矇C日記

．．．蕃茜．．．０１／０１



媽媽尋日買左盤蕃茜番黎，今日ｃｕｔ左ｄ比我地食，好新鮮好好味呀！


係呀好好味呀，不如叫咪咪去買多幾盤唔同既香草比我地食丫～

．．．人狗同樂百萬行．．．０８／０１


我地咁ｆｉｔ，緊係參加至ｆｉｔ人狗齊毅行路線啦，全程行２個鐘，等我貼番個百萬行貼紙係件衫衫到先～

汪汪～加油加油，就到架喇，我要比心機行呀行，不過腳仔有ｄ軟呀，抖一陣先再行好冇呀？

途經貝沙灣，影番張相相先，似唔似人地個ｄ咩賣樓盤廣告呀？想搵狗地拍廣告，聯終我經理人咪咪啦，電話係汪汪汪汪汪汪汪汪～

係數碼港個度既海濱公園留倩影～
今日係第二年參加ｓａａ舉行既人狗同樂百萬行，上年帶左ｍｏｕｓｓｅ去行，今年帶左沙律，由大口環道行到去數碼港，不過覺得今次冇上次安排得咁好，上次等齊人有個開步禮咁之後先齊齊出發，氣氛好ｄ，但今次去到各自登記完就開始行，所以ｄ人都行得好散，加上沿途都係馬路，前後都冇咩人同狗，所以似自己係到拖狗散步多ｄ…全程行左大概兩個鐘頭到啦，行到尾尾沙律都開始扭計唔多肯行，好彩同佢打打氣沙下ｂｅ下咁都行到去終點，本來大會安排左係數碼港個商場內有ｄ話劇之類既表演，但狗狗被拒入內，雖然有個狗狗暫托服務，但都唔會有主人為左入去睇ｓｈｏｗ而放低隻狗狗唔理架啦，所以入面都幾冷清，而行完百萬行，都只係１點左右，但因為預ｄ人會入商場睇ｓｈｏｗ，所以旅遊巴就安排左三點半先黎接送……　不過好彩附近都有個公園可以跑下草，唔係就慘喇，要呆等兩個鐘先可以上車，呢個安排實在唔掂呀！希望下年可以安排得好ｄ，起碼唔好行馬路邊，同等齊人先一齊行，好氣氛ｄ啦～

．．．點睇都咁靚．．．１２／０１




點睇，我都係咁上靚呢，就算睇唔到個樣，都一樣咁吸引！
係呀好好味呀，不如叫咪咪去買多幾盤唔同既香草比我地食丫～

．．．吊吊草．．．１３／０１


矇豬：都唔明做乜要兔地企直直大力扯先有草草食既，就咁放係個草兜都咪得囉…咪咪真煩呀！

ＣＣ：間屋有個兔兔吊飾幾好丫！有Ｄ生氣麻～兔地想要都冇呀…咪咪偏心呀！

．．．菜菜．．．１６／０１



菜菜真係好好味道呀！

．．．影呀影．．．１８／０１


做咩成日影兔地食菜架？比兔地靜靜地食下菜菜食下番茜得唔得？

等我匿埋係個紙箱入面避下鏡頭先！不過有咁大棵油墨菜，都係出番黎食菜菜好～

數三聲好收埋相機喇下～	丫～～好喇，唔好再影喇！兔地嬲架喇！

等我都學家姐匿埋係個紙箱入面食野先～

．．．貓狗大戰．．．２１／０１

今日帶左三隻ｂｂ去寵物店洗白白剪毛扮靚靚，咁岩屋企出面樓梯又油灰水，為左方便舅母出入，所以冇閂屋企大門，跟住去接ｂｂ番屋企，安頓好入房坐低既時候，就聽到佢地係出面打交喇，開頭都唔為意既，不過跟住聽到ｄ比較生面口既ｗｅｌｉｗｕｌｕ聲，伸個頭出去望下，就見到三舊灰色野加一舊灰色毛毛，原來樓上阿花花落左黎，有貓入侵地盤，所以幾隻野就打起上黎喇，見到咁混亂既情景，即刻樸出去一手攬住兩隻ｂｂ，淨番個隻就追住阿花出左門口，再檢查一下，好彩沙律同ｍｏｕｓｓｅ都冇受傷，係朱古力個頭頂抓到一條痕，同眼角眼下方損左少少，呼～嚇屎！