兩隻兔都未食過ｍｏｕｎｔａｉｎ　ｇｒａｓｓ，尋日開左比佢地試，塞左一大執入矇豬個吊吊兔到，今朝起身發覺己經冇晒，睇黎反應該唔錯喎，如果放ｏａｔｈａｙ，通常到第二日都仲會見到ｄ草草係到未食晒既，不過ＣＣ呢，就冇家姐反應咁好喇，雖然都會食，不過就會選擇食左１ｓｔ　ｃｕｔ先，得閒扒係到懶得企起身就食ｄ軟身既ｍｏｕｎｔａｉｎ，都算佢地兩個乖啦，由細到大到好肯食草，而且都食得幾多下，又冇乜話邊隻草唔食，所以一直以黎都冇話牙仔個ｄ有咩問題出現過（掂木掂木），健康都唔錯咁啦！

零晨，雷公發皮四係咁打雷，三隻野嚇到屎屎下，捐晒入被竇入面訓，要我左手攬一隻右手攬一隻，沙律霸唔到靚位，索性捐去床下底床仔到訓，黑麻麻有安全感ｄ掛∼

今日約左帶ＣＣ去睇老虎，睇下耳仔粒瘤點搞，兔爸入到黎時，我仲訓緊覺，拿拿林梳洗完出門口，好彩冇遲到，去到等左一陣就有得入去睇喇，咁老虎話係良性黎既，同埋係皮膚表面，冇痴住ｄ咩野，所以唔建議麻醉切左佢，因為好無謂，話可以試下就咁整甩佢，但可能會流少少血同會有少少痛，但整唔整就由我決定，咁我決定整走去，見老虎係咁易扭兩扭，粒瘤就跌左係檯面喇，ＣＣ係完全冇反應既，而且冇流到血，老虎話佢都係第一次咁樣扭甩兔兔既瘤，不過因為唔係連根拔，所以話有可能會生番，如果都係好似今次咁既話，話我自己扭甩佢都得喎， 然後大力按住甩個個位，等佢唔好流血就ｏｋ∼不過我諗我都唔係幾敢…

而ＣＣ今次見老虎呢，嚇到�╞炕A去到診所以我聽到ｄ煲水聲，周圍望下，原來係由ＣＣ到發出黎，咁我伸隻耳仔埋去聽下啦，發覺ｄ聲係佢個身到發出黎，好似係心跳聲，摸住佢個心口仔，個心跳得快到不得了，幾驚佢會嚇屎呀！仲有佢個下巴仔都濕晒…沿途番屋企，全程抱住ＣＣ（我都未試過抱住佢咁耐），佢個心都係跳得咁快，不過好彩番到屋企冇耐就正常番晒喇，所以如果真係生番粒瘤出黎，頂硬上都要同佢扭甩佢，好過再帶佢去老虎到扭，嚇到佢屎屎下∼ ＣＣ煲水小短片＜按此＞ 夜晚，帶左朱古力去探蛋糕，糕糕第二次有狗去探佢呢，對上一次係媽媽去探佢，今次係阿哥，不過媽媽探佢，佢好似興奮ｄ，阿哥去到呢，就好似各有各玩咁，不過有時糕糕都會懶身手敏捷咁撩阿哥，不過呢個阿哥又好似唔多ｓｈｏｗ佢咁，見到佢地兩兄妹真係搞笑呢∼

夜晚諗住早ｄ同阿兔執籠，不過又未困狗，所以就打開左矇豬個籠頂同佢換廁所墊料，己經好小心用個身封住ｄ位等佢唔好跳出黎，點知佢都搵到位攝既，不過就跳得論盡ｄ，第一跳過唔到個籠頂，不過佢好醒目咁用兩隻手抓住個頂，兩隻腳隻就企左係籠既隙到，跟住再用力跳，就跳左出黎喇，真係寫個服字過佢呀！