●●
●●
習慣左ｌｕ　●　●　●　●　●　
１０
０１
(五)
蛋糕似乎己經習慣左係到住ｌｕ，尋晚訓覺時冇再喊冇再唔肯訓，大家熄燈覺豬佢就自動自覺番床仔訓覺喇，不過就都好醒訓，我地起身佢都會跟住起身，唔似得沙律佢地咁訓到隻豬，啋你到儍∼　仲有呀，夜晚困住左係房呢邊訓覺，冇左個廁所，佢都識係尿布上尿尿喎，認真叻女呢∼


●● ●●
斷水大粒屎好味　●　●　●　●　●
１００２(六)
媽咪今朝起程去左上海玩喇，得番我一個照顧六隻化骨龍，偏偏今日一起身就唔舒服，睇完醫生食完葯就訓訓訓，都冇乜理佢地，到我有精去睇下ｄ小朋友，先發覺原來矇豬又斷左水喇，個水樽一滴水都冇，拿拿林去入番滿，再寫張ｃｈｅｃｋｌｉｓｔ比自己貼係當眼處，提下自己記得睇下佢地水樽有冇水呀，有冇草呀，籠有冇扣口呀，ｄ食物有冇收好會唔會比沙律偷到黎食呀，有冇閂好廚房門廁所門之類，人老記性唔好冇法子…到夜晚同ＣＣ執籠時，見到佢係到食番自己ｄ大粒屎呀，唔知攪乜鬼，平時都唔會既…唔通…今朝阿媽出門口冇同我餵兔，所以餓得淨？？冇理由呀，佢個籠都有草草食既，攪邊科呢？


●●
●●
奀皮糕邊個流血呢？　●　●　●　●　●　
１０
０３
(日)
今朝起身見仲有ｄ唔舒服，冇番到琴行繼續訓訓訓，訓到成１１點幾先起身，結果，走廊仔有４督尿１督屎等住我去執，其中兩督尿仲要唔係尿布上面，係地下 + 己經乾乾地添…做完一大輪清潔功夫，就到阿兔喇，困籠執屎抹尿掃地滴露拖地，乾淨到唔乾淨先放得狗狗出黎，咁樣搞一搞都仲未餵狗狗食飯飯，就去左差唔多成個鐘喇，咁即係聽日真係要６點起身先掂擋，噢∼天呀！仲有，掃地既時候，發現地下有少少血跡，不過係咁易檢查過矇Ｃ兩姊妹，又唔見有損傷喎（？？），搞竟係邊個整親呢？
夜晚，出左旺角，去左蠢物城買左個新公廁比矇豬出籠玩時享用，仲有一個３．８Ｌ既座地飲水器比阿狗，驚聽日番左工之後咁長時間４隻狗會斷水，希望佢地唔會搗蛋，打翻個飲水器整到成地都係水啦，不過就預左佢地Ｄ鬚飲完水之後實滴到周圍都係喇…

而蛋糕呢位小朋友，係到住耐左開始作反喇，今晚竟然係我在場但望唔到既情況下，跳上餐檯櫈沙律張私家座墊到尿尿，真係作屎呀！！頭兩日都會忍住等我地帶佢出街，或者係尿布到先痾，佢真係玩到個心創晒喇∼∼到夜晚放兔時，呢位奀皮糕仲跳上圓櫈到，偷走跳出廳，仲要追住矇豬添，真係小丙定呀！


