．．．我…想尿尿呀∼．．．２／１１

夜晚放工番到屋企，發覺有ｄ異像，地下有幾滴尿，之後冇幾耐就見到有一小灘仔尿，養左三隻ｂ咁耐，似乎都有見過咁樣，ｍｏｕｓｓｅ賴尿唔會得咁少，沙律同阿仔又唔會係廁所出面痾，於似乎去印下佢地尿尿位，發覺沙律係濕既，即係話地下ｄ尿尿係佢啦∼跟住就見佢走上個廁所到想去尿尿，但又冇得去，落番黎一陣又走上廁所到，但同樣係冇得去，試下拖佢出街街啦，行兩步就�縉C痾尿尿，但一樣，連幾滴都冇……番到屋企冇耐，又係地方見到有一小灘尿喎… 實在太唔正常喇，似乎係尿道有ｄ問題，即刻睇書上網搵資料，其中一個可能性係關個腎事，急性／慢性腎衰竭而影響排尿，好∼驚∼呀∼不過好彩沙律各方面都ｏｋ既，好精神亦都好食慾，同埋尿尿冇帶血，亦都冇痾嘔，希望唔關個腎事啦，唔係就手尾長，再睇，又可能係有結石喎，雖然唔識，不過摸摸佢肚仔又唔覺好漲，唔似係因為結石阻住左尿道而排唔到尿，咁係咪應該係佢冇尿尿痾但又急呢？之但係又會賴係地下到，咁又應該有ｄ失禁情況出現，糕公話似係尿道炎，希望如佢所說啦，咁就應該食下葯之後就會好番，女呀女，擔心屎阿媽啦∼

．．．尿道炎．．．３／１１

今朝起身，拖沙律出街街去廁所，訓左成晚，以平時黎講，應該會有好大督尿尿既，之不過佢只係痾得好少好少，同埋又係成日想去但去唔到，連屎屎都冇…… 所以，決定要同佢去睇醫生喇，乍病打左番公司請假，然後等到十點鐘醫院開門打去預約，出門口前拖佢係附近行個圈，終於有屎屎痾喇，不過尿尿都係咁去唔到… 去到醫生到，等左一陣就有得睇，探左熱，體溫正常，摸摸佢肚仔，唔覺有漲大到，聽聽心肺，再問一下佢ｄ徵狀，都係懷疑尿道炎，同埋醫生話狗女尿道比較�間A所以好少情況會因為結石落左尿道阻塞左排唔到尿，通常狗仔先會有呢個情況發生，咁個膀胱排唔到尿一路漲大就會有生命危險，同如果個腎有事，應該尿尿會有血既，所以暫時睇就應該係感染左細菌，話係狗女黎講都好常見，尤其是史納莎喎，咁呢就開左十五日葯，同要轉食一隻低酸鹼度既糧，番去仲要留小便添，要新鮮熱辣乾淨既，唉∼慘喇，沙律每次痾都係幾滴，又或者失禁賴落地地，點留呢？仲要唔可以得太小添喎…怎搞呀？ 番到屋企，為左令沙律飲多ｄ水，出動不同既私伙碗呀杯呀碟呀兜呀咁，等佢八掛好奇飲多兩啖水，之後就一直抱住佢唔比佢落地，迫佢一齊同我訓覺豬，起身都攬實，唔比機會佢落地地，以防佢會係我不知情下賴尿尿，如事者一直到六點，時間差唔多喇就拖佢出街街，結果真係有小大督尿尿痾喎，第一時間拎個樽仔裝起佢，跟住拿拿林拎去醫院做化驗，不過因為醫院都差唔多關門，所以可能要到聽朝先出到報告，希望冇事啦∼ 到夜晚，沙律都好乖咁肯食隻低酸鹼度既糧，可能因為我配埋罐頭比佢啦，所以好香口成兜食晒，不過尿尿情況都唔係咁理想，不過醫生話都要２、３日都先會完全回復正常，唉∼真係擔心屎我喇！

