．．．彈彈跳＠食食食．．．１／０５
為左證明兔地活力充沛，彈跳力有番咁上下，梗係要跳上跳落啦，順便做做運動，所以咪咪唔好鬧呀∼
家姐好奀皮架，唔似兔地咁乖，只要有新鮮草草，兔地可以不停咁食．食．食．食．食…
 


．．．啫喱哦．．．１／０５

小朋友就黎３個半月大，去打埋第三支針就可以出街街喇，好想快ｄ可以帶沙律一家同埋啫喱一齊去街街呀，順便同佢地聯宜下，做個好朋友∼
 


．．．屎都要坐！．．．2／０５
今日同朱古力剪毛，真係救嗌晒救命，剪左一陣，呢隻肥朱仔就唔肯企要坐喇，就算我放ｄ野係佢屁屁到阻住佢，佢都係要坐低扒係樹，真係激屎，乜唔覺得屁屁有野頂住唔舒服架咩？結果我輸左囉…唯有屈服一手托住廿磅有多既阿仔，一手同佢剪，剪一陣要抖一陣，結果搞左２，３個鐘先搞得掂…手都痺呀…
 


．．．想困住我？難喇∼．．．３／０５
想困住我？好難喇∼　睇我矇豬表演啦∼
準備，１∼２∼３∼我飛呀！！
 


．．．清潔屁屁．．．４／０５
早前發覺矇豬個屁屁有ｄ尿漬死毛，見佢好一陣子自己都冇清潔佢，所以我就動手喇，不停抱起、逃脫、抱起、逃脫…最終都係我既耐性贏左，矇豬乖乖就範，比我剪甲同清潔屁屁，不過之後佢就發皮四喇，哩左係個廁所後面，仲唔啋我添…
 


．．．食菜可愛樣．．．１１／０５
咪咪話我食菜個樣最ｃｕｔｅ喎，嘻∼兔地就覺得點睇都咁ｃｕｔｅ啫∼
咦…點解右邊黑媽媽咩都睇唔到既？　原來係ｄ菜菜曳曳蝦我，等我食晒你先得，遮住我丫拿∼
 


．．．肚仔唔舒服？．．．１２／０５

夜晚去餵矇豬食晚飯，發覺佢唔多妥，平時我行緊埋去己經開始咬籠呀，勁緊張咁哄兜糧，點知今晚冇反應，跟住即刻去洗菜啦，點知放到咀邊都唔食， 連蘿蔔乾都唔食， 廁所屎尿比平日少， 摸摸頭，發覺開始換毛喇，於是乎同佢梳左一大堆毛毛出黎，跟住再試下餵菜菜，都係唔食，波波坐左係到…摸下肚仔好似比平日漲，去搵支ｉｎｆａｃｏｌ啦，點知過左期…ｃｒｉｔｉｃａｌ　ｃａｒｅ啦，又過左期…激屎…通常ｄ看門口野都係過左期先需要佢既…
結果觀察左一陣，決定浸ｄ糧黎ｆｏｒｃｅ　ｆｅｅｄ，幾經辛苦叫餵到佢食左少少，食到成個下巴污漕晒，佢都冇做清潔，一反常態，應該真係好唔舒服喇，唔知係入面牙仔有問題，定係個肚仔…期間同佢按摩肚仔時，聽到兩次“咕嚕∼”咁既聲，不過唔肯定係佢發出黎，定係我…（因為己經半夜我好肚餓…）希望係佢啦，排左ｄ氣出黎舒服ｄ，擔心屎人…跟住隔左一陣，就發覺佢食左少少油墨菜個尖尖，之後再手餵佢，佢都食左少少，不過好咀刁，只係食個尖尖位…
之後再同佢按下肚，過左陣，開始肯自己食番野喇，真好！嚇屎我喇∼∼之後仲痾左兩粒屎屎，雖然好細粒，總好過冇丫，囡呀囡，乖啦，唔好嚇咪咪啦∼
 


．．．雞卷．．．１４／０５
母親節，大人有大人既節目，咁家中小朋友呢？沙律都係媽媽黎喎，所以都應該同佢慶祝，早前買了狗痀食譜，選了個最容易的雞卷來做，只需買些雞肉回來切薄片，再買點青瓜及甘荀來切絲就行了∼
包好的雞卷，準備拎去蒸喇。
蒸到７，８成熟就拎去焗，等佢乾身ｄ。
焗好喇！
可以上兜喇，好味道哦！
好好味呀！

另外今朝起身，矇豬應該冇事喇，見佢肯食番糧，到夜晚餵糧時，都有咬糧哄糧兜，表現雀躍，出到黎就有周圍跑下咁，噓∼冇事就好，嚇屎阿媽喇∼
 


．．．衰仔咬人咬狗．．．１５／０５
今日啫喱去打第三針，番黎時經過我地門口，見到媽咪鬼咁開心係到撲，所以媽咪就去摸下佢啦，點知阿仔見到媽咪摸啫喱唔鐘意，走埋去撲，一咬就咬錯隔黎，媽咪手臂即時一個大窿，跟住再咬，就咬住左啫喱隻手，搞到佢嗚嗚嗚咁喊，跟住隻手仔就流血喇…正一衰仔黎架！！
 