●●
●●
咁快走拿？？　●　●　●　●　●
１００４
(一)
糕公仔日係泰國番左黎，夜晚等我放工番左屋企，就入左黎接蛋糕豬ｌｕ，蛋糕見到老豆，開心到不得了，係咁“鶯”係咁周圍彈跳彈跳，同明顯地住左幾日之後大膽晒，玩既時候會追媽媽搶阿哥ｄ玩具，唔似得以前咁走兩步就停係到唔追喇。
到走既時候，一見到自己個走佬袋，第一時間跳入去捐下頂下咁，不過一見我同ｂｂ玩捉捉捉呢，佢又跳番出黎喎，玩完又走番入個袋到準備番屋企，不過拎住隻公仔引佢呢，呢隻爛玩豬又跳番出黎喇… 睇住佢咁出出入入個走佬袋真係笑屎呀，不過最後都係比糕公捉住，入左袋就冇得出番黎玩，唔知蛋糕有冇唔捨得，唔想走想住多幾日呢？


●●
●●
指甲呀！　●　●　●　●　●　
１００５
(二)
夜晚，膽粗粗單人匹馬走去同矇豬剪指甲，平日佢最鍾意我一隻手搓下搓下佢個頭仔，另一隻手就托住佢個下巴，咁佢就會好嘆咁任我舞唔郁架喇，剪頭兩隻剪甲都叫順利，但都第三隻指甲時，佢就彈左起身喇，之後我再伸隻手埋去諗住同佢搓頭仔，點知佢就“胡”我，一掂佢就“胡”，之後仲一支箭咁走埋佬，結果是晚只剪得三隻手指甲…仲有，發現佢有隻腳甲斷左，咁之剪發現既血漬即係佢架啦，好彩冇咩大礙啫∼


●●
●●
二對一唔公平喎∼　●　●　●　●　●
１００６
(三)
今日糕公入左黎幫手，話晒狗狗同兔兔佢都有份，所以朝早佢入左黎幫手困兔兔，拖地掃地執屎帶狗出街屎尿，等我可以訓晏ｄ，唔洗一早起身搞呢搞頭趕頭趕命咁番工…

到夜晚呢， 糕公都黎左幫手，連踩兩場又番早又番夜=P，咁呢，就多個人幫手同矇豬剪指甲喇，糕公負責捉，我負責剪，花左十分鐘到，就搞掂晒喇，不過矇豬就有少少發脾四咁啦，ｆｉｎｇ兩ｆｉｎｇ腳仔就走佬番番入籠到，不過兔仔係冇乜記性既，過左陣比ｄ蘿蔔乾佢，又一樣照食喇∼


●●
●●
番來囉∼　●　●　●　●　●　
１００８
(五)
長達一個星期日做夜做冇停手既日子，終於叫做完結喇，今晚放工番到屋企，己經見到媽咪ｌｕ，終於唔洗一番到屋企拿拿聲食完飯就餵ｂ、洗菜、洗狗兜、執狗屎ｘ３、倒狗尿換廁所報紙、執兔籠ｘ２、掃地拖地、起架部放兔、準備第二日番工，然後己經１２點喇…
ｙｅａｈ！家有一媽，如有一寶呀，不過就到阿媽呻喇：

　 “你聽日就放假喇，我落機番到黎就做做做未停過手呀……知我好、我重要哩∼”=P


●●
●●
預防心絲蟲　●　●　●　●　●
１００９
(六)
先兩日收到診所寄黎既咭，原來ｍｏｕｓｓｅ同朱古力夠時候打心絲蟲針ｌｕ，唔提我真係唔記得呀，所以今日就帶左佢地去打針，順道帶埋沙律去，不過沙律呢隻衰豬，又係行到咁上下，認得路就唔肯行喇，要抱，乜得佢咁好記性認得路既？

去到診所，等左陣就冇得睇喇，例牌測個體溫，聽下心肺，睇下耳仔、牙仔咁，各方面都冇問題就可以打針喇，醫生話朱古力係“ｓｏｌｉｄ　ｂｏｙ”，好健碩，今日上磅有成２４磅呀，仲成日要人抱，真係唔知自己有幾重既…

