦，佢就哩去茶几底，比野佢都唔食，咁我放低幾片蘿蔔乾之後走開到，冇幾耐番去睇，丫∼食左喇喎，唔…發埋ｄ小姐脾氣！

今日同左朱古力去左覆診，醫生話要做手術呀陰功，因為食左都５，６日葯，雖然冇初初咁腫，但都冇好大既改善，醫生話唔知佢會唔會有野“杉”左係入面／植物ｄ勾之類睇唔到，如果係既唔拔左佢出黎就唔會好，所以聽日會同佢做個好小既外科手術，“界”開黎睇下係咪“杉”到野同放左ｄ濃咁，有必要可能會照張腳底ｘｒａｙ喎，今晚９點開始要禁食喇，希望快ｄ好啦，唔係就冇街街出好慘架啦！

今朝１１點到，就帶左朱古力去醫院做手術喇，到４點零五點去接佢。

醫生同佢係腳面同側都照左張ｘｒａｙ，醫生話張ｘｒａｙ好清，見唔到入面有刺之類既物體，咁係腫左既地方界左一界，入面都冇濃喎（先兩日都仲有濃流出黎…奇怪），咁醫生就“ｂｉ”左ｄ血水出黎係顯微鏡到睇，咁都睇唔到有咩菌係到，又刮左ｄ皮膚組織去睇，亦都好正常冇問題，但點解咁耐都咁腫呢，醫生就話可能係佢之前成日舔腳，舔到腳面一小忽“ｈｕｍ”左濃，令周圍ｄ皮膚組織弱左，所以復原得比正常慢，同有時佢都會舔到隻腳， 所以情況冇乜改善∼

夜晚服侍兩兔時，係佢地互舔既時候，發現ＣＣ隻眼ｄ毛毛少左一忽仔呀！唔知係佢換毛換得衰丫，定矇豬同佢洗眼仔時肉緊得濟，咬甩左呢？我見佢又冇紅又冇“ｒ”又冇頭皮屑，好正常喎（？）

仲有，放左矇豬之後，見佢主動走去ＣＣ個籠前面，隔住籠都要舔ＣＣ，咁就開左個籠比佢地舔一陣啦，舔舔下之後仲跳埋入去一齊食糧添，好似鬼咁好感情咁，點知跟住就兩隻野係個籠入面轉轉轉打起上黎喇，好彩我手快一手抱走矇豬�隉A唔係實發生血案都似，兩隻兔冷靜左之後，逐一檢查一下，好彩除左甩左少少毛毛之外，都冇咩損傷∼

今日大部份時間唔係抱住朱古力，就係困住佢係籠，冇得周圍走真係陰功，沙律同ｍｏｕｓｓｅ一係廳到玩到癲下癲下，嘈嘈閉時，朱古力就會慘叫，想去一齊玩，不過冇辦法啦，唔比佢落地都係為佢好…醫生話食左ｄ葯會去多ｄ尿尿，所以耐唔耐我就叫沙律同ｍｏｕｓｓｅ入房，放阿仔出去尿尿，不過唔知佢係咪發我皮氣呢？我放佢出去時又唔痾，一入番房就跳上我張床，痾落張雪姑七友綿被到，真係激屎！好彩未濕到入去入面個被芯�隉A唔係就慘，洗屎人∼

今日同左阿仔去覆診，醫生同佢拆左個紗布之後，檢查下個傷口，“咒”晒眉咁講“ｏｈ……ｆａｎｔａｓｔｉｃ！”，嚇得我丫，以為有咩事，原來己經消晒腫啦，所以唔洗再包紗布，咁下個ｗｋｅｎｄ可以拆線喇，雖然消左腫，但都唔出得街，不過就唔洗再困住喇，可以係屋企四圍行，但就避免跑、跳咁，真係好喇，而葯呢，就食多五日，有一隻新葯一隻舊葯，希望快ｄ可以出番街街啦！！

早幾日唔知戚起邊條筋，好想親自整餅餅同蛋糕比ｂｂ食，於是乎就上網搵左ｄ食譜，今日開工！！

因為從未焗過呢家野，所以做最容易既先，麵粉＋蛋＋水＋自選材料，登�_！！＝曲奇餅，仲有唔同形狀添，自選材料我用左ｄ狗芝士同少少牛油，而味道麻，剛焗起時都幾香架…之不過，唔…我唔會食囉！

不過沙律同ｂｂ好似都幾鍾意咁喎，尤其是沙律，自己企上餐檯�_到偷食左塊大兔兔曲奇餅呀，成個卷頭咁大塊架！仲要收埋自己一個食，唔分比阿仔同ｍｏｕｓｓｅ添喎，真係比面喇∼

夜晚，發現ｍｏｕｓｓｅ個咀側邊紅左呀，唔怪得呢兩日冇咩胃口冇咩精神咁啦，仲以為係因為戴左個喇叭罩唔開心添，唉…聽日又要去探獸醫喇，如果一個月內惠顧ｘ千蚊可以申請成為ｖｉｐ，你話幾好呢－ｖ－"

