●

●


●

●

 今日阿媽同我講，話三隻ｂ好現實，因為佢地晚晚都會跟我入房上床一齊訓，但每朝我鬧鐘響之後呢，佢地見我起身，知道我要番工唔會再訓，咁佢地三隻野就會齊齊過檔，走過媽咪房跳上床再訓過，一定唔會繼續留番係我房一支狗覺豬豬，現實到丫∼
現實狗∼
１／２／０５　（二）


●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

 平日係廚房洗菜時，沙律都會跟到實，睇下有冇得執黎食或者分番少少咁，今日係到洗菜芯簡左ｄ菜出黎比兩兔，ｄ莖放左係碗盤隔離時，突然間見沙律好慌忙咁走左去，發覺有ｄ唔對路，即刻走去睇下佢啦，點知見到佢好似ｄ人擔住支煙咁擔住條菜，真係比佢激屎，擺到咁高都比佢偷到黎食既，仲未洗架麻，捉到佢想拎番條菜啦，佢就死咬住，鬼咁大力，用盡力都撐唔開佢個口，最後唯有係兩邊屈斷條菜先搞得掂，呢隻女真係丫∼


仲有，尋晚懶豬左，冇換狗廁所報紙，今朝起身就“奶”屎喇…張狗尿報紙拉左一半出黎，仲要咬／扯到容容爛爛一地係咁，應該仲食左少少落肚添，而兇徒就好威咁企左係個紙皮盒上面，好似冇咩悔意咁喎∼∼

矇豬：就黎年二八，要勤力ｄ洗邋遢先得∼我“Ｒ”呀舔呀，好∼乾淨晒！仲有呀，我今晚仲幫埋阿妹舔舔眼睛添呀，等佢乾淨ｄ麻，見就黎年廿八渣，唔係都唔同佢舔呀，因為佢…真係好污糟呀！！同佢舔完我都要洗番好耐咀仔先至乾淨晒∼咇∼
偷菜莖＠咬尿報紙＠洗邋遢
２／２／０５　（三）


●

●

●


●

●

●

 過兩日沙律就夠期打心絲蟲喇，不過因為要番工，所以就早兩日今日帶佢去喇，呢個衰妹，一慣作風，行到去山窿口就唔肯行要抱喇，好彩獸醫搬左診所，叫做近ｄｄ屋企唔洗抱咁遠，去到獸醫到，一上磅，哇∼∼∼１８磅呀！！！不過我諗減番件衫仔同狗帶，應該可以減番一磅掛…咁即係１７磅到啦，好肥呀！！不過好彩醫生話ｄ汪汪冬天呢，係會痴肥ｄ架喇，因為要儲多ｄ脂肪保暖，不過到夏天呢，就要減肥喇，如果都減唔到就要食減肥糧，屎啦…其實而家都己經溝緊減肥糧黎食架啦喎…點算呢？
痴肥哦！
５／２／０５　（六）


●

●

●

●

●

●

●

●

●


●

●

●

●

●

●

●

●
今日蛋糕豬黎左剪毛毛，唔係剪毛，呢隻衰豬都唔入黎探下媽媽家姐阿哥同婆婆，真係不孝兼離晒大譜呀！不過算啦，都係唔鬧佢喇，事關佢好瘦呀，明明以前因為佢好肥，所以叫佢豬糕架麻，而家唔知點解咁鬼瘦既，佢阿公真係要比多ｄ野佢食先得呀！夜晚過左去吉豬島，其中一個目的地係新開張既聯達，真係好喇，以後唔洗去沙田咁遠水路入貨喇，而今日除左買左ｄ餅仔呀雞乾呢ｄ例牌零食比汪汪過年之外，仲買左兩件衫仔呢，一件比媽媽沙律，一件比細細妹蛋糕既，好靚好富貴呀！

晏晝比左個廁紙筒ＣＣ玩，諗住比佢擔黎擔去掉下發洩下啦，點知轉個頭就見到個紙筒頭尾都咬爛左，但又見唔到有紙皮咬左落黎喎，咁即係食左落肚啦，哎呀∼不次都係拎住黎同佢玩拋執遊戲，唔比佢自己一隻兔玩喇…

