●●
●●
搞乜鬼呀？●　●　●　●　●
１１０１
(一)
矇Ｃ：
今日唔知阿媽搞乜鬼，比左好多日本糧我地食呀，好似話咩…補慶祝哈囉喂喎，仲同放左Ｄ唔知咩係我地頭頂，仲有舊橙色既唔知咩，不過唔理喇，有得食就得喇∼咇∼


今日朝起身番工時，放阿仔出廳屎屎，發覺佢ｄ屎屎好軟，好似有少少肚痾咁，到番左工之後，媽咪打黎，話ｍｏｕｓｓｅ好呆滯，拖佢出街時企係門口唔肯行，出到街都係痾左少少屎屎，而阿仔就繼續有ｄ肚痾咁，唔知係咪尋日執左ｄ垃圾食所以肚仔有ｄ唔舒服呢？


●●
●●
肚仔紅晒呀…　●　●　●　●　●　
１１０２
(二)

雖然有同ｍｏｕｓｓｅ滴蚤葯，不過今日發覺原來佢個心口仔好似比野咬過咁，損晒呀！仲有大脾仔同痾尿尿個度都係咁，可能佢去彭彭個日成日訓係冇草既地上面，所以比野咬，下次都係搵個有草既地方做落腳點，等佢玩完番黎時，唔會扒係ｄ泥地上面，希望快ｄ好啦，睇見到心痛呀∼∼嗚∼∼


●●
●●
搞乜鬼呀？●　●　●　●　●
１１０３
(三)
夜晚同矇豬執籠時，見佢起勢咁塞個咀仔入ＣＣ個籠到同佢舔舔，所以就開左ＣＣ個籠們，等佢地可以互舔得舒服ｄ，唔洗側起晒個頭，不過ＣＣ真係舔得肉緊得有ｄ過左龍，搞到矇豬本來好冧咁比佢舔都成日一下咁彈起同縮縮下咁，不過ＣＣ冇因為咁而放棄，反而更家落力舔添 ^Ｏ^


●●
●●
我唔怕你地架！　●　●　●　●　●　
１１０４
(四)

夜晚未困狗放左矇豬出黎同佢執籠，一個唔唯意令到矇豬３面愛敵添，仲比阿仔同沙律一齊追佢，不過佢一ｄ都唔驚，左穿右插咁就避開晒佢地，搞到ｄ狗狗兩頭望“點解唔見左既，頭先明明係到架？？”，真係笑鬼屎呀！！


●●
●●
我唔怕你架！●　●　●　●　●
１１０６
(六)
矇豬：
我出晒大膽咩都唔驚既，就算身型大我幾陪既狗狗我都唔驚架，話知你企係我前面望實我丫，我要出黎既冇狗可以阻得住我呀！我跑呀∼衝呀∼∼
仲有，屋企冇啦啦多左個好高既咩咩納米水機之類，所以有個好長既紙皮盒比我地玩呀，我地一見到紙皮盒就發癲架喇，好開心呀！唔洗一個鐘，己經比我咬到穿左個窿仔喇∼呵∼
咇∼


●●
●●
咁硬狗地冇牙食呀！　●　●　●　●　●　
１１０７
(日)
先排買左包梳甩高冬甩，半夜屁屁痕走去將佢一開四，整好方便比ｂｂ食，點知比阿媽鬧嘈住人地，所以只好停手，順便比左一狗一舊仔，點知佢地唔係幾識食，可能硬得淨啦，最搞笑係佢地咬幾咬，食唔到就擺低望下隔黎隻狗點食，發覺大家都仲係成舊原封不動又再努力咬咬咬，阿仔係最蠢豬既一個，ｍｏｕｓｓｅ同沙律都識得將佢咬開一半先食，阿仔都仲係對住舊野戇居居咁，又走去望下家姐食成點，先識得咬開一半，笑屎∼
番完琴行番黎，又比一狗一舊啦，點知佢地好似冇咩興趣咁，係得ｍｏｕｓｓｅ咬住舊冬甩走入房食，唔知係咪太硬咬到牙仔到軟所以懶得食呢？


