１／４／０５（五）好臭咩真係？
今日朋友仔黎學琴，問ＣＣ係咪成屁屎冇做清潔，因為一行埋去就聞到軟便便既臭味，唉…呢個女認真失禮呀，其實我都知係時候又要黎同佢做個大清潔架喇，因為放完佢出黎，佢�蕨L既地方都會有個屎印，而且屁屁周圍見到既地方都好似好污卒卒，一諗起要同佢搣屎餅清屁屁，就真係頭都痛呀∼∼∼我暈喇…

２／４／０５（六）誠意紙皮箱
矇豬：尋日媽媽柯打既箱箱草送左黎，所以又有ｄ紙皮箱可以比我地玩，媽媽用左個大既剪剪貼貼，就做左呢個紙皮箱比我地喇，雖然外觀就麻麻地，但叫做誠意撘救啦∼假假地都叫有兩層，入面又分左做兩格，都玩得我幾盡慶咁啦∼咇∼

４／４／０５（一）成肚氣？
夜晚執籠時發覺ＣＣ有ｄ唔妥，戇居居咁，又冇黎神氣，加左糧比佢又唔食，比蘿蔔乾又唔食，連餅餅都唔食，平時見到發晒癲架麻，真係令人擔心，諗番尋晚，又冇食過ｄ咩特別野丫，唔知會唔會係 gas 問題，諗住餵佢食 Infacal ， 點知又唔成功，想同佢按摩下肚仔，點知好似搞到佢仲緊張添…結果放底左個紙皮盒就番番入房，等佢自己靜靜地抖下，過左一陣，就聽到咬紙皮既聲，出去裝下佢，見佢都食左少少兔糧喇∼都放心ｄ∼

５／４／０５（二）丫∼∼∼痛痛呀！
今日拜完山番屋企，得兩隻ｂｂ黎歡迎我地歸家，沙律就坐左係自己床仔冇出黎，想抱起佢啦，點知佢就尖叫，跟住就不停係咁震喇，唔知搞乜，放番佢落地，見佢行路都可以，再想抱多佢一次啦，又係咁尖叫，摸摸佢兩隻手手，伸長縮短，佢又冇叫喎，究意整親邊樹呢？會唔會係傷到ｄ筋／神經呢？擔心屎喇…好彩佢食慾都ｏｋ，係比平時冇咁好精神，冇周圍玩周圍騰，睇黎聽日都係要去見一見醫生喇…

７／４／０５（四）衰仔嚇親？＠小麥草好味∼
糕公話，蛋糕都試過一掂佢就叫，帶過佢去睇醫生，但就ｃｈｅｃｋ唔到ｄ咩，冇扭親冇整傷冇病冇痛，唯一可能就係嚇親，驚所以叫，所以就冇帶到沙律睇醫生，今晚放工番黎，佢就有走出黎歡迎我，唔似尋晚咁，番到黎嗌極“沙律沙律，包包呀∼餅餅呀∼”都唔啋我，不過媽咪話佢晏晝出完街番黎，沙律都冇啋佢喎，同埋朝早出街時，沙律係房行出廳想街街，點知見阿仔企左係到，即刻唔敢再向前行，跟住阿仔向佢行近一步，佢就退後一步，好似好驚咁，唔通阿仔勁蝦過媽媽黎，嚇到佢���╪a？仔呀仔，究意你做過ｄ乜黎呀下？衰仔黎呀！ 之前種既小麥草，有得食ｌｕ∼睇下ＣＣ食得幾滋味∼ｙｕｍｍｉ！ 矇豬：係咪有小麥草食呀？有冇我份架？ 哇∼成兜菜菜同小麥草都係我架？好野！喂沙律，成兜都係我架，你唔好諗住偷黎食呀下！ 我矇豬有番兩下省手，唔好蝦架，等我兜個圈下個兔威先！

８／４／０５（五）我大左肚呀？
唔記得幾耐之前，發覺阿仔肚臍個位漲卜卜，去做身體檢渣時知到係小腸氣問題，不過醫生話唔係好醫要既問題，所以可以唔洗做手術住，可以等第時洗牙需要全身麻醉時先做埋，總之冇突然漲大就ｏｋ喇∼ 不過今晚學生黎學琴，同佢玩玩下時，發覺佢個肚仔好大個呀，好似沙律個陣有左ｂｂ就生得咁 ，開頭以為因為食飽飽喇，但越睇越唔對路，大得有ｄ唔尋常，摸落去漲卜卜好似個吹氣波波咁，唔通係因為小腸氣問題？定係好似兔仔咁有ｇａｓ呢？好有同佢按摸下肚仔，等佢放下屁屁咁呢？不過佢又係一切正常，搞乜呀？

