．．．軟綿綿好舒服．．．０３／０６
朱古力：地下硬掘掘，都係訓係Ｄ咕0臣上面軟淋淋舒服，ＺＺｚｚｚ…汪∼
 


．．．依家唔食住，留番夜ｄ先．．．０５／０６
Ｍｏｕｓｓｅ有個習慣，就係餵飯飯時唔想食，就會圍住個兜用鼻鼻由外掃入個兜到再頂一頂，意思應該係周圍搵ｄ野“ｏｗｎ”埋兜收埋佢，今晚餵佢時岩岩地地有張報紙，佢就好醒咁拎份報紙遮住兜糧喇，再係上面頂兩頂，搞掂！收埋左喇∼
 


．．．爬高ｄ．．．０８／０６
沙律：狗地最怕就係落大雨喇，ｄ雨水打落地下滴滴撘撘咁就真係好恐佈呀，所以我要爬高ｄ，等ｄ雨水唔好打到我∼我爬呀爬呀∼∼汪∼
 


．．．行雷好驚驚呀．．．０９／０６
轟∼隆∼∼轟轟∼隆∼∼轟隆∼∼隆∼∼

Ｍｏｕｓｓｅ：
好驚驚呀…行雷會唔會劈到我架？都係哩埋係檯底穩陣呀！嚇屎狗地喇…汪∼
 


．．．比多幾粒啦．．．１０／０６
咪咪米咁孤寒，比多幾粒糧黎食下啦∼
 


．．．唔舒服呀．．．１１／０６
尋晚去左睇波今朝天光先番屋企，番到黎媽咪冇幫我放兔同餵兔，於是乎我拿拿淋去餵矇Ｃ兩姊妹啦，點知發覺ＣＣ唔多妥，唔肯食野扒係籠入面，養左兩兔咁耐，只係試過矇豬唔舒服唔肯食野，雖然ＣＣ係減左糧同狂食草下仍然有軟便問題，但都冇試有咩唔舒服唔食野既，今次係第一次，同佢搓左肚仔一陣就去左訓，等佢自己休息下，不過可能因為掛心都訓唔著，所以都係出左去陪佢，過左個幾鐘都冇咩進展，淨係合埋眼扒係籠入面訓，於是乎抱左佢出黎ｆｏｒｃｅ　ｆｅｅｄ，可能佢唔太舒服所以都冇咩點反抗，再過左陣我就訓著左喇，到再醒時見個兜兜ｄ糧仲係到，跟住媽咪問我ＣＣ做咩，咁我話佢唔舒服唔肯食野啦，點知媽咪話“唔係喎，我頭先出黎時見佢食喎，跟住我又加左少少糧比佢囉”，之後到晏晝，就見佢開始肯食番草喇∼噓∼嚇屎∼
 


．．．唔會鬧我既．．．１２／０６
ＣＣ：我尋日唔舒服，唔舒服係大晒架，所以偷走入廚房玩，應該冇問題既∼
咪咪唔會鬧我既∼係咪？鬧我影響我心情，我又唔食野架喇喎∼
好野，唔洗鬧之餘仲有菜菜同香草食添！！

矇豬：因為阿妹唔舒服，咪咪淨係放佢出黎玩，我係咁咬籠咬左好鬼耐都唔理我，等呀等，終於等到放出黎玩，好嬲呀！！要盡情食菜菜發洩一下！！
 


．．．菊花咀．．．１８／０６
去完旅行番黎，第二日就要開工喇，開咩工？之唔係幫蛋糕剪毛囉，第一次剪菊花咀，雖然冇寵物店剪得咁靚，不過都ｏｋ啦，清爽晒∼
 


．．．請ｄ黎食丫∼．．．１９／０６
矇豬：咦∼好似有野食喎，去望下先！ 喂∼沙律，請ｄ蘿蔔同狗糧黎食下丫∼
沙律：ｄ蘿蔔煲淋晒唔岩你食架！仲有你係食素架，狗糧都唔岩你食架！ 矇豬：唓∼洗唔洗咁孤寒呀，唔請咪唔請囉∼
 