丫∼仲有呀，夜晚執籠既時候，見到沙律又好慌忙咁走左去，個陣又冇菜，究意佢偷左ｄ咩呢？即刻走去睇下，原來今次偷既係，索左ｄ兔仔尿，同痴住左ｄ乾軟便既磨牙石呀，咩都放落口，咩都偷黎食，唔怪得之咁肥啦∼
剪毛毛＠廁紙筒好味道＠偷磨牙石
６／２／０５　（日）


●

●

●


●

●
年初一，係咁易佈置一下啦，係個狗籠貼左個福同掛左個平安吊飾，點知轉個頭，掛係籠個平安吊飾就己經由籠外面跌左入籠入面，ｄ鬚鬚仲己經比矇豬咬甩左ｄ，真係比佢激屎呀！仲有個衰仔朱古力呀，唔知點樣偷左矇豬舊草磚黎咬，咬到通地都係ｄ草碎，大年初一整到好似成地塵咁，失禮屎呀！
恭喜發財呀！
９／２／０５　（三）


●

●

●

●

●

●

●

●

●

●


●

●

●

●

●

●

●

●

●

 因為平時每朝慣左起身番工，所以就算放假，朝早都會醒一醒，今朝醒既時候，落床去個小方便，順便走去電腦到睇下ｄｏｗｎｌｏａｄ完野未，點知隻左腳腳趾公就叉左落ｄ軟林林既野到…唉…我大年初二踩屎呀，唔知邊隻衰豬腸胃唔好痾左ｄ軟便便，走廊仔仲有兩督硬既添，一早起身就要洗腳執屎抹地，難得放假架麻，真係丫∼

晏晝姨媽姑姐們齊齊整整入晒黎阿婆到開年，而三隻汪汪當然就著好晒新年衫拜年逗利是啦，成續都唔錯^O^，連兔兔都有份，不過矇豬呢…唔…佢有野講囉

矇豬：
我都唔知咩叫做新年，一大班人入到黎嘈閉閉，兔地好鍾意靜架麻，都唔知搞乜既，仲比左封咩利是我同阿妹喎，我試過味喇，都唔好食既，紙皮仲好味過佢啦，所以我食左少少都冇食喇，都係草草好味道∼ 咇∼
踩屎開年＠咩黎架？都唔好味既∼
１０／２／０５　（四）


●

●

●


●

●

 今日出左街街，諗住阿媽會係屋企，出門口前都冇咩做準備功夫，點知到夜晚，阿媽先話我知原來佢過左澳門，仲可能會過夜唔番黎訓添，搞到我拿拿林番屋企湊小朋友，一番到去，臭氣氛天呀，狗廁所ｄ尿就黎滿瀉，上面一大督屎屎，地下有ｄ黑色皮…簡離有隻咬爛左既毛毛拖鞋…仲有，水樽搵滴水都冇，沙律渴到我一路加水佢一路飲，都唔等我放番好個水樽先喇，不過好彩今朝都放左好多草比兩兔，天氣涼又唔係飲得好多水，所以不致放缺糧缺水啦，下次去街街，都係放定個座地大水兜同放定兜糧係到穩陣ｄ ^___^"
新年阿媽唔理狗地喇！
１１／２／０５　（五）


●

●

●

●


●

●

●

●
矇豬：
農曆新年，ｄ大人有好多應節食品，咩瓜子呀，咩糕咁，連沙律佢地都有得加罐頭，但係我同阿妹呢？就乜都冇喎，所以我決定自己搵ｄ野黎食下喇，先兩日試過食利是，唔…味道好麻麻，今次呢，我搵左個福黎試，貪其好意頭麻，雖然味道都唔太好，不過食下食下都唔錯丫，話唔定食埋ｄ福氣番黎添呀，而阿妹呢，就儍儍地既，企係個福字下面食自己ｄ大粒屎喎，ｄ軟便新鮮出爐唔食，但係食ｄ淡而無味又冇乜營養既大食屎，比佢激屎！咇∼
福字好味道∼
１２／２／０５　（六）