●●
●●
成地紙碎好滿足呀！●　●　●　●　●
１１０８
(一)
矇豬：
半夜冇咩野做，悶悶地又有個紙皮箱係到，唯有同佢玩啦，咬呀撕呀，原來整到一地都係紙碎好有滿足感架，兔地花左好多時間咬同挖佢出紙皮箱先整到架，唔好掃走佢呀下，唔係就白費兔地心機架喇∼咇∼


●●
●●
不堪兔擊！　●　●　●　●　●　
１１０９
(二)
矇豬：
繼尋日整到一地紙碎後，今晚我決定要打倒紙皮盒，先咬到佢穿個大姑窿，然後再踩扁佢，得左∼咇∼


●●
●●
我和疆屍有個約會●　●　●　●　●
１１１１
(四)
夜晚係到睇疆屍時，人地電視入面按門鐘“叮噹叮噹”，點知我屋企就有隻蠢豬第一時間跑去門口撲同吠，點知望極都唔見有人番黎，就儍儍下咁走左，點知過左陣電視又“叮噹叮噹”，呢隻蠢豬又係第一時間撲去門口吠，仲要側起個頭好疑惑咁樣，真係笑屎我∼呢個情況今晚發生左三次呀，而呢隻蠢豬，之唔係豬古力囉∼∼∼


●●
●●
一狗一條靚圍巾　●　●　●　●　●　
１１１２
(五)
師奶仔收到某連鎖店寄左張ｖｉｐ　ｐｒｅｓａｌｅ既浦毛唇咭黎，放工走去睇下啦，結果除左買野比自己之後，仲有一狗一條靚靚三角巾呀，岩岩好有三隻色真係ｇｏｏｄ　ｆｉｔ呀！！一齊戴住出街真係型爆呢∼
矇豬：媽媽呀，我有家歸不得呀∼有隻為食狗走左入兔地個籠入面偷名目砂食呀！兔地ｄ名目砂好驚貴架麻，要留番黎係ｍｏ豪庭到賣架！點算呀？？快ｄ同我趕走呢隻為隻狗呀！咇∼


●●
●●
督雞翼？　●　●　●　●　●
１１１３
(六)
星期六唔出街既日子，就係阿四日喇，拆左ＣＣ塊豬仔板出黎洗，不過個底ｄ尿漬好難洗，尤其是“食”住係ｄ隙到個ｄ，於是乎就係廚房搵左個好尖既“挫”之類黎刮ｄ頑固尿清，搞左一輪叫做乾淨左好多喇，而個挫就順手放左係洗手間，夜晚媽咪見到問我拎個挫黎做咩，我話“刮尿漬囉”，點知媽咪話“下？個挫用黎督雞翼“ｙｉｐ”架，你拎去刮尿漬？得啦，我下次用黎整雞翼你食啦∼”，滴汗中……


●●
●●
乞兒仔…　我未訓醒呀！　●　●　●　●　●　
１１１５
(一)
今日媽咪同我帶左沙律去洗白白美容，因為之前同佢全身剷晒ｄ毛毛，咁見佢手腳個ｄ都未長，所似未有再同佢剪毛，點知去到美容個哥哥到時，哥哥話唔認得佢，問媽咪“下？呢隻係平時黎開個隻沙律黎咩？乜咁“嬲休”成個乞兒仔咁既？唔係同一隻黎架下麻∼”，唔…我都係個句啦，唔“嬲休”都唔洗拎錢出黎去美容啦，係咪？不過今次又係誇左ｄ既，佢一對大既豎耳仔，都因為耳毛大長，而有一隻ｄｕｐ番落黎 ^.^" ，不過洗先白白修完番黎，就豎番起ｌｕ∼

