●

●

●

●

●

● 		元旦既節目，就係同ｂｂ約左醫生打針喇，因為我要番琴行，所以糕公就先行一步，帶三隻ｂｂ去醫生到先，我隨後到，等左一陣，就有得打喇，第一個打係ｍｏｕｓｓｅ，醫生照照耳仔，說“ｇｏｏｄ”，然後又看看牙仔說“ｇｏｏｄ”，打針時，ｍｏｕｓｓｅ都好乖，基本上咩反應都冇，跟住到蛋糕，又係睇睇耳仔牙仔咁，不過就冇“ｇｏｏｄ”喇，跟住就到阿仔，醫生話佢好肥呀，要減喎，話第一年打針時９點幾ｋｇ，第二年就１０點幾，今年就１１點幾，唔可以再肥，要食少ｄ喎…仔呀，慘喇，點算好呀？
乜我真係咁肥仔咩…
１／１／０５　（六 ）


●

●

●

●

●

●

●

●

●

●

●

●

●

●

●

●


●

●

●
●

●

●

●

●

●

●

●

●

●

●

●

●
ｍｏｕｓｓｅ：

早前婆婆同我籌款參加左ｓａａ舉辦既人狗同樂百萬行，地點係陽明山莊大潭道，婆婆話我乖最肯行，唔會扭抱，所以帶我去喎，媽媽同阿哥都冇得去添呀，不過阿公就帶蛋糕去，叫有個阿妹陪啦，仲有朋友仔ｍｉｋｏ都去添喎∼
今朝一早婆婆就叫左我起身，梳梳毛著左條裙仔扮靚靚先出門口，而後就坐車車出發，去銅鑼灣再轉協會既旅遊巴，上到巴士，己經有好多汪汪喇，我今次冇做激動派喇，乖乖地坐係到，直至見到ｍｉｋｏ…就忍唔住同佢大大聲咁打左幾聲招呼，不過唔知點解ｄ大人好似覺得好好笑咁，係到笑狗地喎，都唔知搞乜？

過左一陣，就到目的地喇，哇∼好多汪汪呀，有ｄ汪汪仲好大好大隻，嚇到我聲都唔敢出，好彩佢地冇走黎撩狗地渣，唔係就屎喇…等左陣，ｄ咩咩明星行完開步禮，就到我地行喇，沿途有好多姐姐哥哥姨姨都讚狗地條裙仔靚呀，仲話一睇就知我係女仔添喎，反而阿妹蛋糕比人以為係男仔，著粉紅色衫都話佢係男仔，ｄ大人真係好奇怪呀！

開始行左冇幾耐，就有個供水站，有水水比我地飲，仲有餅仔派比我地醫下肚，等我地有氣力行完全程，再行呀行，就有另一個供水站，不過今次冇餅餅派比我地ｌｕ，但就有三文治派比婆婆佢地醫肚，等婆婆佢地食飽，我地又再行喇，行下影下相，大概花左個半鐘頭到啦，就見到有啦啦隊同我地打氣，同話我地知己經完成左個百萬行喇，仲有給個印仔係我地張ｐａｓｓ到，証明我地係好叻叻咁行完全程既，同有包寶路送比狗地添，不過唔知點解狗地行得咁辛苦，婆婆夜晚都唔比狗地送糧食既？唔制呀！抗議呀！

人狗同樂百萬
２／１／０５　（日）


●

●

●

●

●

●

●

●

●

●

●

●

●

●

●

●

●

●

●		 屋企後面有個垃圾站，住左幾隻流浪貓，次次拖親汪汪去屎尿時都會見到佢地捕住個大垃圾桶，睇下有冇咩野好食咁，呢幾日天氣好凍，驚佢地搵唔到飯食，所以都有買到ｄ貓罐頭同糧去餵佢地，今晚一放地ｄ野食，就有兩隻貓咪走出黎食喇，其中一隻好似仲大左肚添，因為好肥ｄｏｄｏ，我諗唔會因為食得太飽而有個大肚ｄｕｍ掛…同埋佢好惡屎呀，見另一隻黑貓咪走埋去食，佢竟然伸直隻手拍黑貓咪個頭喎，之後佢對望左一陣，黑貓咪又想烏低頭食，大肚貓咪又一野拍埋去，屎笑，結果我好衰衰地行埋去嚇走大肚咪，等黑咪可以先食，然後番屋企開多罐罐頭拎出去，咁就唔洗爭啦∼

