矇C日記

●芫茜？蕃茜？照食！


明明買個陣見到係蕃茜黎，點知番到屋企先發現係芫茜…一邊洗時…咦～～好臭呀！！矇豬ＣＣ，黎黎黎，快ｄ食晒佢啦，咪咪最怕芫茜陣味架喇～乖啦～

ＣＣ：我係乖兔兔，好啦好啦，等我食左佢啦～

３．８（三）●

●我當襪襪係寳


沙律：地上執到寳，問天問地攞唔到，隻襪係我執到既，我當佢係寳架！

唔比呀唔比呀！唔好搶我呀～隻襪襪係我既新玩具黎架！

６．８（六）●

●冇草喇！砰砰砰～



星期六唔洗番工，想訓晏ｄ，點知一早就“砰鈴嘭欄”，忍唔住出廳睇下發生咩事，原來我家矇豬大小姐發脾四，個草兜冇晒草，將地下塊鋁板係咁掉，仲掉到兩塊板都摺埋左一半添…好彩冇咬斷駁住ｄ鋁板既橡筋渣，女仔黎架渣…咁粗佬既？

７．８（日）●

●彩虹彭彭公園


我地又全家出動黎彭彭跑草喇，狗地週未最佳活動呀～黎個時仲到有彩虹添喎，好靚呀～

黎到彭彭唔少得既活動，梗係喪跑啦，跑呀跑！


跑完晒下太陽，再搵個陰涼地下攤抖下～

又係時候要走喇…　朱古力：等我攬實ｄ個柄先　沙律：咁我攬實個椅背啦～　　坐穩歸家去ｌｕ～

１０．８（三）●

●ｆａｔ唇囉！


望咩呀望，未見過兔地甩毛咩？一執執ｆａｔ唇黎呀，費事啋你地我去食菜菜～

兔地係愛乾淨係兔仔，雖然心口同下巴有少少黃，但整體黎講都好白雪雪，係乖乖兔～

不過間唔中都會曳曳既…公廁好遠，兔有三急，所以……殊～～舒服晒！！

１２．８（五）●

●甘荀仔


矇豬：咦～我聞都好似有野食喎…	哇～媽媽減肥買左甘筍仔，益左我地有得食～

好味道，阿妹冇得食，呵呵呵！	食飽飽又要抖下喇…

ＣＣ：我又想食呀…少少丫～得唔得呀…	可唔可以再比多少少呀…少少丫～

	我企高ｄ，企高ｄ…好味道呀！

企到腳仔都攰呀…都係食番菜菜算喇…

１３．８（六）●

●嚇屎狗喇…驚驚…

星期六唔洗番工，可以好安心咁訓，唔怕唔知醒番工遲到，結果訓到一隻豬咁，行雷落大雨咩都唔知，起身時發覺唔見左沙律，叫極都唔見狗影，床仔、被窩、廁所、廚房、樓上、周圍搵過都冇，即刻打比媽咪睇下有冇拖左佢出街，點知打打下就聽到床下底有ｄ“沙沙”聲，烏低頭望下，搵到喇！！終於搵到沙律喇，原來行雷時佢驚得淨，損左入床下底ｄ雜物頂，之前望埋去黑麻麻，又多雜物所以冇為意佢既存在，睇佢唔到，哎呀～嚇屎我喇～

１５．８（一）●

●偷草磚

夜晚同兔兔執籠，執執下發覺舊草磗唔見左，不過懶得理佢繼續執呀執，抹呀抹，攪掂晒之後入房坐下，然後見到一地草碎，再望望張床，噢…唔知邊隻衰ｂ咬左舊草碎上床玩，仲要咬到碎晒掂，成床都係…打屎呀！

１６．８（二）●

●搞破壞

繼尋日咬草磗搞破壞之後，今日又係我書檯底抓爛左個紙袋喇，雖然個紙袋係裝住一有貓／狗罐頭，但照計都未開仲係密封既，應該聞唔到味架喎…而且都放左係到一陣子喇，冇理由而家先聞都有味走去抓架者，所以得出既結論係～
三隻衰ｂ搞破壞！係特登既！！

１７．８（三）●

●ｂｂ三歲喇



ｂｂ三歲ｌｕ～今日正日生日，放工番屋企第一時間焗個杯杯狗蛋糕，ｌｅｉ咁ｈｅｉ呢整左７小杯，其實可以整到８杯，不過焗爐唔夠位所以放棄左最後一杯，不過因為７小杯其實都只係剛剛好夠位，所以迫住黎焗阻礙左蛋糕既生長過程所以外觀有少少變左形=P，試左味食左一杯，唔～味道唔錯幾好食=D，今晚既正餐既三文魚加雜菜雞肉狗罐頭撈狗糧，飯後甜品一狗一蛋糕，食到狗地舔舔脷，ｙｕｍｍｉ～原本上星期日開生日會，但被天文台呃左話狂風雷暴落大雨所以改左期，雖然星期六晚都仲係落狗屎，但結果星期日當天出太陽，認真吹漲～ｂｅａｒ～

