●


●

 今日唔知搞乜鬼，唔知邊隻衰豬，不停不停咁放屁屁，又冇食錯野丫，又冇痾冇嘔喎，都唔知做咩，臭到丫∼平均每２０分鐘就放一個，成晚無間斷呀∼焦ming！
放屁屁∼
２／３／０５　（三）


●

●


●

●

 夜晚同矇豬執籠時，執執下聽到ｄ“烚烚”聲，望下望，就見矇豬口“趙趙”，哎呀！佢係到食緊用黎紮實個兔糧盒條粗像筋呀！！第一時間係佢個口拎番走，條像筋有成半厘米粗架！不過好彩發現得早，我諗都係食左好少少啫，唔係就慘喇…都唔明點解咁鍾意食ｄ膠既？好味咩？
膠筋好好味
３／３／０５　（四）


●

●


●

●

 今日教琴時，個學生問我，狗狗係用咩方法人道毁滅，原來佢表姐要送走佢隻狗狗…當初同男友一起養，到分開既時候，就連狗狗也不要了…好唔明白，點解三年既感情可以話唔要就唔要？雖然我唔識呢隻狗狗，但真係好難過…狗狗最信賴既，就係佢主人，但結果呢，就係被遺棄…養寵物，應該係一生一世既承諾，活生生既一條生命，點解可以變得咁兒嬉？究竟幾時，ｄ人先可以學會尊重生命丫？
唉…
６／３／０５　（日）


●

●

●

●

●

●

●


●

●

●

●

●

●

 今朝起身時，見到冇放到兔兔，冇欄到膠板，放到公司，收到媽咪電話，原來沙律半夜又痾又嘔呀，好彩阿媽夜晚係到煲大長今，所以先知道沙律唔舒服，為怕佢半夜要起身去廁所，所以就冇放到兔兔…半夜沙律訓覺時，仲喘晒氣咁，又有少少震，到今朝媽咪拖佢出街屎尿時，ｄ屎屎又有少少血，所以就帶左佢去見獸醫喇∼

去到獸醫到，醫生拎左佢ｄ便便放係顯微鏡睇，好彩呢ｄ血就冇菌，應該係痾損左ｄ腸，所以先有血者，咁結果呢，就應該係腸胃炎，例牌要食醫生到買既罐頭，唔可以食狗糧同零食住，打左兩支針，再開左ｄ葯丸同葯水咁，第一次餵狗狗食葯水，都算順利啦，因為聞落去都幾甜，沙律都肯自己主動去舔∼

夜晚放工番到屋企時，忍唔住抱起左沙律，好似抱ｂｂ咁“ｕｎ”下“ｕｎ”下，點知過左一陣，佢就自己跳左落地，跟住就又嘔喇，仲嘔左兩次添，媽咪話佢睇完醫生番黎都冇再嘔，咁係咪即係我“ｕｎ”到佢反胃呀？哎呀∼沙律，對唔住哦，媽咪冇心架…都係掛住你，先忍唔住者…要乖乖快ｄ好番呀！！
病病
７／３／０５　（一）


●

●


●

 今晚放工第一時間番屋企睇沙律，見佢有係門口跳下跳下歡迎我，個心都安落番ｄ，起碼叫有番ｄ精神丫，餵佢食葯時，呢個奀皮女仲要粒葯到未番落佢個口，條脷己經係到搓下搓下，結果成功比佢搓番半粒葯出黎，激屎，不過最緊要佢好番冇事^.^
唉…
８／３／０５　（二）


●

●

●

●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

●

●
矇豬：
最近愛上油墨菜，好好味丫∼咇∼
愛上油墨菜
９／３／０５　（三）


●

●


●

●

媽咪話，今日晏晝坐係廳到餵ｂｂ食餅仔時，食食下無啦啦ｍｏｕｓｓｅ係到震，沙律同朱古力就哩左係櫈底，叫我估下發生咩事喎…講到咁恐佈仲以為佢地三隻野見到ｄ咩添…原來係姨媽冇啦啦踏地呀，哇卡卡，搞乜鬼佢地咁驚姨媽踏地架呢？我用拖鞋拍地下，都係啪啪聲者，點解佢地又唔會咁架呢？
嚇屎狗…
１１／３／０５　（五）


