３．７．（日）●●假日悶悶悶

矇豬：天氣咁熱，除左食同訓，真係諗唔到有咩好做呀，悶屎兔喇∼ ＣＣ：我膽子小，又唔敢同家姐玩，又怕汪汪唔敢通屋走…無所事事好悶呀∼ 矇豬： 既然咁悶，等我襯汪汪實ｑ偷懶訓覺時竄入房先…靜靜雞…靜靜雞…得左∼ 首先跳入狗床留低氣味，之後捐入床下底同咪咪玩捉迷藏，大家見唔見我係邊樹呀？

４．７（一）●●暴力兔

今朝番工時見矇豬個草兜甩左，冇時間幫佢整番好，所以就放左早前買個兔瓦兜黎裝早頂住先，點知夜晚放工番到黎，見成個兜反轉左，個底向天，一拎起時仲要成隻兔兔耳仔崩左添，因為驚崩左出黎隻耳仔會界親矇豬，所以拿拿林放左佢出黎然後搵，點知成個底盤ｄ草呀墊料呀倒晒出黎都搵唔到，心諗緊“唔會當磨牙石咁咬咬咬食晒麻…”，跟住就比我見到隻崩耳仔係側邊個狗籠底到，哇，點可能飛到咁遠呀？呢隻兔咩構造搞乜鬼架？？

６．７．（三）●●等開餐

矇豬：執籠執咁耐架∼兔地好肚餓呀，比住少少糧頂下肚先啦唔該∼ 咦，個籠換左兩塊野喎…咩黎架呢？涼浸浸咁既∼ （先兩日同矇豬執籠時，見到有隻小強ｂｂ，嚇到我半屎，之後去買廁所墊料時見塊鋁皮個盒面寫住咩等別樹支，防蟲咁，隻蟲仲畫得好以小小強，於是乎即刻買左喇，希望用左佢夏天除左涼快ｄ之外，可以趕走小小強，唔好黎打搞阿兔啦）

７．７（四）●●Romaine lettuce

ＣＣ：咪咪今日係吉豬島買左包Romaine lettuce比我地食呀，咪咪好孤寒架，我地咁大個女第一次食呢ｄ貴菜菜，仲要話分幾餐比兔地食添喎，不過算啦，見仲有油墨菜食，由佢啦∼咇∼ 矇豬：到我未呀到我未呀？到我開餐未呀？？ ＣＣ：襯家姐出左去食菜菜，靜靜雞入去佢個籠到留下氣味先∼殊∼

１０．７．（日）●●尿布用黎咬架麻∼

咪咪做咩眼甘甘望住我呀？我做錯事咩？ 乜尿布唔係用黎咬同係上面尿尿架咩？ 我冇做錯野丫…咪咪咩事仲係眼甘甘望住我呢… 唔對路，都係走佬穩陣ｄ…

１１．７（一）●●有狗搶菜呀

矇豬：喂阿妹你係邊呀，快ｄ黎同家姐舔舔眼睛做清潔啦，唔∼乖喇乖喇∼ 沙律：你有咁大兜菜，分少少黎食好喎，一塊咁多丫！拿∼我唔客氣喇，我拎架啦下∼ 矇豬：我都冇話請佢食，格硬搶既…… ＣＣ：唔好搶我菜菜呀，要搶搶家姐個ｄ啦…

１２．７．（二）●●好靚仔喎∼

朱古力：婆婆成日都問我“仔呀仔，點解你咁靚仔既？”，係咩係咩，乜狗地真係咁靚仔咩？

１４．７（四）●●三文魚呀！

多得ｍｉｋｏ媽媽介紹，今日去吉豬島買左包三文魚骨，１２．９有４、５舊抵抵抵，加ｄ檸檬去下魚腥味，淥熟然後拆骨，今晚煮左一半，都拆到一碗仔肉出黎，食到三隻ｂ舔舔�c，ｙｕｍｍｉ∼

１５．７．（五）●●好豐富呀！

哇！有蕃茜、唐生菜、小白菜、紅蘿蔔片，正呀∼不過咪住先，有ｄ唔對路… 拿拿拿，沙律你係到“ｒ”痕好喇，唔好偷兔地ｄ菜菜呀！等我快快趣食晒去先∼ 我又食呀！！放我出黎開餐呀！我咬咬咬∼ 好野，到我食菜菜喇，好味道∼