１８．８（四）●

●舔舔眼屎



意大利蕃茜真係好好味呀，如果日日都有得食就好ｌｕ～


矇豬：阿妹食食下菜做乜一支箭咁走左去呀？我…我…咩都冇做過，淨係係到食菜菜渣喎…

乜我真係咁得兔驚咩…	望真ｄ，其實我矇豬都有溫柔可愛既一面架！

黎啦黎啦阿妹，同我舔舔眼屎啦唔驚啦～	真係唔明點解阿妹咁驚我既…我咁乖…

２１．８（日）●

●狗ｃａｆｅ生日會


3:30-5:00pm，九龍城狗cafe BB三歲生日會	碎蛋三文治、雜果沙律、炒公仔麵、著角、雞翼及鏡頭外的咖哩角及三文治，yummi！

狗狗的芝士雞肉餐	一磅骨型狗狗生日蛋糕

分好了的生日蛋糕	如果唔落雨就好啦…可以出去玩…


來個大合照，ＢＢ生日快樂哦！！

２５．８（四）●

●唔好食我菜菜


矇豬：喂～菜菜係我架喎，快Ｄ番企定定黎保護菜菜先～

菜菜埋黎啦埋黎啦，黎比姐姐食啦～	菜菜乖喇，姐姐唔想起身食菜菜呀！

不過為左避免有大肚腩，都係企係身食啦～

ＣＣ：為左菜菜，我係唔會怕你架，呼～唔好食我菜菜呀，唔係對你唔客氣呀下！

２７．８（六）●

●狗仔衫

老闆仔的客人要做狗仔衫，很自然地阿姐就要我跟這個客，去了買些狗仔衫辦，回來叫阿ｂ試著，好靚呀，如果做得成，咁阿ｂ以後就會有ｄ衫仔著喇～呵～

２８．８（日）●

●雞肉雜菜意粉



沙律：最鐘意就係媽媽週未唔去街街留係屋企架喇，咁就可以多ｄ陪我地，又可以整野比我地食喎，今晚呢，我地既晚餐就係雞肉西蘭花甘荀意粉喇，好好味呀，唔講唔知，原來阿仔唔係幾識食意粉架，雖然己經剪碎晒，不過佢都食得好論盡，仲係我地三個中食得最慢添，食完仲整到一臉係添喎～

２９．８（一）●

●假沙沙

四年幾前，有人話要買隻汪汪比我，名都同佢改埋叫沙律，之後等我滿心歡喜係屋企等待迎接沙律時，開門一見，就只見到呢隻汪汪公仔…而唔係一隻真既狗狗，自此之後，呢隻公仔個名就叫假沙沙喇～
夜晚係廚房洗緊碗時，眼尾見到有一大舊影快速郁黎郁去，望真ｄ，原來係阿仔咬住假沙沙周圍彈跳彈跳，再加ｆｉｎｇ頭ｗｅｌｉｗｕｌｕ，鬼咁開心，好似覺得自己好叻咁，可以打敗一隻比自己身型仲大既敵人，個瑒面好攪笑呀！

３０．８（二）●

●換毛


ＣＣ又換毛喇，正常黎講一年換四次毛咁上下，不過唔知點解ＣＣ好似都唔係既？耐唔耐就黎一次大換毛，甩到個身一執執咁，梳極都有既？

３１．８（三）●

●水晶梨

四年幾前，有人話要買隻汪汪比我，名都同佢改埋叫沙律，之後等我滿心歡喜係屋企等待迎接沙律時，開門一見，就只見到呢隻汪汪公仔…而唔係一隻真既狗狗，自此之後，呢隻公仔個名就叫假沙沙喇～夜晚係廚房洗緊碗時，眼尾見到有一大舊影快速郁黎郁去，望真ｄ，原來係阿仔咬住假沙沙周圍彈跳彈跳，再加ｆｉｎｇ頭ｗｅｌｉｗｕｌｕ，鬼咁開心，好似覺得自己好叻咁，可以打敗一隻比自己身型仲大既敵人，個瑒面好攪笑呀！

就黎中秒，又有水晶梨食喇，又爽又甜，好好味呀！

係咪有水晶梨食呀？我又要呀～我飛呀～

:: ｎｅｘｔ ::