．．．國慶彭彭遊．．．１／１０

哇∼我地又出發去彭彭玩喇，今日係國慶公眾假期，有好多汪汪都去左彭彭玩呀∼ 你睇你睇！幾多汪汪，仲有隻個身有好多波波添喎，好搞笑呀！ 趁青春留倩影，係咪即係咁呀？ ．．．．．．．．．．．．．．．．．．．．．．．．．．．．．．．．．．．．．．．．．．．． ＜－變身前　ｖｓ　變身後－＞ 今日除左係國慶放狗日，仲係國慶洗屁日，經過一輪努力乾淨晒∼

．．．隔離草香．．．４／１０

唔知點解硬係覺得隔離草香，同一樣既草，唔知點解自己個籠個ｄ冇咁好食，但阿妹個ｄ就咁好味既？ 我企係狗廁所上面做乜？企係廁所唔係屎就尿架啦，兔地貪狗廁所夠大麻，去都去得順暢ｄ， 連兔婆都讚我叻讚我乖添呀∼殊……舒服晒∼∼

．．．咬尿布．．．５／１０

矇豬： 為左証明我叻，今朝一早跳左上個狗籠頂，然後好努力咁用我既聰明智慧，將狗籠入面個袋入面既狗屎布扯左出黎，再將佢分成兩塊，咁媽媽用既時候就可以分兩次用喇，呵∼我係咪好叻呢？我係又叻又慳家既兔兔哦！咇∼

．．．蘿蔔乾呀．．．７／１０

開始入秋，婆婆話秋天冇太陽晒唔到蘿蔔乾，所以而家晒定一盤過冬喎∼等我偷食少少先∼ 幣！被發現偷食添…唔好拎走啦∼∼∼食多一塊仔添丫∼∼∼∼

．．．企高高．．．１１／１０

兔地最鍾意企高高，狗籠頂係一個兔地愛企高高既地方，不過咪咪做乜咁惡望位我既？？ 好似有ｄ唔對路，都係擺低幾粒跳番落黎睇定ｄ先∼

．．．彭彭跑草日．．．１５／１０

沙律： 開始入秋喇，呢ｄ天氣最岩我地出去玩，所以我地今日又去左彭彭玩喇，不過今日公園收好早哦，５點鐘巡邏員就踩住單車話閂門喇，下次要早ｄ出門口先得！！汪∼

．．．執咁耐架．．．１５／１０

咪咪又同兔地執籠喇，執籠其間，等我清潔一下身體先∼ 左舔舔右舔舔，點解咪咪手腳咁慢，仲未執完架？

．．．我攝呀攝．．．１６／１０

矇豬： 呢個地方好生面口喎，等兔地攝入去睇下咩環境，去探下檢先得！得左∼

．．．餓屎狗喇．．．１９／１０

今日媽媽出左街，夜晚又去學ｙｏｇａ，所以冇餵到狗狗們，我又約左朋友仔食飯，大家都好夜先番到屋企，結果ｂｂ發脾四咬爛晒ｄ雜誌，曳豬呀！不過算啦，都係因為肚仔餓者，好啦好啦，下次早ｄ番黎餵你地啦∼ｂｂ乖∼

．．．三七面．．．２０／１０

我左邊三七面靚ｄ，定右邊三七面靚ｄ呢？定點睇都咁靚呢？

．．．個水兜阻住晒！．．．２３／１０

只係夜晚放兔時一時間唔記得收番起裝左水既狗兜者，都唔係好阻定丫，點知矇小姐唔高興，咬住個邊一掉，就成個兜反轉左掉瀉晒ｄ水喇…兔仔細細，有冇咁大力呀？

．．．為左食咩都唔怕．．．２４／１０

為了食物，ＣＣ就會變大膽唔怕家姐，仲夠膽係家姐個口到搶野食添，不過一食完，又會變番驚青Ｃ喇∼

:: ｎｅｘｔ ::