．．．留院．．．２４／０６
好擔心，矇豬唔舒服，入左大圍珍禽異獸醫院留醫…

尋晚餵矇豬食糧時佢表現都雀躍，點知到半夜發現原來佢冇食到ｄ糧，之後個樣又唔多舒服，菜菜都冇興趣，摸佢肚仔有少少漲，但冇過往有問題時漲得咁勁，同佢按摩左一陣就比佢休息下，之後到５點到去望下佢，都係唔食野，肚仔好似比之前漲左，就餵左 Infacol 同再按摩下，再過左陣好似冇咩起色就餵佢食左少少草粉。

跟住到今朝，發覺佢都係唔妥，就打左去大圍約 ，然後帶佢過去睇，今次睇矇豬既係 Dr. Justin ，聽左矇豬既情況再摸摸摸，就估計係有胃氣，因為腸就摸唔到有野塞住或者有腫瘤，但個胃就漲到好似醫生拳頭咁大，因為都幾嚴重，所以靠葯物未必夠強可以排到ｄ氣，就建議做個全身麻醉既手術，放一條喉入個胃到排番ｄ氣出黎，仲話好彩及時帶左佢黎，唔係過多幾個鐘頭都未必有用可以救到佢，聽到呢到己經忍唔住變左豬頭…之後擾攘左一陣，就決定比佢做，咁醫生就即時帶左佢上樓，同埋會同佢照張 Xray，就叫我去食ｄ野做完手術再打比我。

跟住過左一陣，半個鐘鬆ｄ到診左就打黎，話 Xray 顯示ｄ腸入面有氣但就冇異物，而個胃呢，就得好少部份係有氣（後尾睇左 Xray，一個男人拳頭咁大既胃有大概一個５蚊銀到大小係氣黎），咁放 tube 時排左少少氣出黎，但胃入面既野就因為太杰而排唔到出黎，咁麻醉之後矇豬都開始醒，咁醫生話等佢醒晒時就會落葯幫助佢ｄ腸郁得好ｄ，希望佢自己可以排番ｄ異物出黎。

之後３點到去睇佢，精神都唔係太好，坐埋左一角，跟住發覺佢吊鹽水既管咬斷左…即刻話左比姑娘聽，咁就同佢換左支新，同埋用繃帶包住左，等佢咬時叫有野隔住左先，跟住冇幾耐又發現近手仔位置條管咬開左漏鹽水…因為呢部份條管有一邊係駁住手仔支針，所以要由醫生黎換，見住醫生要拆開包住手仔既繃帶，然後因再換過支管又流左ｄ血出黎，真係好心痛…之後包包包好左，仲要戴埋個頭罩入番籠，見佢發脾四挖左幾挖，手仔就有血滲出黎，應該係條管爆左…跟住又要醫生拆一輪，換管再包包包，跟住再入番籠，到差唔多６點到離開既期間都冇再咬，只係縮左係角落頭…同今次醫生摸佢肚仔時，就話冇之前咁硬，但就都係好漲，所以仲係好危險，今晚對矇豬黎講好緊要，如果聽朝個胃比而家個 size 細一半，咁情況就好好喇，如果唔係就只有做手術拎ｄ異物出黎，但手術風險就好高…

之後我７點鐘到又番黎睇佢，檢查支管，發覺有一截仔既繃帶濕左，拉開黎睇條管又裂開左…咁又要等醫生上黎同佢拆同佢換，見佢手仔ｄ毛都變左紅仔喇…醫生都冇佢辦法，因為個胃漲左怕厭住ｄ血管，令到佢血厭低缺氧休克，吊住鹽水可以幫助維持血液流通，所以醫生都決定繼續同佢吊鹽水，不過見佢精神好番ｄ，仲識得咬報紙，換好支管後醫生再摸佢肚仔，就話都好左好多，不過因為夜晚佢地冇人係到，所以如果佢再咬斷左支管咁都幫唔到佢，唯有聽朝同佢打皮下鹽水，不過就話睇佢而家既情況黎講應該都唔太擔心既…