●

●

●

●


●

●

●
矇豬：
媽媽今日冇出街，全日都放左我出黎玩，雖然婆婆有ｄ怨言，不過好彩都冇困番我者，全靠我乖，識自己去廁所，同好安份守已，冇走去入廚房呀方呀搞破壞，不過實ｑ狗都睇得我好實，我行近少少媽媽房個邊者，佢就趕番我去客廳喇…
仲有呀，因為姨婆生日，所以屋企多左束花，我緊係唔放過呢個機會，同束花黎個合照啦，我上唔上鏡呀？咇∼
出黎玩左全日呀！
１３／２／０５　（日）


●

●


●

●

 夜晚同三隻ｂ係房玩， 玩到跳埋上媽媽張床ｗｅｌｉｗｕｌｕ，不過身為媽媽既沙律呢，就比較盡論喇，見住佢係老遠跑過黎，賴輕盈咁想跳上床，點知又論盡過狗，跳得唔夠高，個肚仔撞到床邊，噼啦咁跌番落地，好彩冇撞親者，呢隻論盡豬丫∼
論盡狗∼
１４／２／０５　（一）


●

●

●

●

●


●

●

●

●

 矇豬越大似乎越醒目，一見個指甲鉗就知道我要同佢指甲甲，越叫越走，有菜菜蘿蔔乾都唔理，摸下佢頭仔諗住氹下佢啦，仲胡我添喎，想抱佢反轉又唔得，想一隻手邊搓頭仔遮住眼等佢睇唔到又唔得，最後搞左好耐先指到十隻手仔，仲有腳仔都未剪添，好彩腳仔長得慢ｄ，唔洗剪得咁密者∼
矇豬：就算有大蘿蔔，有日本糧，我都唔指甲架，唔洗旨意咁就氹到我呀！我好醒目架∼咇∼
我唔剪甲呀！
１５／２／０５　（二）


●

●


●

●

 隔離飯香，呢句說話真係冇講錯，如果放兜狗糧係地下，兩兔一定會走去食，明明兔仔係食素架麻，又會對狗糧有興趣既，而汪汪呢，一樣鍾意食兔仔糧，今晚執籠加糧時，順手放左兜糧係梳化，過左冇幾耐就聽到卜卜聲，原來ｍｏｕｓｓｅ跳左上梳化到食兔仔糧呀，真係比佢激屎，餵狗糧比佢就唔食，兔糧就食到舔舔脷咁，搞乜鬼呀？
論盡狗∼
１７／２／０５　（四）


●

●

●

●

●


●

●

●

●

●
矇豬：唉…都唔知我阿媽點做兔阿媽既，大女我先個星期日生日，佢竟然可以唔記得左，番查紀錄，上年就記錯左係情日節，今年衰到唔記得添…唉唉唉…兔地真係命苦哦∼∼好彩佢都知道自己唔岩，今日同我補慶祝番者，唔係我實唔彩佢架∼∼∼咇∼
補祝四歲生日
１８／２／０５　（五）


●

●


●

●

 矇豬：
今日媽媽出左街街，去左同樣養兔兔既朋友仔屋企玩，掉低兔地係屋企，哼∼屋企都有２隻可愛兔兔啦，做乜仲要去人地屋玩兔兔者，同我地玩仲好啦，搞到兔地係屋企悶左成日，又要困籠冇得出黎喎，為左表達我既不滿，我用左呢個表達方式－＞按此　哼！
發脾四∼
１９／２／０５　（六）


●

●

●

●

●


●

●

●

●

●
朱古力：
好凍呀！！就算係我肥仔朱古力，咁多脂肪都凍到騰騰震，雖然己經著左衫仔，但訓覺時都係冚番張被仔暖笠笠好ｄ，就算起左身，都要“嬲”住張被仔，免得凍親就幣喇∼仲有呀，今日有位小朋友“ｍｉｋｏ”黎左呀，因為佢豆咪去旅行，所以會係到住幾日，好熱鬧呀！汪∼
矇豬：
我叫矇豬，係呢到既大家姐，連媽媽沙律都怕左我既，ｍｉｋｏ小朋友要乖呀下，唔係我發起惡上黎，唔係兔咁品架∼咇∼
我黎住幾日，多多指教！
２０／２／０５　（日）