打完針，就落左林村河跑下步，運動一下，沙律知到唔洗睇醫生就肯行喇，仲跑得好快下添，之後就去左買狗糧，跟住就歸家喇∼呼∼咁又一ｄａｙ喇∼


●●
●●
大打出手　●　●　●　●　●　
１０１０
(日)
夜晚放兔，執完一個籠到第二個時，見兩兔隔住個籠側晒頭咁互舔，礙於有個網隔住左，所以舔得好鬼辛苦咁樣，所以就放佢地兩出黎出相處一下啦，開頭都好地地既，點知舔左一陣之後，唔知係咪ＣＣ舔得肉緊得淨，搞到矇豬縮下縮下咁，之後就有ｄ唔高興咁企番係到，唔洗ＣＣ舔喇，佢一企起身，就嚇到ＣＣ即刻走，佢一走呢，矇豬又追喇，結果搞到兩隻野打起上黎，唉…難委我呢個做阿媽既，都唔知點算好…


●●
●●
零食箱常滿　●　●　●　●　●
１０１２
(二)
阿Ｂ既零食箱，開始有一半係吉左既，尤其是狗餅餅，己經冇貨喇，小饅頭都係得番幾包，所以今日又去左聯達入貨，不過我想買既羊飯餅餅都係缺貨中，只得牛肉味，所以只好試下其他牌子既狗餅餅，不過好彩都有小饅頭賣，叻外再買左Ｄ小食，本來見到張床仔想買比朱古力，加大碼夠晒闊落，點知又冇貨，仲要有６個人留左名等貨添…唔知今個冬天黎之前，趕唔趕得切買張新床仔比佢地呢？


●●
●●
頸毛毛　●　●　●　●　●　
１０１３
(三)
先排矇豬換毛，頸後面既毛甩到見到肉，不過見佢冇“ｒ”又冇舔又冇頭皮，所以都冇理度佢，只係ｋｅｅｐ住觀察下有冇咩問題咁，不過到而家都有２，３個星期喇，ｄ毛毛都好似仲未出番黎，但隨手一執都拔唔到好多毛毛，即係都換完毛啦，搞乜鬼咁耐都未生番ｄ毛毛架呢？但各方面又都好正常，好冇帶佢去睇醫生呢？但一來一回又好大壓力，真難搞呀！


●●
●●
靠大聲　●　●　●　●　●
１０１４
( 四)
今日小朋友ｍｉｋｏ又黎左玩喇，不過小朋友己經大個女喇，身型己經同ｍｏｕｓｓｅ差唔多，所以黎到既時候，冇好似以前細個咁驚ｌｕ，仲會以雞扒咁既姿勢撲ｍｏｕｓｓｅ同佢同添，兩個小朋友撲黎撲去，睇見到開心，雖然ｍｏｕｓｓｅ平時係激動派黎，ｍｉｋｏ黎親佢都係吠得最大聲最惡屎，但撲下撲下呢，佢就開始想搵地方哩埋喇，名符其實得把聲靠嚇，一ｄ食力都冇，冇鬼屎用呀∼


●●
●●
又起一撻撻喇…　●　●　●　●　●　
１０１５
(五)
自從轉左糧之後，朱古力ｄ皮膚好似有ｄ好轉，雖然都有周身“ｒ”，但大脾都冇再出紅點點，背背ｄ粒粒都散晒冇再出，但今日呢，又發覺佢成個身都好似上似去睇醫生咁出晒ｄ一撻撻，上次醫生話係急性皮膚炎，應該係食物感感引起既，諗番今日比個咩佢食，都冇乜特別丫，係晏晝媽咪比過ｄ水晶梨佢食，我夜晚又比左ｄ水晶梨佢食，唔通佢好似有ｄ人咁對生果敏感？