早前表姐係綠田園租左塊田黎種菜，有收成啦！仲拎左好多落黎比兔兔食添，佢地都好比面好鍾意食，尤其是ｄ甘荀仔，食到舔舔脷呀！
大兜自家菜 菜菜呢？係邊呀？ 搵到甘荀仔喇好味！ 其它菜菜都好好味呀！
黑貓咪ｖｓ大肚咪　＠　自家菜
３／１／０５　（一）


●

●


●

●

 尋晚屋企廚房發現老鼠，搞到ｌｅｉ咁ｈｅｉ，廚房ｄ雜物呀，櫃呀咁搬晒出廳，所以冇得放兔兔，連出黎行兩步都冇，所以今晚差唔多時間，矇豬就發晒癲咁咬籠，跳上跳落，超有耐性咁煩到冇兔有呀！
好放我出黎玩喇喎！
４／１／０５　（二）


●

●

●

●

●

● 		ｍｏｕｓｓｅ：
星期日百萬行先見完ｍｉｋｏ，隔左兩日，今日又見喇，唔通佢又想黎同我玩雞扒功？例牌一見面“胡”佢幾野，黎個下馬威先，之後都唔想理佢喇，不過ｄ大人好似好想睇我地玩打交咁，明明我都表晒態去床仔訓覺，唔玩架啦，又係都要抱我出廳既，唉∼好煩呀！狗地不嬲都好有性格架麻，鍾意玩就自然會去玩，唔鍾意既你捉我都冇用既，所以我都冇理佢地，你捉我出去咩？我又行番去床仔覺覺豬，哼∼吹咩∼汪∼
ｍｉｋｏ我地又見面喇∼
５／１／０５　（三）


●

●


●

●

 今朝起身番工時，不停聽到阿媽“伊伊鵝鵝”，話每次放完ＣＣ之後都鬼咁多手尾要佢執，痾到成地都係屎同尿，踎係同一個位成１０分鍾都未抹得執得完喎…冇計啦，鬼叫呢隻ＣＣ唔識用廁所，又天生比較污糟豬咩，但又冇理由唔放佢架麻，朝早我又早起唔到身執乾淨晒先出門口番工，唯有當聽唔到啦，ＣＣ呀ＣＣ，生性ｄ啦，唔係第時淨係有得放家姐，冇得放你出黎玩架啦∼
咁兔地唔識去廁所丫麻…
６／１／０５　（四）


●

●

●

●

●

●

●

●
ＣＣ：
今日媽媽係我個小花園到放左個細細地既紙皮盒比我玩，咁難得有個紙皮盒咁ｆｉｔ我個小花園，我緊係唔會放過佢啦，係咁咬呀咬，除左咬到累停一停抖下，食番條草飲兩啖水回回氣之外，我都冇偷懶係咁咬架，有時咬出黎ｄ紙比較大塊，我仲好好心機咁再咬碎ｄ添，唔洗一陣，個紙盒仔己經穿左個大姑窿，雖然係咁，不過我都冇放棄到佢，繼續咬呀咬，媽媽，我係咪好乖先咇∼
撕碎ｄ，再碎ｄ∼
９／１／０５　（日）


●

●


●

●

 呢排唔知做乜，三隻ｂｂ都好痴身，有床仔唔訓，係都要迫埋同一張床訓既，阿仔最近鍾意訓我床尾大咕ｏ臣，ｍｏｕｓｓｅ同沙律就一個訓左一個訓右，今晚想訓時，沙律就己經霸左個最佳位置，訓左係我枕頭上面，抱佢訓過ｄ，就“咿咿哦哦”咁，最終就叫左媽咪抱佢去佢個邊房訓，叫埋另外兩隻過去，諗住今晚自己可以訓晒成張床啦，點知到半夜醒左，發覺左右床尾門神都貼到實，係番到…哎呀∼好痴身呀！
超級痴身狗
１０／１／０５　（一）