仲有，今日好早一番到屋企就同阿兔執籠，唔係係咪唔慣咁早比我執籠，嫌我騷擾到佢呢？矇豬竟然ｗｕ我呀！不嬲佢都叫幾好脾氣，搞佢個籠ｄ野唔會發嬲既，唔通真係太早佢未訓醒，心情唔好？


●●
●●
霸皇兔仔仔拖鞋　●　●　●　●　●
１１１６
(二)
天氣開始轉涼，放工番到屋企就摷番隻霸皇兔仔仔拖鞋出黎著，點知拎完隻拖鞋出黎除左對草，只不過係十秒都唔夠，其中一隻霸皇兔仔仔己經唔見左啦，之後就見到肥仔朱古力咬住，問佢攞番就以為我同佢玩捉捉，屎都唔比番我，到我搶到著住既時候，就係咁追住我隻腳黎咬，比佢激屎呀！


●●
●●
係咪想餓屎兔地呀？　●　●　●　●　●　
１１１７
(三)
今日比較夜先執兔仔籠，但係又唔記得餵左佢地先，搞到ＣｒａｚｙＣ好不滿，同佢執籠時，佢面向住我，發脾四邊ｗｕ邊打橫行，係真係好似蟹咁打橫行，由左邊“啪啪啪”就去左右邊喇，但其間係面向住我架喎，唔知點解可以咁，Ｒ晒頭…

之後餵佢食糧啦，先放左盒糧係佢個籠入面，後再在放入佢個糧兜到，但似乎大小姐唔多等得，一口咬住盒糧就掉，起果倒瀉左半盒……正一衰女黎呀，都唔知阿媽搵錢辛苦既∼


●●
●●
一撻撻　　●　●　●　●　●
１１１８
(四)
今日帶左ｍｏｕｓｓｅ去洗白白，剷個左肚ｄ毛先發覺原來成個肚好似人生癬咁一撻撻，其實上次去完彭福番黎己經有少少紅印，好似比野咬咁，但見佢食得訓得跑得，一切正常就冇同佢睇醫生，唔想因為皮膚問題而要食太多抗生素，唔係身體習慣左第時真係有需要食時，效用冇咁大，希望佢快ｄ好番啦，再觀察多一個星期，如果冇好轉既話，可能真係又要去睇一轉醫生喇……


●●
●●
又有紙皮盒啦∼　●　●　●　●　●　
１１１９
(五)
矇豬：
兔地又有紙皮盒玩喇，雖然冇上次個咁大，不過都叫做由兩個紙皮盒組成，好過冇啦，我要努力ｄ咬穿佢先得，咬呀！！咇∼


●●
●●
秋高氣爽大帽山之旅 　　●　●　●　●　●
１１２０
(六)

沙律：
我地一家今日約埋ｍｉｋｏ又出動啦，今次既活動係去大帽山行呢個麥理浩徑咁上下啦，去到行左一陣，就有塊大草地比我地跑下，熱下身先，ｄ大人又可以順便抖下，之後就再繼續行，行完石屎地就行泥地，我地好叻呀，全程抖都唔洗抖，阿媽就行到跣下跣下就跌咁款，真係冇用呀！後尾因為開始天黑，又唔係咁熟路，又要去番落車個樹，所以就原路行番轉頭，黎既時後落斜，走就上斜，阿媽就行到屎下屎下咁，又要狗地就住佢慢慢行…

番去起點攞車之後，我地就去左大帽大山頂睇夜景，之後就去食飯飯喇，ｄ大人帶左我地去黃金海岸，不過就得個烤餅我地係食得既，不過都好過冇啦，再跟住又係陪ｄ大人食糖水，食完糖水就番屋企喇，今日玩得好攰呀，兩點幾出門口玩到成１２點先番黎，所以我地一食完飯飯就走上床食大覺訓ｌｕ…汪∼