９／４／０５（六）小麥草番來哦！
食多ｄ食多ｄ，大啖大啖食多ｄ，小麥草真係好好味呀，但係點解佢會識飛既？ 我唔可以比佢飛走架，等我追番佢番入我個口到先∼　追會飛既小麥草 衰仔朱古力，咬爛左我個ｂｂ呀！！！正衰仔黎…

１０／４／０５（日）換屁屁行動
雖然都知道ＣＣ個屁屁好污糟，因為佢去過既地方，坐完之後都會有個屎尿印係到，不過一直都係到逃避同佢洗屁屁呢個問題，直到先兩日見佢邊跑，邊有一餅屎吊住係個肚仔／屁屁附近，又唔敢就咁同佢扯甩佢，所以就的起心肝同佢換屁屁喇… 吊住一餅屎 一餅屎 除去一餅屎後 仍然好污糟既屁屁 換屁行動完畢 乾淨晒！

１２／４／０５（二）阿仔蝦我呀！
呢幾日，沙律己經變正常番，冇再���═U，抱佢會尖叫會震，我地番屋企佢都有出黎歡迎我地，不過今日又唔知做乜，打回原形，放工番黎時見佢哩埋左係床仔到，不過就冇再尖叫同震，但係同佢玩時，阿仔一行埋去，沙律就一副戰鬥格咁，緊係衰仔又蝦媽媽定啦，又唔知自己大份喎，衝埋黎時度無情力又鬼咁勁…媽媽生佢好辛苦架麻，都唔識得孝順下既∼

１３／４／０５（三）蘿蔔仔
表姐種既小蘿蔔有收成喇，比左ｄ兔兔，佢地好鍾意食呀，自己種既唔怕有農葯，可以好放心咁食^___^ 好味道呀，等我擘大ｄ個口，大啖大啖食先，爽呀！ 係咪有蘿蔔仔食呀？家姐∼留番ｄ比我呀！唔好食晒我架！ 好味道呀！可唔可以食多少少呀，最多我唔坐番落ｄ軟便便到丫！保持個乾淨屁屁丫！

１５／４／０５（五）燥火呀！
夜晚，小朋友ｍｉｋｏ又黎左玩喇，黎之前，ｍｏｕｓｓｅ哩左入房訓覺，唔知係咪訓得夠所以精神狀態十分佳，所以好鬼好火，一見ｍｉｋｏ黎就ｗｕｗｕｗｕ，連平日比較鎮靜既沙律都係咁，可能比衰仔朱古力蝦得多，所以見到有小朋友黎探訪，就要去兇下佢，而朱古力更加唔洗講啦，好好火，四位小朋友都好好火，一埋牙就打交，好燥呀！

１６／４／０５（六）靚靚葡萄便
零晨同夜晚執到ＣＣ既軟便便，好難得未被踩／坐扁就比我執到，拎埋去ＣＣ鼻哥頭，佢聞一聞就即刻走開，呢兩串屎屎，都幾靚幾結實咁丫，做乜唔食�隉H有益喎！痾左又唔食，好浪費者∼

１７／４／０５（日）跛左呀…

尋日起，ｍｏｕｓｓｅ隻腳仔又好似有ｄ問題，先一兩個星期都試過行既時後有少少“吉”腳，不過唔係好嚴重，同過左一兩日就冇事，不過今次就真係單起隻腳黎行，所以今日就同左佢去睇醫生，醫生係到摸摸摸，屈腳伸腳，同訓低佢然後同隻腳打圈圈，結果呢，就話膝頭既對�Q帶比正常汪汪鬆左ｄ，係天生既問題，仲比左幅圖我睇黎解釋，對上一次去睇，係右後腳膝頭有問題，今次就係左後腳，因為�Q帶鬆所以一ｄ碰撞，都會容易令到ｄ筋／肌肉扭傷，ｄ骨就應該冇事，冇移位之類既問題，不過話如果我唔放心，都可以照張ｘｒａｙ既，不過就暫時冇呢個必要，咁而家最重要呢，就係要休息多ｄ，同唔好比佢同其他汪汪玩頭，即係要隔離佢同媽媽細佬喇，如果出街街屎尿，就抱佢出去痾，痾完就抱番佢入黎，盡量唔好比佢有太多郁動，最少要維持一個星期，因為佢食左葯之後可能會覺得舒服ｄ，就周圍跳跳走走，會對隻腳仔唔好，所以要好好休息最少一星期…好彩ｍｏｕｓｓｅ唔似阿仔同沙律咁肥渣，唔係過肥架上膝頭有事，可能手尾更加長，更加麻煩添，希望佢快ｄ好番啦∼

１９／４／０５（二）仲係得三隻腳…
食左兩日葯，都好聽話咁冇比ｍｏｕｓｓｅ周圍走，困左佢係房，係夜晚我放工番到黎，先放佢出廳行下，但係都好似冇咩改善咁，都係單起一隻腳黎行，仲要好似好悶悶不樂咁添，可能成日都困係房發呆同訓覺，悶到�◣w啦…真係慘慘囉…