●

●

●

●


●

●

●

●

 尋晚係ｍｉｋｏ第一晚係到訓，將佢帶黎既床仔放左係我床側邊，不過結果成晚佢都唔係幾肯訓，騰黎騰去咁，又時不時細細聲咁喊，真陰功囉，緊係好掛住豆咪啦，不過佢都算乖囉，喊既聲浪好細，唔似得蛋糕咁擘大個喉嚨黎喊，ｍｉｋｏ乖啦，豆咪好快番黎接番妳架啦，乖乖地訓覺豬啦∼

先兩日，朋友比左個紅封包矇豬同ＣＣ，打開一睇，係小紅莓乾黎，今日比左兩兔試，矇豬聞一聞就走開左，而ＣＣ呢，開頭都有貪新鮮咁咬下既，不過之後就放埋一邊唔食喇，激屎，而小紅莓乾既下場，就係落左沙律個肚喇，佢“候”住左好耐架啦∼
第一晚∼
２１／２／０５　（一）


●

●

●


●

●

 每年年宵佳節前夕，屋企住既村落都有個集俗，每戶人都要買一個蛋糕放係為年宵撘既棚到黎慶祝，仲會有舞獅繞著整條村走一圈，逗逗利是取個意頭，不過三隻ｂｂ就唔多欣賞呢個只有村落先有既集俗，一聽到舞獅打鑼打燦，就嚇到佢地鼻哥窿都冇肉，開頭都有吠兩下既，不過發現吠唔就敵人時，就開始係咁震喇，又要我同媽咪抱抱，尤其是Mousse，肉眼都望到佢隻耳仔不停咁震，幅度我諗都有半cm呀陰功！
打鑼打燦
２３／２／０５　（三）


●

●

●

●


●

●

●

●
Ｍｉｋｏ：
係到住左幾晚，開始習慣左ｌｕ，夜晚己經冇再喊，又冇再唔肯訓，仲成日霸左朱古力張床仔訓添，冇呀∼見佢成日都唔訓，無謂吉左係到丫麻，訓落又幾舒服喎，而今晚朝呢，我襯大家都訓晒覺既時候，偷偷地跳左上沙律婆婆張床訓，仲霸左個靚位添，不過沙律見到就有ｄ憫憎，想趕我落床，哼∼我係客人黎緊係要讓下我架啦，所以我屎都唔走開，結果搞到佢自己落左床仔訓，呵呵！汪∼
慣左ｌｕ∼
２４／２／０５　（四）


●

●

●

●


●

●

●
今朝起身，一入媽咪房，就見到ｍｉｋｏ己經霸到個好位，訓左係媽咪隔離，仲托埋個頭仔係枕頭上面訓添，之前幾日，我起身番工時，ｍｉｋｏ都會跟出跟入，等我走左先會繼續訓既，但今日己經完全唔理我喇，只係抬一抬頭望一望，之後就繼續訓，冇再理我…

今日係ｍｉｋｏ最後一日係到住喇，今晚佢豆咪去完旅行番黎，小朋友就要走喇，得閒再黎探姐姐，同ｍｏｕｓｓｅ玩雞扒功啦∼
我走喇∼
２５／２／０５　（五）

●

●


●

●

 呢排成日都天陰陰，又成日有ｄ毛毛雨，又凍，所以最好呢，就係哩入個被竇到覺覺豬喇，訓到暖笠笠，真係唔想起身，人係咁樣諗，狗都一樣，所以訓緊覺，就算尿急，都唔願起身…唉…我張棉被……好大督尿呀！！！兇徒，連同幫兇，好齊心咁扮訓覺，扮冇野…唉…而受害人我，唯有快快手拎張被去洗啦，慘…
尿浸棉被∼
２６／２／０５　（六）


●

●

●


●

●

 今日番番下工，收到媽咪電話，話郵差叔叔按鐘，出去開門收包裹時，屋企門木“嘭”埋左，所以冇鎖匙入番屋，咩都冇準備既情況之下，就留左５個小朋友看家喇…直至等到姨媽黎搵我拎條鎖匙再拎番屋企比佢，其間阿ｂ作晒反，據阿媽透露，當佢開門番入屋企時，成地都係報紙碎，廁所同地下都有屎，好彩兔籠扣好又冇開到火煮緊野渣，唔係就大件事喇∼
大頭蝦媽媽∼
２８／２／０５　（一）

 

:: ｎｅｘｔ ::