●●
●●
我未抖夠呀！　●　●　●　●　●　
１１２１
(日)
屋企三隻狗狗當中，ｍｏｕｓｓｅ就最鍾意訓覺架喇，雖然平時係激動派份子，但當佢眼訓時，就咩都唔理，話知你有人番黎有狗黎左玩，要訓就訓，啋你都儍，正一爛訓狗黎既！尋晚番到屋企，己經第一時間走上床訓覺豬，除左食飯飯之後都冇起過身，一直訓到今朝，媽咪帶佢去街街，佢竟然企係門口撐住唔肯出去，出到去就只係痾左少少屎屎就要番屋企，番到黎又第一時間走番上床再訓過，玩左一日，要訓番一整日 =P


●●
●●
表演平衡力 　　●　●　●　●　●
１１２２
(一)
夜晚同矇豬執籠時，將個籠既罩放左係個狗籠側邊，而兩個籠個頂到打開左，執執下無啦啦有隻野飛左上黎，兩隻手仔抓住個狗籠邊，兩隻腳仔就抓住個兔籠邊，搖下搖下咁，樣子有ｄ尷尬，呢隻奀皮矇緊係上跳上個狗籠頂，點知一跳時發覺個頂開左，結就就踏住左兩個籠唔上唔落，向後退又唔係，會跌番落地，向前跳就跌入狗籠到，我望住佢都呆左，驚抱佢番而嚇親佢整到佢，結果佢係到搖左幾秒，就一跳飛過左個狗籠同狗廁所，安全著陸，哇∼一額汗呀！


●●
●●
有被仔過冬　●　●　●　●　●　
１１２４
(三)
今日經過屈人寺，見到有ｄ靚靚格仔屎路比ｆｌｅｅｃｅ被，只要買一樣有兩陪奉還牌仔既貨品，加９．９就可以換喇，總共有三隻色，簡直抵到爛呀！拿拿林買左兩張番屋企，睇下舒唔舒服好唔好先再買，結果番到屋企開黎睇，唔錯喎，幾軟熟又夠大張，好∼聽日一於去買多兩張，咁就可以一狗有一張被過冬，唔會冷親啦∼


●●
●●
有幾多食幾多 　　●　●　●　●　●
１１２７
(六)
呢排有時夜晚坐係到睇電視，會攬住盒第二剪簡走ｄ啡草草，唔知點解，近排訂既第二剪，好似比之前訂既啡咁，所以唯有得閒就簡下，不過簡走左ｄ啡啡草呢，阿兔又好似食得勁左咁過，放幾多食幾多，見住矇豬係咁扯個吊吊兔ｄ草草就開心喇，佢食得高興時，我又睇得開心^^


●●
●●
失咩禮丫！屎之麻∼　●　●　●　●　●　
１１２８
(日)
今日一早媽咪就出左街街，而教琴時又要困一困狗狗係房，所以呢，我就放左矇豬出黎周圍走喇，平時學生黎到，都會問“點解兔仔成日訓覺既？點解佢地唔出黎玩既？”，今日見到矇豬周圍走，小朋友即係話“好得意呀！佢個鼻翁翁下架喎！佢跑呀！好得意呀！”，不過呢隻矇豬呢，就有ｄ失禮人喇，己經放左個公廁出黎架啦，點知佢都散左幾粒係地下，仲有一大督尿係個狗廁所隔黎添喎，失禮屎呀！


●●
●●
又係我呀！ 　　●　●　●　●　●
１１２９
(一)
夜晚執屎時，放左矇豬出黎周圍走，佢真係當左三隻狗透明，竟然偷偷地走左入我房，仲走埋入狗床到搞搞陣添喎，呢到磨下個到磨下，留低氣味，跟住仲跳埋上床搞搞陣添，呢隻兔膽子真大呀！


●●
●●
好大風呀！　●　●　●　●　●　
１１３０
(二)

矇豬：
好大風呀！媽媽，可唔可以同我閂窗呀？
哼！我唔驚你地架，我出名係大膽兔黎架麻！咇∼


:: ｎｅｘｔ ::