●●
●●
菜菜冇晒喇…　●　●　●　●　●
１０１６
( 六)
ＣＣ：
今晚本來係放我出黎玩先，到第二朝媽媽起身先換家姐出黎玩既，不過麻煩家姐係咁係到咬籠，嘈到屎，所以媽媽就放埋佢出黎，雖然媽媽睇實家姐，不過我都係好驚呀，唔知點解家姐有一股好嚇兔既氣，佢一走埋黎我就好驚喇，所以我就番番入籠到，寧願唔出黎玩，不過大慒媽媽唔記得同我拎番ｄ菜菜入籠就困番我，我眼白白睇住家姐自己個籠有菜唔食，但就食晒我出面兜菜菜，嗚∼∼∼我ｄ菜菜呀！！！還我菜菜呀！！！咇∼


●●
●●
我好有家教架∼　●　●　●　●　●　
１０１７
(日)
ｄ家長呢，最鍾意就係聽到人地讚自己既小朋友有家教，唔…我家既小朋友都好有家教架，夜晚放左矇豬出黎，準備餵佢食飯飯時，明明兜糧都放左係佢面前喇，不過佢都唔食，走埋去自己個糧兜側邊等，等我將ｄ糧６放入佢個兜兜到先食，真係乖呢∼


●●
●●
邊個搞搞震？　●　●　●　●　●
１０１９
( 二)
尋日放工番到屋企，發覺負責看門口既史納莎公仔排列得唔係咁整齊，有一兩隻仲跌左落地添，放番好之後到今日又係咁，原來係有隻百厭貓搞搞震，走落黎訓覺，仲要比阿媽捉個正著影到佢相添∼


●●
●●
我有新床仔∼　●　●　●　●　●　
１０２０
(三)
今日去左寵物城睇下有冇野買比阿ｂ，結果睇中左張床仔比肥仔朱古力，因為而家屋企ｄ床仔都唔係幾夠大，但新買既呢一張呢就夠晒大喇，連我都可以坐落去，所以一定岩朱古力訓，希望佢鍾意啦，另外又做左４個名牌，一狗一個，以後出街帶個名牌，一睇就知佢咩名喇 ^0^


●●
●●
秋季大旅行　●　●　●　●　●
１０２２
( 五)
Ｍｏｕｓｓｅ：
好開心呀，婆婆同我地報左名，參加左個秋季大旅行，地點係西貢既濠涌，我地第一次去個到渣，仲有ｍｉｋｏ一齊去玩添，不過因為每人只限帶一隻汪汪，所以今次媽媽冇份去要係屋企看家，我同細佬朱古力細妹蛋糕就可以去玩喇∼

一去到，我地就周圍跑喇，個到既草地雖然唔係好大，但有鐵網圍住，所以唔驚我地走甩，個度仲有個泳池添，我咁大個女都未游過水，婆婆唔知我識唔識游，所以就抱我放左係池邊，再係另一邊叫我個名，想引我游過去，不過我都冇啋佢，但後尾有隻金毛走過黎又想游水，為左避佢，我就“ｄｕｍ”一聲咁跳左落水游喇，婆婆仲讚我叻添呀，因為我唔洗教就識得游，仲游得好叻一ｄ水花都冇，姿勢正確添呀∼

游完水我地又去跑下草，到ｄ大人食野食，我地就提早應應節咁每狗戴番頂哈佬喂小帽子，仲有蝙蝠型既餅餅食添，好好味呀，ｄ大人食完野，我地又可以去跑喇，好開心呀，我地仲影左好多相添，之前婆婆既小表妹係日本買番黎既太陽眼鏡都用得著，我同細佬都有戴住黎影相，婆婆話我地型到爆呢！活動大概到４點半到就結束喇∼