２１／４／０５（四）虫虫番生呀！
天氣開始又熱番喇，好煩呀∼∼夜晚同阿兔執屎時，又有好多隻虫虫係ｄ屎尿堆到走難咁向四方八面逃走，望到都有ｄ心寒，之前由ｂｃ轉左用ｂ２ｎ，ｄ虫虫唔見晒仲以為解決左佢地添，點知…唉…苦惱呀！上年都冇呢個問題既，夠竟典解典解呢？

２２／４／０５（五）新屋入伙

今日放工之後，落左旺角金魚街睇籠，因為ＣＣ個籠架底生晒鏽，所以係時候要換個新喇，又因為平時佢比較污糟，所以放完出黎多ｄ清潔工夫要做，咁朝早我要番工，呢ｄ工夫就由媽咪幫手做，所以媽咪鍾意放矇豬多ｄ，咁對比之下呢，放ＣＣ既時間係比矇豬少既，所以想搵大ｄ既籠，等ＣＣ係籠到時可以多ｄ地方走動一下，不過行晒成條金魚街，最大都係矇豬而家用緊個款籠喇，不過都己經冇番貨添，最後搵到有一間賣同款同尺寸但唔同牌子既籠，於是就決定買佢喇∼ 由於送貨既話要等到下星期五，心急阿媽唔想等，所以就由旺角抬佢番屋企，抽到我手都震晒咁濟，跟住拿拿淋抹乾淨，砌好入伙喇！ Welcome to my Home 新籠籠呀！同家姐個 一樣咁大架！ 今次終於唔洗執家姐 手尾住二手屋喇！ 兔地真係老懷安慰喇∼   逛寵物店，當然不少得買點禮物仔比屋企三隻冇時停小朋友，見毛公仔玩具減價ing，於是少少地買左４隻，仲有一條同之前買既胸帶同系列但唔同色既拖帶添喎∼

２３／４／０５（六）臭臭狗廁所！
喂∼搵人洗下個狗廁所好冇呀！好臭呀！唉…都唔知點解個個都唔似得我咁愛清潔既？ 不過唔知點解，聞下聞下狗尿，又好似幾開胃咁喎，等我食多幾條草草先∼ 唉…比兔話狗地廁所污糟，真係咩面都冇晒呀…不過都係唔理，扮聽唔到，我聽唔到…

２４／４／０５（日）係咁易食幾粒
夜晚同ＣＣ玩時，發現新鮮熱辣剛出爐軟便一串，膽粗粗徒手執起遞埋去佢好口到，佢既第一個反應，就係聞一聞就即刻擰去另一面，不過我不厭其煩咁遞去佢個口仔到，結果…佢食左幾粒呀！！不過呢幾粒之後，就唔肯再食ｌｕ，仲係到胡我好似嫌我好煩咁添∼

２５／４／０５（一）紙皮盒萬歲！
先兩日買左個新籠比ＣＣ，所以又有扁大紙皮箱一個，諗住拎比兔兔玩，點知阿媽又買左風扇一扁大紙皮箱一個，所以玩左呢個先啦∼開左一個門口仔比阿兔出入，再係頂開左半個圓比阿兔裝下出再，搞掭！玩得∼　 （阿媽話我似Ｄ阿婆儲紙皮盒，死都唔肯掉^__^"）

２９／４／０５（五）滿到瀉
呢排公司好忙，日日做到８、９點，番到屋企岩岩好睇大長今食晚飯，之後執屎執籠，跟住沖涼訓覺，好唔容易等到星期五，可以去街街輕鬆一下，不過當我番到屋企既時候，發覺阿媽冇幫我執到兔仔籠呀陰功∼因為ＣＣ轉左新籠唔知我想點執，所以等我番黎先搞掂佢喎，結果矇豬個廁所滿到瀉，Ｄ屎屎多到跌唔到落去…個底盤都好污糟添，最慘係未開飯呀∼餓屎喇…

３０／４／０５（六）兔兔草兜
尋日街街時買左個草兜比阿兔，其實想買個座地瓦既糧兜，不過搵唔到細細個又重身既，但又見到呢個草兜好得意同半價中，所以就買左喇 多食草草身體好，日日隊草唔怕老！睇下我食飽飽都攤得幾有儀態∼ 今朝零晨時份，想拎個電話叉叉電，揭起枕頭底拎個叉頭啦，點知…點知… 我都己經收埋係枕頭底架啦，點解會咁架？好彩勉強可以叉到電，唔係都唔知點算∼ 哼∼邊個做既好事？快ｄ黎自首呀下！！ ***誠徵衫豬叉電器一個，我出價明目砂一百粒！***

 

:: ｎｅｘｔ ::