．．．睇醫生．．．１６／０５
最近ｍｏｕｓｓｅ皮膚都唔係咁好，本來打算尋日同佢去睇下醫生，不過醫生有急症要做手術，咁我又唔係急住要睇，所以就改左今日去，去到岩岩有個症隻狗要留院，所以都等左好耐，跟住入到去，就問左一堆問題，之後就話應該係疥癬蟲喇，因為會傳染，所以朱古力同沙律都要一齊杜疥癬，要滴三支葯水，分兩個月滴， 不過就淨係ｍｏｕｓｓｅ要食葯同打針，希望快ｄ好啦∼

其實都有ｄ懷疑係咪真係疥癬蟲，因為冇照燈又冇刮ｄ野係顯微鏡睇，番到黎上網睇下啦，疥癬蟲屬蜘蛛類，肉眼睇唔到，會鑽入狗狗皮膚然後產卵，會令狗狗極度搔癢，最先出現係耳仔、液下及肚仔這些毛髮較少既地方，會有紅腫／粒粒既情況出現，跟皮膚敏感的情況相似…

轉過好幾隻大家都說對皮膚好既糧，情況時好時壞，希望如果真係疥癬蟲的話，完左今次既療程之後會好ｄ啦，唔係就可能會試下去睇中醫，慢慢改善下皮膚問題喇∼
 


．．．特價羅馬生菜．．．１８／０５
ＣＣ：媽媽本來去吉豬島買菜菜比我地食，點知佢好夜先去ｄ菜菜唔靚，咁岩羅馬生菜做特價，所以就買左喇，兔地希望媽媽成日夜媽媽去買菜，ｄ普通菜菜又成日唔靚，羅馬生菜又成日做特價……
矇豬：阿妹講得岩，兔地舔脷支持，咪咪多多買羅馬生菜！！
 


．．．食食食．．．２１／０５
做咩拎到住ｄ菜菜呀？菜菜係兔地食架，唔係你食架！
番莤好好味∼
要大大棵食先夠滋味∼
下…咩呀…食得好冇儀態咩？
 


．．．一小撮慢慢食．．．２２／０５
我就唔似家姐咁冇儀態喇，一大棵番茜逐小撮逐小撮慢慢食，最多係噤住個兜兜架啫∼
 


．．．跌左落去…．．．２４／０５
放矇豬之後，唔記得閂番個放雜物既狗籠頂，結果有隻奀皮兔跳左上去玩，咁岩有包尿布用完所以有個大位吉左，又咁岩吉左既位打斜放左塊雲石係樹，奀皮兔跳上去後就跣左落去，幾經辛苦跳下跣下先上番到黎，好鬼狼狽，呵呵，睇你仲敢唔敢咁奀皮！
點解咁跣腳既？我跳呀跳呀∼∼
終於上番黎喇…嚇屎兔地喇…
 


．．．繼續跳．．．２６／０５
雖然先兩日跌左落個窿窿到，不過我今次好小心喇，先跳上個邊邊先，肯定個頂頂閂左，
先繼續玩，兔地最鐘意扯入面ｄ狗尿布出黎咬架喇，感覺好爽架！！
 


．．．飯餅餅．．．２８／０５
矇豬：多謝飯太請兔地食既餅餅呀，好好味哦！因為見咪咪之前食左一隻兔耳仔，兔地驚咪咪會搶，所以食多兩啖就好叻咁咬住塊餅由個廳跑跑跑去個籠到食，係咪好叻呢？
 


．．．飯餅餅．．．２９／０５
見家姐食得咁開心，我又試下先∼果然好味道哦！
 


．．．整蛋糕．．．３０／０５
１／６係沙律生日，因為聽日係公眾假期，所以就決定提早一日同佢慶祝，今日就係屋企準備一下，整香蕉蛋糕同蘋果批，個蘋果批都唔錯，不過香蕉蛋糕就因為唔記得係個模到掃牛油，所以起出黎時爛左，同中間個頂頂烈開左…
 


．．．沙律五歲生日大尾督遊．．．３１／０５
沙律：今日係我五歲生日，本來約左朋友仔去南生圍玩，不過因為朝早都仲係落大雨，所以改左去大尾督食野，因為驚其間會落大雨，所以淨係得我一個去渣，食完野見都好似幾好天，就行左去堤壩個邊喇，人唔算太多，吹下海風好舒服哦！！夜晚番到屋企，仲有蕃茄薯蓉食添喎，好開心呀！

．．．晚餐時間．．．
 


:: ｎｅｘｔ ::