●

●

●

●

●

●

●
●

●

●

●

●

●

● 		ｍｏｕｓｓｅ有個好奇怪既習慣，一直都唔知點解…平時夜晚餵佢食ｍｕｍ時，好鍾意用個鼻頂／推個糧兜，然後再用個鼻頂一頂入面ｄ糧，不停不停咁重覆推糧兜同頂糧既動作，都唔知搞乜，媽咪成日鬧佢係到玩食物，今日終於真想大白喇∼

死晚放工番到黎，一狗比左一小塊豬耳佢地，朱古力同沙律都第一時間當係寳咁兩隻手仔拎住係咁咬係咁咬，但ｍｏｕｓｓｅ就唔多“吼”，我扮同佢搶呀，同佢玩，自己咬住扮食佢都冇咩興趣咁，正當我放棄唔氹佢食時，就見到佢個奇怪習慣又黎喇，不過今次就冇左個糧兜，而變左我張被…

見佢係個張被上面係咁用個鼻由自己心口位置向外掃／推，掃到盡頭時就頂一頂，不停咁重覆，由四方八面咁不停向住同一個中心點掃同頂，留意左一陣，發覺佢係想將張被曲起既地方掃去中間，頂一頂係想“ｏｗｎ”埋塊豬耳，哈∼佢應該當左自己係ｄ泥地到，諗住將ｄ泥推去中間埋左舊豬耳咁呀，咁即係平時佢都係想“ｏｗｎ”埋兜糧，收起佢先，然後夜ｄ肚仔餓先食啦？　ｍｏｕｓｓｅ，我講得岩唔岩呀？
收埋佢先∼
１１／ １／０５　（二）


●

●

●

●


●

●

●

●
平日放親矇Ｃ兩姊妹出黎，都會隔住個籠你舔我，我舔你，扭晒頸濛晒眼咁，今日，矇豬終於搵到個好位同ＣＣ互舔喇，，就係ＣＣ花園仔同個籠中間既空位，不過呢個自私矇呢，淨係識得托個下巴係個兜上面比ＣＣ舔，到ＣＣ托個頭係到時等佢舔時，佢又動於無中，搞到ＣＣ有Ｄ憨“框框”咁，後尾矇豬發現呢個空位夠大，然後嘗試捐入去時，仲嚇到ＣＣ砰一聲咁跳番入籠添，呢隻女丫，唔舔個妹就算啦，都唔好損入去嚇佢丫∼ b
點解家姐唔舔我既？
１２／１／０５　（三）


●

●

●

●
●

●

●
ｍｏｕｓｓｅ：
做咩每次ｍｉｋｏ都要搵我玩雞扒功架？ 我都己經黎個下馬威，佢一黎到我又胡又擒住佢架啦，乜咁爛玩既？我唔玩啦，我要覺覺豬呀∼你比我訓啦！咪咁怨氣啦∼汪∼
做咩係要追住我架啫∼
１３／ １／０５　（四）


●

●

●

●


●

●

●

●

 今日放工番到屋企，只得沙律同朱古力歡迎我，唔見左ｍｏｕｓｓｅ，媽咪房唔見，自己屋又唔見，琴房又冇，走上樓上問，都話冇見過喎，嚇得我即刻打比媽咪，睇下佢有冇帶到ｍｏｕｓｓｅ出街啦，點知都冇喎，正當嚇到鼻哥窿都冇肉既時候，終於搵到喇，原來媽咪出街時唔知道，困左佢係廁所呀陰功，一隻狗憨框框咁困左成日，水都冇啖…放番佢出黎，仲發現佢條頸生左一撻野，有差唔多一個一毫子咁大添，真係慘慘喇∼