約左醫生５點，準時去到，一入門口，都唔洗出聲，姑娘己經認得我“ｍｏｕｓｓｅ係咪？得喇上磅丫”，完全係熟客仔喇＠＿＠”

等左一陣，入去見醫生，左ｃｈｅｃｋ右ｃｈｅｃｋ，睇左大半個鐘（都叫抵番ｄ），咁耳仔呢，醫生“撩”左ｄ污糟野出黎，放係顯微鏡到睇，就話有酵母菌發炎，所以佢痕就“ｒ”到流血，對狗狗黎講，呢隻菌係好ｃｏｍｍｏｎ既，咁只要用一隻耳葯水早晚同佢滴一次就可以喇∼

而腳仔個到呢，就刮左ｄ皮膚組織去睇，咁就睇唔到有毛囊蟲之類既寄生蟲，純粹舔到佢發炎紅腫有少少濃，咁要防止佢生腳趾瘡，一黎唔可以比佢地舔腳啦，二黎去完街街要用鹽水洗／抹手腳，咁現階段就要用一隻類似葯水既東東，隔日同佢搽腳趾，再按摩十分鍾咁∼

而個咀咀呢，就可能佢舔腳呀，又或者其它野時感染到細菌，所以就發炎，呢個就唔洗用ｄ咩特別葯水，只要用滴露／沙威龍用１：５０開稀同佢抹就可以，另外就仲有兩隻葯食，分別要食５日同１０日，打左兩支針，其中一支有助佢胃口問題既，咁因為ｍｏｕｓｓｅ冇發燒，外在都睇唔到其它野喇，如果都係咁ｋｅｅｐ住冇胃口冇精神，就可能係入面好似肝呀腎呀咁有事，呢個就要驗血先知，同我曾經都係佢地到搵到過一隻牛ｂ，雖然好耐之前，但醫生話比牛ｂ咬過，牛ｂ熱可以潛伏好耐先發，如果驚係牛ｂ熱既話，都係啦，要驗血先知道∼

咁正常黎講，如果係因為皮膚問題而令到佢冇食慾冇精神，咁打左針聽朝應該睇到有好轉架喇，萬一都係好冇精神唔想食野，咁就要番去驗血再ｃｈｅｃｋ清楚ｄ，希望冇事啦…

其實係咪我照顧得佢地唔好呢？點解成日病架？擔心屎人啦∼

今日見到媽咪，就收到投訴喇-____-"

“你有冇見我用你部機影左兩幅相呀？特登影比你睇架！做到我一隻野咁呀！下∼離晒大譜呀！”

一睇，原來唔知邊隻兔將狗廁所個底盤拉左一半出黎，再將張報紙扯左出黎咬，好彩個廁所冇尿渣，唔係就…然後個門邊…噢！“盧埃斯”，即刻扮咩事都冇閃人…不過ｄ尿尿咁深色，如無意外，應該係ＣＣ黎…

ｍｏｕｓｓｅ尋日係醫生度打左針，又食左葯，今日明顯精神好左好多，冇由朝訓到黑，又唔出黎玩，呆呆滯滯咁喇，好野∼唔洗吉針驗血，希望佢快ｄ好番，三隻野都生生性性唔好再病喇∼

今日出旺角睇醫生時，順道逛一逛蠢物城，買左個手偶玩具佢地玩，佢地好鍾意架，仲玩到癲晒死咬住唔放添，好似完全唔知到入面有我隻手係到咁，出盡力咁咬呀扯呀！！見到佢地開心，我都開心^^

沙律：
今日媽媽又整餅餅我地食啦，今次係花生醬味餅餅，仲有表姨媽教路添，原來整餅餅係唔洗搓麵粉架，呢個白痴媽媽以為整咩都要搓，搞到ｄ餅餅焗出黎唔多脆，個心林林地既，不過唔緊要，狗地一樣咁鍾意食，今次仲整左ｄ黎送比姨婆隻汪汪ｂｕｎｎｙ添，唔知佢鍾唔鍾意食呢？媽媽話下一次會試整蛋糕喎，好緊張呀，唔知成唔成功呢？汪∼

我呢個做型係咪好∼搞∼笑呢？

我係媽媽沙律呀！

尋日同阿仔剪完毛，今日就到沙律同ｍｏｕｓｓｅ喇，因為諗住帶沙律去洗白白修甲，所以淨係剷左背背同個頭ｄ毛就收工喇，肚呀，腳底呀，留番去洗白白時哥哥同佢剪，慳番ｄ工夫，所以半個鐘就己經搞掂，之後到ｍｏｕｓｓｅ，佢都算幾合作啦，冇走黎走去，所以都好快剪完，手手腳腳就諗住ｗｋｅｎｄ同佢洗左白白，等ｄ毛鬆ｄ先剪，靚ｄ麻^^

夜晚放兔，又一時大意困左ＣＣ係廚房一陣，不過佢似乎唔知道自己比人困住，因為我開門發現佢時，佢仲好努力咁係Ｄ罅位到掘掘掘，見到我先好錯愕然咁走都走唔切，真係細膽呢∼