有隻兔突跛左狗狗既防線，一支箭咁衝左入媽咪床下底玩，狗狗趕到黎時己經太∼遲∼喇！
己經哩左入去玩ｌｕ∼
。。。突破狗狗防線－０６／１１。。。



唔知關唔關天氣事，呢幾日矇豬好活躍呢，衝左幾次入媽咪房床下底玩，朝早又走入琴房搞搞震，捐來捐去散下屎咬咬咬，不過見到小朋友咁活躍，反而好開心呢 ^_^
。。。捐來捐去 －０９／１１。。。



今日約埋ｍｉｋｏ，一齊去左粉嶺鶴藪行下跑下，聽日係ｍｉｋｏ小朋友生日，祝小朋友身體健康呢∼
蛋糕：家姐，我地行快ｄ唔好包尾呀∼ 蛋糕：喂阿哥，你ｃｌｉｃｋ住左我條孖帶呀！
朱古力：好攰呀！抖抖先∼ Ｍｏｕｓｓｅ：乜細佬咁冇用架，大大份要抖∼
ｍｉｋｏ：唔好抖喇大家行快ｄ啦∼ 知喇知喇，行緊喇∼
（小朋友行錯路喇，唔係上樓梯呀！！） 哦…知道知道，落緊黎喇等埋呀∼
ｍｏｕｓｓｅ：係咪回程喇？係咪去ｂｂｑ呀？ （好鐘意呢張相呢^_^）
行完鶴藪就去左呢個香薰園到燒野食，可以比汪汪入真係好呢，而且食物味道都唔錯，值得再去呢∼
。。。遊鶴藪－１１／１１。。。



早前訂造既終於床送來了，雖然舊的還未爛，但想小朋友多點空間，所以就張我睡的部份升起來，下面的空間就留給小朋友，仲有個小衣櫃黎放佢地既衫仔被仔呢，好開心哦！（其實可能得我覺得好開心 ^^"）

不過見阿仔同ｍｏｕｓｓｅ都會係到休息，我諗應該…滿意我既安排掛？不過我略高估左佢地上樓梯既能力，為方便佢地跳上床，用櫃桶來做了兩級樓梯，但好像級與級間太高了，該做多一級比較好…床送來了一個星期，到今天ｍｏｕｓｓｅ才自己第一次跳了上來，阿仔都只係先兩日先第一次自己跳到上來，不過上就容易落就難，都係要我扶住先落到呢∼
。。。我的新床＝小朋友的小天地 －１２／１１。。。


尋日一早，就帶左ｍｏｕｓｓｅ去太平道見外國既眼專科醫生，去到己經有好多小朋友係到等緊，好多都係睇眼架添，等左都幾耐下先有得睇，醫生左照照右望望，咁左眼就暫時都係好早期既白內障，所以唔需要考慮做手術住，但右眼就己經熟左喇，不過係決定做手術前，要先做個視網膜測試，冇問題先可以做手術，所以就放低左ｍｏｕｓｓｅ，醫生話冇咁快可以接番，大概傍晚到啦，所以就番屋企先∼

係等既時間，諗住去睇死亡筆記２，買好飛差唔多出門口，診所就打黎話己經做完測試係ｐａｓｓ既，咁可以安排聽日做手術，可以先接走ｍｏｕｓｓｅ聽日再番去，或者留一晚院，咁我就選擇接佢番黎先，因本來預６，７點先接得，點知突然又話搞掂但同時又買左飛，所以唯有睇埋戲先去啦，搞到邊睇邊心掛掛…搞到套戲有ｄ悶又好長又冇第一集咁好睇添∼

睇完戲就番去太平接ｍｏｕｓｓｅ喇，咁到今朝，就由公公帶佢去診所，雖然朝早去到，但都要等下午先安排到做手術，大概５點到診所就打黎話己經做完，不過就要留院觀察一晚，到聽朝再見一見醫生，檢查一下眼睛，冇問題就可以出院，希望到時檢查一切順利啦∼
。。。白內障手術－１１／１１。。。



今日公公去接左ｍｏｕｓｓｅ番屋企ｌｕ，醫生話情況良好，一星期後番去覆診，咁其間唔可以跑、跳、碰，除左屎尿唔可以去街街，唔可以晒太陽同環境唔好太光，要載住罩罩，要每天洗眼滴眼葯水塗眼葯膏，最慘係要困籠哦…不過己經佈置過小天地，籠入面放左床仔，側邊又舖左床墊，咁夜晚我可以陪住佢訓，冇人係屋企要困籠時，感覺好似好ｄ咁∼

希望快ｄ復原，下星期覆完診可以變回自由身啦∼
。。。番左屋企ｌｕ －２０／１１。。。



朱古力：婆婆今日珊逸所以請左假，帶左狗地去南丫島玩呀！狗地第一次撘船，
拋下拋下咁有ｄ驚驚哦，不過都好叻冇暈船浪喎！大約半個鐘到啦，我地就到喇∼
難得咁遠水路黎到南丫島，同婆婆拍個照留個倩影先∼
婆婆買完野未呀？我地要出發架喇∼
咦∼寫住ｗｅｌｃｏｍｅ喎，係咪狗地都入得架？
我地要由溶樹灣行去索罟灣，全程個半鐘∼
沙灘呀沙灘，我地今日要趕路呀！有機會再見你玩丫，再見喇∼
行到咁上下係呢個咩亭到抖下先∼
抖夠再上路，要快ｄ喇，天黑喇∼
到索罟灣喇，快ｄ坐低開餐先！雖然婆婆既海鮮冇我份，不過好彩狗地有自己既食物盒，有芝士腸，有魚魚，有蕃薯雞卷，有餅餅，都幾豐富咁啦，希望有機會再黎南丫島玩啦∼
。。。南丫島之行－２８／１１。。。



雖然很早就知道雲南有打狗事件，然後到北京的，但看到下面連結裡的相片，我還是忍不住哭了…

http://www.agfasia.org/1202/fact-photo.html
http://www.care2.com/c2c/share/detail/213855

這就是我們的中國。

我家的狗都高過３５ｃｍ，如果打狗事件發生在我身上，怎辦？我想我會瘋了，不如連我也打死吧！

就算要牠們死，至少也讓牠們死得有尊嚴，舒舒服服的走吧，實在沒辦法接受這種處理手法…

雖然知道沒有什麼用，但還是發了喵去奧運那裡去，知道應該有不少愛狗人仕都發過想關的喵，但多一個人，多一把聲音，盼望有奇蹟的出現，拯救那些無辜的狗狗，無助的主人。

一首很感人的歌，悼念這次事件離世的狗狗　－＞　按此

祝福所有仍在生的中國狗狗，祝福所有死在棍下的中國狗狗，希望牠們在彩虹橋幸福快樂，快點與愛牠們的親人重聚，但請，不要在中國。

。。。番左屋企ｌｕ －２０／１１。。。


:: ｎｅｘｔ ::