仲有，今日收到獸醫打黎，沙律差唔多時間要打心絲蟲針喇，過年之年要同佢打ｌｕ，唔係過左時間又要驗血喇∼
困廁所呀陰功∼
１４／１／０５　（五）


●

●

●

●


●

●

●

●

今日蛋糕入左黎探婆婆，哇∼好耐冇見ｌｕ，行完百萬行之後都冇入過黎喇，媽媽阿哥家姐一見到呢個阿妹，緊係第一時間撲埋去鬧啦，做乜做細既咁耐都唔入黎探下佢地，都唔得孝順既，不過鬧完就一齊玩喇，仲玩到唔捨得走添，以前如果糕公走，唔帶蛋糕，佢一定會企係門口鶯鶯叫咁喊，不過夜晚糕公扮走留低佢係到時，佢只係門口望左一望，跟住就走去同媽媽家姐阿哥玩捉公仔喇，哈∼呢隻女自從黎住過幾晚玩創左個心之後，開始唔痴家喇∼呵呵呵∼

阿媽聽日起一連五日出走到西安去，嗚∼家裡大小事務都要我一力承擔喇∼慘∼
蛋糕豬好耐冇見囉∼
１６／ １／０５　（日）


●

●

●


●

●

●

 媽媽今日起程去左旅行喇，好苦呀！！好彩今朝佢都同左我執左兔仔籠同拖狗出去屎尿先起程去機場，我可以訓晏ｄ…不過放工番到黎８點幾，自己食完飯就開始要服侍５位小朋友喇， 執屎倒尿抹廁所餵狗洗狗兜洗菜執兔籠餵兔洗碗掃地拖地…執屎其間仲要低估左阿ｂ既尿尿量，倒到自己成褲係，名符其實ｌｅｉ咁ｈｅｉ，搞到到零晨１２點幾先叫坐低抖下…苦∼
阿媽走左喇∼苦∼
１７／１／０５　（一）


●

●

●

●
●

●

●

●
 		今朝一早就起身做家務喇，因為矇豬識去廁所，所以放左佢通宵，咁朝早就少ｄ功夫做喇，而ｍｏｕｓｓｅ呢，就托左樓上工人幫我帶出街屎尿，不過因為沙律同朱古力會蝦工人，咁又識得去廁所喎，所以就…乖乖地留係屋企喇，出門口前餵左三隻汪汪先，咁佢地都好合作係我出門口前清晒∼

因為夜晚去左剪頭髮，所以托左表弟夜晚落黎幫我執一執狗屎，費事佢地個廁所爆棚冇得痾，痾係地上面，不過當我番到屋企時，個廁所己經又多左兩督屎屎喇，都未食飯，都唔知點解可以有咁多屎屎痾既？
好多屎呀！
１８／ １／０５　（二）


●

●

●

●


●

●

●

 今日糕公生日，所以一早請左假，因為唔洗番工朝早多ｄ時間照顧小朋友，所以放左ＣＣ通宵，果然如我所瞭，痾到成地都係屎係尿，佢仲要好白痴咁自己推埋左自己個籠門，搞到番唔到入去，好彩尋晚比左好大兜菜菜佢食，唔係實餓同渴屎佢呀，不過因為番唔到入籠同食左好多菜菜，所以佢Ｄ尿尿抹左成大半盒紙巾先搞得掂，之後仲用清水拖左三次地再加滴露拖左三次，跟住就分開咁拖三隻汪出街喇，沙律同朱古力有兩日冇出過街街，一出屋企門口就發晒癲咁跑，咁出一出去，就大半個鐘，如果平日朝早都要咁搞，我諗要五點幾起身先掂呀，因為今朝由起身到搞掂晒所有野出得門口，都差唔多成三個鐘，做屎人啦阿Ｂ∼
做做做，做到一隻野咁∼
１９／１／０５　（三）


●

●

●
●

●

● 		呢幾日媽咪去左旅行，我都冇係自己房訓，而走左去媽咪房訓，唔洗咁迫麻，而今朝起身諗住入番自己房，一打開房門，就知死喇，臭到不得了，一大浸嘔味，其實尋晚己經聞到沙律個咀有Ｄ嘔味，不過因為仲做緊狗兔奴，所以冇研究佢嘔左係邊，唉…原來佢係我張被上面嘔呀，一大撻嘔漬再加幾小撻唔知咩漬…屎得…開左房門欄左膠板吹一吹間房，好彩媽咪今日番渣，可以同我執下手尾開機洗被舖，唔係就慘喇…
嘔……
２１／ １／０５　（五）


