．．．仔妹聖誕咭．．．０１／１２

收到仔妹咭既聖誕咭，好靚呀！多謝呢∼

．．．彭彭．．．０４／１２

沙律：今日天氣好好呀，有太陽得黎又好涼爽，所以有好多汪汪同我地一樣，都去左彭福公園玩，雖然我地生得細粒，不過望望周圍我諗都有過百個朋友仔黎左呢，尤其是大汪汪，真係有好多呀，不過我地係唔會怕佢地大隻既，為左唔好比佢地以為狗地細細粒好蝦，所以我地一見到大汪汪就撲埋去吠，哈∼係咪好威呢！！可能因為天氣涼爽唔熱，所以跑極都唔覺累，第一次去彭彭跑草係全程都冇休息過呢，唔係佢要閂門，真係唔想走呀！！汪∼

．．．咬屎你呀紙皮箱．．．１１／１２

兔地休息緊，唔準影相呀！ 咦…唔係喎，好似有ｄ野喎… 有大紙皮箱玩正呀！兔地最鐘意就係挖挖挖咬紙皮架喇，我咬屎你呀咕∼

．．．有機田園蘿蔔仔．．．１２／１２

表姐係唔記得邊處租左塊田種黎野，尋日去既時候買左ｄ有機蘿蔔仔比兔兔食，因為未經處理，所以有好多泥痴住，花左ｄ時間去洗乾淨，ｄ蘿蔔仔都幾肥嘟嘟，ｄ葉又新鮮，矇豬同ｃｃ都好鐘意食呀，見到佢地將一大撮草塞入個口到，都幾搞笑∼ 矇豬：蘿蔔仔同ｄ葉真係好好味哦，可唔可以分多ｄ黎食呀？ ＣＣ：點解好似咁快就食晒咁既？媽媽，不如比多少少兔地食丫∼兔地好乖架！

．．．兔地愛打邊爐呀！．．．１３／１２

媽媽話咩天氣凍打邊爐喎，所以買左好多菜菜分左ｄ比我同家姐食，有唐生菜啦，菜芯啦同油墨菜，仲有尋日未食晒既蘿蔔仔添，好豐富呀！如果成日都咩打邊爐就好ｌｕ∼ 天文台話呢幾日都凍呀，不如黎緊呢幾日都打邊爐丫∼兔地想食咩菜、咩菜、同埋咩菜呀！

．．．大口仔．．．１５／１２

今日買左個玩具比阿ｂ，好搞笑哦！變左大口仔呢∼

．．．蘿蔔唇膏．．．１６／１２

蘿蔔好味道，又可以當做唇膏黎搽，睇下我咀仔有少少橙橙地色幾性感∼

．．．天寒地凍．．．１７／１２

天寒地凍，最好就係訓覺架喇，唔好阻住狗地啦…ＺＺｚｚｚ…

．．．我飛呀∼．．．１８／１２

點解同我執屎盤要困住兔地喎？？放兔地出去玩呀！ 你唔放我，我都有方法出到去，我∼飛∼呀∼

．．．賣米露莎．．．２２／１２

放工時經過玩具舖，看見有個聖誕賣米露底頭飾，貪得意就買了回來囉，戴了在朱古力頭上，很爆笑呢，變了米露莎哦！

．．．聖誕咭∼．．．２３／１２

收到ｍｏ媽寄黎既手整聖誕咭，謝謝呢，好有心思好靚哦！！

．．．西頁蕉坑．．．２６／１２

沙律：今日輪都輪到我地一家四口去慶祝誕誕節喇，豆咪帶左我地去西頁蕉坑玩呀！ 到左之後就坐低食ｄ野醫下肚，然後去行山∼ 等埋我地啦，唔好行咁快啦！！ 仔：乜你地行得咁慢架，快ｄ啦！ 原來個教育徑好短架渣，話咁快就行完ｌｕ∼ 跟住就緊係唔少得ｄ影靚相時間，睇下我地幾醒神！！ 話明慶祝誕誕節，緊係唔沙得誕誕大餐啦，我地今晚有長通粉火雞伴狗糧食呢，好好味呀！！     矇Ｃ：我地都要慶祝誕誕節呀，媽媽整沙律所以分左ｄ富士蘋果我地食，仲有羅馬生菜添喎，好味∼

．．．邊爐菜菜∼．．．２８／１２

ｄ大人又咩打邊爐喎，所以我地又有好多菜菜食喇，除左之前食剩羅馬生菜，仲有白菜仔同菜芯添喎∼

．．．一盤蕃茜．．．３１／１２

今日行過城市超級，本來想搵有頂甘筍比兔兔既，點知唔見有，但又比我見到一盤盤既ｈｅｒｂ賣，結果選了盤蕃茜，哇∼可以慢慢食囉∼

:: ｎｅｘｔ ::