臨走時見矇豬都食左幾條草，希望佢唔好咬斷條管啦…
 


．．．大步覽過出院喇．．．２５／０６
今朝較定鬧鐘起身等醫院電話，大概半個鐘到就收到電話喇，咁醫生話矇豬個胃都冇再漲，有少少屎，不過就好細粒既，同都冇再咬爛條管，仍然ｏｋ吊緊鹽水，今日朝早會再同佢打一針 metoclop ，到下午就可以轉用口服既，如果我想既話，今晚可以接佢出院，又或者係到留多一晚等佢再穩定ｄ先出院都可以，如果想探佢咁可以晏晝黎咁話。

之後晏晝就去買左ｄ菜啦，本來想買矇豬最愛既油墨菜，不過周圍都冇，所以最後買左小棠菜同唐生菜，番屋企洗好就準備去探矇豬喇∼

去到醫院，見到佢精神左好多ｌｕ，有呢度哄下個度哄下咁，仲有自己食下草添，跟住我餵ｄ菜菜比佢佢都有食，不過之後就發現佢吊鹽水條管有個位好濕，但有繃帶紮住又見唔到有爛到，不過摸落去都似裂開左，咁就同左姑娘講啦，再檢查下係真係斷左哦！！

話左比醫生聽之後呢，醫生話唔會再同佢換管繼續吊喇，因為都冇用，本來諗住如果會繼續吊既話就比矇豬留多一晚，不過既然會拆左個鹽水，咁所以都係決定帶佢番屋企喇，番屋企之前醫生都再摸下佢肚仔，咁個胃既尺寸變番正常啦，冇再漲，番到去一日要餵３次葯，食５－７日，同埋餵下草粉咁，搞掂埋ｄ手續之類就帶佢番屋企喇∼

沿途矇豬都應該幾緊張同驚驚，因為佢舔我隻手哦！！咁番到屋之後既個零鐘啦，精神都冇係醫院咁好 ，可能坐完車仲有壓力啦，比菜菜都唔食，不過就都有屎屎既，但就比較細粒同埋有ｄ係軟便黎，跟住餵左佢食少少草粉啦，佢又肯自己食左幾啖菜，精神就開始好ｄ喇，之後媽媽番黎同我買左油墨菜，咁去洗乾淨比佢食啦，一聞到係油墨菜渣，就坐番起身一口氣食晒成塊葉喇！咁之後都有痾下屎痾下尿食少少菜少少少沙糧啦，不過就冇走出個籠到只係扒係入面，同埋仲未肯食草…明明係醫院佢食架喎，但番到黎就唔食，唔通病完口味轉左，唔鐘意食開既ａｐｄ要食醫院既ｏｘｂｏｗ？　

點都好啦，見到佢而家既情況就放心喇，矇豬要乖呀，知道麻∼
 


．．．精神番ｄ喇．．．２６／０６

今朝早醫院打電話黎，跟進下矇豬出院既情況，睇下有冇咩問題咁，我覺得幾好幾負責任哦！

起身之後去望下矇豬，見個廁所都有一小堆屎，雖然仲未係大大粒，不過都唔錯啦，而尋晚比既兔糧就未食晒仲有少少，咁我又比左２羹佢同埋比塊菜菜，之後都定時一個鐘到啦就比塊菜菜佢，肯定佢係有胃口肯食野既，咁可能一直都有菜菜食既關係，所以番來咁耐都冇飲過水樽既水，不過見佢有尿尿應該都可以既，至於食葯，佢都好合作，因為聞落去ｄ葯水甜甜地，所以佢都唔抗拒，不過就真係唔多肯食草。