●

●

●

●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

●

●
今日係我生日，我諗…
媽媽唔會鬧我咬爛尿布掛…		 雖然生日冇生日蛋糕，不過有梨梨食，
都好啦∼
可唔可以放低ｄ呀
好好味呀，要多舊得唔得呀？  
我…仲想食多少少添呀… 冇梨梨，菜菜都好啦∼ｙｕｍｍｉ∼
矇豬：
阿媽就好啦，媽媽記得佢生日…但係我就…哼∼全靠我渣，唔係媽媽唔記得我生日，都唔會咁記住阿媽幾時生日呀！所以佢地菜菜同梨梨應該歸兔地所有呀∼咇∼
四歲生日呀！
１２／３／０５　（六）


●

●

●

●

●

●

●


●

●

●

●

●

●

●
朱古力：
婆婆話我係衰仔咬爛晒ｄ衫，咁ｄ衫勒條頸同心口真係好唔舒服架麻，唔怪得我架喎…所以婆婆索性拎件自己既衫改比我著，個領同心口都改濶ｄ，等我著得舒服ｄ就唔會咬喇，雖然手工就真係麻麻地，不過算啦，我件叉化窿襯唔襯我呢？汪∼
矇豬：
今日天氣好似有ｄ涼喎，等我蓋番張被先，唔係冷親就幣傢伙喇∼咇∼
叉化窿@蓋被子
１３／３／０５　（日）


●

●


●

●

 夜晚做阿四埋頭苦幹執兔籠時，唔知朱古力定沙律，去廁所屎屎時，跌左粒係個廁所出面，算啦∼同佢執左去掉，之後繼續執兔籠，但當我一手大大力推走個兔籠底盤時，一條屎路出現左係我面前，原來仲有一粒係個底籠側邊遮住左，結果我推個籠時就壓扁左兼推開左舊屎屎 -____-"，丫∼∼∼∼點解會咁架？好臭好核突呀！
兔屎盤
１４／３／０５　（一）


●

●

●


●

●

●

 ＣＣ：
因為我唔識去廁所，屁屁又污漕成日印到地下有ｄ屎漬，所以婆婆成日都放家姐唔放我，話放左我之後，第二朝起身好多功夫做喎…不過呢兩晚，婆婆竟然放我玩通宵，唔放家姐呀，搞到家姐發晒脾四咁咬籠，皆因媽媽朝早起身番工時，困番我放家姐出黎，咁婆婆起所以見家姐出左黎，就以為自己夜晚係放家姐而唔係我，哈∼真係有記性呢，本來今晚婆婆都又係放我架，不過最衰媽媽啦，講左個真相出黎，搞到我冇得連續三晚出黎玩通宵…如果婆婆成日都咁冇記性就好ｌｕ∼咇∼
兩晚都係我呀∼
１６／３／０５　（三）


●

●

●


●

●
夜晚靜靜地係房睇書，三隻ｂ就係廳到玩到嘈嘈閉，結果激嬲左怕嘈既姨媽，搞到佢大大力踏左一下地，只係一下，就足夠嚇到三隻ｂ咩都唔玩，一粒聲都唔出，以極速跑晒入房，好似避難咁…搞竟點解佢地會驚成咁架呢？
踏一下就夠喇∼
１９／３／０５　（六）


●

●

●

●


●

●

●

 尋晚成晚有覺好訓，事關訓係我隔離既肥仔朱古力成晚打鼻鼾，我叫醒佢，同佢講“仔呀，你好嘈呀，可唔可以靜ｄ呀？”，佢只係望一望我，好比面咁靜左幾分鐘咁啦，之後就又再“噶∼呼∼噶噶∼呼…”嗚…

可能因為訓得唔好，唔太精神，今朝起身困ＣＣ再放番矇豬時，我竟然唔記得扣番好ＣＣ個籠門，比佢走番出黎呀！媽咪起身時，見兩姊妹係籠外面對峙緊，好彩冇發生血案渣，唔係就慘喇…
阿仔你好嘈呀！＠兩姊妹
２０／３／０５　（日）