活動完左後，我地冇即刻番到屋企，而係去左西貢陪ｄ大人食糖水，沿途都見到好多狗狗呀，好熱鬧呢，食完糖水後就番屋企洗白白，之後就大覺訓喇∼呼…ｚｚｚ…汪∼


●●
●●
發惡夢　●　●　●　●　●　
１０２３
(六)
尋日玩得太攰，一撻落床就不醒人仕，不過聽媽咪講，訓到半夜既時候，聽到ｄ怪聲，一下好長既“ｏｕ…嗚∼∼∼∼∼∼”，過左冇幾耐，又有一聲“嗚∼∼∼∼∼∼∼”，之後三隻狗就吠起上黎兼一齊狼叫“嗚∼∼∼∼”咁喇，原來係由ｍｏｕｓｓｅ帶頭既，又再過左一陣，ｍｏｕｓｓｅ又黎多聲“嗚∼∼∼∼”，唔知佢係咪好似ｄ小朋友玩得癲得淨，發惡夢呢？如果發惡夢既話，唔知係比大狗追丫，比狗搶佢地食物丫，定係咩呢？
按晝去左矯ｐｅｔ，買左ｂｕｎｎｙｍｕｍ個走佬袋，購物滿＄５０就可以以半價＄１３５換購，確實抵呀！


●●
●●
偷菜菜∼●　●　●　●　●
１０２５
(一)
今朝起身時聽到廳又有ｄ“ｐｉｎｇｌｉｎｇｐａｎｇｌａｎ”聲，又唔似矇豬係到咬籠，唔通矇豬偷走左出黎？第一時間走去睇下咩事，原來有隻為食兔跳左上籠頂偷菜食，都係我呢個阿媽大慒啦，本身諗住放矇豬先既，同佢預備左兜菜菜，點知佢唔出黎玩咁就轉放ＣＣ
，佢兜菜就順手放住係籠頂先，點知就唔記得左放番入頂比佢，ＣＣ食晒自己ｄ菜菜，就跳上家姐籠頂食，仲要走黎走去嘈到屎，不過佢都知衰，我一行埋去就第一時間跳番落地，驚屎我鬧佢咁∼


●●
●●
掃貨大出血呀！　●　●　●　●　●　
１０２８
(四)
萬聖節就到，今日放工就去左掃萬聖節禮物比沙朱ｍｏｕ糕，本身己經訂左一對蘿蔔咇咇公仔，之後再睇下有咩買，結果買下買下，就買左成千蚊喇，除左對公仔，仲有Ｔ２同骨骨型既“江”加專用小食，圈圈型“ｅｒ丫江”，加左“科懷”既潔齒繩，“梳甩糕”冬甩，狗狗雪糕，仲有張莎莎告示同年曆比自己添，好滿足呀！
掃完貨番黎，即刻比左對蘿蔔佢地玩，三隻一見到不知幾咁鍾意，係咁搶，而個Ｔ２呢，好似唔多識食入面舊餅餅喎…？


●●
●●
搶到喇∼●　●　●　●　●
１０３０
(六)
Ｍｏｕｓｓｅ：
雖然婆婆買左好多玩具，不過冇一次過比晒我地玩，而今日呢，就比左個“ｅｒ丫江”我地玩喇，我好喇呀，今次搶到呀，之前對蘿蔔咇咇，媽媽搶左個細既玩，細佬又搶左個大既，我搶唔到就冇得玩…細佬成日都唔讓我既，好搶今次我跑得夠快渣，唔係又冇得玩喇∼


●●
●●
萬聖彭彭遊　●　●　●　●　●　
１０３１
(日)

沙律：
今日係萬聖節，媽媽帶左我地一家４口去彭彭玩呀，今次有我份喇，ｙｅａｈ！！
一去到我地就跑呀跑，呢ｄ天氣最適合我地喇，有ｄ陽光但又唔太熱有ｄ風咁，好舒服呀，仲撞到好多朋友仔添，當中有三隻黑色長毛臘腸汪汪，成日走過黎撩我地玩呢，平時聲大大激動派既ｍｏｕｓｓｅ都怕佢地呀，仲有，媽媽今次帶埋架單車去踩，咁佢踩我地就可以跟住跑，好爽呀，唔似得平時要就住佢既速度慢慢跑，呵呵呵∼∼好想快ｄ再去玩呀！！汪∼

:: ｎｅｘｔ ::