唔肯食ａ記草，咁我就走去買左包ｏ記既 Timohty 同 orchard grass啦，本來想買埋oat hay，不過見佢grain hay 都冇興趣咁所以冇買到，之後順便走去買包意大利蕃茜，番到黎開左包 orchard grass ，比左ｄ矇豬食，佢聞下聞下就食左少少喇，之後我放左ｄ係個籠入面同係隻吊吊兔到，佢選擇抬頭扯吊吊兔既草，而唔要鼻哥頭張開口就食到既草草，真係奇怪哦！之後又換左ｏ記 Tim草比佢，不過都係唔食喎，淨係食 orchard ，好彩住佢隔黎有隻軟便剪草機，咁同矇豬換ｄ新鮮草，舊個ｄ（其實都係擺左幾個鐘者）拎過去比ＣＣ，就即係“o集o集o集”咁食晒喇，唔洗浪費真乖∼

到夜晚，開左矇豬個籠，終放肯出黎走走，雖然冇話好似平時咁生猛跳上籠頂搞搞震，不過有意欲出籠走走都好好喇∼


題外話，同矇豬去睇側田醫生個陣，醫生建議要做手術時講左一句說話，雖然當時我好亂，但唔知點解印象好深，覺得一個獸醫真係好偉大好值得尊重哦！

“It is a life rescue, I can do it!”

很喜歡 Lift Rescue 這兩隻字，其實當時對Dr. Justin信心唔大，因為都係第一次接觸佢，之前連佢個名都未聽過，全身麻醉手術喎…可能當時醫生見到我個樣都好焦慮冇咩信心又喊晒咁，所以都講左幾次“I can do it”，咁之後做完手術矇豬多次咬爛吊鹽水支管要醫生換，醫生都好有耐性幫佢換，又諗辦法點可以令佢唔再咬條管，膜到佢肚仔細番冇咁漲時又笑住咁講“It's worth!!”，令我覺得佢真係好有心去拯救一條小生命，而唔係因為佢係一個獸醫，所以就履行職責去醫你既寵物，可能佢既經驗、技術都冇老虎咁好，但係我真係好欣賞佢好有 Heart 哦！多謝你呢側田醫生∼


矇豬做完手術個日既夜晚，好慘哦，要戴罩又包實隻手手…
 


．．．精神番好多喇．．．２８／０６
矇豬今日既情況己經好左好多喇，痾番ｄ大粒屎啦，餵糧時會哄埋黎搶啦，出黎玩時會係廁所以外地方擺低幾粒，見到我行出黎就會走埋黎睇下有冇得食，唯一係食草草方面有ｄ簡擇囉…咁食埋聽日葯就可以停，停左葯之後如果都繼續痾大粒屎肯食野，應該就冇問題喇∼
唔知兔仔係咪會知道同伴唔舒服架呢？下面兩張相係矇豬唔舒服個晚影既，ＣＣ竟然唔驚家姐走去茶几底舔舔佢哦，平時佢只會企係出面望，望兩望矇豬都冇郁過，佢就好驚青咁自己跑番入籠，唔通佢知道家姐唔舒服所以要照顧佢？ＣＣ好乖哦！！
   
＜－　吊鹽水隻手仔哦！實好痛定喇 ！＿＿！
   
精神番好多既矇豬，會因為想食菜菜跟住我跑，仲肯同阿妹舔舔添∼
 


．．．搶菜菜．．．３０／０６

今日停左葯，咁矇豬胃口都好好喎，仲同我搶菜菜食添，而屎屎量都算唔錯咁啦，放心晒∼
 


．．．努力捉呀搶呀．．．３０／０６
阿仔：呢幾日婆婆話姨媽唔舒服，所以叫我地唔好玩咇咇波，好嘈喎∼咁好啦我玩捉捉啦，點知婆婆又唔同我捉，話我地玩起上黎好癲，汪汪聲就好嘈喎…結果只可以好斯文咁玩下拋公仔拋波波呀，慢吞吞咁玩捉捉，難得婆婆終於好落力咁同我地捉，所以我都玩好落地咁同佢搶∼汪∼
 


:: ｎｅｘｔ ::