．．．出左報告喇！．．．４／１１

朝早番到工司，大約十點鬆ｄ，就接到醫院電話，話個尿液報告出左喇，酸鹼度偏低左少少，見唔到有血小板個ｄ即係冇出血問題，其他個ｄ唔係好記得添：Ｐ，總之就即係尿道炎啦，繼續食葯同隻特別量，應該２、３日就會回復正常喇，咁食完十五日葯可以番去再驗多次尿，聽完個報告，都放心ｄ∼ 打番去比媽咪問下沙律點，唔∼朝早尿尿時雖然都有成去想去，比平時正常�縉C尿尿次數密左，但起碼真係有得痾先，希望食左葯快ｄ好番啦∼

．．．唔關我事架喎…．．．５／１１

激屎激屎，我個新買冇耐既屎沙沙公仔呀！！嗚∼∼∼ 朱古力：唔關我事架，我冇咬住佢個鼻係咁ｆｉｎｇ架，唔係我咬爛架……

．．．兔咁品．．．６／１１

兔地訓緊覺，請勿騷擾喎∼ 都話請勿騷擾囉，仲影？ 好喇下，再影兔地發火架喇…咕… 最後一次警告，兔地發起火上黎唔係兔咁品架！！

．．．橙呀橙好味橙．．．１２／１１

夜晚食完橙，係咁易洗下隻手，然後就去烘下矇豬ＣＣ，見ＣＣ好興奮咁係門先索黎索去，伸隻手指埋去同佢玩下啦，點知佢擰晒頭咁伸個咀仔出黎食我隻手指，我諗佢緊係以為我隻手指係橙黎定啦，手指放係邊，佢個咀仔就追住黎咬，好好笑呀∼

．．．發呆中．．．１４／１１

發呆中的ＣＣ…

．．．魔術師．．．１７／１１

我係魔術師矇豬，請多多指教喎∼ 我變，變條綠色大�c�c∼ 再變，變做綠色細�c�c，係咪好叻呢？ 表演完畢，去休息一下先∼ ＣＣ：�X∼我都識變啦，長�c�c∼ 短�c�c∼係咪都好叻呢？ 喂喂∼呢位睇魔術表演既觀眾，菜菜係表演道具黎，眼看口勿動喎∼

．．．搗蛋兔．．．１９／１１

今朝一起身，媽咪就拎住部相機黎話我知矇豬既惡行喇，呢隻奀皮兔拆左ＣＣ個籠頂，己經有兩個公文夾夾實架啦，咁到可以下陷晒既？好彩有個２樓頂住�隉A唔係扎屎ＣＣ都似，跟住又扯埋包草落個籠到兼咬鬼爛，仲有就係扯左放係電視機附近ｄＶＣＤ落黎咬，嗚∼我隻正版三岔口ＤＶＤ哦∼∼好彩都係受輕傷�隉A正一曳皮兔黎架！！

．．．ＣＣ食草草．．．２２／１１

好野∼我有得出黎食草，家姐冇份食，好野好野∼ 我又要出黎食草，我咬呀我咬呀我咬咬咬！！ 咪咪，唔好放家姐出黎呀，一出黎佢就蝦我架喇…

．．．狗地私家車．．．２３／１１

朱古力：婆婆話我肥仔，所以買架車仔比我，咁第時去美容／打針呀，咁就可以有車仔坐，唔洗婆婆抱或者要我自己行喎，不過狗地都係鐘意髮奶你�扆芵`牌車車多ｄ喎，笨屎都好丫∼唔知車車出門，有冇得退換呢？

．．．西貢蕉坑．．．２７／１１

沙律：媽媽今日帶左我同糕豬街街呀，我地去左西貢蕉坑玩，因為第一次黎，所以冇帶ｍｏｕｓｓｅ同朱古力，我做媽媽既黎探下路睇下咩環境先，周圍環境都幾好，仲有個自然教育徑可以行添，不過原來呢到停車場四點半就閂門，公園就閂五點既，所以今次只係行左一陣就要走ｌｕ，下次我地要早ｄ出門口，黎行個教育徑做隻健康的狗狗！

．．．過大海．．．２８／１１

媽媽今日過大海玩，記得買盒蘿蔔杏仁餅比兔地做手信哦！！

:: ｎｅｘｔ ::