●

●


●

●

先排ｍｏｕｓｓｅ被困廁所之後發現條頸生左一撻野，呢幾日見佢都開始謝．好似結焦咁，點知阿衰仔就成日走去舔佢，佢到個一撻仔ｄ毛濕晒，諗住同ｍｏｕｓｓｅ著條衫仔遮住啦，點知都係咁，今日仲發覺舔到連毛都甩埋，光禿禿添，激屎呀∼
舔到光禿禿∼
２２／１／０５　（六）


●

●

●

●

●

●

●
星期日下午，三隻ｂｂ都入房訓晒晏覺，個廳靜鷹鷹，之後就見到有對鬼祟眼住門口望下望下，原來係樓上既花花走左落黎八掛呢，表姐初初養佢時，我仲未養狗既，所以花花都會成日走落黎八掛，黎個小睡咁，不過自從有汪汪之後，佢就唔敢入黎ｌｕ，見佢今日咁好興緻走落黎，阿ｂ又訓緊覺，就抱左佢入黎玩，不過佢一入到黎，兩頭望幾望之後，就有ｄ論盡夾驚青咁跳過膠板逃走左ｌｕ，真係細膽呢∼
喵∼
喵喵
喵喵
２３／ １／０５　（日）


●

●

●

●

●


●

●

●

●
夜晚放工番到屋企，一開門，終於唔係聞到一浸狗味，而係香噴噴既ｓｈａｍｐｏｏ味，三隻ｂｂ今日都洗晒白白喇，一到冬天，就好懶同佢地洗白白，又懶剪毛，搞到佢地好似乞兒仔咁，好彩有阿媽幫手同佢地沖涼渣，唔係又要等我放假先有時間同佢地美下容，仲有呀，今日ｌｕｎｃｈ經過寵物店，５０蚊兩件衫仔，買左兩件番黎呢，不過身長就岩朱古力，胸濶就岩沙律，因為佢地比標準身型……肥左ｄ…所以成日都係個胸岩呢，衫身就長過頭，衫身岩岩好呢，個胸又緊喎…唉…睇黎又要自己改喇∼
洗白白呀洗白白∼
２５／１／０５　（二）


●

●

●

●

●

●

●
今朝起身，發覺尋日比矇豬既小棠菜都冇乜點食到，嚇死我以為佢冇咩事，即刻拎ｄ蘿蔔乾引佢，好彩佢都好精伶咁好快食晒，仲死跟住我睇下有冇得食添，咁即係冇事啦，好喇，到放工番屋企，見佢ｄ小棠菜都仲係冇乜點食過，平時最多都係唔食ｄ莖，ｄ葉會好快食晒，唔知搞乜鬼，ＣＣ個ｄ就一就己經食晒，咁即係唔關ｄ菜菜唔新鮮之類既事啦，唔通成日食，食厭左要轉下口味？
成日都係小棠菜好悶呀∼
２６／ １／０５　（三）


●

●

●

●


●

●

●

●

 放工一番到黎，就聽到有人鬧朱古力衰仔喇…

“呢仔衰仔呀，幾衰呀！今朝拖佢出去痾尿啦，無啦啦係到聞我隻腳我，我咪問佢仔呀仔，你聞乜野呀，我都冇同第二ｄ狗玩過冇狗味架，點呢呢頭同佢講完，佢就第起腳ｆｅｉ尿喎，衰仔丫∼當我隻腳係柱痾尿喎，我都縮得快架啦，不過到ｆｅｉ到少少…衰仔黎呀，有冇搞錯丫……”

哈哈∼阿仔當左阿媽隻腳係柱痾尿尿呀∼笑屎 XD
乜唔係柱黎架咩？
２８／１／０５　（五）


:: ｎｅｘｔ ::