１６．７（六）●●彭彭公園

香港可以協辦奧運馬術比賽，要改建彭福公園，天呀∼係香港可以比狗狗入既公園真係少之有少，仲要好似彭福咁大既可以話係零，你叫阿ｂ以後點算呢？唔通要我帶佢地去山頂既狗狗公園？定係去原本己經好迫狗、相信彭福冇得去之後會更迫狗既西貢呢？慘慘慘呀∼冇地方跑草喇∼∼ 所以係佢仲有得去既時候，要去多ｄ呀，不過呢排天氣實在太熱，要等太陽落咁一大半先出發，跑呀∼ 沙律：我地真係好愛彭彭架，第時冇得去就慘慘喇… 朱古力：婆婆同我剪晒ｄ毛毛，好涼爽呀！ ｍｏｕｓｓｅ：我三七面係咪好靚呀？ 蛋糕：好熱呀，等我搵個陰涼位抖下先∼ 沙律：哇∼呢位小朋友你熱唔熱呀？我就好熱喇，舖番塊冰墊涼下先，呼∼爽呀∼

２３．７．（六）●●ｍｍ…

今個星期好忙呀，阿姐老公番左加國晚晚係公司磨爛席，結果搞到晚晚都好夜走，番到屋企食完飯搞完清潔沖埋個涼都１２點喇，都冇咩理ｄ小朋友添，平日就算忙冇時間寫日記，都會寫低幾隻字，係週末清閒時再後補，點知今個星期原來得個零，連１張相都冇影過，菜都好似冇買過比阿兔食，只得樓上拎落黎既唐生菜，成個星期，只記得星期三晚去完兔爸屋企食晚飯番屋企時，去到吐露港時落狗屎，媽媽話嚇到三隻ｂ不得之了，喘晒氣跟出跟入扭抱抱，因為呵打左草比左個紙皮箱阿兔咬，除此之外呢…ｍｍ…唔……

２４．７（日）●●奀皮兔呀！

今朝起身望出廳，唔見兔蹤影，再四圍裝下，都冇喎，諗緊唔知會唔會困左佢入廚房呢，跟住就見有隻兔係個放雜物既狗籠入面飛出黎，冇錯，係飛住咁跳出黎，呢隻奀皮兔丫！咬爛ｄ狗尿布，又係上面屎尿，激屎呀∼

２５．７．（一）●●餓餓

ＣＣ：媽媽，個糧兜咩都冇呀！個草兜都係咩都冇呀！幾時開飯飯呀？兔地好肚餓呀！幾時開飯飯呀？

２７．７（三）●●菜菜

矇豬：媽媽放我出黎食菜菜，唔…我想邊�蕊蟳鉽僱瘚瑽r，麻煩幫我移兜菜菜丫∼ 一路痾一路食，菜菜真係寧舍好味呀！！呼∼ 兔地養生之道，食飽飽就攤抖下，幾寫意∼ ＣＣ：哇∼到我食菜菜喇∼好味道！ 剩番個莖唔食得唔得呀？ 唔∼我都係鍾意食葉多Ｄ呀∼ 真係好好味呀！食到舔舔�c，ＹＵＭＭＩ∼

２８．７．（四）●●朱奶骨

朱古力：好耐冇食過呢隻骨骨喇，我搶呀！等我食完自己個條，再去搶阿妹個條先∼ Ｍｏｕｓｓｅ：細佬搶左我舊骨骨呀… 朱古力：好野好野，搶到ｌｕ∼我既我既∼     等我矇豬教兔地懶兔食蕃茜大法，手手腳腳同肚腩仔貼實地下，頭微微抬起，起勢咁咬呀咬，搞掂∼ 懶兔食唐生菜大法大致上都係咁，總知屎到要貼住地下就岩喇∼

３１．７（日）●●裝置藝術屁

ＣＣ：我覺得屁屁Ｄ屎屎加尿尿係一種裝置藝術黎，唔明點解媽媽唔識欣賞要同我整走佢囉… 哇∼乾淨晒，係重要部位驚整親佢，所以清潔唔到，其它屎尿漬己經搞掂晒喇，今次幸得兔爸相助，個多鐘頭搞掂喇，唔係要我一手抱住一毛剪毛，又驚中飛腿，實有排搞呀∼ 我唔貪心架，希望可以ｋｅｅｐ住乾淨屁屁…３星期丫∼

:: ｎｅｘｔ ::