矇C日記

．．．新年睡寳寳．．．０３／０２


新年最好就係覺覺豬囉，係我睡寳寳ｍｏｕｓｓｅ～

．．．做清潔＠跳高高．．．０５／０２


喂咪咪，麻煩你快手ｄ做清潔丫，兔地冇咩耐性架渣，快ｄ掃乾淨個地啦～

跳上去個陣唔覺，乜原來咁高架？死喇…點跳番落去呢？有ｄ驚驚添…

．．．估下我係邊個．．．０９／０２


估下我係邊個？？	不過估中冇獎喎！

睇下家姐幾曳曳係到咬籠～	我乖所以可以出黎玩！！

．．．矇豬鬼影臉．．．１２／０２


咪咪快手ｄ執籠啦，冇狗入侵兔地地盤呀！！等我洗出矇豬鬼影臉嚇走佢先，ｗｕ～～～

．．．五歲牛一．．．１３／０２




今日係我矇豬五歲生日，咪咪終於冇唔記得喇，算佢啦，放工都去買菜菜比兔地食，好味道哦！

．．．ｍｉｋｏ＠ｍｏｕｓｓｅ．．．１７／０２


今日ｍｉｋｏ黎左玩呀，唔知點解ｍｏｕｓｅｅ成日都攬住ｍｉｋｏ係到ｕｎｕｎ，女仔人家，咁唔斯文既，真係失禮晒呀～

．．．破壞皇．．．１８／０２

今朝一早，就收到投訴，一係我放左兔仔後唔記得閂廚房門，二係矇豬走左入廚房大搞破壞，開左雪櫃門（都唔知點解可以開到既？）拉跌左入面ｄ野，咬爛狗狗尿布，咬爛裝滿兔仔屎尿草既膠袋，成廚房地下都係，仲影晒相有證有據，噢……

．．．再來破壞皇．．．２１／０２



矇豬：咪咪今朝番工又唔記得閂廚房門，咁兔地緊係要入去兜個圈啦，點知比兔婆捉個正著，仲拎住部怪獸閃我，話咩…影低罪證喎…不過兔地係唔會怕架！！只要搵到機會走入黎，一定唔會放過架～

．．．重新學習上廁所．．．２１／０２

ＣＣ：過多一個月，我就五歲生日ｌｕ，而學先再重新學習上廁所會唔會太遲呢？咪咪朋友隻兔兔又係好似我咁唔識去廁所，不過自從去寄養過番來後就學識，所以挑起左咪咪條筋，放左個三角廁所係我屋企，仲用食物引我企上去，不過我屎都唔肯，今日，又買左個新既廁所番黎，唔知點解，我同佢一見如故，企上去好有安全感，唔似得個ｄ三角形既細到屎，企上去好似就跌就跌咁，哼～咪搞我呀！！