１／６／０５（三）四歲生日ｂｅ…
沙律：今日係我四歲正日生日，不過媽媽好衰呀，放工冇即刻番黎同我慶祝，走左去睇咩阿王喎，不過好彩佢都叫婆婆買左個蛋糕比我，但係佢就食得多過狗地囉，仲要撥走晒ｄ生果同忌薕先比我食，真係唔公平呀！不過算啦，狗地生日大狗有大量，由佢啦，淨係食ｄ海綿蛋糕都好好味呀！！仲有狗狗牛角飽食添喎，ｙｕｍｍｉ！


　５／６／０５（日）地主神位…
今朝一大清早，就聽到阿媽拆晒天咁嘈，原來我尋晚放兔時唔記得爛塊板係地主個神位前面，結果入面一大包香比矇豬拉左出廳，裡面ｄ香跌晒出黎…神主牌訓低左…個電香爐訓低埋……三支香得番一支著………入面ｄ紅紙亦咬爛左……唉……
兔地咩都唔知架，我唔知咩叫神主呀，小朋友唔識世界…唔關兔地事架……都係咪咪之麻…


　６／６／０５（一）開飯喇∼
如果可以有一兜滿既糧食就好喇，咪咪可唔可以加ｄ呀？


　９／６／０５（四）嘔屎……
今朝起身準備番工時，阿仔都起左身，咁放佢出廳屎尿啦，我繼續準備梳洗咁，之後就見阿仔係廚房嘔喇，望下ｄ嘔吐物，哎呀∼∼係一堆兔仔屎呀！！！起碼有廿粒好鬼壯觀，仲要粒粒都完整無缺，即係咬都冇咬就吞喇，想唔嘔番出黎都難啦，激屎呀！


　１０／６／０５（五）
望咩呀望，未見過靚女呀？
阿妹，黎親親先∼


　１１／６／０５（六）為左食，做個好姊妹
ＣＣ：
雖然我平日好驚家姐，不過為左蘿蔔蔔，我咩都唔驚既，仲夠膽搶家姐咀入面既蘿蔔添，為左食冇計啦，唔理得咁多喇，食左至算，最多同家姐舔舔補數啦∼


　１２／６／０５（日）奀皮兔呀！！
今朝一起身，噢有隻奀皮兔入左屋呀，唔係公廁屎尿痾到周圍都係都算啦，仲要跳左上狗籠頂，推低左個狗狗大水兜，都唔知讚唔讚佢好，個兜打斜岩岩好訓左係包墊料上高，結果整包墊料濕透，而地下就保持好乾爽，真係比呢隻奀皮兔激屎呀∼

今日冇去街街，又係屋企堆堆砌砌左個紙皮盒比阿兔玩，雖然有ｄ奇型怪狀咁，不過創意撘救丫∼∼


　１３／６／０５（一）包膠鐵廁所
早排同汪汪換左個新廁所，之前用開既係電鍍廁所，不過因為好容易就會生鏽，所以今次換左個包膠鐵既，但一時忘記左屋企有兩個包膠鐵愛好者，所以…好彩咬左少少就似乎冇興趣再咬落去喇，唔係就要換番個電鍍ｌｕ∼


　１５／６／０５（三）無聊哦∼
無聊冇野做，人地玩手指，我就舔手指，要時刻保持清潔∼
我無聊時鍾意咬垃圾袋，倒晒入面ｄ兔仔屎呀墊料呀出黎咁，再睇住咪咪執，好好睇呀！


　１７／６／０５（五）菜菜呀∼

菜菜呀！你可唔可以唔好企咁高呀？


　１９／６／０５（日）咬咬咬＠好味道
ｍｏｕｓｓｅ（右）：哇∼是日晚餐好豐富呀，有手絲雞蘿蔔小羊肉撈糧，好好味呀∼睇下我幾快食晒∼可唔可以添ｄ添呀？食完飯飯仲有一狗一支潔牙齒咬添喎，我左咬咬呀右咬咬∼


　２０／６／０５（一）易帶脷翻西∼
哇∼有意大利蕃茜食呀！！好香好好味呀∼∼
兩姊妹你舔我我舔你，好似好好感情咁喎 ^_^"


　２１／６／０５（二）真係好好味呀！！
矇Ｃ：呢ｄ什麼蕃茜真係好好味好香呀，食到停唔到口哦，好味∼
之後仲有油墨菜食添喎，如果日日都有咁豐富既晚餐就好ｌｕ∼
我左望望呀右望望，確定家姐唔係附近唔會搶我菜菜，可以放心慢慢食∼
點解我背後好似有一股好強既殺氣監視住我咁既？不過唔理ｌｕ，食菜要緊呀∼


　２３／６／０５（四）獨家早餐∼
今朝早起身，時間比較鬆動，見矇豬跟住我係咁跑呀跑，跟出跟入鬼咁好耐性，於是乎額外餵多幾塊菜菜佢食，ｄ菜菜都未放到落地，己經企高高等食，到我出門口時，己經食到一乾二淨，ｄｄ都冇得淨，女呀∼口大食窮咪哦！


　２４／６／０５（五）雷公劈
半夜比雷聲嘈醒，平時行小雷沙律同ｍｏｕｓｓｅ己經好驚架喇，今次行既係震到入心既勁雷，嚇到沙律係咁喘氣，仲要喘得好厲害、邊喘邊震咁，而ｍｏｕｓｓｅ呢，雖然冇喘氣，但就震得好厲害，就咁望己經見到佢耳仔呀，手手腳腳ｄ毛係到震緊，而朱古力呢，就話知你，扒係床側邊繼續訓，為左安撫兩隻ｂ，一手攬一隻，拍拍心口掃掃背，同佢地傾下計，但都冇好轉 ，繼續攬實掃掃背…然後…我又再昏迷了，再起身時，雷算行完啦，唔∼希望佢地有覺好訓啦∼


　２６／６／０５（日）好貪心呀！
我發覺沙律真係好鬼貪心呀，以前聽個一個電台節目講汪汪，個主人話佢既汪汪好鍚阿妹，係街買麵包比佢食，佢食完一個之後，另一個就唔食，咬住膠袋帶番屋企留比阿妹食，當時聽到印象好深刻，不過呢，呢個情況似乎絕對唔會發生係我屋企三隻ｂ身上，尤其是沙律，今日餵佢地一場一塊大狗餅時，比較咀刁既ｍｏｕｓｓｅ拎左就放係地下，冇即時食，沙律見到，即企係床仔跑去佢到擔走舊狗餅，然後跑番去自己床仔收埋，想拎番比ｍｏｕｓｓｅ啦，佢隻衰妹仲要胡我添喎，好似話我咪搶佢野食咁，都做左狗阿媽架啦，都唔希望佢話讓個女喇，都唔好搶丫麻∼


　２７／６／０５（一）一地係∼
矇豬：
今朝有個訓唔醒既咪咪倒瀉糧，搞到一地都係，我當然唔會等佢執完先再餵我啦，一於同佢鬥快，睇下佢執得多ｄ丫，定我食得多ｄ先∼咇∼


　２８／６／０５（二）換毛毛！
呢兩日發覺ＣＣ甩毛甩得好勁呀，同佢梳毛好似想攞佢命咁，周圍走發晒脾四，仲胡我添！最幣係梳極都仲有好多毛毛，係咁甩係咁梳，梳極都仲有咁，哎呀∼兔地換毛真係好煩呢∼


　２９／６／０５（三）大力妹∼
矇豬：我頂呀推呀，一個紙皮箱困唔到我既，出到黎啦，我係大力妹矇豬！

:: ｎｅｘｔ ::