●

●

●


●

●

 一直都覺得ＣＣ係隻蠢兔兔黎，唔識去廁所啦，唔多識跳上籠既二樓啦，唔識好似家姐咁開左籠頂識逃走啦，又驚青騰雞喎，所以放佢時既候，都冇乜做ｄ保護措施，冇欄板防止佢跳上跳落咁…點知，佢今晚竟然跳左上梳化呀！！買左呢張新梳化咁耐以黎，印象中佢第一次跳到上去渣，佢仲好威咁痾左篤小尿尿，同放低左幾粒屎屎添，ＣＣ你好威呀！
其實我唔蠢架！
２２／３／０５　（二）


●

●

●

●

●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

●

●

●

 今日ｍｉｋｏ又黎左玩喇，佢爹地仲帶埋部八百萬像數單鏡反光數碼相機黎添，哎呀∼搞到我真係好想買部驚朗３５０ｄ呀，真係清到放到大大張一條毛都睇到，正呀！

矇豬：點解阿妹出左黎玩冇我份架？？ 我唔制呀，我又要出黎玩，我左咬咬∼
右又咬咬… 中間再咬…點解仲係開唔到架？？
放我出黎玩呀！
２３／３／０５　（三）


●

●

●

●

●

●


●

●

●

●

●

●
唔好睇我矇豬好似好惡成日蝦細妹，其實我都有我溫柔既一面架，睇下我幾落力側晒頸咁同阿妹舔舔眼屎就知喇∼我係好家姐！
我係好家姐
２４／３／０５　（四）


●

●

●


●

●
復活節第一日假期，真係等到頸都長呀！不過三位汪汪似乎唔多明白咩叫假期，今朝一大早就叫我起身…真係好盡責呀！
不過當然係叫極我都唔肯起身啦，後尾仲衰到唔比佢地入房阻住我訓，趕晒佢地出廳，結果…唉…咪發脾四搞下破壞咁囉，咬爛雜誌啦，係廚房拉塊碗布出黎撕啦…係囉…都係媽媽爛訓曳曳啦…
做咩唔起身呀？
２５／３／０５　（五）


●

●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

●
ＣＣ： 兔地又換毛喇，真係最憎呀，都唔知點解一換毛媽媽就拎住把唔知咩係咁係我個身掃黎掃去，由朝掃到黑，好煩架麻…仲整到ｄ毛毛飛黎飛去，搞到我連打左成十幾個噴嚏添喎∼咇∼
矇豬： 阿妹換毛，搞到兔地周身都有佢ｄ毛毛，整到污糟晒，等我勤ｄ清潔先得∼咇∼
換毛啦又…
２６／３／０５　（六）


●

●

●

●

●

●

●

●

●

●

●

●

●

●

●

●

●

●

●

●

●

●


●

●

●

●

●

●

●

●

●

●

●

●

●

●

●

●

●

●

●

●

●

●
沙律：我地一家人今日又出動喇，數數狗趾，我地都有成２個幾月未出過省玩喇，心情特別興奮呀！彭彭，我地又黎喇∼雖然今日唔係星期六、日，但因為仲係公眾假期，所以都有好多狗狗呀！我地仲唔怕死走去吠ｄ黑麻麻既大狗狗，幾威呀！
復活最後衝刺∼彭彭呀！
２８／３／０５　（一）


●

●

●


●

●

●
今日託媽咪帶三隻ｂ去寵物店洗白白，諗住洗白白會清埋耳毛腳底毛咁，之後我同佢地剪毛就慳番ｄ工功喇∼點知夜晚番到屋企，見三隻ｂ都剪晒毛番黎，哇∼師奶仔既我明明話洗白白架之麻，都冇話剪埋毛，都唔問下我得我同意先既…＄＄＄…仲要剪左個夏日清爽菊花咀裝添…我都係鐘意佢地長鬍子個樣呀！
夏日清爽菊花咀
２９／３／０５　（二）


●

●


●

●

 今朝出門口番工時，媽咪叫我睇下ｍｏｕｓｓｅ隻腳仔，話佢有少少“吉吉”下，睇下會唔會係出街時腳仔踩都ｄ唔知咩割損左，不過左望右望都望唔到有傷口，不過摸到佢個大枕枕同細枕枕中間個位置時，佢就有ｄ“縮”，唔知係咪個到整親呢？不過好彩見佢行得都ｏｋ，只係幾步當中夾一兩步隻腳會“吉”起唔掂地，希望冇事啦∼
吉吉腳…
３０／３／０５　（三）

:: ｎｅｘｔ ::